ဂါဇာ၌ စစ်ရေးရည်မှန်းချက်များ ခြွင်းချက်မရှိ အောင်မြင်အောင် လုပ်ဆောင်သွားမည်ဟု အစ္စရေးပြော

saceditor

News Image

  • ဂါဇာ၌ စစ်ရေးရည်မှန်းချက်များ ခြွင်းချက်မရှိ အောင်မြင်အောင် လုပ်ဆောင်သွားမည်ဟု အစ္စရေးပြော

ဂါဇာဒေသသို့ အကူအညီပစ္စည်းများကို ရက်အတန်ကြာ ပေးပို့လျက်ရှိသော်လည်း အစာရေစာ ငတ်မွတ်မှုနှင့် အာဟာရချို့တဲ့မှုတို့ကြောင့် လူသေဆုံးမှုများ ထပ်မံဖြစ်ပွားနေစဉ် အစ္စရေးဝန်ကြီးချုပ် ဘင်ဂျမင်နေတန်ယာ ဟုက ၎င်းအနေဖြင့် ဂါဇာဒေသ၌ စစ်ရေးရည်မှန်းချက်သုံးရပ်အား ခြွင်းချက်မရှိ အောင်မြင်ရေးအတွက် ယခု သီတင်းပတ်နှောင်းပိုင်းတွင် အစ္စရေးစစ်တပ်အား ညွှန်ကြားသွားမည်ဟု ဩဂုတ် ၄ ရက်၌ ပြောကြားခဲ့သည်။

အပြည့်အစုံဖတ်ရှုရန် 
https://sacministry.gov.mm/my/subject/10792

 

 

