အစ္စရေးဝန်ကြီးချုပ် နေတန်ယာဟုက ပြည်တွင်းလုံခြုံရေးဌာန အကြီးအကဲအား ရာထူးမှထုတ်ပယ်ရန် စတင်လုပ်ဆောင်

saceditor

News Image

  • အစ္စရေးဝန်ကြီးချုပ် နေတန်ယာဟုက ပြည်တွင်းလုံခြုံရေးဌာန အကြီးအကဲအား ရာထူးမှထုတ်ပယ်ရန် စတင်လုပ်ဆောင်

ပြည်တွင်းလုံခြုံရေးဌာန (Shin Bet) နှင့် တင်းမာမှုများ ကြီးထွားနေစဉ် အစ္စရေးဝန်ကြီးချုပ် ဘန်ဂျမင် နေတန်ယာဟုက ၎င်းဌာန၏ အကြီးအကဲဖြစ်သူ ရိုနန်ဘားအား ရာထူးမှထုတ်ပယ်မည့် လုပ်ထုံးလုပ်နည်းများကို စတင်လုပ်ဆောင်နေပြီဖြစ်ကြောင်း မတ် ၁၆ ရက်က ကြေညာခဲ့သည်။

ရိုနန်ဘားအား ရာထူးမှထုတ်ပယ်ရေးအတွက် အဆိုပြုချက်တစ်ရပ်ကို ယခုသီတင်းပတ်အတွင်း အစိုးရအဖွဲ့ထံ တင်သွင်းမည်ဖြစ်ကြောင်း အစည်းအဝေးတစ်ခုသို့ ဆင့်ခေါ်၍ ၎င်းအား အသိပေးခဲ့ကြောင်း အစ္စရေး ဝန်ကြီးချုပ်ရုံး၏ ထုတ်ပြန်ချက်အရသိရသည်။ ဘားအပေါ် အယုံအကြည်မရှိတော့သဖြင့် ယင်းကဲ့သို့ ဆုံးဖြတ်ခဲ့ခြင်းဖြစ်ကြောင်း အစ္စရေးပြည်သူများကို ဗီဒီယိုရုပ်သံမှတစ်ဆင့် ပြောကြားခဲ့သည် မိန့်ခွန်း၌ နေတန်ယာဟုက ထည့်သွင်းပြောကြားခဲ့သည်။ လတ်တလောတွင် ရှင်းဘတ် (Shin Bet) အဖွဲ့ကရော ရိုနန်ဘားကပါ ယင်းနှင့်ပတ်သက်၍ တုံ့ပြန်ပြောကြားခြင်း မရှိသေးပေ။ အစ္စရေးအနေဖြင့် စစ်ပွဲအတွင်း ပါဝင်ပတ်သက်နေဆဲဖြစ်သလို နိုင်ငံရေးအရ သဘောထားကွဲလွဲမှုများလည်း ဖြစ်ပေါ်နေချိန်တွင် နေတန်ယာဟုနှင့် အစ္စရေးလုံခြုံရေး အသိုင်းအဝိုင်းကြား တင်းမာမှုများ ကြီးထွားလာခြင်းကို အဆိုပါလုပ်ရပ် က မီးမောင်းထိုးပြလျက်ရှိသည်။ 

ကိုးကား- ဆင်ဟွာ 

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အစ္စရေးဝန်ကြီးချုပ် နေတန်ယာဟုက ပြည်တွင်းလုံခြုံရေးဌာန အကြီးအကဲအား ရာထူးမှထုတ်ပယ်ရန် စတင်လုပ်ဆောင်
အစ္စရေးဝန်ကြီးချုပ် နေတန်ယာဟုက ပြည်တွင်းလုံခြုံရေးဌာန အကြီးအကဲအား ရာထူးမှထုတ်ပယ်ရန် စတင်လုပ်ဆောင်
