ဘင်္ဂလားဒေ့ရှ် ယာယီအစိုးရက ဖြုတ်ချခံခဲ့ရသည့် ဝန်ကြီးချုပ်၏ပါတီ Awami League ကို ပိတ်ပင်မည်မဟုတ်ကြောင်း ပြောကြား
News Image
ဘင်္ဂလားဒေ့ရှ်နိုင်ငံ၏ ယာယီအစိုးရက ဖြုတ်ချခံခဲ့ရသည့် ဝန်ကြီးချုပ်ဟောင်း ရှိတ်ဟာဆီနာ၏ နိုင်ငံရေးပါတီကို ပိတ်ပင်ရန် အစီအစဉ်မရှိကြောင်း ပြောကြားလိုက်ပါသည်။ ဤသည်မှာ ယမန်နှစ်က ၎င်းကို ဖြုတ်ချခဲ့သည် ကျောင်းသားတော်လှန်ရေးသမားများ၏ သဘောထား နှင့် ကွဲလွဲနေပါသည်။
ဟာဆီနာ၏ Awami League ပါတီသည် သူမ၏ ၁၅ နှစ်တာ အာဏာ ရှိစဉ် ကာလအတွင်း လူ့အခွင့်အရေးချိုးဖောက်မှုများ ကျူးလွန်ခဲ့သည်ဟု စွပ်စွဲခံခဲ့ရပါသည်။ အထူးသဖြင့် ယမန်နှစ်က ဖြစ်ပွားခဲ့သည့် ဆန္ဒပြ လှုပ်ရှားမှုကို ပြင်းထန်စွာ နှိမ်နင်းခဲ့ရာတွင် လူပေါင်း ၈၀၀ ကျော် သေဆုံးခဲ့ရသည်ဟု ဆိုသည်။
ကျောင်းသားခေါင်းဆောင်များသည် ၎င်းတို့၏ အပေါင်းအဖော်များ သေဆုံးမှုအတွက် ဝမ်းနည်းနေဆဲဖြစ်ပြီး ဟာဆီနာ၏ဖခင်လက်ထက်က ဘင်္ဂလားဒေ့ရှ်၏ ၁၉၇၁ ခုနှစ် သွေးချောင်းစီးလွတ်မြောက်ရေးစစ်ပွဲမှာ အဓိကအခန်းကဏ္ဍက ပါဝင်ခဲ့သည့် Awami League ပါတီကို တားမြစ် ပိတ်ပင်ရန် တောင်းဆိုနေကြသည်။
သို့သော် ဟာဆီနာကို ဖြုတ်ချပြီးနောက် အာဏာရယူခဲ့သည့် ယာယီအစိုးရ၏ ခေါင်းဆောင်ဖြစ်သူ နိုဘယ်ဆုရှင် မုဟမ္မဒ်ယူနွဒ်က ထိုကဲ့သို့ လုပ်ဆောင်ရန် ရည်ရွယ်ချက်မရှိကြောင်း ပြောကြားခဲ့ပါသည်။
"ပါမောက္ခ ယူနွဒ်က ယာယီအစိုးရအနေဖြင့် Awami League ပါတီကို ပိတ်ပင်ရန် အစီအစဉ်မရှိကြောင်း ထုတ်ပြန်ခဲ့ပါသည်"ဟု ကြာသပတေး နေ့ (မတ် ၂၀) ညနေပိုင်းက ထုတ်ပြန်သည့် အစိုးရထုတ်ပြန်ချက်၌ ဖော်ပြ ထားပါသည်။
သို့သော် လူသတ်မှုနှင့် လူသားမျိုးနွယ်အပေါ် ကျူးလွန်ခဲ့သည့် ရာဇဝတ်မှု များအပါအဝင် ရာဇဝတ်မှုများကျူးလွန်ခဲ့သည်ဟု စွပ်စွဲခံထားရသော ပါတီခေါင်းဆောင်များကို ဘင်္ဂလားဒေ့ရှ်၏ တရားရုံး၌ တရားစွဲဆို သွားမည် ဖြစ်ကြောင်း ဆိုပါသည်။
ဒါကာမြို့ရှိ တရားရုံးတစ်ရုံးက ဖြုတ်ချခံရပြီးနောက် အိမ်နီးချင်း အိန္ဒိယ နိုင်ငံ၌ ခိုလှုံနေသော ဟာဆီနာနှင့် သူမ၏ မဟာမိတ်များကို ဖမ်းဆီးရန် အမိန့်များ ထုတ်ပြန်ထားပြီးဖြစ်သည်။
ကိုးကား-CNA
ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
