ဇီလန်စကီး ယူကရိန်းမှ ထွက်ပြေးသင့်ဟု ပြောဆိုမှုများရှိလာ

saceditor

News Image

  • ဇီလန်စကီး ယူကရိန်းမှ ထွက်ပြေးသင့်ဟု ပြောဆိုမှုများရှိလာ

ယူကရိန်းသမ္မတ ဇီလန်စကီးနှင့် အမေရိကန်အစိုးရအကြား အဆင်မပြေမှုများဖြစ်ပေါ်လာပြီးနောက်တွင် လတ်တလောပြုလုပ်နေသည့် အမေရိကန်- ရုရှား ငြိမ်းချမ်းရေးဆွေးနွေးပွဲကို အနှောင့်အယှက်မဖြစ်စေရန် ဇီလန်စကီး အနေဖြင့် ယူကရိန်းမှ ချက်ခြင်းထွက်ခွာပြီး ပြင်သစ်နိုင်ငံသို့ ပြောင်းရွှေ့ နေထိုင်သင့်သည်ဟု အမေရိကန်အစိုးရ အသိုင်းအဝိုင်းနှင့် နီးစပ်သူ တစ်ဦးက ဆိုလိုက်ပါသည်။ 

ရုရှားနှင့် သံတမန်ရေးရာဆက်ဆံမှုများ ပြန်လည်ပြုလုပ်နေသည့် အမေရိကန် သမ္မတ ထရမ့်အစိုးရ၏ လုပ်ဆောင်ချက်များအပေါ် ဝေဖန်ခဲ့ခြင်း အတွက် ဇီလန်စကီးနှင့် အိမ်ဖြူတော်အကြား တင်းမာမှုများဖြစ်လာပြီး အပြန်အလှန် စကားလုံးများနှင့် တိုက်ခိုက်မှုများ တွေ့ရှိနေရသည်။ 

အမေရိကန်က ရုရှား-ယူကရိန်းပဋိပက္ခကို အဆုံးသတ်ရန်နှင့် အမေရိကန်- ရုရှား ဆက်ဆံရေး တိုးမြှင့်ရန်အတွက် လွန်ခဲ့သောသီတင်းပတ်တွင် ဆော်ဒီအာရေဗီးယား၌ ၂ နိုင်ငံအဆင့်မြင့်သံတမန်များက ဆွေးနွေးပွဲများ ပြုလုပ်ခဲ့ကြပြီး အဆိုပါဆွေးနွေးပွဲများတွင် ပါဝင်ခွင့်ရရှိနိုင်ရေး ဇီလန်စကီး အစိုးရက တောင်းဆိုခဲ့သော်လည်း ထရမ့်က ခွင့်ပြုခဲ့ခြင်း မရှိပေ။ အကြောင်းမှာ ယူကရိန်း- ရုရှား စစ်ပွဲ ၃ နှစ်ကျော်ကြာသည့် တိုင်အောင် ဇီလန်စကီးအနေဖြင့် ပဋိပက္ခကို ရပ်တန့်ရေး လုပ်ဆောင်ရန် ပျက်ကွက်ခဲ့ခြင်းကြောင့်ဟုဆိုပါသည်။ 

အိမ်ဖြူတော်နှင့် နီးစပ်သောအသိုင်းအဝိုင်းမှ သတင်းအရင်းအမြစ်များတွင် ယူကရိန်း၌ ခေါင်းဆောင်ပိုင်း အပြောင်းအလဲပြုလုပ်ရန် အချိန်တန်နေပြီ ဖြစ်ကြောင်း ပြောဆိုနေကြသည်ဟုဆိုသည်။ယူကရိန်း၌ ရွေးကောက်ပွဲ ပြန်လုပ်ရန် အတွက်လည်း အတိုက်အခံများက တောင်းဆိုထားပြီး အနောက်အုပ်စုတွင်လည်း ဇီလန်စကီးကို ဆန့်ကျင်သည့်အင်အားစုများ တိုးလာနေပါသည်။ ၂၀၂၄ ခုနှစ်၊ မေလတွင် သမ္မတသက်တမ်း  ကုန်ဆုံး ခဲ့သော ဇီလန်စကီးက လက်ရှိဖြစ်ပွားနေသော ပဋိပက္ခများကြောင့် စစ်အုပ်ချုပ်ရေးဥပဒေကို ကိုးကားပြီး ရွေးကောက်ပွဲအသစ်ကျင်းပရန် ငြင်းဆိုထားပါသည်။ ယခုသီတင်းပတ်အတွင်းတွင် ထရမ့်က Truth ဆိုရှယ်မီဒီယာတွင် “ဇီလန်စကီးအနေဖြင့် ရွေးကောက်ပွဲလုပ်ရန် ပျက်ကွက်ခြင်းသည် ၎င်းကိုထောက်ခံသူ နည်းလာခြင်းကြောင့် ဖြစ်ကြောင်း၊ ၎င်း၏လက်ရှိအနေအထားက တရားဝင်ခေါင်းဆောင် အဖြစ်  အတည်ပြုသတ်မှတ်ချက်အောက် ကို ၄ % ခန့်  ကျဆင်း နေကြောင်း၊ ယခုအခြေအနေအတိုင်းသာဆက်သွားနေပါက ၎င်းကို ထောက်ခံမည့်သူ တစ်ယောက်မျှတောင် ကျန်မည်မဟုတ်ကြောင်း” ထရမ့် က  ရေးသားထားခဲ့သည်။ 

ဇီလန်စကီးက ထရမ့်၏ပိုစ့်နှင့်ပတ်သက်၍ “မိမိကို ပြည်သူ ၅၇% ကျော် ထောက်ခံခဲ့ခြင်းဖြစ်ကြောင်း၊ ထရမ့်က ရုရှား ပေးသည့် မမှန်သတင်း များကို ဖတ်ပြီးပြောနေခြင်းဖြစ်ကြောင်း၊ မိမိနေရာကို တစ်ယောက် ယောက်က အစားထိုးချင်သည်ဆိုရင်ပါက ဖြစ်လာမည်မဟုတ်ကြောင်း” ဇီလန်စကီးက ရုပ်သံမှ ပြန်လည်ချေပသွားကြောင်းသိရှိရပါသည်။

ကိုးကား-Myanmar National Post

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ထရမ့်က ရုရှား-ယူကရိန်း အစည်းအဝေးမှ အပြုသဘောဆောင်သော တိုးတက်မှုများရှိလာမည်ဟု မျှော်လင့်
ထရမ့်က ရုရှား-ယူကရိန်း အစည်းအဝေးမှ အပြုသဘောဆောင်သော တိုးတက်မှုများရှိလာမည်ဟု မျှော်လင့်
အမေရိကန်သမ္မတ ဒေါ်နယ်ထရမ့်က ကြာသပတေးနေ့ (မေ ၁၅) တွင် အစ္စတန်ဘူလ်မြို့၌ ကျင်းပမည့် ရုရှား-ယူကရိန်းဆွေးနွေးပွဲမှ အပြုသဘောဆောင်သော တိုးတက်မှုများ ရှိလာမည်ဟု မျှော်လင့်ကြောင်း ပြောကြားခဲ့သည်။ ၂၀၂၂ ခုနှစ်က ယူကရိန်းပဋိပက္ခ စတင်ခဲ့သည့်နောက်ပိုင်း ပထမဆုံးအကြိမ်အဖြစ် နှစ်ဖက်တိုက်ရိုက်ညှိနှိုင်းမှုများ ပြုလုပ်ရန် ပြင်ဆင်နေကြသည်။လွန်ခဲ့သော သီတင်းပတ်က ရုရှားသမ္မတ ပူတင်က ပဋိပက္ခ၏ အရင်းခံအကြောင်းရင်းများကို ဖြေရှင်းနိုင်မည့် ရေရှည်တည်တံ့သော အဖြေရှာရန် မော်စကိုနှင့် ကိယက်ဗ်အကြား တိုက်ရိုက်ဆွေးနွေးပွဲများ ပြန်လည် စတင်ရန် အဆိုပြုခဲ့သည်။ ယခင်က မော်စကိုနှင့် မည်သည့်ဆွေးနွေးပွဲမျှ မလုပ်ဆောင်ဟု ငြင်းဆိုခဲ့သည့် ယူကရိန်းခေါင်းဆောင် ဇီလန်စကီးကလည်း အစ္စတန်ဘူလ်သို့ သွားရောက်ရန် ဆန္ဒရှိကြောင်း ဖော်ပြခဲ့သည်။ဇီလန်စကီးက ပူတင်နှင့်သာ တိုက်ရိုက်တွေ့ဆုံဆွေးနွေးလိုသည်ဟု ပြောကြားခဲ့သော်လည်း ရုရှားသမ္မတဘက်မှ တူရကီသို့ သွားရောက်မည့် အစီအစဉ်အပေါ် မည်သည့်အချက်အလက်မျှ ဖော်ပြခြင်း မရှိသေးပေ။ဗုဒ္ဓဟူးနေ့ (မေ ၁၄) တွင် Qatari Emir Sheikh Tamim bin Hamad Al-Thani နှင့် ဒိုဟာမြို့၌ တွေ့ဆုံစဉ် ထရမ့်က “ဒီနေ့၊ မနက်ဖြန်နှင့် သောကြာနေ့ (မေ ၁၅) မှာ အဲဒီကနေ သတင်းကောင်းတွေ ထွက်လာမည်ဟု မိမိထင်ပါသည်။ ဒါပေမယ့် စောင့်ကြည့်ရမည်” ဟု ပြောကြားခဲ့သည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 15-မေလ-2025