ပြည်တွင်းလုံခြုံရေးဌာန (Shin Bet) နှင့် တင်းမာမှုများ ကြီးထွားနေစဉ် အစ္စရေးဝန်ကြီးချုပ် ဘန်ဂျမင် နေတန်ယာဟုက ၎င်းဌာန၏ အကြီးအကဲဖြစ်သူ ရိုနန်ဘားအား ရာထူးမှထုတ်ပယ်မည့် လုပ်ထုံးလုပ်နည်းများကို စတင်လုပ်ဆောင်နေပြီဖြစ်ကြောင်း မတ် ၁၆ ရက်က ကြေညာခဲ့သည်။ရိုနန်ဘားအား ရာထူးမှထုတ်ပယ်ရေးအတွက် အဆိုပြုချက်တစ်ရပ်ကို ယခုသီတင်းပတ်အတွင်း အစိုးရအဖွဲ့ထံ တင်သွင်းမည်ဖြစ်ကြောင်း အစည်းအဝေးတစ်ခုသို့ ဆင့်ခေါ်၍ ၎င်းအား အသိပေးခဲ့ကြောင်း အစ္စရေး ဝန်ကြီးချုပ်ရုံး၏ ထုတ်ပြန်ချက်အရသိရသည်။ ဘားအပေါ် အယုံအကြည်မရှိတော့သဖြင့် ယင်းကဲ့သို့ ဆုံးဖြတ်ခဲ့ခြင်းဖြစ်ကြောင်း အစ္စရေးပြည်သူများကို ဗီဒီယိုရုပ်သံမှတစ်ဆင့် ပြောကြားခဲ့သည် မိန့်ခွန်း၌ နေတန်ယာဟုက ထည့်သွင်းပြောကြားခဲ့သည်။ လတ်တလောတွင် ရှင်းဘတ် (Shin Bet) အဖွဲ့ကရော ရိုနန်ဘားကပါ ယင်းနှင့်ပတ်သက်၍ တုံ့ပြန်ပြောကြားခြင်း မရှိသေးပေ။ အစ္စရေးအနေဖြင့် စစ်ပွဲအတွင်း ပါဝင်ပတ်သက်နေဆဲဖြစ်သလို နိုင်ငံရေးအရ သဘောထားကွဲလွဲမှုများလည်း ဖြစ်ပေါ်နေချိန်တွင် နေတန်ယာဟုနှင့် အစ္စရေးလုံခြုံရေး အသိုင်းအဝိုင်းကြား တင်းမာမှုများ ကြီးထွားလာခြင်းကို အဆိုပါလုပ်ရပ် က မီးမောင်းထိုးပြလျက်ရှိသည်။ ကိုးကား- ဆင်ဟွာ 
ဗင်နီဇွဲလားနိုင်ငံသားများအား ပြည်နှင်ဒဏ်ပေးသည့်ကိစ္စနှင့် ပတ်သက်၍ အကြောင်းပြန်ကြားပေးရန် ပြည်ထောင်စု တရားသူကြီးက ထရမ့်အစိုးရအား တောင်းဆို
ဗင်နီဇွဲလားနိုင်ငံသားများအား ပြည်နှင်ဒဏ်ပေးသည့်ကိစ္စနှင့် ပတ်သက်၍ အကြောင်းပြန်ကြားပေးရန် ပြည်ထောင်စုတရားသူကြီးက ထရမ့်အစိုးရအား တောင်းဆို
သမ္မတ၏လုပ်ပိုင်ခွင့်ကို ကျော်လွန်လုပ်ဆောင်မှုတစ်ခုဖြစ်သည့် ပြည်နှင်ဒဏ်ပေးခြင်းခံရသော ဗင်နီဇွဲလားနိုင်ငံသားများ၏ လေယာဉ်တင်ဆောင်မှုဆိုင်ရာ အသေးစိတ်အချက်အလက်များအား မတ်လ ၁၈ ရက် နောက်ဆုံးထား ပြန်ကြားပေးရန် ပြည်ထောင်စုတရားသူကြီးက ထရမ့်အစိုးရအား မတ်လ ၁၇ ရက်နေ့တွင် တောင်းဆိုခဲ့ပါသည်။အဆိုပါပြည်နှင်ဒဏ်ပေးခံရသည့် ဗင်နီဇွဲလားနိုင်ငံသားများသည် ပြည်ပအကြမ်းဖက်အဖွဲ့အစည်းတစ်ခု အဖြစ် သတ်မှတ်ထားသည့် Tren de Aragua ဂိုဏ်းအဖွဲ့ဝင်များဖြစ်ကြောင်း ထရမ့်က အခိုင်အမာ ပြောဆိုခဲ့သည်။ အဆိုပါအဖွဲ့အား အမေရိကန်အပေါ် သာမန်မဟုတ်သည့် စစ်ဆင်မှုများ လုပ်ဆောင်လျက်ရှိသည့် အဖွဲ့အဖြစ် ကြေညာရန်အတွက် ၁၇၉၈ ခုနှစ် နိုင်ငံခြားရန်သူများအက်ဥပဒေကို ကိုးကားထားသည့် အစိုးရအဖွဲ့၏ ကြေညာချက် တစ်ရပ်ကို အိမ်ဖြူတော်က မတ်လ ၁၅ ရက်နေ့တွင် ထုတ်ပြန်ခဲ့ခြင်းဖြစ်ကြောင်း Reuters သတင်းစာမျက်နှာတွင် ရေးသားဖော်ပြထားပါသည်။ကိုးကား-Reutersအလွတ်သဘောဘာသာပြန်သူ-ဦးထက်ထက်အောင်(နစက-၄)
လက်လီရောင်းချမှုများ အမေရိကန်တွင် ရောင်းအားတက်
လက်လီရောင်းချမှုများ အမေရိကန်တွင် ရောင်းအားတက်
ဖေဖော်ဝါရီလမှစ၍ အမေရိကန်၏ လက်လီရောင်းချမှုများသည် စားသုံးသူများ၏ လိုအပ်ချက်အရ ဝယ်ယူမှု (discretionary spending) များကြောင့် အနည်းငယ် အရောင်းသွက်လာပါသည်။ ထိုကဲ့သို့ အရောင်းသွက်လာခြင်းသည် အမေရိကန်သမ္မတထရမ့်၏ အကောက်ခွန်နှုန်း တိုးမြှင့်ကောက်ခံခြင်းနှင့် အစိုးရဝန်ထမ်းများအား အလုပ်ထုတ်ပစ်ခြင်း များကြောင့် နိုင်ငံ့စီးပွားရေးတည်ငြိမ်မှုမရှိခြင်းကို ပိုမိုထင်ဟပ်နေပါသည်။  သို့သော်မတ်လ ၁၇ ရက်(တနင်္လာနေ့)တွင်ထုတ်ပြန်ခဲ့သည့် အမေရိကန်၊ စီးပွားရေးဌာန၏ အစီရင်ခံစာအရ အမေရိကန်၏ စီးပွားရေးသည် ပထမ သုံးလပတ်တွင် အတန်အသင့် တိုးတက်မှုရှိကြောင်း၊ ဖေဖော်ဝါရီလတွင် လက်လီရောင်းချမှုများမှာ ၀.၂% မြင့်တက်ခဲ့ကြောင်း  ထုတ်ပြန်ထားပါသည်။ Kohl’s, Macy’s နှင့် Walmart ကဲ့သို့သော လက်လီ အရောင်းဆိုင်ကြီး များက ၎င်းတို့၏ မတ်လအတွက် ရောင်းအားသတ်မှတ်ချက်ကို မြှင့်ထား ကြပါသည်။ ထို့အပြင် စားသောက်ဆိုင်များနှင့် ဘားများ၏ ရောင်းအား သည် လွန်ခဲ့သည့် ၁၃ လနှင့် နှိုင်းယှဉ်ပါက ရောင်းအားကျသွားကြောင်း သိရှိရပါသည်။ ကိုးကား-Reutersဘာသာပြန်ဆိုသူ-ဒေါ်မေသူဌေး၊ ဦးစီးအရာရှိ၊ နစက-၃
ထိပ်တန်းအဆင့် ဆက်သွယ်မှုများပြုလုပ်ရန် အစီအစဉ်ကို ရုရှားနှင့် မြောက်ကိုရီးယား ဆွေးနွေး
ထိပ်တန်းအဆင့် ဆက်သွယ်မှုများပြုလုပ်ရန် အစီအစဉ်ကို ရုရှားနှင့် မြောက်ကိုရီးယား ဆွေးနွေး
