အမေရိကန်နိုင်ငံ ကယ်လီဖိုးနီးယားတောင်ပိုင်းတွင် တောမီးလောင်မှုကြောင့် လူပေါင်း ၁၈၀,၀၀၀ ခန့် ဘေးကင်းရာသို့ ပြောင်းရွှေ့

saceditor

News Image

  • အမေရိကန်နိုင်ငံ ကယ်လီဖိုးနီးယားတောင်ပိုင်းတွင် တောမီးလောင်မှုကြောင့် လူပေါင်း ၁၈၀,၀၀၀ ခန့် ဘေးကင်းရာသို့ ပြောင်းရွှေ့

အမေရိကန်နိုင်ငံ ကယ်လီဖိုးနီးယားပြည်နယ်တောင်ပိုင်း လော့စ်အိန်ဂျလိစ်ဒေသ နေရာအများအပြားတွင် ဇန်နဝါရီ ၉ ရက်က တောမီးဆက်တိုက် လောင်ကျွမ်း ခဲ့ရာ လက်ရှိတွင် အနည်းဆုံး လူ ၅ ဦးသေဆုံး၊ ဒေသခံ ပြည်သူ ၁၈၀,၀၀၀ ခန့်ကို ဘေးကင်းရာသို့ ပြောင်းရွှေ့ ပေးခဲ့ရသလို အဆောက်အအုံ ထောင်နှင့်ချီ ပျက်စီးခဲ့ရသည်။ လက်ရှိတွင် လော့စ်အိန်ဂျလိစ် ဒေသ ၅ နေရာ ၌ အန္တရာယ်ရှိသော တောမီးလောင်မှုများ ပျံ့နှံ့လျက်ရှိရာ မီးလောင်ကျွမ်းမှု စုစုပေါင်းဧရိယာမှာ ၁၁၇ စတုရန်း ကီလိုမီတာကျော်ရှိကြောင်း၊ ၎င်းအနက် မီးလောင်ကျွမ်းမှု အကြီးဆုံးနေရာ ၂ ခုမှာ လော့စ်အိန်ဂျလိစ်ခရိုင် အနောက်ပိုင်းရှိ ကမ်းရိုးတန်းရပ်ကွက် Pacific Palisades နှင့် လော့စ်အိန်ဂျလိစ်ခရိုင်အရှေ့ပိုင်းရှိ Altadena ဒေသဖြစ်ကြောင်း ကယ်လီဖိုးနီးယား သစ်တောနှင့် မီးသတ်ဌာန၏ ဇန်နဝါရီ ၉ ရက် နံနက်ပိုင်း နောက်ဆုံး ကြေညာချက်အရ သိရသည်။

အဆိုပါနေရာ ၂ ခု၏ မီးလောင်ကျွမ်းမှုဧရိယာသည် လက်ရှိတွင် ၇၀ စတုရန်းကီလိုမီတာ ကျော်နှင့် ၄၀ စတုရန်းကီလိုမီတာကျော် အသီးသီးရှိရာ မီးလောင်ကျွမ်းမှု အရှိန်အဟုန်သည် ထိန်းချုပ်နိုင်ခြင်း မရှိသေးကြောင်း သိရသည်။ Pacific Palisades တွင် ဖြစ်ပွားသော တောမီးပမာဏမှာ လော့စ်အိန်ဂျလိစ်သမိုင်းတွင် “ဖျက်ဆီးနိုင်စွမ်းအရှိဆုံး” သဘာဝကပ်ဘေးများအနက်တစ်ခုဖြစ်ကြောင်း လော့စ်အိန်ဂျလိစ်ဒေသ မီးသတ် ဦးစီးမှူး Kristin Crowley က ပြောကြားခဲ့သည်။