MM-News-Category
နိုင်ငံရေး-နိုင်ငံတကာသတင်း
နိုင်ငံရေးကဏ္ဍသတင်းများ

ဆက်စပ်သတင်းများ

ကမ္ဘောဒီးယားနိုင်ငံနှင့် ထိုင်းနိုင်ငံတို့ကြား ပြန်လည်သင့်မြတ်စေရေး တရုတ်နိုင်ငံက ကူညီပေးရန် အသင့်ရှိဟုဆို
ကမ္ဘောဒီးယားနိုင်ငံနှင့် ထိုင်းနိုင်ငံတို့ကြား ပြန်လည်သင့်မြတ်စေရေး တရုတ်နိုင်ငံက ကူညီပေးရန် အသင့်ရှိဟုဆို
တရုတ်နိုင်ငံသည် ကမ္ဘောဒီးယားနိုင်ငံနှင့် ထိုင်းနိုင်ငံတို့ကြား ပြန်လည်သင့်မြတ်စေရေးအတွက် လိုအပ်သည်များကိုကူညီပေးရန်အသင့်ရှိကြောင်း တရုတ်နိုင်ငံခြားရေးဝန်ကြီးဝမ်ယိက ဩဂုတ်လ ၁၄ ရက် တွင်ပြောသည်။ကမ္ဘောဒီးယားနိုင်ငံနှင့် ထိုင်းနိုင်ငံတို့ အနေဖြင့် နှစ်နိုင်ငံကြားနယ်စပ်ပြဿနာ ပြေလည်စေရေးအတွက် ဖြေရှင်းရာတွင် အကူအညီတောင်းဆိုလာပါက ကူညီရန် အသင့်ရှိကြောင်း၊ ဆွေးနွေးပွဲဖြစ်မြောက်ရေးကိုလည်း ကူညီပေးမည်ဖြစ်ကြောင်း၊ ထိုနှစ်နိုင်ငံအနေဖြင့် ယုံကြည်မှုပြန်လည် တည်ဆောက်ပြီး ချစ်ကြည်မှုပြန်လည်ရရှိရေးကြိုးပမ်းမည်ဟု   မျှော်လင့်ထားကြောင်း တရုတ်နိုင်ငံခြားရေးဝန်ကြီးဌာနက ထုတ်ပြန်ထားသည်။တရုတ်နိုင်ငံခြားရေးဝန်ကြီးဝမ်ယိက လန်ချန်း-မဲခေါင်ပူးပေါင်း ဆောင်ရွက်ရေးအဖွဲ့မှ နိုင်ငံခြားရေး ဝန်ကြီးများ အစည်းအဝေး၏ ဘေးပန်းဆွေးနွေးပွဲများတွင် ထိုင်းနှင့် ကမ္ဘောဒီးယား နိုင်ငံခြားရေးဝန်ကြီးများနှင့် တွေ့ဆုံပြီးနောက် ယခုကဲ့သို့ပြောလာခြင်း ဖြစ်ကြောင်း သိရသည်။   Ref: RTAMWD
Fri, 15-Aug-2025
ထရမ့်ကပူတင်နှင့်တွေ့ဆုံမည့်အစည်းအဝေးအား ဝေဖန်မှုများကို ပယ်ချ
ထရမ့်ကပူတင်နှင့်တွေ့ဆုံမည့်အစည်းအဝေးအား ဝေဖန်မှုများကို ပယ်ချ
သမ္မတ ဒေါ်နယ်ထရမ့်က ရုရှားသမ္မတ ဗလာဒီမာပူတင်နှင့် လာမည့် တွေ့ဆုံမှုအပေါ် မီဒီယာများ၏ သတင်းဖော်ပြမှုများကို ဝေဖန်လိုက်သည်။ထရမ့်သည် အချို့သော ဆန်းစစ်သူများ၏ စိုးရိမ်မှုများကို တုံ့ပြန်ကာ ၎င်းနှင့် ပူတင်တို့၏ ထိပ်သီးအစည်းအဝေးသည် ရုရှားအတွက် အကျိုးရှိ စေနိုင်သည်ဟုဆိုသည့် ဝေဖန်မှုများကို ပယ်ချခဲ့သည်။ ၎င်းက "အဆင့် အတန်းမရှိသည့် မီဒီယာများက မိမိ၏ အလုပ်ထုတ်ခံရပြီးသား လူညံ့ များ၏ စကားကိုပဲ ကိုးကားနေကြပါသည်" ဟု Truth Social တွင် ရေးသားခဲ့သည်။ ထိုသို့ဖော်ပြရာတွင် ၎င်း၏ ယခင်အမျိုးသား လုံခြုံရေး အကြံပေး ဂျွန်ဘိုလ်တန်ကို ရည်ညွှန်းခြင်းဖြစ်သည်။အမေရိကန်သမ္မတနှင့် ပူတင်တို့၏ တွေ့ဆုံမှုကို