တူရကီအာဏာပိုင်များက အတိုက်အခံများဦးဆောင်သော အစ္စတန်ဘူလ် မြူနီစီပယ်အား ပိုမိုတင်းကျပ်စွာ ဖိနှိပ်မှုများ ဆောင်ရွက်လျက်ရှိ

saceditor

News Image

  • တူရကီအာဏာပိုင်များက အတိုက်အခံများဦးဆောင်သော အစ္စတန်ဘူလ် မြူနီစီပယ်အား ပိုမိုတင်းကျပ်စွာ ဖိနှိပ်မှုများ ဆောင်ရွက်လျက်ရှိ

တူရကီအာဏာပိုင်များသည် စနေနေ့ (မေ ၃၁) တွင် အတိုက်အခံ ခေါင်းဆောင် မြို့တော်ဝန် Ekrem Imamoglu ဦးဆောင်သော အစ္စတန်ဘူလ် မြို့တော်ဝန်ရုံးအပေါ် အဂတိလိုက်စားမှုစွပ်စွဲချက်များဖြင့် ဖိနှိပ်မှုကို အရှိန်မြှင့်လိုက်ပြီး လူ ၃၀ ခန့်ကို ဖမ်းဆီးလိုက်သည်။

ဖမ်းဆီးခံရသူများတွင် အဓိကအတိုက်အခံပါတီဖြစ်သော CHP ၏ လွှတ်တော် အမတ်ဟောင်းတစ်ဦးနှင့် CHP အုပ်ချုပ်သော အစ္စတန်ဘူလ်ရှိ ခရိုင် ၃ ခု ၏ မြို့တော်ဝန်များ ပါဝင်သည်။

အစိုးရပိုင် Anadolu သတင်းဌာနက အဆိုပါဖမ်းဆီးမှုများသည် အစ္စတန်ဘူလ်မက်ထရိုပိုလီတန်မြူနီစီပယ်နှင့်သက်ဆိုင်သည့် အဂတိ လိုက်စားမှုစုံစမ်းစစ်ဆေးရေး ၄ ခုနှင့်ဆက်စပ်နေကြောင်း ဖော်ပြ ခဲ့သည်။

မတ်လ ၁၉ ရက်တွင် အဂတိလိုက်စားမှုစွပ်စွဲချက်ဖြင့် မြို့တော်ဝန် Ekrem Imamoglu ဖမ်းဆီးခံရပြီးနောက် ယခုဖမ်းဆီးမှုများသည်အစ္စတန်ဘူလ်အုပ်ချုပ်ရေးအပေါ် တရားဝင်ဖိနှိပ်မှု၏ ပဉ္စမအကြိမ်မြောက် ဖြစ်သည်။

သမ္မတ Recep Tayyip Erdogan ၏ ၂၂ နှစ်ကြာ အုပ်ချုပ်မှုကို အပြင်းထန်ဆုံးစိန်ခေါ်နိုင်သူအဖြစ် ရှုမြင်ထားသော Imamoglu ဖမ်းဆီး ခံရမှုသည် ၎င်းအားပြန်လည်လွှတ်ပေးရန်နှင့် Erdogan လက်အောက်ရှိ တူရကီ၏ ဒီမိုကရေစီနိမ့်ကျမှုကို ရပ်တန့်ရန် တောင်းဆိုသည့် ကြီးမား ကျယ်ပြန့်သော ဆန္ဒပြမှုများကို ဖြစ်ပေါ်စေခဲ့သည်။

ကိုးကား- CNN

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

တောင်ကိုရီးယားသမ္မတ ရွေးကောက်ပွဲတွင် လီဂျေးမြောင်က မဲအများစုကို ရရှိထား
တောင်ကိုရီးယားသမ္မတ ရွေးကောက်ပွဲတွင် လီဂျေးမြောင်က မဲအများစုကို ရရှိထား
