မြောက်ကိုရီးယားသည် ရေချစဉ် မတော်တစ်ဆမှုကြောင့် ပျက်စီးခဲ့သော စစ်သင်္ဘာအသစ်တစ်စီးကို ရုရှားနယ်စပ်အနီးရှိ ဆိပ်ကမ်းသို့ ရွှေ့ပြောင်း  ခဲ့ပြီး ယင်းလုပ်ဆောင်ချက်သည် မော်စကိုမှ သင်္ဘောပြင်ဆင်ရေးတွင် ပါဝင်နိုင်ကြောင်း ဆန်းစစ်သူများက သုံးသပ်ထားသည်။ Maxar Technologies မှ တနင်္ဂနွေနေ့ (ဇွန် ၈) က ရိုက်ကူးထားသော ဂြိုလ်တုဓာတ်ပုံများအရ တန်ချိန် ၅၀၀၀ ရှိသည့် အမည်မသတ်မှတ်ရသေးသော အဆိုပါ ဖျက် သင်္ဘောကို ရုရှားနှင့် နယ်နိမိတ်ထိစပ်နေသော မြောက်ကိုရီးယား၏ Rason အထူးစီးပွားရေးဇုန်အတွင်းရှိ Rajin ဆိပ်ကမ်းရှိ သင်္ဘောကျင်း တွင် တွေ့ရှိရသည်။

အီရန်နိုင်ငံရှိ မြို့အချို့တွင် ခွေးများကို အများသုံးနေရာများတွင် လမ်းလျှောက်ခိုင်းခြင်းနှင့် ယာဉ်များဖြင့် သယ်ဆောင်ခြင်းကို တားမြစ် လိုက်ပြီဖြစ်သည်။ မွတ်စ်လင်မ်အများစုနေထိုင်သော အဆိုပါနိုင်ငံတွင် ခွေးမွေးမြူခြင်းသည် ငြင်းခုန်မှုများရှိနေသော အကြောင်းအရာ တစ်ခု ဖြစ်သည်။

အိန္ဒိယနိုင်ငံ၏ အမြင့်မားဆုံးသော ဆင်းရဲမွဲတေမှု ရာခိုင်နှုန်းသည် ၂၀၁၁- ၂၀၁၂ ခုနှစ်တွင် (၂၇.၁) ရာခိုင်နှုန်းရှိခဲ့ရာမှ၊ ၂၀၂၂-၂၀၂၃ခုနှစ်တွင် (၅.၃) ရာခိုင်နှုန်းသို့ သိသိသာသာ ကျဆင်းသွားခဲ့ကြောင်း ကမ္ဘာ့ဘဏ်၏ ခန့်မှန်းချက်အသစ်တွင် ဖော်ပြပါသည်။ 

အိန္ဒိယနိုင်ငံတွင် နေ့စဉ်အမေရိကန် (၃) ဒေါ်လာသာ ဝင်ငွေရှိသည့် ဆင်းရဲမွဲတေသူ စုစုပေါင်း (၃၄၄.၄၇) သန်းရှိခဲ့ရာမှ (၇၅.၂၄) သန်းသို့ ကျဆင်းခဲ့ခြင်းဖြစ်ပါသည်။ (၂၀၂၁ PPP အရ)

ဘီလီယံနာ မက် က သမ္မတနှင့် ၎င်းတို့အကြား အချေအတင် ဖြစ်ခဲ့ သော်လည်း ထရမ့်အစိုးရ၏ လော့စ်အိန်ဂျလိစ် ဆန္ဒပြမှုများအပေါ် ကိုင်တွယ်ပုံကို ထောက်ခံခဲ့သည်။ 

ဇွန် ၈ ရက်တွင် အီလွန်မက် က လူမှုကွန်ရက် X တွင် သမ္မတ ဒေါ်နယ် ထရမ့်၏ ပို့စ်ကို ဖော်ပြကာ ကယ်လီဖိုးနီးယားအုပ်ချုပ်ရေးမှူး Gavin Newsom နှင့် လော့စ်အိန်ဂျလိစ်မြို့တော်ဝန် Karen Bass တို့အား ဆန္ဒပြမှုများ တိုးပွားလာခြင်း၊ ယာဉ်များ မီးရှို့ဖျက်ဆီးခံရခြင်းနှင့်ရုန်းရင်းဆန်ခတ်ဖြစ်ပွားမှုများကို ခွင့်ပြုခဲ့သည့်အတွက် လော့စ်အိန်ဂျလိစ် ပြည်သူများထံ တောင်းပန်ရန် တိုက်တွန်းခဲ့သည်။