သောကြာနေ့ (ဩဂုတ် ၁၅) တွင် အလက်စကာ၌ ကျင်းပမည်ဖြစ်သည်။ အိမ်ဖြူတော်က ယင်း အစည်းအဝေးသည် ပြောဆိုဆွေးနွေးမှုများကို နားထောင်မည့် အစီအစဉ် အဖြစ် ရည်ညွှန်းဖော်ပြခဲ့ပြီး ငြိမ်းချမ်းရေးသဘောတူညီချက် ရရှိမည် ဟူသော မျှော်လင့်ချက်များကို လျှော့ချထားသည်ဟု တွေ့မြင်ရသည်။ယူကရိန်းသမ္မတ ဇီလန်စကီး တက်ရောက်မည်မဟုတ်သဖြင့် ကိယက်ဗ် သည် အဆိုပါတွေ့ဆုံဆွေးနွေးမှုတွင် မလိုလားအပ်သော သဘော တူညီချက် မျိုးကို မဖြစ်မနေ လက်ခံရမည်ဟူသော စိုးရိမ်မှုများ ပေါ်ပေါက်လျက် ရှိသည်။ကိုးကား- CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂Photo Crd- The Guardian
Thu, 14-Aug-2025
ကင်ဂျုံအန်းနှင့် ပူတင် ဖုန်းဖြင့် ဆက်သွယ်ဆွေးနွေးမှုပြုလုပ်ခဲ့ကြောင်း ကရင်မလင် ထုတ်ပြန်
ကင်ဂျုံအန်းနှင့် ပူတင် ဖုန်းဖြင့် ဆက်သွယ်ဆွေးနွေးမှုပြုလုပ်ခဲ့ကြောင်း ကရင်မလင် ထုတ်ပြန်
ရုရှားနိုင်ငံသမ္မတ ဗလာတီမာပူတင်က သြဂုတ် ၁၂ ရက်တွင် မြောက် ကိုရီးယားနိုင်ငံ ထိပ်တန်းခေါင်းဆောင် ကင်ဂျုံအန်းနှင့် တယ်လီဖုန်းဖြင့် ဆက်သွယ်ဆွေးနွေးမှုပြုလုပ်ခဲ့ပြီး ရုရှားနှင့် အမေရိကန်ခေါင်းဆောင်များ အကြား လာမည့်တွေ့ဆုံမှုနှင့်ပတ်သက်၍ နောက်ဆုံးအခြေအနေကို အသိပေးခဲ့ကြောင်း ကရင်မလင်နန်းတော်၏ထုတ်ပြန်ချက်အရ သိရသည်။ရုရှားနှင့် မြောက်ကိုရီးယား နိုင်ငံတို့သည် နှစ်နိုင်ငံဆက်ဆံရေး ပိုမို ဖွံ့ဖြိုးတိုးတက်ရေးအတွက် ၎င်းတို့၏ ကတိကဝတ်ကို နှစ်ဖက်စလုံးက ထပ်မံအတည်ပြုခဲ့ကြောင်း ကရင်မလင်၏ ထုတ်ပြန်ချက်တွင် ဖော်ပြ ထားသည်။ ကိုးကား- Xinhua
Thu, 14-Aug-2025
ပူတင်နှင့် ထရမ့်တို့ အလက်စကာ ဆွေးနွေးပွဲပြီးနောက် အမေရိကန်နှင့် ဆက်ဆံရေးတိုးတက်ရန် ရုရှား မျှော်လင့်
ပူတင်နှင့် ထရမ့်တို့ အလက်စကာ ဆွေးနွေးပွဲပြီးနောက် အမေရိကန်နှင့် ဆက်ဆံရေးတိုးတက်ရန် ရုရှား မျှော်လင့်
ရုရှားသမ္မတ ဗလာဒီမာ ပူတင်နှင့် အမေရိကန်သမ္မတ ဒေါ်နယ်ထရမ့်တို့၏ လာမည့်တွေ့ဆုံ ဆွေးနွေးပွဲများမှ နှစ်နိုင်ငံဆက်ဆံရေး ပုံမှန်ပြန်ဖြစ်စေရေး အကူအညီဖြစ်နိုင်ရန် မျှော်လင့်ကြောင်း ရုရှားဒုတိယနိုင်ငံခြားရေးဝန်ကြီး Sergei Ryabkov ကို ကိုးကား၍ ရုရှားနိုင်ငံထုတ် Izvestia နေ့စဥ်တွင် သြဂုတ် ၁၂ ရက်က သတင်းထုတ်ပြန်ခဲ့သည်။ အလက်စကာ ထိပ်သီးအစည်းအဝေးသည် နှစ်နိုင်ငံ ကြား တိုက်ရိုက်ခရီးသည်တင်လေယာဥ်ခရီးစဥ်များ ပြန်လည်စတင်ခြင်းအပါအဝင် တိကျသော ကိစ္စ ရပ်များဆိုင်ရာ အဆင့်မြင့်သဘောတူညီချက်များ ချမှတ်နိုင်ရန် အထောက်အကူဖြစ်စေနိုင်ကြောင်း Ryabkov က ပြောကြားခဲ့သည်။“ကျွန်တော်တို့ ရှေ့လာမည့် အဆင့်မြင့်ဆွေး‌နွေးပွဲများမှ လေကြောင်းဆက်သွယ်မှုများ ပြန်လည် တည်ဆောက်မှုကဲ့သို့ကိစ္စရပ်များကို ရှေ့သို့တက်လှမ်းနိုင်ပြီး နှစ်နိုင်ငံဆက်ဆံ‌ရေး ပုံမှန်ပြန်ဖြစ်ရန် လှုံဆော်အားပေးမှုတစ်ခု ပေးစွမ်းနိုင်ရန် မျှော်လင့်ကြောင်း” Ryabkov က ပြောကြားခဲ့သည်။ရုရှားသမ္မတ ဗလာဒီမာ ပူတင်နှင့် လာမည့် သြဂုတ် ၁၅ ရက် ဆွေး‌နွေးပွဲသည် သဘောတူညီမှုများ ဆိုင်ရာ အကြိုသဘောအစည်းအဝေးတစ်ခုဖြစ်ကြောင်း ထရမ့်က သြဂုတ် ၁၁ ရက်၌ ပြောကြားခဲ့သည်။ ရုရှားသမ္မတ လက်ထောက် Yuri Ushakov ကလည်း အစည်းအဝေးကျင်းပရာနေရာ ရွေးချယ်မှု ဆီလျော်မှန်ကန်ကြောင်းနှင့် အဆိုပါဒေသသည် နှစ်နိုင်ငံလုံးအတွက် စီးပွားရေးအကျိုးစီးပွားများ ဆုံရာနေရာဖြစ်ကြောင်း ပြောကြားခဲ့သည်။ ကိုးကား- Xinhua
Wed, 13-Aug-2025
ကုလသမဂ္ဂ နျူကလီးယားစောင့်ကြည့်ရေးအဖွဲ့ ထိပ်တန်းတာဝန်ရှိသူ တီဟီရန်သို့ သွားရောက်၊ အီရန် တာဝန်ရှိသူများနှင့်တွေ့ဆုံဆွေးနွေး
ကုလသမဂ္ဂ နျူကလီးယားစောင့်ကြည့်ရေးအဖွဲ့ ထိပ်တန်းတာဝန်ရှိသူ တီဟီရန်သို့ သွားရောက်၊ အီရန် တာဝန်ရှိသူများနှင့်တွေ့ဆုံဆွေးနွေး
ကုလသမဂ္ဂ နျူကလီးယားစောင့်ကြည့်ရေးအဖွဲ့မှ ထိပ်တန်းတာဝန်ရှိသူတစ်ဦးသည် သြဂုတ် ၁၁ ရက်က တီဟီရန်မြို့တွင် ဆွေးနွေးပွဲတစ်ရပ်ကျင်းပခဲ့ရာ ယင်းမှာ အီရန်နိုင်ငံက အေဂျင်စီနှင့် ပူးပေါင်း ဆောင်ရွက်မှု ဆိုင်းငံ့ခဲ့သည့် ဇွန်လမှစတင်၍ ပထမဆုံးအကြိမ်အဖြစ် အဆင့်အမြင့်ဆုံးပုဂ္ဂိုလ် လာရောက်ခြင်းဖြစ်ကြောင်း နိုင်ငံပိုင်သတင်းဌာနက ထုတ်ပြန်ခဲ့သည်။ နိုင်ငံတကာ အဏုမြူစွမ်းအင် အေဂျင်စီ (IAEA) ၏ ဒုတိယညွှန်ကြားရေးမှူးချူပ် Massimo Aparo က အီရန်နိုင်ငံခြားရေးဝန်ကြီး ဌာနနှင့် နျူကလီးယားဆိုင်ရာ တာဝန်ရှိသူများအား တွေ့ဆုံခဲ့ခြင်းဖြစ်သည်။အဆိုပါတွေ့ဆုံပွဲတွင် ပူးပေါင်းကူညီမှုရပ်တန့်ရန် တီဟီရန်၏ ဆုံးဖြတ်ချက်အပြီးတွင် ပူးပေါင်း ဆောင်ရွက်ရေးအတွက် အနာဂတ်မူဘောင်တစ်ခုကို ဦးတည်၍ ဆွေးနွေးခဲ့ကြကြောင်း ဒုတိယ နိုင်ငံခြားရေးဝန်ကြီး Kazem Gharibabadi က တရားဝင် IRNA သတင်းဌာနသို့ ပြောကြားခဲ့သည်။ ညှိုနှိုင်းမှုများ ဆက်လက်လုပ်ဆောင်ရန် နှစ်ဖက်စလုံးက