တောင်ကိုရီးယားနိုင်ငံ၌  ၂၁  ကြိမ်မြောက် သမ္မတရွေးကောက်ပွဲကို ဇွန်လ ၃ ရက်တွင် ကျင်းပရာ လက်ရှိမဲရေတွက်မှုအရ ဒီမိုကရက်တစ်ပါတီမှ ရွေးကောက်ပွဲဝင် ကိုယ်စားလှယ်   လီဂျေးမြောင်က မဲအများစုကိုရရှိပြီး အနိုင်ရရှိရန် တစ်ပြေး နေကြောင်း သိရသည်။လက်ရှိအချိန်အထိ တစ်နိုင်ငံလုံး၏ မဲအရေအတွက် ၅၇ ရာခိုင်နှုန်း နီးပါးကိုရေ တွက်ပြီးချိန်တွင် လီဂျေးမြောင်ကို ထောက်ခံမဲသည် ၄၉ ရာခိုင်နှုန်းခန့် ရှိနေကြောင်း Yonhap သတင်းဌာနက ဖော်ပြထားသည်။ထို့ပြင် မဲပေးပြီးနောက်ထွက်လာသည့် ပြည်သူများကိုမေးမြန်းမှုများအရ သမ္မတ ဖြစ်လာနိုင်သူမှာ လီဂျေးမြောင်ဖြစ်သည်ဟု သတင်းဌာနများက ကောက်ယူထားသည့် စစ်တမ်းများတွင် ဖော်ပြထားသည်။လီဂျေးမြောင်၏ အဓိကပြိုင်ဘက်ဖြစ်သည့် ပြည်သူ့အင်အားပါတီမှ ကင်မွန်ဆူး က ထောက်ခံမဲ ၄၃ ရာခိုင်နှုန်းနီးပါး ရရှိထားကြောင်း သိရသည်။Source: MWD Web Portal
Wed, 4-Jun-2025
ယူကရိန်းအရေးနှင့်ပတ်သက်၍ ထရမ့်၏သည်းခံနိုင်မှု အဆုံးစွန်သော အခြေအနေသို့ ရောက်ရှိနေဟုဆို
ယူကရိန်းအရေးနှင့်ပတ်သက်၍ ထရမ့်၏သည်းခံနိုင်မှု အဆုံးစွန်သော အခြေအနေသို့ ရောက်ရှိနေဟုဆို
အမေရိကန်သမ္မတ ဒေါ်နယ်ထရမ့်သည် ယူကရိန်းပဋိပက္ခ နှင့်ပတ်သက်၍ သည်းခံနိုင်မှုမှာ “အဆုံးစွန်သောအခြေအနေသို့ ရောက်ရှိနေပြီ” ဟု တူရကီနိုင်ငံဆိုင်ရာ အမေရိကန်သံအမတ်ကြီး Tom Barrack က ပြောကြား ခဲ့သည်။တူရကီနိုင်ငံဆိုင်ရာ အမေရိကန်သံအမတ်ကြီးနှင့် ဆီးရီးယားကိစ္စရပ် များအတွက် အထူးကိုယ်စားလှယ် Tom Barrack က တူရကီ အသံလွှင့် ဌာန NTV နှင့် ဇွန် ၂ ကပြုလုပ်ခဲ့သော တွေ့ဆုံမေးမြန်းခန်းတွင် ထိုကဲ့သို့ ပြောကြားခဲ့ခြင်းဖြစ်ပြီး ထိုကဲ့သို့သောပြောကြားမှုသည် ရုရှားနှင့် ယူကရိန်းကိုယ်စားလှယ်အဖွဲ့များအကြား မိနစ် ၉၀ ခန့်ကြာမြင့်ခဲ့သော ဒုတိယအကြိမ်ဆွေးနွေးပွဲအပြီးတွင် ဖြစ်သည်။၎င်းအား ယူကရိန်းက တောင်းဆိုနေသော အဆင့်မြင့် အစည်းအဝေးနှင့်ပတ်သက်၍ မေးမြန်းခဲ့ရာ ထိုအစည်းအဝေးတွင် ထရမ့်၊ ရုရှားသမ္မတ ဗလာဒီမာ ပူတင်နှင့် ယူကရိန်းခေါင်းဆောင် ဇီလန်စကီးတို့ ပါဝင်ရန် လိုအပ်ကြောင်း ဖော်ပြခဲ့သည်။Barrack က ထိုကဲ့သို့သော အစည်းအဝေးတစ်ခုသည် “အဓိပ္ပာယ် ရှိရမည်” ဖြစ်ပြီး အတိုင်းအတာတစ်ခုအထိ ရလဒ်ထွက်ပေါ်စေရမည်ဟု ညွှန်းဆိုခဲ့သည်။ သို့သော် ၎င်းကိုယ်တိုင် အမေရိကန်သမ္မတအတွက်တိုက်ရိုက်ကိုယ်စားပြုပြောဆိုနိုင်ခြင်းမရှိကြောင်း ဝန်ခံခဲ့သည်။ ထို့အပြင် ဇီလန်စကီးနှင့် ပူတင်နှစ်ဦးစလုံးအပေါ် စိတ်မရှည်မှုများကို ပွင့်ပွင့် လင်းလင်း ဖော်ပြခဲ့ဖူးသော ထရမ့်သည် သည်းခံမှုအားနည်းသူဖြစ်ကြောင်း ၎င်းက ဖြည့်စွက်ပြောကြားခဲ့သည်။Barrack က ကြားနေညှိနှိုင်းပေးသူအဖြစ် တူရကီ၏အခန်းကဏ္ဍသည် အရေးပါကြောင်း၊ ထို့ကြောင့် တူရကီသည် အဆိုပါကိစ္စတွင် အောင်မြင်မှု တစ်ခုရရှိရန် များစွာအထောက်အကူပြုနိုင်ကြောင်း ပြောကြားခဲ့သည်။ထရမ့်သည် ရွေးကောက်ပွဲမဲဆွယ်စည်းရုံးမှုများတွင် ယူကရိန်း-ရုရှား ပဋိပက္ခကို ၂၄ နာရီအတွင်း အဖြေရှာနိုင်ကြောင်း အထပ်ထပ် ပြောဆိုခဲ့ပြီးနောက်ပိုင်းတွင် ယင်းအချက်မှာ အလွန်အမင်း ချဲ့ကားပြောဆိုမှု တစ်ခုဖြစ်ကြောင်း ဝန်ခံခဲ့သည်။ ၎င်း၏ ဖျန်ဖြေရေးကြိုးပမ်းမှုများကိုယူကရိန်းအတွက် စစ်ရေးအစီအစဉ်များ ဆက်လက်ထောက်ခံသော နေတိုးအဖွဲ့ဝင်ဥရောပနိုင်ငံများက ကန့်ကွက်ခဲ့ကြသည်။လွန်ခဲ့သည့်လအတွင်း ထရမ့်၏ဖိအားများကြောင့် ယူကရိန်းသည် ရုရှား နှင့်တိုက်ရိုက်ဆွေးနွေးရန် ၎င်း၏ငြင်းဆန်နေမှုကို ရုပ်သိမ်းခဲ့သည်။ ရုရှားဘက်မှလည်း ယင်းကဲ့သို့လှုပ်ရှားမှုသည် နောက်ထပ်အဆင့်တစ်ခု သို့ ဆက်လက်ဆောင်ရွက်ရန် လိုအပ်သော အဆင့်တစ်ခုဖြစ်ကြောင်း ပြောကြားခဲ့သည်။ဇီလန်စကီးသည် မော်စကိုမှ အဆိုပြုထားသော နေ့ရက်တွင် တူရကီသို့ သွားရောက်ခဲ့ပြီး ပူတင်တက်ရောက်မည်ဟု မျှော်လင့်ထားကြောင်း ပြောကြားခဲ့သည်။ထိပ်သီးခေါင်းဆောင်များပါဝင်သည့် ဆွေးနွေးပွဲသည် ညှိနှိုင်းရေး လုပ်ငန်းစဉ်၏ အထွတ်အထိပ်ဖြစ်သင့်သည်ဟု ရုရှားက အခိုင်အမာ ပြောဆိုထားသည်။ ကရင်မလင် ပြောရေးဆိုခွင့်ရှိသူ ဒီမီထရီ ပက်စ်ကော့ဗ် က ပူတင်၊ ဇီလန်စကီးနှင့် ထရမ့်တို့ပါဝင်သော သုံးပွင့်ဆိုင် ဆွေးနွေးပွဲသည် “မြန်မြန်ဆန်ဆန် ဖြစ်နိုင်ခြေမရှိ” ဟု ထပ်လောင်းပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 3-Jun-2025
အိမ်ဖြူတော်သည် ဓာတုပစ္စည်းများ ယိုစိမ့်မှုကြောင့် ကင်ဆာဖြစ်နိုင်ခြေ အန္တရာယ်ကို ဖုံးကွယ်ခဲ့
အိမ်ဖြူတော်သည် ဓာတုပစ္စည်းများ ယိုစိမ့်မှုကြောင့် ကင်ဆာဖြစ်နိုင်ခြေ အန္တရာယ်ကို ဖုံးကွယ်ခဲ့
အမေရိကန်သမ္မတဟောင်း ဂျိုးဘိုင်ဒင် အစိုးရသည် ၂၀၂၃ ခုနှစ်က အိုဟိုင်းယိုးပြည်နယ်၊ အရှေ့ပါလက်စတိုင်းအနီး ဖြစ်ပွားခဲ့သော အဆိပ်သင့် ဓာတုပစ္စည်းများ ယိုစိမ့်မှုနှင့်သက်ဆိုင်သည့် ပြည်သူ့ကျန်းမာရေး အန္တရာယ်များကို ဖုံးကွယ်ရန် ကြိုးပမ်းခဲ့ကြောင်း “သတင်းဖော်ထုတ် သူများကို ကာကွယ်ရေးအဖွဲ့” တစ်ခုက စွပ်စွဲထားသည်။Government Accountability Project (GAP) အဖွဲ့က FEMA (ဖက်ဒရယ် အရေးပေါ်စီမံခန့်ခွဲရေးအေဂျင်စီ) မှ တရားစွဲဆိုမှုတစ်ခုဖြင့် ရရှိခဲ့သော စာရွက်စာတမ်းများကို ထုတ်ပြန်ခဲ့ပြီး၊ ယင်းစာရွက်စာတမ်းများအရ အိမ်ဖြူတော်သည် ကပ်ဘေးဆိုး၏ အစစ်အမှန်အခြေအနေကို တမင် ဖုံးကွယ်ကာ ထိခိုက်ခံစားရသူများနှင့် ဆက်သွယ်ရန် တမင်ရှောင်ရှားခဲ့သည်ဟု ဆိုသည်။၂၀၂၃ ခုနှစ်၊ ဖေဖော်ဝါရီလ ၃ ရက်နေ့တွင် Vinyl Chloride အပါအဝင် အဆိပ်သင့်ဓာတုပစ္စည်းများ တင်ဆောင်သည့် Norfolk Southern ကုန်တင်ရထား အရှေ့ပါလက်စတိုင်းအနီး လမ်းချော်ပြီး အနီးရှိ ရေစီးကြောင်းထဲသို့ အန္တရာယ်ရှိပစ္စည်းများ ယိုစိမ့်ခဲ့သည်။ နောက်ပိုင်း တွင် ကုန်တွဲ ၅ တွဲကို ထိန်းချုပ်မီးရှို့မှု ပြုလုပ်ခဲ့သည်။ အဆိုပါ ဖြစ်ရပ်ကြောင့် ဒေသခံများ ရွှေ့ပြောင်းရခြင်း၊ တိရစ္ဆာန်များ သေဆုံးခြင်းနှင့် ရက်သတ္တပတ်အနည်းငယ်အတွင်း မဖော်ပြနိုင်သောရောဂါများ ဖြစ်ပွား ခဲ့သည်။လပေါင်းများစွာကြာပြီးနောက် အမေရိကန် သဘာဝပတ်ဝန်းကျင် ကာကွယ်ရေးအေဂျင်စီ (EPA) က လေနှင့်ရေစစ်ဆေးမှုရလဒ်များကို ကိုးကား၍ အရှေ့ပါလက်စတိုင်းဒေသခံများသည် “အန္တရာယ် မရှိကြောင်း” ကြေညာခဲ့သည်။ ထို့အပြင် သမ္မတဘိုင်ဒင်က အဆိုပါအကျပ်အတည်းကို ဖြေရှင်းရာတွင် ၎င်းအစိုးရ၏ “ကြီးမားသောအားထုတ်မှုများ” ကို ချီးကျူး ခဲ့သည်။အစိုးရ၏တုံ့ပြန်မှုကို ထိုစဉ်က ပြင်းထန်စွာ ဝေဖန်ခံခဲ့ရပြီး၊ ဘိုင်ဒင်အား အရှေ့ပါလက်စတိုင်းသို့ အချိန်မီမသွားခြင်း၊ ဘေးအန္တရာယ်၏ ပြင်းထန်မှုကို လျှော့ပေါ့ပြောဆိုခြင်းနှင့် ကျေးရွာသားများနှင့် ကျွမ်းကျင်သူများ၏ ကျန်းမာရေးနှင့် ဘေးကင်းလုံခြုံရေးထက် ပြည်သူ့ဆက်ဆံရေးကို ဦးစားပေးခဲ့သည်ဟု အများက ဝေဖန်ခဲ့ကြသည်။GAP စုံစမ်းစစ်ဆေးရေးမှူး Lesley Pacey ၏ အဆိုအရ ပြည်သူများ၏ စိုးရိမ်မှုများမှာ မှန်ကန်ကြောင်း အတည်ပြုခဲ့ရသည်။ အိမ်ဖြူတော်၊ EPA နှင့် FEMA တို့သည် ဓာတုပစ္စည်းယိုစိမ့်မှုနှင့်ဆက်စပ်သော