ကိုလံဘီယာအစိုးရနှင့် အမျိုးသားလွတ်မြောက်ရေးတပ်မတော် (Rebel National Liberation Army/ ELN) သူပုန်တပ်တို့အကြား ငြိမ်းချမ်းရေးဆွေးနွေးရန် အစိုးရ၏ကြိုးပမ်းမှုမအောင်မြင်ဘဲ ပြီးခဲ့သည့် သီတင်းပတ်ကုန်က နိုင်ငံအရှေ့မြောက်ပိုင်းတွင် အနည်းဆုံး လူ ၈၀ ကျော်သေဆုံးသွားကြောင်း ကိုလံဘီယာအရာရှိတစ်ဦး က ပြောကြားလိုက်ပါသည်။
တရုတ်သမ္မတ ရှီကျင့်ဖျင်နှင့် အမေရိကန် ရွေးကောက်ခံ သမ္မတ ဒေါ်နယ်ထရမ့်တို့သည် ဇန်နဝါရီ ၁၇ ရက် (သောကြာနေ့)က ဖုန်းဆက်သွယ်ပြောကြားခဲ့ပါသည်။ ထိုဖုန်းပြောဆိုမှုသည် ၎င်းတို့နှစ်ဦး၏ ၂၀၂၁ ခုနှစ် နောက်ပိုင်းတွင် ပထမဆုံးအကြိမ် ဖုန်းတိုက်ရိုက် ပြောဆိုကြခြင်း ဖြစ်ပါသည်။
ဒေါ်နယ်ထရမ့် သမ္မတကျမ်းသစ္စာဆိုပွဲမတိုင်မီ ရက်အနည်းငယ်အလိုတွင် ထရမ့်နှင့် ရှီတို့က TikTok ကိစ္စ၊ fentanyl နှင့် Taiwan ကိစ္စတို့ကို ဆွေးနွေးခဲ့ကြကြောင်း သိရပါသည်။
ဒေါ်နယ်ထရမ့်သည် ၎င်း၏သမ္မတ ကျမ်းသစ္စာဆိုပွဲ မကျင်းပမီ ရက်ပိုင်းအလိုတွင် Meme ခရစ်တို ငွေကြေးပုံစံအသစ်ကို မိတ်ဆက်လိုက်ပါသည်။
ပြီးခဲ့သည့် ဇန်နဝါရီ ၁၈ ရက်(စနေနေ့)က နိုင်ဂျီးရီးယား နိုင်ငံမြောက်ပိုင်း နိုင်ဂျာပြည်နယ်တွင် ဓာတ်ဆီ လီတာ ၆၀၀၀၀ သယ်ဆောင်လာသော ဓာတ်ဆီတင်ကား တစ်စီးတိမ်းမှောက်ပြီး လောင်စာဆီများ ယိုဖိတ်ကာ ပေါက်ကွဲမီးလောင်သွားသဖြင့် အနည်းဆုံး လူ ၇၀ သေဆုံးသွားခဲ့ကာ ထိခိုက်ဒဏ်ရာရရှိသူများ များပြား ကြောင်း နိုင်ဂျီးရီးယား အမျိုးသားအရေးပေါ် အေဂျင်စီ က ကြေညာထားပါသည်။
လွန်ခဲ့သည့် အောက်တိုဘာကလည်း ဂျီဂါဝါ ပြည်နယ်တွင် အလားတူပေါက်ကွဲမှုဖြစ်ပွားခဲ့ပြီး လူ ၁၅၃ ဦး သေဆုံးခဲ့ရကာ နိုင်ဂျီးရီးယားတွင် အဆိုးရွားဆုံး ဖြစ်ရပ် ဖြစ်ခဲ့ရသည်။