ဂျပန်နိုင်ငံတွင် တောမီးလောင်ကျွမ်းမှုကြောင့် လူတစ်ဦးသေဆုံးပြီး အနည်းဆုံး လူနေအိမ် ၈၄ လုံး ပျက်စီး

sacadmin

News Image

  • ဂျပန်နိုင်ငံတွင် တောမီးလောင်ကျွမ်းမှုကြောင့် လူတစ်ဦးသေဆုံးပြီး အနည်းဆုံး လူနေအိမ် ၈၄ လုံး ပျက်စီး

ဂျပန်နိုင်ငံ  အိုင်ဝါတေးစီရင်စုတွင် တောမီးလောင်ကျွမ်းမှုကြောင့် လူတစ်ဦးသေဆုံးပြီး အနည်းဆုံး လူနေအိမ် ၈၄ လုံး ပျက်စီးသွားကြောင်း အာဏာပိုင်များ၏ ထုတ်ပြန်ချက်ကို ကိုးကား၍ NHK သတင်းဌာနက ဖေဖော်ဝါရီလ ၂၇ ရက်တွင်ဖော်ပြသည်။

တောမီးလောင်ကျွမ်းမှုများသည် စီရင်စုအတွင်းရှိ   မြို့ကြီးသုံးမြို့တွင် ဖေဖော်ဝါရီလ ၂၆ ရက် မွန်းလွဲပိုင်းမှ  စတင်ဖြစ်ပွားခြင်းဖြစ်ပြီး အာဏာပိုင်များက အဆိုပါဒေသတွင်းရှိ  ဒေသခံ ၂၀၀၀ ကျော်ကို  ဘေးကင်းရာသို့   ရွှေ့ပြောင်းကြရန် တိုက်တွန်းခဲ့ရကြောင်း  ထုတ်ပြန်ချက်အရ သိရသည်။

တောမီးလောင်ကျွမ်းမှုအတွင်း သေဆုံးသွားသူမှာ  အိုဖူနာတိုမြို့မှ အမျိုးသားတစ်ဦးဖြစ်ပြီး အာဏာပိုင်များက မီးလောင်ကျွမ်းနေသည့် ၎င်း၏ ရုပ်အလောင်းကို ပြန်လည်တွေ့ရှိခဲ့ပြီဖြစ်ကြောင်း ရဲတပ်ဖွဲ့က ထုတ်ပြန်သည်။

ထို့ပြင် တောမီးလောင်ကျွမ်းမှုများကြောင့် ဖေဖော်ဝါရီလ ၂၇ ရက် နံနက်ပိုင်းအထိ လူနေအိမ် ၈၄ လုံး မီးလောင်ပျက်စီးသွားပြီး အာဏာပိုင်အဖွဲ့က လူ ၅၀၀ ကျော်ကို ယာယီခိုနားဆောင်များသို့ ပို့ဆောင်ထားပြီးဖြစ်သည်။ တောမီးလောင်ကျွမ်းမှုအတွင်း သစ်တော ၆၀၀ ဟတ်တာကျော် မီးလောင်ကျွမ်းခဲ့ကြောင်း သိရသည်။

တောမီးလောင်ကျွမ်းမှုများကို ငြှိမ်းသတ်နိုင်ရေးအတွက် အာဏာပိုင်များက ဆက်လက် ကြိုးပမ်းလျက်ရှိပြီး တောမီးလောင်ကျွမ်းမှုအတွင်း လူထိခိုက်ဒဏ်ရာ ရရှိမှုမရှိသေးကြောင်း သိရသည်။

Source: Myawady Web Portal

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ပြည်ပမှ စက်သုံးဆီများ စဉ်ဆက်မပြတ် တင်သွင်းရောက်ရှိ စက်သုံးဆီဈေးနှုန်းများ လျော့နည်းကျဆင်း
