ပါလက်စတိုင်းပြည်သူများအား ၎င်းတို့ပိုင်နက်နယ်မြေမှ ဖယ်ရှားမည့် မည်သည့် ကြိုးပမ်းချက်မျိုးကိုမဆို ကန့်ကွက်ဟု ဆော်ဒီအာရေဗျပြော

sacadmin

News Image

  • ပါလက်စတိုင်းပြည်သူများအား ၎င်းတို့ပိုင်နက်နယ်မြေမှ ဖယ်ရှားမည့် မည်သည့် ကြိုးပမ်းချက်မျိုးကိုမဆို ကန့်ကွက်ဟု ဆော်ဒီအာရေဗျပြော

ပါလက်စတိုင်းပြည်သူများအား ၎င်းတို့၏ ပိုင်နက်နယ်မြေမှဖယ်ရှားမည့် မည်သည့်ကြိုးပမ်းချက်မျိုးကိုမဆို ကန့်ကွက်ကြောင်း ဆော်ဒီအာရေဗျ နိုင်ငံခြားရေးဝန်ကြီးဌာနက ဖေဖော်ဝါရီလ ၅ရက် တွင် ထုတ်ပြန်သည်။

ဆော်ဒီအာရေဗျနိုင်ငံ၏ အဆိုပါထုတ်ပြန်ချက်သည် ဂါဇာကမ်းမြောင်ဒေသအား အမေရိကန်က ထိန်းချုပ်သိမ်းပိုက်မည့် အဆိုပြုချက်ကို ဒေါ်နယ်ထရမ့်က အစ္စရေးဝန်ကြီးချုပ် ဘင်ဂျမင်နေတန်ယာဟုနှင့် ဖေဖော်ဝါရီလ ၄  ရက်က အိမ်ဖြူတော်၌ ပူးတွဲပြုလုပ်သည့် သတင်းစာရှင်းလင်းပွဲ တွင် ပြောကြားခဲ့ပြီးနောက် ထွက်ပေါ်လာခြင်းဖြစ်သည်။

အဆိုပါအဆိုပြုချက်တွင် အမေရိကန်အနေဖြင့် ဂါဇာကမ်းမြောင်ဒေသအား ထိန်းချုပ်၍ ဒေသတွင်းရှိ အပျက်အစီးများကို ဖယ်ရှားရှင်းလင်းကာ အရှေ့အလယ်ပိုင်း၏ လှပသည့်အပန်းဖြေ ဒေသတစ်ခုအဖြစ် အသွင်ပြောင်းနိုင်သည်ဟု    ထရမ့်က ပြောကြားခဲ့ကြောင်း သိရသည်။

ထို့ပြင် ဆော်ဒီအာရေဗျနိုင်ငံအနေဖြင့် ပါလက်စတိုင်းနိုင်ငံ တည်ထောင်ရေးအတွက် ခိုင်ခံ့စွာဖြင့် ကတိကဝတ်ပြုထားပြီး ပါလက်စတိုင်းနိုင်ငံကို တည်ထောင်နိုင်မှသာ ဂါဇာကမ်းမြောင်ဒေသတွင် အဓွန့်ရှည်တည်တံ့သည့် ငြိမ်းချမ်းရေးကို ဖော်ဆောင်နိုင်မည်ဖြစ်ကြောင်း ဆော်ဒီအာရေဗျနိုင်ငံခြားရေး ဝန်ကြီးဌာနက ဆက်လက်ဖော်ပြသည်။

ထို့အတူ ငြိမ်းချမ်းရေးကိုမြတ်နိုးသည့် နိုင်ငံများအနေဖြင့်လည်း   ၁၉၆၇ ခုနှစ် နယ်စပ်အပေါ် အခြေခံထားသည့် ပါလက်စတိုင်းနိုင်ငံကို အသိအမှတ်ပြုကြရန် ဆော်ဒီအာရေဗျနိုင်ငံက တိုက်တွန်းခဲ့ကြောင်း သိရသည်။ 