ရုရှားနိုင်ငံခြားရေးဝန်ကြီးဌာနက ရုရှားနှင့်မြောက်ကိုရီးယားတို့အကြား ထိပ်တန်းအဆင့် ဆက်သွယ်မှုဆောင်ရွက်မှုများ လုပ်ဆောင်ရန် အစီအစဉ်နှင့်ပတ်သက်၍ ရုရှားကိုယ်စားလှယ်အဖွဲ့နှင့် မြောက်ကိုရီးယား ထိပ်တန်းသံတမန်အဖွဲ့တို့ ဆွေးနွေးခဲ့ကြောင်း ပြောကြားခဲ့သည်။ရုရှားဒုတိယနိုင်ငံခြားရေးဝန်ကြီး Andrey Rudenko သည် မတ်လ ၁၅ ရက်နေ့က ပြုံယမ်း၌ မြောက်ကိုရီးယားနိုင်ငံခြားရေးဝန်ကြီး Choe Son-hui နှင့် တွေ့ဆုံချိန်တွင် နှစ်နိုင်ငံထိပ်တန်းအဆင့် ဆက်သွယ်ဆောင်ရွက်မှုများ မြှင့်တင်ရန်ကိစ္စနှင့်ပတ်သက်၍ အကျယ်တဝင့်ဆွေးနွေးခဲ့ကြောင်း ရုရှားနိုင်ငံခြားရေးဝန်ကြီးဌာနက မတ်လ ၁၇ ရက်နေ့က ပြောကြားခဲ့ ပါသည်။ရုရှားသမ္မတ Vladimir Putin နှင့် မြောက်ကိုရီးယားခေါင်းဆောင် Kim Jong Un တို့ မကြာမီကာလအတွင်း ပြုလုပ်နိုင်ခြေရှိသည့် ထိပ်သီး ဆွေးနွေးပွဲအတွက် အစီအစဉ်များကို နှစ်ဦးနှစ်ဖက်ဆွေးနွေးခဲ့သည်ဟု ယူဆရသည်။ ခေါင်းဆောင်နှစ်ဦးသည် ၂၀၂၄ ခုနှစ်၊ ဇွန်လတွင် Putin ၏ ပြုံယမ်းခရီးစဉ်အတွင်း နောက်ဆုံးတွေ့ဆုံဆွေးနွေးခဲ့ကြသည်။ထိုစဉ်က Putin သည် နောက်တစ်ကြိမ်ထိပ်သီးဆွေးနွေးပွဲကို မော်စကို၌ ကျင်းပနိုင်လိမ့်မည်ဟုမျှော်လင့်ကြောင်းပြောကြားခဲ့ပါသည်။နှစ်နိုင်ငံစလုံးမှ အကြီးတန်းအရာရှိများသည် နှစ်နိုင်ငံပူးပေါင်း ဆောင်ရွက်မည့် အစီအစဉ်များ၌ ထဲထဲဝင်ဝင် ပါဝင်ဆောင်ရွက်လာခဲ့ကြသည်။မြောက်ကိုရီးယားအစိုးရ၏ ကိုယ်စားလှယ်အဖွဲ့သည် မတ်လ ၁၇ ရက်နေ့တွင် ရုရှားနိုင်ငံသို့ သွားရောက်ရန် ပြုံယမ်းမှထွက်ခွာခဲ့ကြပြီး ယင်း ကိုယ်စားလှယ်အဖွဲ့ကို ပြင်ပစီးပွားရေးဆိုင်ရာ ဆက်ဆံရေးတာဝန်ယူထားသည့် ဝန်ကြီး Yun Jong Ho က ဦးဆောင်သည်ဟု သိရှိရပါသည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
အမေရိကန်က ခရိုင်းမီးယားကို ရုရှား၏ အစိတ်အပိုင်းအဖြစ် အသိအမှတ် ပြုနိုင်
အမေရိကန်က ခရိုင်းမီးယားကို ရုရှား၏ အစိတ်အပိုင်းအဖြစ် အသိအမှတ် ပြုနိုင်