ပြည်ပမှ စက်သုံးဆီများ စဉ်ဆက်မပြတ် တင်သွင်းရောက်ရှိ စက်သုံးဆီဈေးနှုန်းများ လျော့နည်းကျဆင်း
ပြည်ပမှ စက်သုံးဆီများ စဉ်ဆက်မပြတ် စီမံတင်သွင်းလျက်ရှိသဖြင့် ပြည်တွင်းစက်သုံးဆီ ဖူလုံမှုအခြေအနေမှာ နေ့စဉ်သုံးစွဲမှုပမာဏအပြင် အရန်ဆီအနေဖြင့်လည်း ရက်သတ္တသုံးပတ်စာခန့်အထိ ကြိုတင်တင်သွင်းသိုလှောင်ထားရှိကြောင်း သိရသည်။လက်ရှိအခြေအနေတွင် သီလဝါရှိ ဆီချဆိပ်ကမ်းများတွင် စက်သုံးဆီတင်သင်္ဘောသုံးစင်းဆိုက်ကပ်ချယူလျက်ရှိပြီး လမ်းခရီးတွင် ခုနစ်စင်း၊ ပြည်ပနိုင်ငံတွင် စက်သုံးဆီတင်ဆောင်နေသော သင်္ဘောလေးစင်းနှင့် စက်သုံးဆီတင်ရန် စောင့်ဆိုင်းနေဆဲ ခြောက်စင်းအပါအဝင် မတ်လအတွင်း သင်္ဘောအစင်း ၃၀ ဖြင့် ပြည်ပမှ စက်သုံးဆီများ စဉ်ဆက်မပြတ် စီမံတင်သွင်းလျက်ရှိသည်။သီလဝါဒေသ သိုလှောင်ကန်စခန်းများမှ နိုင်ငံအဝန်းရှိ အရောင်းဆိုင်များနှင့် စက်မှုလုပ်ငန်း၊ စိုက်ပျိုးရေးလုပ်ငန်း၊ ဝန်ဆောင်မှုလုပ်ငန်းနှင့် ကုန်ထုတ်လုပ်ငန်းအပါအဝင် အခြားလုပ်ငန်းကဏ္ဍ အသီးသီးသို့ အချိန်နှင့်တစ်ပြေးညီ ဖြည့်တင်းဖြန့်ဖြူးပေးလျက်ရှိသည့်အပြင် အဓိကဆက်သွယ်ရေး လမ်းကြောင်းကြီးများဖြစ်သည့် ရန်ကုန် - ပဲခူး - နေပြည်တော် - မန္တလေးအမြန်လမ်း၊ ရန်ကုန် -  ပုသိမ် - ချောင်းသာ - ငွေဆောင်လမ်း၊ သာစည် - ကလော - အင်းလေး- တောင်ကြီးလမ်း၊ မန္တလေး - မိတ္ထီလာ - ကျောက်ပန်းတောင်း - ပုပ္ပား- ပုဂံလမ်း၊ မန္တလေး - ပြင်ဦးလွင်လမ်း၊ မကွေး- မင်းဘူး - ရွှေစက်တော်လမ်းများပေါ်ရှိ အရောင်းဆိုင်များနှင့် မြို့ကြီးများရှိ အဓိကအရောင်းဆိုင်များသို့ စက်သုံးဆီ ကြိုတင်ဖြည့်တင်းထားခြင်းကြောင့် လာမည့်မဟာသင်္ကြန်ကာလအပါအဝင် အများပြည်သူ ရုံးပိတ်ရက်ရှည်များတွင် စက်သုံးဆီများကို လိုအပ်သည့်နေရာတွင် လိုအပ်သလောက် အဆင်ပြေလွယ်ကူချောမွေ့စွာ ဝယ်ယူသုံးစွဲနိုင်ကြမည်ဖြစ်သည့်အပြင် အခြားလုပ်ငန်းကဏ္ဍအသီးသီးတို့တွင်လည်း