တောမီးပျံ့နှံလျက်ရှိသော ဒေသများတွင် ဇန်နဝါရီ ၉ ရက်ထိ လေပြင်းတိုက်ခတ်လျက်ရှိရာ အမြင့်ဆုံး လေတိုက်နှုန်းမှာ တစ်နာရီလျှင် ၁၀၀ ကီလိုမီတာ နီးပါး ရှိကြောင်း မိုးလေဝသဌာန၏ ခန့်မှန်းချက်အရ သိရ သည်။ ခြောက်သွေ့ခြင်း၊ လေပြင်းတိုက်ခတ်ခြင်းနှင့် လေတိုက်လမ်းကြောင်းပြောင်းလဲခြင်းကြောင့် တစ်စိတ်တစ်ပိုင်း မီးလောင်ကျွမ်းမှုအန္တရာယ်ကိုတိုးမြင့် စေရာ မီးလောင်ကျွမ်းမှုပျံ့နှံသည့်အရှိန်အဟုန်ကို ပိုမို ဆိုးရွားစေခဲ့သည်။ တောမီးလောင်မှုကြောင့် ဖြစ်ပေါ်သော မီးခိုးမီးငွေ့ထူထပ်ခြင်းနှင့် ပြာမှုန့်များက လော့စ်အိန်ဂျလိစ်ဒေသ၏ လေထုညစ်ညမ်းမှုကို ဆိုးရွားစေသည်။ လော့စ်အိန်ဂျလိစ်ဒေသရှိ စာသင်ကျောင်း အများအပြားကို ကျောင်းပိတ်ကြောင်းကြေညာထားပြီး လော့စ်အိန်ဂျလိစ်နှင့် အနီးနားဒေသများတွင် အိမ်ထောင်စုပေါင်း ၃၅၀,၀၀၀ ကျော် လျှပ်စစ်မီးပြတ်တောက်နေကြောင်း သိရသည်။ ကယ်လီဖိုးနီးယားသည် မီးငြှိမ်းသတ်ရန်အတွက် အမေရိကန်ပြည်ထောင်စု အရေးပေါ်စီမံခန့်ခွဲမှု အေဂျင်စီမှ အတည်ပြုထားသော မီးဘေးအန္တရာယ်စီမံခန့်ခွဲမှုထောက်ပံ့ငွေများ ရရှိထားပြီးဖြစ်ကြောင်း ကယ်လီဖိုးနီးယားပြည်နယ်အုပ်ချုပ်ရေးမှူး Gavin Newsom က ဇန်နဝါရီ ၈ ရက်တွင် ကြေညာခဲ့သည်။ 

ကိုးကား - ဆင်ဟွာ

Photo: Mint

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

အပစ်အခတ်ရပ်စဲရေးသဘောတူညီချက်ချမှတ်နိုင်ရန် ထရမ့်၏ဆောင်ရွက်ချက်များက ရုရှားအား အနောက်နိုင်ငံများ၏ ဈေးကွက်သို့ ပြန်လည်ဝင်ရောက်လာစေနိုင်ဟုဆို
အပစ်အခတ်ရပ်စဲရေးသဘောတူညီချက်ချမှတ်နိုင်ရန် ထရမ့်၏ဆောင်ရွက်ချက်များက ရုရှားအား အနောက်နိုင်ငံများ၏ ဈေးကွက်သို့ ပြန်လည်ဝင်ရောက်လာစေနိုင်ဟုဆို
အမေရိကန်နှင့်ရုရှားတို့ကြား ယူကရိန်းနိုင်ငံတွင် အပစ်အခတ်ရပ်စဲရေးသဘောတူညီချက်ချမှတ်နိုင်ရန်အတွက် အမေရိကန်သမ္မတဒေါ်နယ်ထရမ့်၏ ဆောင်ရွက်ချက်များသည် ရုရှားနိုင်ငံအား အနောက်နိုင်ငံများ၏ဈေးကွက်အတွင်းသို့ ပြန်လည်ဝင်ရောက်လာစေနိုင်သည်ဟု