ပြင်းထန်သည့် အန္တရာယ်များကို လျှို့ဝှက်ဆွေးနွေးခဲ့ကြောင်း၊ လျှို့ဝှက်စာရွက်စာတမ်း များတွင် “အလွန်အဆိပ်ပြင်း” ဟု ဖော်ပြထားပြီး အဆိုပါအချက်ကို ဒေသခံလူထုအား ရည်ရွယ်ချက်ရှိရှိ ဖုံးကွယ်ထားခဲ့သည်ဟု ဖော်ပြ ထားသည်။NewsNation နှင့် အင်တာဗျူးတစ်ခုတွင် Pacey က ရှင်းပြခဲ့သည်မှာ FEMA သည် ထိန်းချုပ်မီးရှို့မှုကြောင့် “အလွန်အဆိပ်ပြင်းသော မီးခိုးမြူ” ဖြစ်ပေါ်ပြီး ၎င်းသည် ဒေသတွင်း ကင်ဆာဖြစ်ပွားမှုများနှင့် အခြား ကျန်းမာရေးဆိုင်ရာ အန္တရာယ်များကို ဖြစ်စေနိုင်ကာ ဆေးဘက်ဆိုင်ရာ စောင့်ကြည့်မှု နှစ်၂၀ အထိ လိုအပ်မည်ကို သိရှိခဲ့ကြောင်း ဖော်ပြသည်။GAP ရရှိထားသော အီးမေးလ်များတွင် FEMA ၏ ညှိနှိုင်းရေးမှူးအား အရှေ့ပါလက်စတိုင်းသို့ ပေးပို့ပြီး ပြန်လည်ထူထောင်ရေးလုပ်ငန်းများကို ကြီးကြပ်ရန်၊ ဒေသခံများနှင့် ဆက်သွယ်ရန်နှင့် ၎င်းတို့၏ လိုအပ်ချက်များကို အကဲဖြတ်ရန် တာဝန်ပေးထားသော်လည်း လက်တွေ့တွင် ဒေသခံများနှင့် တိုက်ရိုက်ထိတွေ့ဆက်ဆံခြင်းမှ ရှောင်ရှားရန် ညွှန်ကြားခံခဲ့ရကြောင်း ဖော်ပြထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 3-Jun-2025
အိမ်ဖြူတော်က သမ္မတ Trump ၏ ဓာတ်ပုံအသစ်ကို ထုတ်ပြန်
အိမ်ဖြူတော်က သမ္မတ Trump ၏ ဓာတ်ပုံအသစ်ကို ထုတ်ပြန်
အိမ်ဖြူတော်သည် သမ္မတ Trump ၏ တရားဝင်ပုံတူအသစ်ကို ထုတ်ပြန် ခဲ့ပြီး ကျမ်းသစ္စာကျိန်ဆိုပွဲ မတိုင်မီကဓာတ်ပုံနှင့် ကွဲပြားမှုအချို့ရှိသည်။ဇွန် ၂ ရက်တွင် အိမ်ဖြူတော်မှ ထုတ်ပြန်လိုက်သော တရားဝင် ဓာတ်ပုံတွင် သမ္မတ Donald Trump သည် အပြာရောင် ကုတ်အင်္ကျီ၊ ၎င်း၏ အမှတ်လက္ခဏာဖြစ်သော အနီရောင်လည်စီးနှင့် အင်္ကျီကော်လံပေါ်တွင် အမေရိကန်အလံရင်ထိုးတပ်ဆင်ထားသည်။ အလင်းရောင်သည် အဓိက အားဖြင့် ၎င်း၏မျက်နှာအလယ်ပိုင်းကို အာရုံစိုက်ထားပြီး အနက်ရောင် နောက်ခံတွင် ရိုက်ကူးထားသည်။ အမေရိကန်သမ္မတသည် ကင်မရာကို စူးစိုက်ကြည့်နေကာ လေးနက်သောအမူအရာ ဆောင်နေသည်။အိမ်ဖြူတော်သည် Eisenhower Executive Office Building တွင် အသစ်တင်ထားသော ဓာတ်ပုံ၏ ဗီဒီယိုကိုလည်း မျှဝေထားသည်။ အိမ်ဖြူတော်က မည်သည့်အတွက်ကြောင့် တရားဝင် သမ္မတဓာတ်ပုံကို ပြောင်းလဲခဲ့သည်ဆိုသည်ကို ထုတ်ပြန်ခြင်းမရှိသေးပေ။ကိုးကား- VN Expressဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 3-Jun-2025
Biden မိသားစုဝင်များ လွတ်ငြိမ်းချမ်းသာခွင့်အပေါ် အမေရိကန်က စုံစမ်းစစ်ဆေး
Biden မိသားစုဝင်များ လွတ်ငြိမ်းချမ်းသာခွင့်အပေါ် အမေရိကန်က စုံစမ်းစစ်ဆေး
အမေရိကန်တရားရေးဌာနက Biden ၏ မိသားစုဝင်များနှင့် သေဒဏ် ကျခံရသူများအား သမ္မတသက်တမ်းကုန်ဆုံးခါနီးက ချမှတ်ခဲ့သော လွတ်ငြိမ်းချမ်းသာခွင့်များကို စုံစမ်းစစ်ဆေးမှု စတင်ခဲ့ကြောင်း သိရှိရသည်။ဗြိတိန်သတင်းဌာန Reuters ၏ ဇွန် ၃ သတင်းတွင် အမေရိကန် တရားရေးဌာနလက်အောက်ရှိ လွတ်ငြိမ်းချမ်းသာခွင့်ရုံး၏ ညွှန်ကြားရေးမှူး Ed Martin က ၎င်း၏ လက်အောက်ဝန်ထမ်းများထံပေးပို့ခဲ့သည့် အီးမေးလ် တစ်စောင်ကို ကိုးကားဖော်ပြထားသည်။ အဆိုပါအီးမေးလ်တွင် ဂျိုးဘိုင်ဒင်က သမ္မတသက်တမ်းကုန်ဆုံးခါနီးကာလ၌ မိသားစုဝင်များ နှင့် သေဒဏ်ကျခံရသူ ၃၇ ဦးအား ချမှတ်ခဲ့သည့် လွတ်ငြိမ်းချမ်းသာခွင့် များကို စုံစမ်းစစ်ဆေးရန် ၎င်းအား တာဝန်ပေးအပ်ခဲ့ကြောင်း ဖော်ပြ ထားသည်။အီးမေးလ်တွင် Mr. Martin က အဆိုပါစုံစမ်းစစ်ဆေးမှုသည် ဘိုင်ဒင် သည် လွတ်ငြိမ်းချမ်းသာခွင့်ချမှတ်ရန် ဉာဏ်ရည် ဉာဏ်သွေး ပြည့်ဝခြင်းရှိ / မရှိနှင့် အခြားသူများက AutoPen (သို့) အခြားနည်းလမ်းများဖြင့် ၎င်း၏ဩဇာကို အလွဲသုံးစားလုပ်ခြင်းရှိ/မရှိ ရှင်းလင်းစေရန် ရည်ရွယ်ကြောင်း ဖော်ပြခဲ့သည်။AutoPen ဆိုသည်မှာ စာရွက်စာတမ်းများကို အလိုအလျောက် လက်မှတ် ရေးထိုးနိုင်သော ကိရိယာတစ်မျိုးဖြစ်ပြီး ၂၀၀၅ ခုနှစ်က တရားရေးဌာနမှ ထုတ်ပြန်ခဲ့သည့် စာရွက်စာတမ်းတစ်ခုအရ သမ္မတ၏လက်မှတ်အစား လက်အောက်ဝန်ထမ်းများက အသုံးပြုနိုင်သည့် နည်းလမ်းဖြစ်သည်။ သမ္မတ Trump နှင့် ၎င်း၏ထောက်ခံသူများက Biden သည် သက်တမ်း ကာလအတွင်း AutoPen ကို အသုံးပြုခဲ့ခြင်းကြောင့် ၎င်း၏ဆုံးဖြတ်ချက် များသည် “ယုံကြည်စိတ်ချရမှုမရှိ” ဟု ထပ်ခါတလဲလဲ အချေအတင် ပြောဆိုခဲ့ကြသည်။ထို့အပြင် ၎င်းတို့က ဘိုင်ဒင် သည် ထိုသို့သောလုပ်ဆောင်ချက်များကို “တကယ်တော့ ရှင်းရှင်းလင်းလင်း နားမလည်ခဲ့ဟု” အဆိုပြုထားကြသည်။ ဘိုင်ဒင်၏ အနီးကပ်အကြံပေးများက