သဘောတူခဲ့ကြကြောင်း ၎င်းက ထပ်လောင်းပြောကြားခဲ့သည်။အီရန်ကိုယ်စားလှယ်အဖွဲ့မှ Gharibabadi က နိုင်ငံတကာ အဏုမြူစွမ်းအင်အေဂျင်စီ (IAEA) ၏ အကြောင်းမဲ့ ကျုးကျော်ရန်လိုမှုအပေါ် တုံ့ပြန်ရန်ပျက်ကွက်မှုကို ဝေဖန်ပြောဆိုခဲ့ပြီး နိုင်ငံ၏ နျူကလီးယားအစီအစဥ်နှင့်စပ်လျဥ်း၍ အားနည်းသောလုပ်ငန်းစဥ်များအဖြစ် ပြောင်းလဲသတ်မှတ်ရန် အေဂျင်စီကို တောင်းဆိုခဲ့သည်။ ဇွန်လနှောင်းပိုင်းတွင် အစ္စရေးနှင့်အမေရိကန်တို့က ၎င်းတို့၏ နျူကလီးယား အဆောက်အအုံများကို လေကြောင်းမှ တိုက်ခိုက်ခဲ့မှုနှင့် အဆိုပါလဆန်းပိုင်းက သိပ္ပံ ပညာရှင်များကို လုပ်ကြံသတ်ဖြတ်မှုများ ပြုလုပ်ခဲ့ကြောင်း စွပ်စွဲချက်များဖြင့် အီရန်လွှတ်တော်က IAEA နှင့် ပူးပေါင်းလုပ်ဆောင်မှုကို ရပ်ဆိုင်းခဲ့ခြင်းဖြစ်သည်။ကိုးကား- Xinhua
Wed, 13-Aug-2025
ဂျပန်လက်အောက်မှ မြောက်ကိုရီးယား လွတ်မြောက်ခြင်း နှစ် (၈၀) ပြည့် အခါသမယ ပူတင်က ကင်ဂျုံအန်းအား ဂုဏ်ပြုစကားပြောကြား
ဂျပန်လက်အောက်မှ မြောက်ကိုရီးယား လွတ်မြောက်ခြင်း နှစ် (၈၀) ပြည့် အခါသမယ ပူတင်က ကင်ဂျုံအန်းအား ဂုဏ်ပြုစကားပြောကြား
ဂျပန်ကိုလိုနီအုပ်ချုပ်မှုအောက်မှ မြောက်ကိုရီးယားနိုင်ငံ လွတ်မြောက်ခြင်း နှစ် (၈၀) ပြည့်အခါသမယတွင် ရုရှားသမ္မတ ဗလာဒီမာပူတင်က မြောက် ကိုရီးယားခေါင်းဆောင် ကင်ဂျုံအန်းအား ဖုန်းမှတစ်ဆင့် ဂုဏ်ပြုစကား ပြောကြားလိုက်ကြောင်း ကရင်မလင်က ထုတ်ပြန်ထားပါသည်။ မြောက်ကိုရီးယားခေါင်းဆောင် ကင်ဂျုံအန်းကလည်း ကိုရီးယား လွတ်မြောက်ရေးတွင် ဆိုဗီယက်တပ်မတော်၏ ပါဝင်မှု အခန်းကဏ္ဍကို မြောက်ကိုရီးယားနိုင်ငံက အမှတ်ရနေကြောင်း အတည်ပြုပြောကြား ခဲ့ပါသည်။၁၉၄၅ ခုနှစ် ဩဂုတ်လ ၁၅ ရက်နေ့တွင် ဆိုဗီယက်တပ်များသည် ကိုရီးယားကျွန်းဆွယ်၏ မြောက်ပိုင်းကို သိမ်းပိုက်ခဲ့ပါသည်။ တိုကျိုမှ တရားဝင်လက်နက်ချကြေညာခြင်းမှာ ကိုရီးယားနိုင်ငံအား ဂျပန်တို့ အုပ်ချုပ်မှု (၃၅) နှစ်ကြာ ချုပ်ကိုင်ထားမှုကို အဆုံးသတ်စေခဲ့ပါသည်။သို့ဖြစ်ရာ နှစ်စဉ် ဩဂုတ်လ ၁၅ ရက်ကို မြောက်ကိုရီးယားနိုင်ငံရောတောင်ကိုရီးယားနိုင်ငံပါ အစိုးရရုံးပိတ်ရက်အဖြစ် သတ်မှတ်၍ အမျိုးသားနေ့ အဖြစ် ကျင်းပလေ့ရှိပါသည်။ကိုးကား- ကရင်မလင်ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃
Wed, 13-Aug-2025
© Copyright 2024 SAC All Rights Reserved.