ယူကရိန်းအတွက် အကြီးမားဆုံးပြဿနာမှာ ရှေ့တန်းတပ်များအတွက် စစ်သားအင်အား အခက်အခဲဖြစ်နေကြောင်း Financial Times သတင်းစာက ဖော်ပြထားပါသည်။
ယူကရိန်းစစ်တပ်အတွက် လက်နက်များ သို့မဟုတ် မိုင်းများ ပြတ်လပ် ခြင်းမှာ စစ်သား အင်အား မလုံလောက်ခြင်းလောက် ဆိုးရွားမှုမရှိဟု ဥရောပအရာရှိများ ပြောကြားချက်ကို ကိုးကား၍ အဆိုပါသတင်းစာက ပြောကြားထားပါသည်။
ဘယ်လာရုစ်သမ္မတလူကာရှန်ကိုက ရုရှားသည် ယူကရိန်းနှင့်ပတ်သက်၍ လက်ရှိအခြေအနေတွင် အားသာချက် (strong cards) ကို ကိုင်ဆောင်ထားနေပြီး ၎င်းတို့အနေဖြင့် အဆိုပါအချက်ကို မည်သည့်အချိန်တွင် အသုံးချမည်ဆိုသည့်အပေါ် မူတည်ပြီးမှသာ သဘောတူညီချက်တစ်ရပ် ရရှိနိုင်မည်ဖြစ်ကြောင်း ပြောကြားလိုက်သည်။
ယူကရိန်းစစ်ပွဲရပ်တန့်ရေး ဖြစ်နိုင်ဖွယ်ရှိသော အပစ်အခတ်ရပ်စဲရေး သဘောတူညီချက်များအပေါ် လိုက်နာမှု ရှိ၊ မရှိ လိုက်လံကြည့်ရှုရန် အဆင့်မြင့်ဂြိုလ်တုများ အသုံးပြုနိုင်မည်ဟု ယုံကြည်ကြောင်း အမေရိကန် နိုင်ငံခြားရေးဝန်ကြီး မာကိုရူဘီယိုက ယူကရိန်း ကိုယ်စားလှယ်အဖွဲ့နှင့် ဂျက်ဒါတွင် ဆွေးနွေးပြီးနောက် အိုင်ယာလန်လေဆိပ်၌ သတင်းထောက် များကို ပြောကြားလိုက်ပါသည်။
ရုရှားသမ္မတဗလာဒီမာပူတင်သည် ရုရှားနိုင်ငံသို့ တရားဝင် အလည်အပတ် လာရောက်မည့် ဘယ်လာရုစ်သမ္မတ လူကာရှန်ကိုနှင့် မတ်လ ၁၃ (ကြာသပတေးနေ့)တွင် တွေ့ဆုံမည် ဖြစ်ပါသည်။ ထိုခရီးစဉ်သည်လူကာရှန်ကို၏ ပြန်လည်ရွေးကောက်ခံရပြီးနောက် ပထမဆုံးပြည်ပ ခရီးစဉ် ဖြစ်ပါသည်။