အဆိုပါပြစ်တင် စွပ်စွဲချက် များကို ပယ်ချခဲ့ပြီး သမ္မတဟောင်းသည် အရေးကြီးသော ဆုံးဖြတ်ချက် များကို ချမှတ်နိုင်စွမ်း အပြည့်အဝရှိကြောင်း ခိုင်ခိုင်မာမာ ပြောဆိုခဲ့ သည်။အိမ်ဖြူတော်မှ ထွက်ခွာခါနီးအချိန်တွင် ဘိုင်ဒင် က မိသားစုဝင် ၅ ဦးအား အနာဂတ် “နိုင်ငံရေးအရ ရည်ရွယ်ချက်ရှိသော” စုံစမ်းစစ်ဆေးမှုများမှ ကာကွယ်ရန် လွတ်ငြိမ်းချမ်းသာခွင့်ပေးခဲ့သည်။ ထိုသူများတွင် ၎င်း၏ညီ James Biden နှင့် ဇနီး Sara Jones Biden၊ အစ်မ Valerie Biden Owens နှင့် ခင်ပွန်း John T. Owens၊ ညီငယ် Francis W. Biden တို့ ပါဝင်သည်။၂၀၂၄ ခုနှစ်၊ နှစ်ကုန်ပိုင်းတွင် အခွန်တိမ်းရှောင်ခြင်းနှင့် လက်နက် ဥပဒေ ချိုးဖောက်မှုများဖြင့် အပြစ်ရှိကြောင်းဝန်ခံခဲ့သော ၎င်း၏သား Hunter Biden ကိုလည်း လွတ်ငြိမ်းချမ်းသာခွင့်ပေးခဲ့သည်။ ထရမ့်က သမ္မတ ဖြစ်လာပြီးနောက် ယခင်သမ္မတသည် မိမိကိုယ်ကို လွတ်ငြိမ်းချမ်းသာခွင့် မပေးခြင်းမှာ မှားယွင်းကြောင်း ပြောဆိုခဲ့သည်။လွတ်ငြိမ်းချမ်းသာခွင့်သည် အမေရိကန်ဖွဲ့စည်းပုံအခြေခံဥပဒေပါ သမ္မတ၏ အထူးလုပ်ပိုင်ခွင့်ဖြစ်ပြီး ထုတ်ပယ်ခံရမှုမှအပ အမေရိကန် နိုင်ငံဆိုင်ရာပြစ်မှုများအတွက် အပြစ်ဒဏ်လျှော့ပေးခြင်း သို့မဟုတ် ရပ်စဲ ပေးခြင်းပြုနိုင်သည်။ သမ္မတများသည် သက်တမ်းကုန်ဆုံးခါနီးတွင် လွတ်ငြိမ်းချမ်းသာခွင့်များ အစုလိုက်ချမှတ်လေ့ရှိသည်။ဘိုင်ဒင်က မိသားစုဝင်များအား လွတ်ငြိမ်းချမ်းသာခွင့်ပေးခြင်းသည် ၎င်းတို့ ပြစ်မှုကျူးလွန်ကြောင်း ဝန်ခံခြင်းမဟုတ်ဟု အခိုင်အမာ ပြောဆို ခဲ့သည်။ ထရမ့် သည်လည်း ၂၀၂၅ ခုနှစ် ဇန်နဝါရီ ၂၀ တွင် “2021 Capitol Hill” အဓိကရုဏ်းတွင် ပါဝင်ခဲ့သည်ဟုစွပ်စွဲခံရသော ထောက်ခံသူ ၁,၆၀၀ နီးပါးအား လွတ်ငြိမ်းချမ်းသာခွင့်ပေးကာ အဆိုပါအခွင့်အာဏာကို ကျယ်ကျယ်ပြန့်ပြန့်အသုံးချခဲ့ဖူးသည်။ကိုးကား- VN Expressဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 3-Jun-2025
တောင်ကိုရီးယားနိုင်ငံ၌ ခြောက်လတာ နိုင်ငံရေး အကျပ်အတည်းများ ဖြစ်ပွားပြီးနောက် သမ္မတအသစ်ကို ရွေးကောက်တင်မြှောက်ရန် မဲပေးမှုများလုပ်ဆောင်
တောင်ကိုရီးယားနိုင်ငံ၌ ခြောက်လတာ နိုင်ငံရေး အကျပ်အတည်းများ ဖြစ်ပွားပြီးနောက် သမ္မတအသစ်ကို ရွေးကောက်တင်မြှောက်ရန် မဲပေးမှုများလုပ်ဆောင်
နိုင်ငံရေး အကျပ်အတည်း၊ မရေရာမှုများနှင့် ကွဲလွဲမှုများဖြင့် ခြောက်လ တာကြာမြင့်ပြီးနောက် တောင်ကိုရီးယားနိုင်ငံသားများသည် ဒီဇင်ဘာလတွင် စစ်အုပ်ချုပ်ရေး ကြေညာခဲ့သည့် သမ္မတဟောင်း ယွန်းဆက်ယိုးလ် အစား ရွေးချယ်ရန် အင်္ဂါနေ့ (ဇွန် ၃) တွင် မဲပေးခဲ့ကြသည်။အဆိုပါရွေးကောက်ပွဲသည် အထူးအရေးပါသည်ဟု ခံစားရကြောင်း မဲဆန္ဒရှင်များဆိုသည်။ အမေရိကန်မဟာမိတ်ဖြစ်ပြီး အာရှ၏ စီးပွားရေးနှင့် ယဉ်ကျေးမှု စွမ်းအားရှိသော တောင်ကိုရီးယားနိုင်ငံသည် ယွန်း၏ ပြည်သူ့လွှတ်တော်တွင် တရားစွဲဆိုခံရခြင်းနှင့် ၎င်း၏ တိုတောင်းသော အာဏာသိမ်းမှုအား စုံစမ်းစစ်ဆေးမှုများကြားတွင် ယာယီခေါင်းဆောင်များ အလှည့်ကျ အုပ်ချုပ်ခဲ့ရသည်။တစ်ချိန်တည်းမှာပင် တောင်ကိုရီးယား၏ စီးပွားရေးသည် အမေရိကန် သမ္မတ ဒေါ်နယ်ထရမ့်၏ ကုန်သွယ်ရေးစစ်ပွဲနှင့် ကမ္ဘာ့စီးပွား ပျက်ကပ်အန္တရာယ်ကြောင့် ထိခိုက်ခဲ့ရသည်။ ရွေးကောက်ပွဲ၌ နိုင်ငံကို ပြန်လည် ထူထောင်ရန် ကတိပေးနေသူ နှစ်ဦးရှိပြီး တစ်ဦးမှာ ရှေ့နေအဖြစ်မှ နိုင်ငံရေးသမားဖြစ်လာပြီး သတ်ဖြတ်ရန်ကြံစည်ခံရမှုမှ လွတ်မြောက်ခဲ့သူဖြစ်ကာ ကျန်တစ်ဦးမှာ ယခင်က စနစ်ဆန့်ကျင်ရေးသမားဖြစ်ခဲ့ပြီး နောက်ပိုင်း တွင် ရှေးရိုးစွဲဝန်ကြီးဖြစ်လာသူတို့ ဖြစ်ကြသည်။မဲပေးမှုသည် အင်္ဂါနေ့ (ဇွန် ၃) နံနက်ပိုင်းတွင် စတင်ခဲ့ပြီး အနိုင်ရသူကို ညပိုင်းတွင် သို့မဟုတ် ဗုဒ္ဓဟူးနေ့ (ဇွန် ၄) တွင် ကြေညာနိုင်သည်။“နိုင်ငံက ဒုက္ခရောက်နေပြီး စိတ်ခံစားမှုတွေက အရမ်းပြင်းထန်လွန်း သဖြင့် ဒီဒုက္ခကို နည်းနည်းလေး သက်သာစေဖို့ ငါတို့ အနိုင်ရမည်ဆိုသည့် မျှော်လင့်ချက်ဖြင့် နံနက်စောစော ထွက်လာခဲ့တာ” ဟု ဆိုးလ် မြို့ရှိ မဲပေးစင်တာ၌ မဲဆန္ဒရှင် ဂျန်းဟန်းဘျဲလ်က ပြောကြားခဲ့သည်။အခြားမဲဆန္ဒရှင် ကင်းဒုံးဝမ်က “ဤရွေးကောက်ပွဲသည် အထူးအရေး ပါသည်” ဟု ဆိုသည်။ “ဒီဇင်ဘာကတည်းက စိတ်ထဲမှာ လေးလံနေခဲ့တာ၊ နိုင်ငံရေးအတွက် မဟုတ်ဘဲ ဒီနိုင်ငံအတွက် တကယ်မဲ ပေးချင်ခဲ့တာ” ဟု ၎င်းက ဆိုသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 3-Jun-2025
© Copyright 2024 SAC All Rights Reserved.