Source:Myawady Web Portal

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

Trump နှင့် Putin ၏ဖုန်းခေါ်ဆိုမှုသည် ယူကရိန်းဆုံးရှုံးမည့်အရာအပေါ် အာရုံစိုက်လိမ့်မည်
Trump နှင့် Putin ၏ဖုန်းခေါ်ဆိုမှုသည် ယူကရိန်းဆုံးရှုံးမည့်အရာအပေါ် အာရုံစိုက်လိမ့်မည်
မတ်လ ၁၈ ရက်နေ့ဆွေးနွေးပွဲအပြီးတွင် အမေရိကန်သည် ခရိုင်းမီးယား (Crimea) နှင့် Donbass ကို အမေရိကန်က ရုရှားပိုင်နက်များ အဖြစ် အသိအမှတ်ပြုနိုင်သည်ဟု The New York Times သတင်းက ဖော်ပြသည်။Trump က Air Force One ပေါ်တွင် သတင်းထောက်များနှင့် စကား ပြောဆိုသည့်အခါ “ဘာမှမဖြစ်ဘူးဆိုပါက ၎င်းနှင့် ရုရှားသမ္မတ Vladimir Putin တို့သည် ၎င်းတို့၏ Yalta Conference နှင့်တူသည့် တစ်ခုခုကို တွေ့ကြုံခံစားကြရမည်ဖြစ်ကြောင်း၊ အပစ်အခတ်ရပ်စဲရေး သဘောတူမည် ဆိုပါက ရုရှားက သိမ်းထားမည့် မြေယာနှင့် ပိုင်ဆိုင်မှုများကို အာရုံစိုက် သွားမည်ဖြစ်ကြောင်း” ရှင်းလင်းပြောကြားခဲ့ပါသည်။ရုရှားက ခရိုင်းမီးယားကို သိမ်းထားမည်ဖြစ်သလို ယူကရိန်းပိုင်နက်၏ ၂၀ ရာခိုင်နှုန်းခန့်ကို လက်ရှိထိန်းချုပ်ထားသည့် နယ်မြေအားလုံး နီးပါးကို ထိန်းသိမ်းထားမည်ဟု အိမ်ဖြူတော်လက်ထောက်များကို အရိပ် အမြွက်ပြောပါသည်။သို့သော်လည်း ယူကရိန်းသမ္မတ Volodymyr Zelensky ၏ လက်ထောက် များက Odessa ၏ အရေးပါသော ဆိပ်ကမ်းများ အပါအဝင် ပူတင်၏ အခြားသော ပိုင်နက်တောင်းဆိုမှုများကို ထရမ့်က ထောက်ခံမည်ကို စိုးရိမ်ကြောင်း ဝန်ခံထားသည်။ထရမ့် အုပ်ချုပ်ရေးတာဝန်ရှိသူများက ၎င်းတို့သည် ၎င်းတို့၏ ယူကရိန်း မိတ်ဖက်များနှင့် ဥရောပခေါင်းဆောင်များအား ရုရှားနှင့် ၎င်းတို့၏ အပြန်အလှန်ဆက်ဆံမှုများအကြောင်း အသိပေးထားသော်လည်း ယူကရိန်း သို့မဟုတ် ဥရောပအင်အားကြီးနိုင်ငံများက ထရမ့် နှင့် ပူတင်တို့ သဘောတူ ထားသည့်အရာကို သဘောတူမည်ဆိုသည်ကို ရှင်းရှင်းလင်းလင်း မသိရ သေးကြောင်း ရေးသားဖော်ပြပါသည်။ကိုးကား- The New York Times
၂၀၂၅ ခုနှစ်၊ မတ်လ ၁၈ ရက်နေ့သည် ခရိုင်းမီးယားဒေသ ရုရှားနိုင်ငံသို့ လာရောက်ခိုလှုံသည့် ၁၁ နှစ်မြောက်နေ့ဖြစ်