အမေရိကန်က ဇီလန်စကီးကို NATO ထိပ်သီးအစည်းအဝေးသို့ ဖိတ်ကြားမည့် အစီအစဉ်ကို ကန့်ကွက်
အမေရိကန်က ဇီလန်စကီးကို NATO ထိပ်သီးအစည်းအဝေးသို့ ဖိတ်ကြားမည့် အစီအစဉ်ကို ကန့်ကွက်
အမေရိကန်က ယူကရိန်းခေါင်းဆောင် ဇီလန်စကီးအား လာမည့်လတွင် ကျင်းပမည့် NATO ထိပ်သီးအစည်းအဝေးသို့ ဖိတ်ကြားမည့်အစီအစဉ်ကို ကန့်ကွက်နေကြောင်း အီတလီသတင်းဌာန ANSA က အမည်မဖော်လိုသော သံတမန်အရင်းအမြစ်များကို ကိုးကား၍ ဗုဒ္ဓဟူးနေ့ (မေ ၁၄) တွင် ဖော်ပြခဲ့သည်။ကိယက်ဗ်သည် ကာလကြာမြင့်စွာကတည်းက အမေရိကန်ဦးဆောင်သော စစ်ရေးမဟာမိတ်အဖွဲ့တွင် ပါဝင်ရန် ကြိုးပမ်းနေခဲ့ပြီး ၎င်းကိစ္စကို ရုရှား က ၎င်း၏ အမျိုးသားလုံခြုံရေးအတွက် အခြေခံကျသော ခြိမ်းခြောက်မှု တစ်ရပ်အဖြစ် ရှုမြင်သည်။ ရုရှားသမ္မတ ပူတင်က ယူကရိန်းပဋိပက္ခတွင် မော်စကို၏ အဓိကရည်မှန်းချက်များထဲမှတစ်ခုမှာ ထိုသို့သော အခြေအနေမဖြစ်ပေါ်စေရန် တားဆီးရေးဖြစ်ကြောင်း အကြိမ်ကြိမ် ပြောဆိုခဲ့ သည်။ဒေါ်နယ်ထရမ့်သည် ဇန်နဝါရီတွင် သမ္မတရာထူးကို ရယူပြီးနောက် အနာဂတ်တွင် ယူကရိန်း NATO အဖွဲ့ဝင်ဖြစ်လာရေးကို အကြိမ်ကြိမ် ပယ်ချခဲ့သည်။ANSA ၏ သတင်းတွင် “လတ်တလောတွင် ခေါင်းဆောင်အဆင့် NATO-ယူကရိန်း ကောင်စီအစည်းအဝေးကို စီစဉ်ထားခြင်းမရှိသေးသော်လည်း ဆုံးဖြတ်ချက် မချမှတ်ရသေးပါ” ဟု ဖော်ပြထားသည်။ ထို့အပြင် ဇွန် ၂၄-၂၅ ရက်များတွင် ကျင်းပမည့်အစည်းအဝေးအချို့သို့ ကိယက်ဗ်က ပါဝင်နိုင်သော်လည်း နိုင်ငံခြားရေးနှင့် ကာကွယ်ရေးဝန်ကြီးများအဆင့်သာဖြစ်မည်ဟု ဆိုသည်။လတ်တလော ဖိတ်ကြားခံရသည့် အဖွဲ့ဝင်မဟုတ်သော နိုင်ငံများမှာ ဂျပန်၊ တောင်ကိုရီးယား၊ ဩစတြေးလီးယားနှင့် နယူးဇီလန်တို့ဖြစ်ကြောင်း အီတလီသတင်းဌာနက ဖော်ပြခဲ့သည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 15-မေလ-2025
အိန္ဒိယနှင့်ပါကစ္စတန်တို့က သံတမန်များကိုအပြန်အလှန်နှင်ထုတ်
အိန္ဒိယနှင့်ပါကစ္စတန်တို့က သံတမန်များကိုအပြန်အလှန်နှင်ထုတ်