လိုအပ်သလောက် ဝယ်ယူသုံးစွဲနိုင်ကြမည်ဖြစ်သဖြင့် လုပ်ငန်းများ ပုံမှန်လည်ပတ်ဆောင်ရွက်နိုင်ကြမည်ဖြစ်သည်။စက်သုံးဆီဈေးနှုန်းများသည်လည်း မတ်လအတွင်းတွင် ဆက်တိုက်ကျဆင်းလျက်ရှိရာ ယခုအပတ်တွင်လည်း ယခင်ကထက် တစ်လီတာလျှင် ၇၀ ကျပ် မှ ၇၅ ကျပ်အထိ ထပ်မံကျဆင်းခဲ့ကြောင်း သိရှိရသည်။Source: www.moi.gov.mm 
အိမ်မှုကိစ္စများကို လုပ်ဆောင်နိုင်သည့် AI စွမ်းအင်သုံး လူသားပုံစံ စက်ရုပ်ကို နော်ဝေးစက်ရုပ်ကုမ္ပဏီတစ်ခု ထုတ်ပြန်ပြသ
အိမ်မှုကိစ္စများကို လုပ်ဆောင်နိုင်သည့် AI စွမ်းအင်သုံး လူသားပုံစံ စက်ရုပ်ကို နော်ဝေးစက်ရုပ်ကုမ္ပဏီတစ်ခု ထုတ်ပြန်ပြသ
နော်ဝေးစက်ရုပ်ကုမ္ပဏီ 1X သည် အဝတ်လျှော်ခြင်း၊ ပြတင်းပေါက်များ သန့်ရှင်းရေးလုပ်ခြင်းနှင့် ဖုန်စုပ်ခြင်းကဲ့သို့သော အိမ်မှုကိစ္စများစွာကို လုပ်ဆောင်နိုင်သည့် AI စွမ်းအင်သုံး လူသားပုံစံစက်ရုပ် NEO Gammaကို မကြာသေးမီက ထုတ်ပြန်ကြေညာခဲ့ကြောင်းသိရသည်။ ပြီးခဲ့သည့်လအနည်းငယ်အတွင်း စက်ရုပ်များ နှင့်ပတ်သက်ပြီး အောင်မြင်မှုအချို့ကို တွေ့မြင်ခဲ့ရပြီးနောက် နော်ဝေးစက်ရုပ်ကုမ္ပဏီ၏ အိမ်မှုကိစ္စများကို လုပ်ဆောင်နိုင်သော လူသားပုံစံစက်ရုပ်ကို ထုတ်ပြန်ကြေညာမှု ထွက်ပေါ်လာခြင်းဖြစ်သည်။ထို့ပြင် နော်ဝေးစက်ရုပ်ကုမ္ပဏီသည် NEO Gamma စက်ရုပ်ကို လူသားပုံစံ ပိုမိုတူစေရန်အတွက် ၎င်း၏ သတ္တုကိုယ်ထည်ကို ဖုံးကွယ်ထားသည့် နူးညံ့ချောမွေ့သောဝတ်စုံကိုဖန်တီးရန် ဂျပန်ချည်ထိုးစက်များ ထုတ်လုပ်သည့် Shima Seiki ကုမ္ပဏီနှင့် ပူးပေါင်းခဲ့ကြောင်းလည်းသိရသည်။ 1X ကုမ္ပဏီ၏အဆိုအရ မကြာသေးမီက ထုတ်ဖော်ပြသခဲ့သော NEO Gamma စက်ရုပ်သည် မြေပြင်မှ အရာဝတ္ထုများကို ကောက်ယူရန် အတွက် ဆောင့်ကြောင့်ထိုင်ခြင်း၊ ကုလားထိုင်ပေါ်တွင်ထိုင်ခြင်း၊ အိမ်တစ်ဝိုက်တွင် အရာဝတ္ထုများကို နေရာတကျ ချထားပေးခြင်းနှင့် လက်ဖက်ရည်ခွက်ထဲသို့ လက်ဖက်ရည်ထည့်ပေးခြင်းကဲ့သို့သော လုပ်ဆောင်မှု အမျိုးမျိုးကို လုပ်ဆောင်နိုင်ကြောင်း သိရသည်။ထို့ပြင် 1X ကုမ္ပဏီသည် NEO Gamma စက်ရုပ်ကို လူသားများကဲ့သို့ အမျိုးမျိုးသော လှုပ်ရှားမှုများကို လုပ်ဆောင်စေနိုင်ရန်အတွက် လေ့ကျင့်ပေးရန် လူသား၏လှုပ်ရှားမှု ဖမ်းယူသည့် ဒေတာအချက်အလက်များကို အသုံးပြုထားကြောင်းလည်း သိရသည်။ NEO Gamma စက်ရုပ်တွင် အသုံးပြုထားသည့် မိုက်ခရိုဖုန်း (၄)ခုကြောင့် ၎င်းသည် လူသားအသုံးပြုသူများ၏အမိန့်များကို တုံ့ပြန်မှုများ လုပ်ဆောင်နိုင်ကြောင်းလည်း သိရသည်။NEO Gamma စက်ရုပ်သည် ရိုးရှင်းသောစကားပြောဆိုမှုများကို တုံ့ပြန်နိုင်ပြီး ၎င်း၏တင်ပါးဆုံနေရာရှိ စပီကာမှတစ်ဆင့် သီချင်းများဖွင့်နိုင်ကြောင်းလည်း သိရသည်။ 1X ကုမ္ပဏီစီအီးအို Bernd Bornig က “လာမည့်အနာဂတ်တွင် ကျွန်တော်တို့အားလုံးဆီမှာ Rosie ဒါမှမဟုတ် Baymax ကဲ့သို့ အိမ်သုံးစက်ရုပ်များ ရှိလာပါလိမ့်မည်" ဟုပြောဆိုခဲ့သည်။Pika (NP News)
တစ်တန်လျှင်ငါးသိန်းဈေးရှိသောဘိလပ်မြေ အနာဂတ်မသေချာ
တစ်တန်လျှင်ငါးသိန်းဈေးရှိသောဘိလပ်မြေ အနာဂတ်မသေချာ
တစ်တန်လျှင် ငါးသိန်းဈေးဖြင့် လတ်တလော ပြည်ပမှ တင်သွင်းလာသောဘိလပ်မြေများကြောင့် မြင့်တက်နေသော ဘိလပ်မြေဈေးများ ပြန်လည်ကျဆင်းလာသော်လည်း ရေရှည်တွင် အရည်အသွေးနှင့် ဈေးနှုန်းပိုင်းအတွက် သေချာစွာ ပြန်လည်စိစစ်သင့်ကြောင်း ဆောက်လုပ်ရေးလုပ်ငန်းရှင်များအကြား ဝေဖန်မှုများထွက်ပေါ်နေသည်။“ဘိလပ်မြေ ပါမစ်ဈေးမှာကတည်းက တစ်တန်ကို ငါးသိန်းတန်ပါကြောင်း၊ တစ်တန်ကို အိတ်နှစ်ဆယ် ရှိသောကြောင့် တစ်အိတ်ကို နှစ်သောင်းခွဲ ဈေးပေါက်ပါကြောင်း၊ နိုင်ငံခြားက တင်သွင်းလာသည့် သွင်းကုန်ပါမစ်ဈေးတောင် ပြန် မရသည့်ဈေးဖြင့် ‌ရောင်းနေခြင်းဖြစ်ပါကြောင်း၊ ယခုဆိုဈေးကွက်ထဲတွင် တစ်အိတ်ကို နှစ်သောင်းနှစ်ထောင်နှုန်းဖြင့် ပြန်ရောင်းနေသည်များ ရှိလာသဖြင့် ထိုဘိလပ်မြေများ၏ အရည်အသွေးက စံချိန်မီလားဆိုသည်ကို သက်ဆိုင်ရာ က စစ်ဆေးသင့်ပါကြောင်း” ရန်ကုန်မြို့ တောင်ဥက္ကလာပမြို့နယ်ရှိ ကန်ထရိုက်တစ်ဦးကTheStateman သို့ပြောသည်။ဖေဖော်ဝါရီလပိုင်းအတွင်းက ပြည်တွင်းရှိဘိလပ်မြေစက်ရုံများ ထုတ်လုပ်မှုကျဆင်းလာရာမှတစ်ဆင့် ဘိလပ်မြေ ဈေးများ အဆမတန်မြင့်တက်ခဲ့ရာ ဘိလပ်မြေ တစ်အိတ်လျှင် သုံးသောင်းခွဲအထိ မြင့်တက်ခဲ့ခြင်းဖြစ်သည်။သက်ဆိုင်ရာက ကော့သောင်းနယ်စပ်မှတစ်ဆင့် ဘိလပ်မြေများ ရန်ကုန်သို့ တင်သွင်းခွင့်ပြုခဲ့ရာ လတ်တလောတွင် ဘိလပ်မြေဈေးကျဆင်းသွားသည်။ ဘိလပ်မြေဈေးကျဆင်းမှုသည် ရေရှည်အနေအထားဖြစ်ရန် လိုအပ်ချက်များရှိနေကြောင်းနှင့် အရည်အသွေးပိုင်း သေချာစွာစိစစ်ရန် လိုအပ်ကြောင်း သိရသည်။ “ပြည်တွင်းထုတ် လူရိုင်းခေါင်း တံဆိပ်အယ်ဖာ ဘိလပ်မြေက ယခုဆိုရင် တစ်အိတ်ကို တစ်သောင်း ကိုးထောင်အထိပြန်ကျသွားပါကြောင်း၊ တကယ်ဆိုရင် ဘိလပ်မြေဈေးက ဘာကြောင့်ဒီလောက်ဈေးတက်ပြီးမှ ပြန်ကျသလဲဆိုသည်မှာ အံသြစရာကောင်း၍ လက်ဝါးကြီး အုပ်ပြီးဈေးကွက်ကို လိုသလိုခြယ်လှယ်နေသည့်သူများကို သေချာစိစစ်သင့်ပါကြောင်း” ဆောက်လုပ်ရေး လောကသား တစ်ဦးက ဆိုသည်။ ပြည်တွင်းတွင် ပုဂ္ဂလိကပိုင် ဘိလပ်မြေ စက်ရုံ (၁၆) ရုံ နှင့် နိုင်ငံပိုင် ဘိလပ်မြေစက်ရုံ (၃)ရုံရှိပြီး အဆိုပါစက်ရုံများ စက်စွမ်းအားပြည့်လည်ပတ်ပါက ဘိလပ်မြေတန်ချိန် (၁၆) သန်းခန့် ထုတ်လုပ်နိုင်ကြောင်းသိရသည်။ လက်ရှိပြည်တွင်း အသုံးပြုနေသည့် ဘိလပ်မြေသည် တစ်နှစ်လျှင် တန်ချိန် (၁ဝ) သန်းနှင့် (၁၁)သန်း ကြား ရှိကြောင်း သိရသည်။ ရန်ကုန်မြို့တွင်သာ ပြည်ပမှ တင်သွင်းသောဘိလပ်မြေများကြောင့် ဈေးနှုန်းများ ကျဆင်းလာသော်လည်း နယ်မြို့များတွင် ဈေးနှုန်းကျဆင်းခြင်းမရှိဘဲ မြင့်တက်နေဆဲဖြစ်ကြောင်းသိရသည်။ကိုးကား-NP News