ရင်းနှီးမြှုပ်နှံသူများက  မြော်တွေးလျက်ရှိကြောင်း Bloomberg က ဖော်ပြသည်။အမေရိကန်နှင့်  ၎င်း၏မဟာမိတ် အနောက်နိုင်ငံများသည်   ၂၀၂၂  ခုနှစ်ယူကရိန်းပဋိပက္ခ စတင်ဖြစ်ပွားချိန်မှစ၍ ရုရှားအပေါ်ပိတ်ဆို့မှုများချမှတ်ခဲ့သည်။ ထို့ပြင် ရုရှားနိုင်ငံအား အနောက်နိုင်ငံများ၏ ရင်းနှီးမြှုပ်နှံမှုများမှလည်း ဖယ်ရှားပစ်ခဲ့ပြီး ရုရှားနိုင်ငံရှိ အကြီးမားဆုံး အစုရှယ်ယာ ဈေးကွက်အပေါ်ကိုလည်း ပိတ်ဆို့ခဲ့ကြသည်။သို့သော် မကြာမီရက်သတ္တပတ်များအတွင်း ဗြိတိန်နိုင်ငံ လန်ဒန်မြို့ရှိ ကုန်သည်များသည်  ရုရှားနိုင်ငံ၏  အစုရှယ်ယာ လက်မှတ်များကို ဝယ်ယူရန်ကြိုးပမ်းလာခဲ့သည်ဟု  Bloomberg  က ဆက်လက်ဖော်ပြသည်။ ၎င်းကုန်သည်များသည် ရုရှားစွမ်းအင်ကုမ္ပဏီကြီးဖြစ်သည့် Gazprom မှ ဒေါ်လာငွေကြေးဖြင့်ထုတ်ဝေသည့် အစုရှယ်ယာများကို ဝယ်ယူရန်အာရုံစိုက်လာခြင်းဖြစ်သည်။အကယ်၍ ရုရှားနှင့် ယူကရိန်းတို့ကြားအပစ်အခတ်ရပ်စဲရေးသဘောတူညီချက်တစ်ရပ်ချမှတ်နိုင်ခဲ့ပြီးနောက် ရုရှားအပေါ် ချမှတ်ထားသည့် ပိတ်ဆို့မှုများကို အမေရိကန်က ဖယ်ရှားပေးမည်ဆိုပါက ရုရှား၏အစုရှယ်ယာဈေးနှုန်းမှာ ပိုမိုမြင့်တက်လာနိုင်သည်ဟု ကုန်သည်များကခန့်မှန်းထားခြင်းဖြစ်သည်။                            Ref: RTSource: https://myawady.net.mm/ 
အာတိတ်ဒေသ၌ စွမ်းအင်ထုတ်လုပ်ရေး စီမံကိန်းများတွင် ပူးပေါင်းဆောင်ရွက်ရန် ရုရှားနှင့်အမေရိကန် ဆွေးနွေးလျက်ရှိ
အာတိတ်ဒေသ၌ စွမ်းအင်ထုတ်လုပ်ရေး စီမံကိန်းများတွင် ပူးပေါင်းဆောင်ရွက်ရန် ရုရှားနှင့်အမေရိကန် ဆွေးနွေးလျက်ရှိ
ရုရှားနှင့် အမေရိကန်နိုင်ငံတို့သည် မကြာမီ အနာဂတ်ကာလတွင် အာတိတ်ဒေသ၌ စွမ်းအင်ထုတ်လုပ်ရေး စီမံကိန်းများအပါအဝင် နိုင်ငံတကာစီမံကိန်းများတွင် ပူးပေါင်းဆောင်ရွက်ရန်အတွက် ဆွေးနွေးမှုများ လုပ်ဆောင်လျက်ရှိသည်။အာတိတ်ဒေသသည်  ထုတ်ယူခြင်းမပြုရသေးသည့် စွမ်းအင်အရင်းအမြစ်များ၊ သတ္တုအရင်းအမြစ်များနှင့် မဟာဗျူဟာမြောက် ကုန်သွယ်ရေးလမ်းကြောင်းများကြောင့် ကမ္ဘာ့နိုင်ငံများ၏ စိတ်ဝင်စားမှုကိုခံနေရသည့် ဒေသတစ်ခုဖြစ်သည်။ရုရှားနိုင်ငံသည် လက်ရှိတွင် မြောက်ပင်လယ်ရှိ လမ်းကြောင်းတစ်ခုကိုဖော်ဆောင်လျက်ရှိသည်။ အဆိုပါလမ်းကြောင်းသည် ယူရေရှားအနောက်ပိုင်းနှင့် အာရှ-ပစိဖိတ်ဒေသတို့ကြား  ဆက်သွယ်ပေးထားသည့် အတိုဆုံးလမ်းကြောင်းဖြစ်ပြီး ယင်းလမ်းကြောင်းသည် အာတိတ်ဒေသနှင့် အရှေ့ဖျားဒေသကို ဖြတ်သန်းလျက်ရှိသည်။အဆိုပါလမ်းကြောင်းကို ရုရှားနိုင်ငံက လွန်ခဲ့သည့်နှစ်များအတွင်း  အိန္ဒိယနှင့် တရုတ်နိုင်ငံတို့မှ ရင်းနှီးမြှုပ်နှံမှုများဖြင့် ဖော်ဆောင်နေခြင်းဖြစ်သည်။ ယခုအခါ ရုရှားနိုင်ငံပိုင်စွမ်းအင် ကုမ္ပဏီကြီးတစ်ခုဖြစ်သည့် Gazprom အနေဖြင့် အာတိတ်ဒေသရှိ ဖက်စပ်လုပ်ငန်းများတွင်  ပါဝင်လာရန်  အမေရိကန်အား ကမ်းလှမ်းနိုင်သည့်     အနေအထားတွင်ရှိနေသည်။ ထို့ပြင် ရုရှားနိုင်ငံအပေါ်ချမှတ်ထားသည့် ပိတ်ဆို့မှုများကို  ဖယ်ရှားပေးနိုင်မည်ဆိုပါက ရုရှားအနေဖြင့်   အမေရိကန်နှင့် ဆာခါလင်ဓာတ်ငွေ့ရည်စီမံကိန်းတွင်လည်း  ပူးပေါင်းဆောင်ရွက်နိုင်မည်ဖြစ်သည်။ထို့ပြင် ရုရှား-အမေရိကန် စွမ်းအင်ကဏ္ဍ ပူးပေါင်းဆောင်ရွက်မှုတွင် ဥရောပနှင့် အာရှဒေသများရှိ စီမံကိန်းများလည်း ပါဝင်လာနိုင်ကြောင်း အတွင်းသိများက ပြောကြားထားသည်။ရုရှားနှင့်အမေရိကန်တို့ကြား စွမ်းအင်ကဏ္ဍ ပူးပေါင်းဆောင်ရွက်မည့် အစီအစဉ်သည် နှစ်နိုင်ငံကြား ဆက်ဆံရေး ပုံမှန်ပြန်ဖြစ်စေရေးအတွက်  အမေရိကန်က ကြိုးပမ်းနေစဉ် ထွက်ပေါ်လာခြင်းဖြစ်သည်။Source: https://myawady.net.mm/ 
တောင်အာဖရိကနိုင်ငံ၏ စီမံကိန်းများအတွက် အထောက်အကူပြုနိုင်ရန် အီးယူက ယူရို ၄ ဒသမ ၇ ဘီလီယံ ရင်းနှီးမြှုပ်နှံမည်
တောင်အာဖရိကနိုင်ငံ၏ စီမံကိန်းများအတွက် အထောက်အကူပြုနိုင်ရန် အီးယူက ယူရို ၄ ဒသမ ၇ ဘီလီယံ ရင်းနှီးမြှုပ်နှံမည်
အီးယူအဖွဲ့အနေဖြင့် တောင်အာဖရိကနိုင်ငံ၏ စီမံကိန်းများအတွက် အထောက်အကူပြုနိုင်ရန် ယူရို ၄ ဒသမ ၇ ဘီလီယံ (ဒေါ်လာ  ၅ ဘီလီယံကျော်) ကို ရင်းနှီးမြှုပ်နှံမည်ဖြစ်သည်။အီးယူအဖွဲ့၏ အဆိုပါရင်းနှီးမြှုပ်နှံမှု အစီအစဉ်သည် အမေရိကန်က တောင်အာဖရိကနိုင်ငံအား  ပေးအပ်နေသည့် အကူအညီများကို ဖြတ်တောက်လိုက်ပြီးနောက် ထွက်ပေါ်လာခြင်းဖြစ်သည်။အီးယူအဖွဲ့က ဖော်ဆောင်မည့် စီမံကိန်းများတွင် သဘာဝပတ်ဝန်းကျင်အား ထိခိုက်စေခြင်းမရှိသည့်   စွမ်းအင်များ အသုံးပြုနိုင်ရေးအတွက် အသွင်ကူးပြောင်းခြင်း၊   ကာကွယ်ဆေးများ  ထုတ်လုပ်ခြင်း၊ ဒစ်ဂျစ်တယ်နှင့် ရုပ်ပိုင်းဆိုင်ရာ ဆက်သွယ်နိုင်ခြင်းတို့  ပါဝင်ကြောင်း ဥရောပကော်မရှင် အကြီးအကဲ ဗွန်ဒါလေယန်က ပြီးခဲ့သည့် ရက်သတ္တပတ်အတွင်း ကျင်းပသည့်    ထိပ်သီးဆွေးနွေးပွဲ၌ ပြောကြားခြင်းဖြစ်သည်။အဆိုပါထိပ်သီးဆွေးနွေးပွဲသည် အီးယူနှင့် တောင်အာဖရိကတို့ကြား ဆက်ဆံရေးတိုးမြှင့်နိုင်ရန်အတွက် ကျင်းပခဲ့သည့် ဆွေးနွေးပွဲတစ်ရပ်ဖြစ်သည်။လက်ရှိတွင် အမေရိကန်အစိုးရသည် တောင်အာဖရိကနိုင်ငံနှင့် သံတမန်ရေးဆိုင်ရာ တင်းမာမှုကြောင့် တောင်အာဖရိကအစိုးရသို့ ပေးအပ်နေသည့် အကူအညီများကို ဖြတ်တောက်ထားသည်။  Source: https://myawady.net.mm/ 
မြောက်မက်ဆီဒိုးနီးယားနိုက်ကလပ်အဆောက်အအုံ မီးလောင်မှုကြောင့် လူ ၅၁ ဦး သေဆုံး၊ ဦးရေ ၁၀၀ ကျော် ဒဏ်ရာရရှိ
မြောက်မက်ဆီဒိုးနီးယားနိုက်ကလပ်အဆောက်အအုံ မီးလောင်မှုကြောင့် လူ ၅၁ ဦး သေဆုံး၊ ဦးရေ ၁၀၀ ကျော် ဒဏ်ရာရရှိ
စကော့ဂျီ  မတ် ၁၆မြောက်မက်ဆီဒိုးနီးယားနိုင်ငံ နိုက်ကလပ်တစ်ခု၌ မတ် ၁၅ ရက်ညပိုင်းက မီးလောင်ကျွမ်းမှုဖြစ်ပွားခဲ့ရာ အနည်းဆုံး လူ ၅၁ ဦးသေဆုံးခဲ့ကြောင်း သိရသည်။အဆိုပါ နိုက်ကလပ်၌ ဂီတဖျော်ဖြေပွဲတစ်ခုအတွက် ပရိသတ်ဦးရေ ၁၀၀၀ ကျော် စုဝေးနေချိန်၌ မီးလောင်မှုဖြစ်ပွားခဲ့ခြင်းဖြစ်ကြောင်း မြောက်မက်ဆီဒိုးနီးယား