နယူးဒေလီ၊ သံတမန်ရေးအိန္ဒိယနိုင်ငံနှင့်ပါကစ္စတန်နိုင်ငံတို့က သံတမန်များကို အပြန်အလှန်နှင်ထုတ်လိုက်ကြောင်းသိရသည်။ နှင်ထုတ်ခံရသည့်သံတမန်များသည် သူလျှိုလုပ်ငန်း များကိုလုပ်ဆောင်သည်ဟူသော စွပ်စွဲချက်များဖြင့် နှင်ထုတ်ခံရခြင်းဖြစ်သည် ဟု နှစ်နိုင်ငံစလုံးမှတာဝန်ရှိသူများကပြောသည်။အိန္ဒိယအစိုးရသည် နယူးဒေလီမြို့ရှိပါကစ္စတန်သံရုံးမှ တာဝန်ရှိသူတစ်ဦးကို နှင်ထုတ်လိုက်ကြောင်းနှင့် ၂၄ နာရီအတွင်း နိုင်ငံအတွင်းမှထွက်သွားရန်လည်းတောင်းဆိုလိုက်ကြောင်း ထုတ်ပြန်ထားသည်ဟု အိန္ဒိယသတင်းဌာနတစ်ခုကဖော်ပြထားသည်။အလားတူ ပါကစ္စတန်အစိုးရကလည်း အစ္စလာမ်မာဘတ်မြို့ရှိ အိန္ဒိယသံရုံးမှ အိန္ဒိယတာဝန်ရှိသူတစ်ဦးကို နှင်ထုတ်လိုက်ပြီး ၂၄ နာရီအတွင်း နိုင်ငံအတွင်းမှ ထွက်သွားရန်တောင်းဆိုထားကြောင်း ပါကစ္စတန်နိုင်ငံခြားရေးဝန်ကြီးဌာနက ထုတ်ပြန်ထားသည်။ နှင်ထုတ်ခံရသူများသည် သက်ဆိုင်ရာနိုင်ငံအတွက် မလိုလားအပ်သူများအဖြစ်လည်း ကြေညာခံလိုက်ရကြောင်းသိရသည်။Ref: XinhuaSource: Myawady Daily Newspaper
Thu, 15-မေလ-2025
dmitry peskov
ယူကရိန်းနှင့်တိုက်ရိုက်ဆွေးနွေးရန် ရုရှားက အစ္စတန်ဘူသို့ ကိုယ်စားလှယ်အဖွဲ့စေလွှတ်မည်
ရုရှားအစိုးရက ယူကရိန်းနှင့်ပြုလုပ်မည့် တိုက်ရိုက်ဆွေးနွေးမှုအတွက် အစ္စတန်ဘူ မြို့သို့ကိုယ်စားလှယ်အဖွဲ့ကိုစေလွှတ်သွားမည်ဖြစ်ကြောင်း၊ ယူကရိန်းဘက်က လည်း အလားတူလုပ်ဆောင်မည်ဟု မျှော်လင့်ကြောင်း ရုရှားသမ္မတရုံးမှ ပြောရေးဆိုခွင့်ရှိသူ ဒီမီထရီပက်စကော့ ကပြောသည်။ရုရှားသမ္မတ ဗလာဒီမာပူတင်က ယူကရိန်းနှင့်တိုက်ရိုက်ဆွေးနွေးမှုကို မေလ ၁၅ ရက်တွင် တူကီယဲနိုင်ငံ အစ္စတန်ဘူ မြို့၌ပြန်လည်စတင်ရန် အဆိုပြုထားသော်လည်း ယခုအချိန်အထိ ယူကရိန်း ဘက်က ဆွေးနွေးပွဲသို့ကိုယ်စားလှယ်ကို စေလွှတ်မှုရှိ၊ မရှိနှင့်ပတ်သက်၍ မည်သို့မျှ မထုတ်ပြန်ထားစဉ် ပက်စကော့ကယခု ကဲ့သို့ပြောလာခြင်းဖြစ်သည်။ပူတင်၏ကမ်းလှမ်းမှုကို အမေရိကန် သမ္မတဒေါ်နယ်ထရမ့်ကကြိုဆိုထားပြီး ယူကရိန်းသမ္မတဇီလန်စကီးက ဆွေးနွေးမှုအတွက် အသင့်ရှိသည်ဟုပြောဆိုထား သော်လည်း ပူတင်နှင့်သာတိုက်ရိုက်ဆွေးနွေးလိုသည်ဟု ထုတ်ပြန်ထားကြောင်း သိရသည်။Ref: RTSource: Myawady Daily Newspaper
Thu, 15-မေလ-2025
အမေရိကန်ဒေါ်လာ ၁၄၂ ဘီလီယံတန်ဖိုးရှိ လက်နက်ရောင်းချရေး သဘောတူညီချက် အမေရိကန်နှင့် ဆော်ဒီအာရေဗျတို့ လက်မှတ်ရေးထိုး