၂၀၂၅ ခုနှစ်၊ မတ်လ ၁၈ ရက်နေ့သည် ခရိုင်းမီးယားဒေသ ရုရှားနိုင်ငံသို့ လာရောက်ခိုလှုံသည့် ၁၁ နှစ်မြောက်နေ့ဖြစ်
၂၀၂၅ ခုနှစ်၊ မတ်လ ၁၈ ရက်နေ့သည် ခရိုင်းမီးယားဒေသ ရုရှားနိုင်ငံသို့ လာရောက်ခိုလှုံသည့် ၁၁ နှစ်မြောက် မွေးနေ့ဖြစ်ပါသည်။အဆိုပါ အခမ်းအနားအား စိန့်ပီတာစဘတ်ရှိလူငယ်များက ရုရှားနိုင်ငံတော် အလံနှင့် ခရိုင်းမီးယား ဟူသည့် စာလုံးများ ဖြင့် သရုပ်ဖော်ခဲ့ကြသည်။ထိုနေ့တွင် သမ္မတ ပူတင်နှင့် ထရမ့် ဖုန်းဆက်စကားပြောရန်လည်း ရှိသေးပြီး ရုရှားဘက်က ယခုကဲ့သို့ နေ့မျိုးကို သေချာရွေးထားသည်ဟု ထင်မြင်ရပါသည်။ခရိုင်းမီးယားကို ရုရှားပိုင်နက်အဖြစ် လက်ရှိအချိန်အထိ အသိအမှတ် မပြုကြသေးဘဲရှိနေသေးသော်လည်း လက်ရှိ ယူကရိန်း ပဋိပက္ခ ညှိနှိုင်းရေး ပြီးဆုံးပါက (သို့) လက်ရှိ သမ္မတ ထရမ့်ဖြင့် ဖုန်းပြောပြီးချိန် အမေရိကန် က ရုရှားပိုင်နက်အဖြစ် အသိအမှတ် ပြုမည်လားဆိုတာကို စောင့်ကြည့်ရမည်ဖြစ်ပါသည်။ကိုးကား-ဒေသတွင်းမီဒီယာ
လုပ်ကြံသတ်ဖြတ်ခံခဲ့ရသည့် အမေရိကန် သမ္မတ John F. Kennedy ကိစ္စနှင့်ပတ်သက်သည့် အမျိုးအစားခွဲထားသော စာမျက်နှာ ၈၀၀၀၀ ပါ အစီရင်ခံစာကို မတ်လ ၁၉ ရက်တွင် ထုတ်ပြန်မည်ဟု ထရမ့် ပြောကြား
လုပ်ကြံသတ်ဖြတ်ခံခဲ့ရသည့် အမေရိကန် သမ္မတ John F. Kennedy ကိစ္စနှင့်ပတ်သက်သည့် အမျိုးအစားခွဲထားသော စာမျက်နှာ ၈၀၀၀၀ ပါ အစီရင်ခံစာကို မတ်လ ၁၉ ရက်တွင် ထုတ်ပြန်မည်ဟု ထရမ့် ပြောကြား
သမ္မတ Trump က “လုပ်ကြံသတ်ဖြတ်ခံခဲ့ရသည့် အမေရိကန် သမ္မတ John F. Kennedy ကိစ္စနှင့်ပတ်သက်သည့် အမျိုးအစားခွဲထားသော စာမျက်နှာ ၈၀၀၀၀ ပါ အစီရင်ခံစာကို မတ်လ ၁၉ ရက်နေ့တွင် ထုတ်ပြန်မည် ဖြစ်သည်” ဟု ပြောကြားခဲ့ပါသည်။ကိုးကား-The White House
အမေရိကန်-ရုရှား ဆက်ဆံရေး ပြန်လည်ကောင်းမွန်လာခြင်းသည် တရုတ်၏ အာတိတ် ရည်မှန်းချက်များပေါ်တွင် သက်ရောက်စေနိုင်
အမေရိကန်-ရုရှား ဆက်ဆံရေး ပြန်လည်ကောင်းမွန်လာခြင်းသည် တရုတ်၏ အာတိတ် ရည်မှန်းချက်များပေါ်တွင် သက်ရောက်စေနိုင်