အမေရိကန်သည် ခရိုင်းမီးယားကို ရုရှား၏အစိတ်အပိုင်းအဖြစ် အသိ အမှတ်ပြုရန် စဉ်းစားနေပြီး ကုလသမဂ္ဂအား ထိုသို့ပြုလုပ်ရန် တိုက်တွန်းနိုင်ကြောင်း အမေရိကန်သတင်းဝက်ဘ်ဆိုဒ် Semafor က မတ်လ ၁၇ ရက်နေ့တွင်ဖော်ပြခဲ့သည်။Semafor ၏ ဖော်ပြချက်အရ သမ္မတ Donald Trump သည် မည်သည့် ဆုံးဖြတ်ချက်ကိုမျှ မချမှတ်ရသေးကြောင်းနှင့် ခရိုင်းမီးယား၏ အခြေအနေ နှင့်ပတ်သက်သော ဆွေးနွေးမှုများသည် “စစ်ပွဲအဆုံးသတ်ရန် ၎င်း၏ အစိုးရအဖွဲ့ကတွန်းအားပေးဆောင်ရွက်နေသော ဆောင်ရွက်ချက်များနှင့် ကိုက်ညီနေသည်” ဟု ဆိုသည်။အမျိုးသားလုံခြုံရေးကောင်စီ၏ ပြောရေးဆိုခွင့်ရှိသူ Brian Hughes က Semafor သို့ အိမ်ဖြူတော်သည် ထိုသို့သောကတိကဝတ်များကို မပြု လုပ်ခဲ့ကြောင်း ပြောကြားခဲ့သည်။“ရည်မှန်းချက်ပန်းတိုင်မှာ တူညီနေဆဲဖြစ်ပြီး တိုက်ခိုက်မှုများကို ရပ်တန့်ကာ ပဋိပက္ခကို ငြိမ်းချမ်းစွာဖြေရှင်းရန်ဖြစ်သည်” ဟု Hughes က ဆိုသည်။ရုရှားလူမျိုးများ အများဆုံးနေထိုင်သော ခရိုင်းမီးယားသည် ၂၀၁၄ ခုနှစ် တွင် ယူကရိန်းမှ ခွဲထွက်ပြီး ရုရှားနှင့်ပူးပေါင်းရန် ဆန္ဒမဲပေးခဲ့ကြသည်။ ထိုသို့ဖြစ်ရခြင်းမှာ အမေရိကန်က အားပေးထောက်ခံခဲ့မှုဖြင့် ကိယက်ဗ် တွင် အာဏာသိမ်းမှုဖြစ်ပွားပြီးနောက် ဒီမိုကရေစီနည်းကျ ရွေးကောက်တင်မြှောက်ခံရသော သမ္မတ Viktor Yanukovich ကို ဖယ်ရှားခဲ့ပြီး ဘာသာစကားဆိုင်ရာ အခွင့်အရေးအချို့ကို ချက်ချင်းပယ်ဖျက်ခဲ့သောကြောင့် ဖြစ်သည်။ ကုလသမဂ္ဂသည် အဆိုပါဒေသကို ယူကရိန်း နယ်မြေအဖြစ် ဆက်လက်ရှုမြင်နေဆဲဖြစ်သည်။Trump နှင့် ရုရှားသမ္မတ Vladimir Putin တို့သည် မတ်လ ၁၈ ရက်နေ့၌ ဖုန်းဖြင့်ဆွေးနွေးစဉ် အမေရိကန်က အဆိုပြုထားသော ရက်ပေါင်း ၃၀ စစ်ပြေငြိမ်းရေးကို ဆွေးနွေးရန် မျှော်လင့်ထားပြီး Putin က လွန်ခဲ့သည့် သီတင်းပတ်က မည်သည့်ဖြေရှင်းမှုမဆို “အကျပ်အတည်း၏ မူလ အကြောင်း အရင်းများ” ကို ညှိနှိုင်းဖြေရှင်းရမည်ဟု အတိအလင်း ပြောကြားခဲ့သည်။ စစ်မြေပြင်တွင် ဆုံးရှုံးမှုများစွာဖြစ်ပွားပြီးနောက် ယူကရိန်းသည် ၎င်း၏ စစ်တပ်ကို ပြန်လည်ဖြည့်တင်းရန် စစ်ပွဲရပ်စဲမှုကို အသုံးချနိုင်သည်ဟု ၎င်းက ဖော်ပြခဲ့သည်။ယူကရိန်းခေါင်းဆောင် Vladimir Zelensky သည် ယာယီစစ်ပြေငြိမ်းရေးကို ထောက်ခံခဲ့သော်လည်း ရုရှားသို့ မည်သည့်နယ်မြေဆိုင်ရာ ပိုင်ဆိုင်မှုကိုမျှ လွှဲပြောင်းမပေးနိုင်ကြောင်း ပြောဆိုခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