အမေရိကန်ဒေါ်လာ ၁၄၂ ဘီလီယံတန်ဖိုးရှိ လက်နက်ရောင်းချရေး သဘောတူညီချက် အမေရိကန်နှင့် ဆော်ဒီအာရေဗျတို့ လက်မှတ်ရေးထိုး
ဝါရှင်တန်၊ မေ ၁၄ ရက် (ဆင်ဟွာ)အမေရိကန်နှင့် ဆော်ဒီအာရေဗျတို့က အမေရိကန်ဒေါ်လာ ၁၄၂ ဘီလီယံနီးပါး တန်ဖိုးရှိသော လက်နက်ရောင်းချရေး သဘောတူညီချက်ကို မေ ၁၃ ရက်၌ လက်မှတ်ရေးထိုးခဲ့ကြကြောင်း အမေရိကန် အိမ်ဖြူတော်က အဆိုပါနေ့တွင် ထုတ်ပြန်ကြေညာခဲ့သည်။အမေရိကန်နှင့် ဆော်ဒီအာရေဗျတို့ လက်မှတ်ရေးထိုးသော အဆိုပါသဘောတူညီချက်မှာ “သမိုင်းတစ်လျှောက် အကြီးမားဆုံးလက်နက်ရောင်းချမှု သဘောတူညီချက်” ဖြစ်ပြီး ဤသဘောတူညီချက်မှာ ဆော်ဒီအာရေဗျက အမေရိကန်တွင် ရင်နှီးမြှုပ်နှံရန် သဘောတူထားသော ဒေါ်လာ ၆၀၀ ဘီလီယံ သဘောတူညီချက်များစွာ၏ တစ်စိတ်တစ်ပိုင်းဖြစ်ကြောင်း ထုတ်ပြန်ချက်၌ ဖော်ပြထားသည်။သဘောတူညီချက်အရ အမေရိကန်၏ ကာကွယ်ရေးဆိုင်ရာ ကုမ္ပဏီလုပ်ငန်း ၁၀ ခုကျော်က ဆော်ဒီအာရေဗျထံ အဆင့်မြင့်လက်နက်များနှင့် ဝန်ဆောင်မှုများကို ပေးအပ်သွားမည်ဖြစ်ပြီး လေတပ်အဆင့်မြှင့်တင်ရေးနှင့် အာကာသစွမ်းရည်တည်ဆောက်ရေး၊ လေကြောင်းကာကွယ်ရေးနှင့် ဒုံးကျည်ကာကွယ်ရေးစနစ်၊ ပင်လယ် ရေကြောင်းနှင့် ကမ်းရိုးတန်း လုံခြုံရေးစနစ်၊ နယ်စပ်လုံခြုံရေးနှင့် ကြည်းတပ် ခေတ်မီအသွင်ပြောင်းရေးနှင့် ပြုပြင် မွမ်းမံရေး၊ အချက်အလက်နှင့် ဆက်သွယ်ရေးစနစ် အဆင့်မြှင့်တင်ရေး စသည့် ကဏ္ဍ ၅ ခု ပါဝင်ကြောင်း သိရသည်။ ထို့ပြင် အမေရိကန်ဘက်က ဆော်ဒီအာရေဗျလက်နက်ကိုင်တပ်ဖွဲ့အတွက် သင်တန်းနှင့် ထောက်ပံ့မှုများကိုလည်း ပံ့ပိုးပေးသွားမည်ဖြစ်ပြီး ဆော်ဒီအာရေဗျ စစ်တက္ကသိုလ်ပညာရေးနှင့် စစ်ဘက်ဆိုင်ရာ ဆေးကုသရေးဝန်ဆောင်မှု စသည်တို့ကို အားဖြည့်ဆောင်ရွက်မှုတို့ပါဝင်ကြောင်း သိရသည်။ဆော်ဒီအာရေဗျသည် အမေရိကန်လက်နက်ဝယ်ယူမှု အများဆုံးနိုင်ငံဖြစ်သည်။ အမေရိကန်နှင့် ဆော်ဒီအာရေဗျ တို့သည် ဆော်ဒီအာရေဗျက F-35 တိုက်လေယာဉ်များ ဝယ်ယူခွင့်ပြု/မပြုကို ဆွေးနွေးခဲ့ကြသော်လည်း အိမ်ဖြူတော်၏ ကြေညာချက်တွင် ဤကိစ္စအား ဖော်ပြထားခြင်းမရှိကြောင်း မီဒီယာတစ်ခုက သတင်းဖော်ပြ ခဲ့သည်။ ကိုးကား- Xinhua
Thu, 15-မေလ-2025
ရှီကျင့်ဖျင်နှင့် ချီလီနိုင်ငံ သမ္မတ Gabriel Boric တွေ့ဆုံဆွေးနွေး
ရှီကျင့်ဖျင်နှင့် ချီလီနိုင်ငံ သမ္မတ Gabriel Boric တွေ့ဆုံဆွေးနွေး