အမေရိကန်-ရုရှား ဆက်ဆံရေး ပြန်လည်ကောင်းမွန်လာခြင်းသည် တရုတ်၏ အာတိတ် ရည်မှန်းချက်များပေါ်တွင် သက်ရောက်စေနိုင်ကြောင်း ကျွမ်းကျင်သူများက သတိပေးထားသည် ဟု South China Morning Post က ရေးသားဖော်ပြသည်။ ပေကျင်းသည် မြောက်ဝင်ရိုးစွန်းလမ်းကြောင်းသို့ ဝင်ရောက်ရန် မော်စကိုအား မှီခိုအားထားနေရသောကြောင့် ပထဝီဝင်နိုင်ငံရေးအရ ပြန်လည်ချိန်ညှိမှုမှာ အခက်အခဲဖြစ်သွားနိုင်ကြောင်း မြင်တွေ့နေ ရပါသည်။တရုတ်နိုင်ငံသည် မြောက်ဘက်ဝင်ရိုးစွန်းနိုင်ငံများနှင့် ဒေသတွင်းဖြစ်နိုင်ခြေရှိသော အမေရိကန်-ရုရှား ပူးပေါင်းဆောင်ရွက်ရေး သဘောတူညီချက်အရ ၂၀၃၀ ပြည့်နှစ်တွင် ကြီးမားသော ဝင်ရိုးစွန်းပါဝါ ဖြစ်လာရန် ရည်မှန်းချက်အပါအဝင် ၎င်း၏အာတိတ်မူဝါဒကို ပြန်လည် သတ်မှတ်ရန် မျှော်လင့်ထားကြောင်း ကျွမ်းကျင်သူများနှင့် အတွင်းသိများထံမှ သိရသည်။ပေကျင်းသည် ၎င်း၏ကြီးမားသော အခြေခံအဆောက်အဦ အစီအစဉ်ဖြစ်သည့် Belt and Road Initiative ကို ဖြည့်စွက်ရန်အတွက် “ဝင်ရိုးစွန်းပိုးလမ်းမ” စီမံကိန်းအစီအစဉ်ကို ၂၀၁၈ ခုနှစ် စက္ကူဖြူ စာတမ်းတွင် ထည့်သွင်းဖော်ပြခဲ့သည်။၄င်းသည် အာတိတ်စက်ဝိုင်း၏တောင်ဘက် ၁၄၀၀ ကီလိုမီတာ (၈၇၀ မိုင်) အကွာတွင် တည်ရှိပြီး ဒေသတွင်းတွင် တရုတ်ပိုင်နက် နယ်မြေမရှိသော် လည်း၊ “အာတိတ်အနီးနိုင်ငံများ” အစီအစဉ်တွင် တရုတ်၏ ဖော်ပြချက်သည် ပထဝီနိုင်ငံရေးအရ ပြိုင်ဆိုင်မှုများ ပြင်းထန်လာသည့်ကြားတွင် အမေရိကန်နှင့် ၎င်း၏မဟာမိတ်များအား သံသယပွားစေခဲ့သည်။ဒေသတွင်း ကမ်းရိုးတန်း၏ ထက်ဝက်ကျော်ကို ဖြတ်ကျော်ကာ ယင်းတွင် ၎င်း၏ အချုပ်အခြာအာဏာကို ကာလရှည်ကြာ ဦးစားပေး ထိန်းသိမ်းထားခဲ့သည့် ရုရှား အပါအဝင် အာတိတ်နိုင်ငံများ၏ တုံ့ပြန်မှုကိုလည်း လှုံ့ဆော်ခဲ့သည်ဟု ရေးသားဖော်ပြပါသည်။ကိုးကား- South China Morning Post
ဥရောပသမဂ္ဂကောင်စီက ယူကရိန်းကို ယူရို ၃.၅ ဘီလီယံ ပေးချေရန် အတည်ပြု
ဥရောပသမဂ္ဂကောင်စီက ယူကရိန်းကို ယူရို ၃.၅ ဘီလီယံ ပေးချေရန် အတည်ပြု