တာဝန်ရှိသူများက ပြောကြားထားသည်။ မီးလောင်မှုဖြစ်ပွားခဲ့သည့် နိုက်ကလပ်သည် ကိုကာနီအမည်ရှိ မြို့၌ တည်ရှိကြောင်း မြောက်မက်ဆီဒိုးနီးယား တာဝန်ရှိသူများ၏ အဆိုအရ သိရသည်။ကိုကာနီမြို့ နိုက်ကလပ်အဆောက်အအုံမီးလောင်မှုကြောင့် လူ ၅၁ ဦးသေဆုံးခဲ့ရပြီး ဦးရေ ၁၀၀ ကျော်ဒဏ်ရာရရှိခဲ့ကြောင်း မြောက်မက်ဆီဒိုးနီးယား ပြည်ထဲရေးဝန်ကြီး တိုစကော့စကီးက ပြောကြားထားသည်။နိုက်ကလပ် မီးလောင်မှုတွင် ဒဏ်ရာရရှိခဲ့သူများကို ကိုကာနီမြို့ဆေးရုံနှင့် အနီးရှိ မြို့တစ်မြို့မှ ဆေးရုံများသို့ ခွဲဝေပို့ဆောင်ထားကြောင်း သိရသည်။အဆိုပါ မီးလောင်မှုသည် ဂီတဖျော်ဖြေပွဲ၌ အသုံးပြုသည့် မီးရှူးမီးပန်းများကြောင့် မီးလောင်မှုဖြစ်ပွားခဲ့ရခြင်းဖြစ်နိုင်ကြောင်း မီဒီယာများက သုံးသပ်ထားကြောင်း  သိရသည်။ကိုးကား- ရတနာပုံသတင်းစာPhoto: The Journal
ရုရှားနှင့်အမေရိကန်တို့ကြား အင်္ဂါဂြိုဟ် စူးစမ်းလေ့လာရေး လုပ်ငန်းများ ပူးပေါင်း ဆောင်ရွက်ရန် ရုရှားတိုက်တွန်း
ရုရှားနှင့်အမေရိကန်တို့ကြား အင်္ဂါဂြိုဟ် စူးစမ်းလေ့လာရေး လုပ်ငန်းများ ပူးပေါင်း ဆောင်ရွက်ရန် ရုရှားတိုက်တွန်း
ရုရှားနှင့်အမေရိကန်တို့ကြား  အင်္ဂါဂြိုဟ်စူးစမ်းလေ့လာရေး လုပ်ငန်းများကို  ပူးပေါင်းဆောင်ရွက်ရန်  ရုရှားနိုင်ငံပိုင် ရင်းနှီးမြှုပ်နှံရေးရန်ပုံငွေ အဖွဲ့က အီလွန်မက်အား တိုက်တွန်းခဲ့ကြောင်း အဆိုပါ ရန်ပုံငွေအဖွဲ့မှ အကြီးအကဲက မတ်လ ၁၅ ရက်တွင် ပြောကြားသည်။ရုရှားနှင့်အမေရိကန်တို့ကြား ပူးပေါင်းလုပ်ဆောင်မည့် အင်္ဂါဂြိုဟ်စူးစမ်းလေ့လာရေး လုပ်ငန်းသည် လူသားများ၏ ပျက်စီးခြင်းအတွက် မဟုတ်ဘဲ လူသားများ၏ ထင်ပေါ်ကျော်ကြားမှုအတွက် ဖြစ်သည်ဟု ရုရှားနိုင်ငံပိုင် ရင်းနှီးမြှုပ်နှံရေး ရန်ပုံငွေအဖွဲ့မှ အကြီးအကဲဖြစ်သူ ကီရေး ဒီမီထရီယက်က ၎င်း၏တွစ်တာ ဝက်ဆိုက်တွင် ဖော်ပြထားသည်။ရုရှားနိုင်ငံပိုင်  ရင်းနှီးမြှုပ်နှံရေး ရန်ပုံငွေအဖွဲ့၏  