ရုရှားသည် ၂၀၃၀ ခုနှစ်အရောက်တွင် မောင်းသူမဲ့လေယာဉ်နည်းပညာ၌ ကမ္ဘာ့ခေါင်းဆောင် ဖြစ်လာရမည်ဟု ပူတင်ပြောကြား
ရုရှားသည် ၂၀၃၀ ပြည့်နှစ်အရောက်တွင် မောင်းသူမဲ့လေယာဉ်နည်းပညာ၌ ကမ္ဘာ့ခေါင်းဆောင် ဖြစ်လာရမည်ဟု ပူတင်ပြောကြား
ရုရှားနိုင်ငံသည် ၂၀၃၀ ပြည့်နှစ်တွင် မောင်းသူမဲ့ လေယာဉ်နည်းပညာ၌ ကမ္ဘာ့ခေါင်းဆောင်နိုင်ငံအဖြစ် ရပ်တည်နိုင်ရမည်ဖြစ်ကြောင်း၊ ရည်မှန်းချက် အတွက် သတ်မှတ်ညွှန်ကိန်းများ ချမှတ်၍ လုပ်ဆောင်ရန် လိုအပ်ကြောင်းနှင့် လိုအပ်သည့် ဘဏ္ဍာငွေထုတ်ပေးမည်ဖြစ်ကြောင်း ရုရှားသမ္မတ ဗလာဒီမာ ပူတင်က မတ်လ ၂၁ ရက်တွင် ပြောကြားလိုက်ပါသည်။ထိုရည်မှန်းချက်အကောင်အထည်ဖော်ရန် ပထမဆုံးအစီရင်ခံစာကို ဇွန်လ ၁ ရက်နေ့တွင် တင်ပြရမည်ဖြစ်ပြီး နောက်ပိုင်းတွင် ခြောက်လ တစ်ကြိမ် အစီရင်ခံစာများ ဆက်လက်တင်ပြရမည် ဖြစ်ပါသည်။မောင်းသူမဲ့ လေယာဉ်ထုတ်လုပ်ခြင်းနှင့် လုပ်ငန်းလည်ပတ်ခြင်း လုပ်ငန်းစဉ်များ၌ AI နည်းပညာ အခြေခံသည့် ဖြေရှင်းနည်းများကို အသုံးပြုခြင်း အတွက် ညွှန်ကြားချက်များကို လိုက်နာဆောင်ရွက်ရမည်ဖြစ်ကြောင်း ၎င်းက မှာကြားထားပါသည်။ ဆက်လက်၍ လူမဲ့လေယာဉ်များ ထုတ်လုပ်ခြင်းနှင့် လည်ပတ်ခြင်းတွင် သဘာဝကျစေရန် စဉ်းစားမှု (AI) အခြေခံဖြေရှင်းနည်းများကို အသုံးချခြင်း အတွက် လိုက်နာဆောင်ရွက်ရန်လည်း ပူတင်က ညွှန်ကြားခဲ့ပါသည်။ ထိုတာဝန်ကို ရုရှား National Technological Initiative Platform နှင့် Sber တို့နှင့်ပူးပေါင်း၍ ဆောင်ရွက်ရန် တာဝန်ပေးထားကြောင်း သိရပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ဒုတိယညွှန်ကြားရေးမှူး၊နစက-၃
ထိုင်းနိုင်ငံသည် လာမည့်နှစ်မှစ၍ ပြည်တွင်းလေကြောင်းလိုင်းများတွင် နိုင်ငံခြားလေယာဉ်မှူးများကို ခန့်အပ်ခွင့်ပြုခြင်းကို ရပ်ဆိုင်းသွားမည်
ထိုင်းနိုင်ငံသည် လာမည့်နှစ်မှစ၍ ပြည်တွင်းလေကြောင်းလိုင်းများတွင် နိုင်ငံခြားလေယာဉ်မှူးများကို ခန့်အပ်ခွင့်ပြုခြင်းကို ရပ်ဆိုင်းသွားမည်