မတ်လ ၁၇ ရက်တွင် ဘယ်ဂျီယံနိုင်ငံမြို့တော် ဘရပ်ဆဲလ်၌ ကျင်းပလျက်ရှိသည့် ဥရောပသမဂ္ဂအစည်းအဝေးတွင် ဥရောပသမဂ္ဂကောင်စီသည် (Macro-Financial Assistance- MFA) အစီအစဉ်အရ ယူကရိန်းကို ယူရို ၃.၅ ဘီလီယံ ပေးချေရန် အတည်ပြုလိုက်ပါသည်။ယခုတတိယအကြိမ်ငွေပေးချေမှုအပါအဝင်   ဥရောပသမဂ္ဂသည် ယူကရိန်းကို Ukraine Facility ခေါင်းစဉ်အောက်မှ ယူရို ၂၀ ဘီလီယံနီးပါး ပေးဆောင်မည်ဟု ကြေညာချက်တွင် ဖော်ပြထားပါသည်။ Ukraine Facility ဆိုသည်မှာ ယူကရိန်းနိုင်ငံ၏ စီးပွားရေးနှင့် ဘဏ္ဍာရေး တည်ငြိမ်မှုရှိစေရန်နှင့် ပြန်လည်တည်ဆောက်ရေး လုပ်ငန်းများအတွက် အထောက်အကူပြုစေရန် ဥရောပသမဂ္ဂ၏ ထောက်ပံ့သည့် အကူအညီအစီအစဉ်တစ်ခု ဖြစ်ပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
ယူကရိန်းစစ်တပ် အကြီးအကဲရာထူး အပြောင်းအလဲလုပ်
ယူကရိန်းစစ်တပ် အကြီးအကဲရာထူး အပြောင်းအလဲလုပ်
ယူကရိန်းသမ္မတ ဇီလန်စကီးသည် ယူကရိန်းစစ်တပ်ဦးစီးချုပ် (Chief of General Staff) ဖြစ်သူ Anatoly Bargilevich ၏ ရာထူးနေရာတွင် ဒုတိယဦးစီးချုပ် Andrey Gnatov အား မတ်လ ၁၆ ရက်တွင် အစားထိုး ခန့်အပ်လိုက်ကြောင်း ကြေညာလိုက်ပါသည်။ဦးစီးချုပ်ဟောင်း Bargilevich ကို ယူကရိန်းကာကွယ်ရေးဝန်ကြီးဌာန၏ စုံစမ်းစစ်ဆေးရေးအရာရှိချုပ်အဖြစ် ပြောင်းလဲခန့်အပ်လိုက်ပြီး အဆိုပါ ရာထူးအပြောင်းအလဲအတွက် အကြောင်းအရင်းကို ကြေညာချက်၌ ဖော်ပြ ထားခြင်းမရှိပါ။ထိုသို့ ယူကရိန်းစစ်တပ် အကြီးအကဲရာထူးအပြောင်းအလဲမှာ ကာ့ဒ်ဒေသ၌ ယူကရိန်းတပ်ဖွဲ့ဝင်များ ပိတ်ဆို့ဝန်းရံထားခံရသည့်အချိန်တွင် လုပ်ဆောင် လိုက်ခြင်းဖြစ်ပါသည်။“ကာ့ဒ်ဒေသရှိ ပိတ်မိနေသော ယူကရိန်းတပ်ဖွဲ့ဝင်များအနေဖြင့် လက်နက်ချလိုက်ပါက လူသားချင်းစာနာထောက်ထားမည်ဖြစ်ပြီး လိုအပ်သည့် ကျန်းမာရေးဝန်ဆောင်မှုနှင့် လုံခြုံမှု ဆောင်ရွက်ပေးသွားမည်ဖြစ်ကြောင်း” ရုရှားသမ္မတဗလာဒီမာပူတင်က ပြောကြားထားပြီးဖြစ်ပါသည်။ သို့ရာတွင် အဆိုပါတပ်ဖွဲ့ဝင်များအနေဖြင့် စစ်ဘက်နှင့်နိုင်ငံ့ခေါင်းဆောင်များ၏ တရားဝင်အမိန့်မရရှိဘဲ လက်နက်ချပေးရန် အခက်အခဲရှိနိုင်ကြောင်း ပူတင်က ထပ်မံ သတိပေးပြောကြားထားပါသည်။ ကိုးကား- TASSPhoto: 24 News HDဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
© Copyright 2024 SAC All Rights Reserved.