ရုရှား-ယူကရိန်း ငြိမ်းချမ်းရေးရရှိရန် လွန်စွာနီးစပ်လာဟု အိမ်ဖြူတော် ပြောရေးဆိုခွင့်ရှိသူဆို
ရုရှား-ယူကရိန်း ငြိမ်းချမ်းရေးရရှိရန် လွန်စွာနီးစပ်လာဟု အိမ်ဖြူတော် ပြောရေးဆိုခွင့်ရှိသူဆို
ယူကရိန်းပဋိပက္ခကို အဆုံးသတ်ရန် ငြိမ်းချမ်းရေး သဘောတူညီချက်သည် "လွန်စွာနီးစပ်လာပြီ" ဟု အမေရိကန် အိမ်ဖြူတော် ပြောရေးဆိုခွင့်ရှိသူ Karoline Leavitt က မတ်လ ၁၇ ရက်နေ့တွင် ပြောကြား ခဲ့သည်။ ၎င်းသည် အမေရိကန်သမ္မတ Donald Trump နှင့် ရုရှားသမ္မတ Vladimir Putin တို့အကြား ဖုန်းဆက်သွယ်မည့် အစီအစဉ်မတိုင်မီ ပြောကြားခြင်းဖြစ်သည်။သတင်းထောက်များအား ပြောကြားရာတွင် Leavitt က ယူကရိန်း ပဋိပက္ခငြိမ်းချမ်းရေးညှိနှိုင်းမှုများကို အမေရိကန်ဘောလုံးကစားပွဲနှင့် နှိုင်းယှဉ်ပြောဆိုခဲ့ကာ “ကျွန်မတို့သည် ငြိမ်းချမ်းရေး၏ ၁၀ ကွင်းမြောက်မှာရောက်နေပြီး ငြိမ်းချမ်းရေးသဘောတူညီချက်ကို ယခုလောက်နီးစပ်ဖူးခြင်း မရှိကြောင်း၊ ထို့ကြောင့် သမ္မတကြီးက အဆိုပါကိစ္စကို အောင်မြင်အောင်လုပ်ရန် စိတ်ပိုင်းဖြတ်ထားပါကြောင်း" ၎င်းက ပြောကြားခဲ့သည်။Trump က လွန်ခဲ့သောရက်ပိုင်းက ရုရှားသမ္မတ Putin နှင့် နယ်မြေထိန်းချုပ်မှုနှင့် အချို့သောနယ်မြေပိုင်ဆိုင်မှုများကိုခွဲဝေခြင်းကိစ္စများကို မတ်လ ၁၈ ရက်(အင်္ဂါ)နေ့တွင် ဆွေးနွေးမည်ဟု ပြောကြားခဲ့သည်။ ထို့အပြင် ခေါင်းဆောင်နှစ်ဦးသည် အမေရိကန်က အဆိုပြုထားသော ၃၀ ရက်ကြာစစ်ပြေငြိမ်းရေးကိုလည်း ဆွေးနွေးမည်ဟုမျှော်လင့်ရသည်။သမ္မတ Trump ၏ ကိုယ်စားလှယ် Steve Witkoff သည် လွန်ခဲ့သော သီတင်းပတ်က မော်စကိုတွင် Putin နှင့် တွေ့ဆုံခဲ့ပြီး "ယနေ့အချိန်တွင် နှစ်ဖက်သည် သဘောတူညီချက်ရရန် ပိုမိုနီးစပ်လာပြီ" ဟု CNN ၏ Jake Tapper အား ပြောကြားခဲ့သည်။ ၎င်းက အမေရိကန်သည် မော်စကိုနှင့် ကိယက်ဗ်အကြားကွာဟချက်များကို လျှော့ချနိုင်ခဲ့ပြီဟု ဆိုသည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.