ထိုင်းလေကြောင်းစီမံခန့်ခွဲမှုအာဏာပိုင် (CAAT) သည် ထိုင်းလေယာဉ်မှူးများအသင်းက အစိုးရကို တရားစွဲဆိုပြီးနောက် ပြည်တွင်း လေကြောင်းလိုင်း များတွင် နိုင်ငံခြားလေယာဉ်မှူးများ လုပ်ကိုင်ခွင့်ပြုသည့် ယာယီ ခွင့်ပြုချက်ကို ဆက်လက်တိုးမြှင့်မည်မဟုတ်ကြောင်း ထုတ်ပြန်ခဲ့သည်။CAAT သည် အလုပ်လက်မဲ့ဖြစ်နေသော ဒေသခံလေယာဉ်မှူးများ အလုပ်ရရှိရေးတွင် ကြုံတွေ့နေရသည့် အခက်အခဲများကို အသိအမှတ်ပြုခဲ့ပြီး ၎င်းတို့ကိုကူညီပေးရန် ကတိပြုခဲ့ကြောင်း ထိုင်းလေယာဉ်မှူးများအသင်း ဥက္ကဋ္ဌ ဒေါက်တာ တီရာဝပ် အန်ကဆာကုလီယက်၏ ပြောကြားချက်ကို ကိုးကား၍ South China Morning Post သတင်းစာက ဖော်ပြခဲ့သည်။တီရာဝပ်က အသင်းအနေဖြင့် CAAT ၏ ယခုနှစ်အတွင်း ဤအစီအမံကို ရပ်ဆိုင်းမည်ဟူသော အာမခံချက်နှင့် ဒေသခံလေယာဉ်မှူးများအတွက် ထောက်ပံ့မှုတို့ကို ကြိုဆိုကြောင်း ပြောကြားခဲ့သည်။ထိုင်းလေယာဉ်မှူးများအသင်းသည် လွန်ခဲ့သည့်သီတင်းပတ်က နိုင်ငံခြားလေယာဉ်မှူးများအား ပြည်တွင်းလေကြောင်းလိုင်းများတွင် အလုပ်လုပ်ကိုင်ခွင့်ကို တားမြစ်ပေးရန် တောင်းဆိုသည့် လျှောက်လဲချက်ကို ထိုင်းအလုပ်သမားဝန်ကြီးဌာနထံ တင်ပြတောင်းဆိုခဲ့သည်။ ထိုင်းသတင်းစာ The Nation ၏ ဖော်ပြချက်အရ ခရီးသွားလုပ်ငန်း တိုးတက်မှုကို ဖြည့်ဆည်းပေးနိုင်ရန် ၂၀၂၄ ခုနှစ်၊ ဒီဇင်ဘာလက ဝန်ကြီးချုပ်ရုံး၏ ဆုံးဖြတ်ချက်ဖြစ်သည့် နိုင်ငံခြားလေယာဉ်မှူးများအား ထိုင်းနိုင်ငံတွင် ယာယီခွင့်ပြုချက်ဖြင့် wet lease သဘောတူညီချက်များအရ အလုပ်ခန့်ထားရန် ခွင့်ပြုခဲ့ခြင်းအပေါ် စိန်ခေါ်မှုတစ်ရပ် ဖြစ်စေခဲ့သည်ဟု ဆိုသည်။ကိုးကား-VN Expressဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
ဗီယက်နမ်သည် အရှေ့တောင်အာရှတွင် ဒုတိယမြောက် အပျော်ရွှင်ဆုံးနိုင်ငံအဖြစ် ရပ်တည်
ဗီယက်နမ်သည် အရှေ့တောင်အာရှတွင် ဒုတိယမြောက် အပျော်ရွှင်ဆုံးနိုင်ငံအဖြစ် ရပ်တည်