ပေကျင်း၊ မေ ၁၄ ရက် (ဆင်ဟွာ)တရုတ်နိုင်ငံ သမ္မတ ရှီကျင့်ဖျင်သည် တရုတ်နိုင်ငံသို့ လာရောက်၍ တရုတ်- လက်တင်အမေရိကနှင့် ကာရေဘီယံ နိုင်ငံများ အသိုက်အဝန်း (CELAC) ဖိုရမ် စတုတ္ထအကြိမ်မြောက် ဝန်ကြီးများအစည်းအဝေး တက်ရောက်သော ချီလီနိုင်ငံ သမ္မတ Gabriel Boric နှင့် ပေကျင်းမြို့ ပြည်သူ့ခန်းမဆောင်၌ မေ ၁၄ ရက် နံနက်ပိုင်းတွင် တွေ့ဆုံ ဆွေးနွေးခဲ့သည်။ထိုသို့ တွေ့ဆုံဆွေးနွေးရာတွင် ရှီကျင့်ဖျင်က ယခုနှစ်သည် တရုတ်-ချီလီ သံတမန်ဆက်ဆံရေး ထူထောင်သည့် ၅၅ နှစ်မြောက် ဖြစ်ကြောင်း ထောက်ပြပြောဆိုခဲ့သည်။လွန်ခဲ့သည့် ၅၅ နှစ်က နှစ်နိုင်ငံ ရှေးယခင်ခေါင်းဆောင်များသည် အမြော်အမြင်ရှိစွာဖြင့် စစ်အေးခေတ်၏ မှောင်မိုက်သည့်မြူများကြားမှ ထိုးဖောက်၍ တရုတ်ပြည်သူ့သမ္မတနိုင်ငံနှင့် တောင်အမေရိကနိုင်ငံများ အကြား သံတမန်ဆက်ဆံရေးထူထောင်သည့် စာမျက်နှာကို စတင်ဖွင့်လှစ်ခဲ့ကြောင်း၊ ရာစုနှစ်ဝက်ကျော်ကာလတွင် နိုင်ငံတကာအခြေအနေ မည်ကဲ့သို့ပင်ပြောင်းလဲစေကာမူ တရုတ်-ချီလီဆက်ဆံရေးဟူသည့် သင်္ဘောကြီးသည် လှိုင်းဒဏ်လေဒဏ်ကို အစဉ်အမြဲ ကျော်ဖြတ်၍ တရုတ်နိုင်ငံနှင့် လက်တင်အမေရိကနိုင်ငံများ ဆက်ဆံရေး တိုးတက်မှုရေစီးကြောင်းကြီးကို ဦးဆောင်လျက်ရှိကြောင်း ရှီကျင့်ဖျင်က ပြောကြားခဲ့သည်။တရုတ်နိုင်ငံနှင့် ချီလီနိုင်ငံတို့သည် နှစ်နိုင်ငံ၏ ဘက်စုံမဟာဗျူဟာမြောက် မိတ်ဖက်ဆက်ဆံရေး၏ ခေတ်အနှစ်သာရကို အဆက်မပြတ်ပြည့်ဝအောင် လုပ်ဆောင်၍ တရုတ်နိုင်ငံနှင့် လက်တင်အမေရိကနိုင်ငံများ အတူတကွ ဖွံ့ဖြိုးတိုးတက်မှု စံနမူနာ၊ ကမ္ဘာ့တောင်ဘက်ခြမ်းနိုင်ငံများ ပူးပေါင်းဆောင်ရွက်မှု စံနမူနာ ဖန်တီးကာ လူသားမျိုးနွယ် ငြိမ်းချမ်းစွာ ဖွံ့ဖြိုးတိုးတက်ရေးလုပ်ငန်းကို အတူတကွမြှင့်တင်ရမည်ဖြစ်ကြောင်း ၎င်းက ပြောကြားခဲ့သည်။တရုတ်နိုင်ငံအနေဖြင့် ချီလီနိုင်ငံနှင့်အတူ နိုင်ငံရေးအရ အပြန်အလှန်ယုံကြည်မှု ခိုင်မြဲအောင် လုပ်ဆောင်၍ အပြန်အလှန် နားလည်မှု၊ တန်းတူညီမျှ ဆက်ဆံမှု၊ အပြန်အလှန် အကျိုးဖြစ်ထွန်း၍ ဘုံအကျိုးဖော်ဆောင်မှုကို ကိုင်စွဲကာ နိုင်ငံရေးရာစီမံခန့်ခွဲမှု အတွေ့အကြုံများ ကူးလူးဖလှယ်မှု မြှင့်တင်သွားလိုကြောင်း၊ ထို့ပြင် အပြန်အလှန်၏ အဓိကအကျိုးစီးပွားနှင့် အရေးကြီးဂရုပြုသောအရေးကိစ္စများအပေါ် အပြန်အလှန် ခိုင်မြဲစွာ ထောက်ခံအားပေး၍ အချုပ်အခြာအာဏာ၊ ဘေးကင်းလုံခြုံမှု၊ ဖွံ့ဖြိုးတိုးတက်မှု အကျိုးစီးပွားကို ကိုယ်စီ ကာကွယ်ထိန်းသိမ်းသွားလိုကြောင်း ရှီကျင့်ဖျင်က အလေးထားပြောကြားခဲ့သည်။နှစ်ဖက်အနေဖြင့် “ရပ်ဝန်းနှင့် ပိုးလမ်းမ” အတူတကွ တည်ဆောက်ရေးဆိုင်ရာ ပူးပေါင်းဆောင်ရွက်မှု အစီအစဉ်ကို အကောင်အထည်ဖော်၍ စိုက်ပျိုးရေး၊ သစ်တော၊ မွေးမြူရေး၊ ရေလုပ်ငန်း၊ ကုန်ထုတ်လုပ်ငန်း ရင်းနှီးမြှုပ်နှံမှု၊ အခြေခံအဆောက်အဦ၊ အစိမ်းရောင်သတ္တုလုပ်ငန်း စသည့်ကဏ္ဍများတွင် ပူးပေါင်း ဆောင်ရွက်မှု များကို နက်ရှိုင်းစွာဖော်ဆောင်ပြီး နက္ခတ္တဗေဒ၊ ဝင်ရိုးစွန်းဒေသ၊ ဉာဏ်ရည်တု၊ ဇီဝဆေးပညာ၊ ဒစ်ဂျစ်တယ် စီးပွားရေး စသည့် တိုးတက်မှုကဏ္ဍအသစ်များကို ပျိုးထောင်ရမည်ဖြစ်ကြောင်း ၎င်းက ပြောကြားခဲ့သည်။တရုတ်နိုင်ငံအနေဖြင့် ပိုမိုများပြားသည့် တရုတ်လုပ်ငန်းကုမ္ပဏီများ ချီလီနိုင်ငံသို့ သွားရောက်ကာ ရင်းနှီး မြှုပ်နှံရန် ထောက်ခံအားပေးပြီး ပိုမိုများပြားသည် ချီလီနိုင်ငံမှ အရည်အသွေးကောင်းမွန်သော ထုတ်ကုန်များ တရုတ်ဈေးကွက်သို့ ဝင်ရောက်ရန် ကြိုဆိုကြောင်း၊ နှစ်ဖက်အနေဖြင့် ယဉ်ကျေးမှု အပြန်အလှန် လေ့လာ သင်ယူမှုကို မြှင့်တင်၍ ပညာရေး၊ ယဉ်ကျေးမှု၊ မီဒီယာ၊ လူငယ် စသည့် ကူးလူးဖလှယ်ရေး လှုပ်ရှားမှုများကို ကောင်းမွန်စွာ ဖော်ဆောင်ကာ လူပုဂ္ဂိုလ်သွားလာဆက်ဆံရေး အဆင်ပြေချောမွေ့စေရန် လုပ်ဆောင်ပြီး နှစ်နိုင်ငံဆက်ဆံရေး ရေရှည်ဖွံ့ဖြိုးတိုးတက်မှုအတွက် ကောင်းမွန်သော လူမှုအသိုက်အဝန်း ပြည်သူ့ဆန္ဒ အခြေခံအုတ်မြစ် ချမှတ်ပေးရမည်ကြောင်း ရှီကျင့်ဖျင်က ပြောကြားခဲ့သည်။လက်ရှိ ပြောင်းလဲရှုပ်ထွေး ရောယှက်နေသည့် နိုင်ငံတကာ အခြေအနေကို ရင်ဆိုင်ရာတွင် တစ်ဖက်သတ်ဝါဒ၊ ကိုယ်ကျိုးစီးပွားကာကွယ်ရေးဝါဒ ဟူသည့် ခေတ်နောက်ပြန်ဆွဲမှုများ လှုပ်ရှားလျက်ရှိပြီး နိုင်ငံတကာ ကုန်သွယ်စီးပွားစည်းစနစ်အပေါ် ပြင်းထန်သော ထိုးနှက်မှုဖြစ်စေကြောင်း၊ နိုင်ငံစုံ ပူးပေါင်းဆောင်ရွက်ရေးဝါဒနှင့် လွတ်လပ်စွာကုန်သွယ်ရေးအား အခိုင်အမာ ကာကွယ်ထိန်းသိမ်းသူအနေဖြင့် တရုတ်နှင့် ချီလီတို့သည် နိုင်ငံစုံ နှင့် ညှိနှိုင်းပူးပေါင်းဆောင်ရွက်မှုကို မြှင့်တင်၍ ကမ္ဘာ့တောင်ဘက်ခြမ်းနိုင်ငံများ၏ ဘုံအကျိုးစီးပွားကို ကာကွယ် စောင့်ရှောက်ရမည်ဖြစ်ကြောင်း ၎င်းက