အဆိုပါပြောဆိုချက်သည် အီလွန်မက်၏ လာမည့် ၂၀၂၆ ခုနှစ်တွင် လုပ်ဆောင်မည့်အင်္ဂါဂြိုဟ်စူးစမ်း လေ့လာရေး အစီအစဉ်အား တုံ့ပြန်သည့်အနေဖြင့် ထွက်ပေါ်လာခြင်းဖြစ်သည်။SpaceX ကုမ္ပဏီအား တည်ထောင်ထားသည့် အီလွန်မက်အနေဖြင့် လာမည့်နှစ်တွင် ၎င်းတို့၏ Starship အာကာသယာဉ်ဖြင့်  Optimus  ဟု အမည်ပေးထားသည့် လူသားစက်ရုပ်တစ်ရုပ်အား သယ်ဆောင်သွားရန်   စီစဉ်ထားသည်။ အဆိုပါ Optimus စက်ရုပ်အား  Tesla ကုမ္ပဏီက ထုတ်လုပ်ထားခြင်းဖြစ်သည်။ ထို့ပြင်   လာမည့် ၂၀၂၉ ခုနှစ်ခန့်တွင် လူသားများက အင်္ဂါဂြိုဟ်ပေါ်သို့ ခြေချနိုင်မည်ဟု မက်က ပြောကြားထားသည်။ရုရှားနိုင်ငံပိုင် ရင်းနှီးမြှုပ်နှံရေး ရန်ပုံငွေအဖွဲ့မှအကြီးအကဲ ကီရေး ဒီမီထရီယက်၏ ပြောဆိုချက်ကို မက်ကလူသိရှင်ကြား တုံ့ပြန်ပြောဆိုထားခြင်း မရှိသော်လည်း တွစ်တာအသုံးပြုသူများက အပြုသဘောဆောင်သည့် တုံ့ပြန်မှုများကို လုပ်ဆောင်ခဲ့ကြသည်။Source: https://myawady.net.mm/ 
ရှမ်းပြည်နယ်(တောင်ပိုင်း)၊ ဟိုပုံးမြို့နယ်၌ ဘိန်းခင်းဖျက်ဆီးခြင်းများဆောင်ရွက်မှုမှတ်တမ်းဓာတ်ပုံ။
ရှမ်းပြည်နယ်(တောင်ပိုင်း)၊ ဟိုပုံးမြို့နယ်၌ ဘိန်းခင်းများဖျက်ဆီး
၂၀၂၅ ခုနှစ်၊ မတ် ၁၁ ရက်က ရှမ်းပြည်နယ်(တောင်ပိုင်း)၊ ဟိုပုံးမြို့နယ်၌ ရဲတပ်ဖွဲ့ဝင်များ၊ နယ်မြေခံတပ်မတော်သားများ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့မှ ဘိန်းခင်းဖျက်ဆီး ခြင်းများ ဆောင်ရွက်ခဲ့ကြောင်း သိရသည်။ဟိုပုံးမြို့နယ်ရဲတပ်ဖွဲ့မှတပ်ဖွဲ့ဝင်များ၊ နယ်မြေခံတပ်မတော်သားများ၊ ဌာနဆိုင်ရာဝန်ထမ်း များပါဝင်သောပူးပေါင်းအဖွဲ့သည် မတ် ၁၁ ရက် နံနက် ၈ နာရီ ၂၀ မိနစ်တွင် ဟိုပုံးမြို့နယ်၊ နမ့်ဟူး(ခ) ထမ်းဘုရားကျေးရွာ၏အနောက်ဘက် ခြောက်ဖာလုံခန့်အကွာရှိ ဘိန်းခင်း ကိုးဧကခန့်အား ဖျက်ဆီးခြင်းများ ဆောင်ရွက်ခဲ့ကြောင်း သတင်းရရှိသည်။
© Copyright 2024 SAC All Rights Reserved.