ဗီယက်နမ်နိုင်ငံသည် ၂၀၂၅ ကမ္ဘာ့ပျော်ရွှင်ဆုံးနိုင်ငံများ သတ်မှတ်ချက် တွင် အဆင့် ၄၆ တွင်ရပ်တည်ခဲ့ပြီး ၂၀၂၃ ခုနှစ် သတ်မှတ်ချက်မှ အဆင့် ၈ နေရာ မြင့်တက်လာခဲ့သည်။အောက်စဖို့ဒ်တက္ကသိုလ်မှ Wellbeing Research Center က ၂၀၂၄ ခုနှစ် မတ်လ ၂၀ ရက်နေ့တွင် ထုတ်ပြန်ခဲ့သော အစီရင်ခံစာအရ နိုင်ငံသားများ၏ ကိုယ်တိုင်ဖွင့်ဟ ပြောကြားချက်များအပေါ်အခြေခံကာ နိုင်ငံနှင့် နယ်မြေ ၁၄၃ ခုတို့၏ ပျော်ရွှင်မှုအဆင့်များကို သတ်မှတ်ခဲ့သည်။ဗီယက်နမ်နိုင်ငံ၏ ပျော်ရွှင်မှုအဆင့်သတ်မှတ်ချက်သည် မကြာသေးမီ နှစ်များအတွင်း တည်ငြိမ်စွာရှိခဲ့ပြီး ၂၀၂၁ ခုနှစ်တွင် အဆင့် ၇၇ ၊ ၂၀၂၂ ခုနှစ်တွင် အဆင့် ၆၅ နှင့် ၂၀၂၃ ခုနှစ်တွင် အဆင့် ၅၄ သို့ သိသာစွာ မြင့်တက်လာခဲ့သည်။ယခုအခါတွင် ဗီယက်နမ်သည် စင်ကာပူနိုင်ငံ၏ နောက်တွင် ရပ်တည်ကာ အရှေ့တောင်အာရှတွင် ဒုတိယမြောက် အပျော်ရွှင်ဆုံးနိုင်ငံဖြစ်လာခဲ့သည်။ဖင်လန်နိုင်ငံသည် ၈ နှစ်ဆက်တိုက် ကမ္ဘာ့အပျော်ရွှင်ဆုံးနိုင်ငံအဖြစ် ရွေးချယ်ခံရပြီး ဒိန်းမတ်၊ အိုက်စလန်နှင့် ဆွီဒင်နိုင်ငံတို့က နောက်မှ ရပ်တည်နေခဲ့သည်။ဗီယက်နမ်နိုင်ငံသည် အရှေ့တောင်အာရှဒေသတွင် ဒုတိယမြောက် အပျော်ရွှင်ဆုံးနိုင်ငံအဖြစ် သတ်မှတ်ခံရခြင်းသည် ဂုဏ်ယူစရာကောင်းသော အောင်မြင်မှုတစ်ရပ်ဖြစ်သည်။ နိုင်ငံသားများ၏ ဘဝအရည်အသွေး၊ စီးပွားရေးတည်ငြိမ်မှု၊ လူမှုရေးဖူလုံမှုနှင့် သဘာဝပတ်ဝန်းကျင်သာယာလှပမှုတို့ကြောင့် ထိုအဆင့်သတ်မှတ်ခံရခြင်းဖြစ်နိုင်သည်။ ဗီယက်နမ်နိုင်ငံသည် နိုင်ငံသားများ၏ ပျော်ရွှင်မှုကို အလေးထားသော လူမှုစီးပွားမူဝါဒများကို အကောင်အထည်ဖော်နိုင်ခြင်းကလည်း အဆိုပါ အောင်မြင်မှုကို ဖြစ်ပေါ်စေသည့် အဓိကအကြောင်းရင်းတစ်ခုဖြစ်သည်။ကိုးကား-VN Expressဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
© Copyright 2024 SAC All Rights Reserved.