ပြောကြားခဲ့သည်။Gabriel Boric က ချီလီနိုင်ငံသည် တရုတ်နိုင်ငံနှင့် ဆက်ဆံရေးအား များစွာ အလေးထားကြောင်း ပြောကြား ခဲ့သည်။ တရုတ်နိုင်ငံသည် ချီလီနိုင်ငံ၏ အရေးပါဆုံး ကုန်သွယ်ရေး မိတ်ဖက်ဖြစ်လာပြီဖြစ်ကာ နှစ်ဖက် ပူးပေါင်းဆောင်ရွက်မှုသည် နှစ်နိုင်ငံပြည်သူများကို အကျိုးဖြစ်ထွန်းစေကြောင်း၊ ချီလီနိုင်ငံက တရုတ် တစ်နိုင်ငံတည်း မူဝါဒကို ခိုင်မာစွာ လိုက်နာကျင့်သုံးသွားမည်ဖြစ်ကြောင်း ၎င်းက ပြောကြားခဲ့သည်။ချီလီနိုင်ငံအနေဖြင့် တရုတ်နိုင်ငံနှင့်အတူ ကုန်သွယ်ရေး၊ ရင်းနှီးမြှုပ်နှံမှု၊ ဉာဏ်ရည်တု စသည့်ကဏ္ဍများတွင် ပူးပေါင်းဆောင်ရွက်မှုကို တစ်ဆင့်တိုး မြှင့်တင်သွားရန် မျှော်လင့်ကြောင်း၊ “ရပ်ဝန်းနှင့်ပိုးလမ်းမ” အားအရည်အသွေးမြင့် အတူတကွတည်ဆောက်၍ ပြည်သူအချင်းချင်း ကူးလူးဖလှယ်မှုအား အနီးကပ် လုပ်ဆောင်ပြီး ချီလီ-တရုတ်ဆက်ဆံရေးတွင် ပိုမိုများပြားသော လက်တွေ့ကျသည့် အကျိုးရလဒ်များ သယ်ဆောင်လာရေးအား တွန်းအားပေးလုပ်ဆောင်သွားရန် မျှော်လင့်ကြောင်း ၎င်းက ပြောကြားခဲ့သည်။နိုင်ငံများက လွတ်လပ်စွာကုန်သွယ်ရေးနှင့် အပြန်အလှန် အကျိုးဖြစ်ထွန်း၍ ဘုံအကျိုးစီးပွား ဖော်ဆောင်မှုကို ကိုင်စွဲထားသင့်ကြောင်း၊ ကုန်သွယ်ရေးသည် နိုင်ငံတစ်နိုင်ငံ၏ တစ်ကိုယ်ကောင်းအကျိုးစီးပွားအတွက်သာ ဝန်ဆောင်မှုပေး၍မရကြောင်း၊ ကုန်သွယ်ရေးစစ်ပွဲဖော်ဆောင်ခြင်းသည် ထွက်ပေါက်မရှိကြောင်း၊ ချီလီနိုင်ငံအနေဖြင့် တရုတ်နိုင်ငံနှင့်အတူ နိုင်ငံစုံပူးပေါင်းဆောင်ရွက်ရေးဝါဒနှင့် ကုလသမဂ္ဂ၏ ဩဇာအရှိန်အဝါကို ခိုင်မာစွာကာကွယ်ထိန်းသိမ်း၍ တွေ့ဆုံဆွေးနွေးမှုမှတစ်ဆင့် သဘောထားကွဲလွဲမှုများကို ဖြေရှင်းကာ နိုင်ငံတကာ တရားမျှတမှု၊ သမာသမတ်ကျမှုအား အတူတကွ ထိန်းသိမ်းသွားလိုကြောင်း ၎င်းက ပြောကြား ခဲ့သည်။အဆိုပါတွေ့ဆုံဆွေးနွေးပွဲသို့ ဝမ်ယိတက်ရောက်ခဲ့ကြောင်း သိရသည်။ Gabriel Boric တရုတ်နိုင်ငံသို့ ခရီးစဉ် ရောက်ရှိနေစဉ်အတွင်း နှစ်ဖက်အနေဖြင့် စီးပွားရေး၊ ထုတ်ဝေရေး၊ ပိုးမွှားနှင့် ကူးစက်ရောဂါ ကင်းစင်ကြောင်း စစ်ဆေးခြင်း၊ မီဒီယာနှင့် တတ်သိပညာရှင် စသည့်ကဏ္ဍများတွင် နှစ်ဖက်ပူးပေါင်းဆောင်ရွက်မှု သဘောတူ စာချုပ်များစွာကို လက်မှတ်ရေးထိုးခဲ့သည်။ ကိုးကား- Xinhua
Thu, 15-မေလ-2025
© Copyright 2024 SAC All Rights Reserved.