၂၂ ကြိမ်မြောက် ရှန်ဂရီလာ ဆွေးနွေးပွဲ စင်ကာပူတွင် စတင်ကျင်းပ

News Image

၂၂ ကြိမ်မြောက် ရှန်ဂရီလာ ဆွေးနွေးပွဲကို မေ ၃၀ ရက် ညပိုင်းက စင်ကာပူနိုင်ငံတွင် စတင်ကျင်းပခဲ့ရာ နိုင်ငံနှင့်ဒေသပေါင်း ၄၀ ကျော်မှ အစိုးရအဓိကအရာရှိများ၊ ကာကွယ်ရေးအရာရှိများနှင့် ကျွမ်းကျင်ပညာရှင် များ စုစုပေါင်း ၅၅၀ ကျော် တက်ရောက်ခဲ့ကြသည်။

အဆိုပါ ဆွေးနွေးပွဲကို ပြင်သစ်နိုင်ငံ သမ္မတ မက်ခရွန်၊ မလေးရှားနိုင်ငံ ဝန်ကြီးချုပ် အန်ဝါ အီဘရာဟင်၊ အရှေ့တီမောနိုင်ငံ သမ္မတ ရာမို့စ် ဟော်တာ၊အမေရိကန် ကာကွယ်ရေးဝန်ကြီး ပီတီဟတ်ဆတ်၊ ဥရောပသမဂ္ဂနိုင်ငံခြားရေးနှင့် လုံခြုံရေးမူဝါဒ အဆင့်မြင့်ကိုယ်စားလှယ် ကာယာ ကေလစ် စသည့် အစိုးရ အဓိက အရာရှိကြီးများ တက်ရောက်ခဲ့သည်။

တရုတ်ပြည်သူ့လွတ်မြောက်ရေးတပ်မတော် (PLA) ကာကွယ်ရေးတက္ကသိုလ် ဒုတိယ ပါမောက္ခချုပ်နှင့် ပညာရေးဝန်ကြီး ဟူကန်းဖုန်းက တရုတ်ကိုယ်စားလှယ်အဖွဲ့ကို ဦးဆောင်ကာ ဆွေးနွေးပွဲသို့ တက်ရောက်ခဲ့ပြီး မေ ၃၁ ရက်တွင် တတိယမြောက် သီးခြားကဏ္ဍအလိုက်ဆွေးနွေးပွဲ ဖြစ်သည့် “အာရှ-ပစိဖိတ်ဒေသ၏ ပင်လယ်ပြင်လုံခြုံရေး ပူးပေါင်း ဆောင်ရွက်မှု” သို့ တက်ရောက်မည် ဖြစ်ကြောင်းသိရသည်။

ဗြိတိန် နိုင်ငံတကာ မဟာဗျူဟာ သုတေသနဌာနမှ ကြီးမှူးကျင်းပသော ရှန်ဂရီလာဆွေးနွေးပွဲသည် ၂၀၀၂ ခုနှစ်တွင် စတင်ခြင်းဖြစ်ပြီး ယင်း ဆွေးနွေးပွဲသည် နှစ်စဉ် စင်ကာပူနိုင်ငံရှိ ရှန်ဂရီလာ ဟိုတယ်၌ ကျင်းပခြင်းကြောင့် ရှန်ဂရီလာဆွေးနွေးပွဲဟု ခေါ်ဆိုခြင်း ဖြစ်သည်။ ယခုအကြိမ် ဆွေးနွေးပွဲကို ဇွန် ၁ ရက်အထိ ဆက်လက်ကျင်းပမည် ဖြစ်ကြောင်း သိရသည်။

ကိုးကား- Xinhua

MM-News-Category

အထွေထွေသတင်း

အထွေထွေ-နိုင်ငံတကာသတင်း

ဦးနှောက်နှင့်ကွန်ပျူတာချိတ်ဆက်မည့် ချစ်ပြားကို Paradromics က လူသားဖြင့်စမ်းသပ်

အီလွန်မတ်၏ Neuralink ကုမ္ပဏီနှင့် ယှဉ်ပြိုင်လာသည့် Paradromics ကုမ္ပဏီ က ဦးနှောက်နှင့်ကွန်ပျူတာချိတ်ဆက် ပေးမည့်ချစ်ပြားကို လူသားဖြင့်ပထမဆုံး အကြိမ်စမ်းသပ်မှုလုပ်ဆောင်လိုက်ပြီဖြစ် ကြောင်း ဇွန်လ ၂ ရက်တွင်ထုတ်ပြန်ထား သည်။ယင်းစမ်းသပ်မှုကို မီချီဂန်တက္ကသိုလ် ၌မေလ ၁၄ ရက်တွင်လုပ်ဆောင်ခြင်းဖြစ် ကြောင်း၊ စမ်းသပ်မှုကိုခံယူသူအမျိုးသား သည် ဝက်ရူးပြန်ရောဂါဖြင့်အာရုံကြော ရောဂါကုသမှုခံယူနေသူဖြစ်ကြောင်းနှင့်ချစ်ပြားကိုထိုအမျိုးသား၏ဦးနှောက်ထဲ သို့ထည့်ပြီး မိနစ် ၂၀ အကြာ၌ ပြန်ထုတ် ခဲ့ခြင်းဖြစ်ကြောင်း ထုတ်ပြန်ချက်တွင်ဖော် ပြထားသည်။ထိုနည်းပညာကို လူနာ၏ဦးနှောက် အတွင်း ဘေးကင်းစွာတပ်ဆင်နိုင်သည့် အပြင် အာရုံကြောလှုပ်ရှားမှုကိုမှတ်တမ်း တင်နိုင်ကြောင်း သက်သေပြနိုင်သည်ဟု ကုမ္ပဏီကပြောသည်။ နောက်တစ်ဆင့် တွင်မူ လူအများအပြားဖြင့်လက်တွေ့စမ်း သပ်မှုလုပ်ဆောင်သွားမည်ဖြစ်ကြောင်း သိရသည်။Ref: CNBCPhoto - Paradromics

Tue, 3-Jun-2025

အနာဂတ်ဆီသို့ အတူလက်တွဲလျှောက်လှမ်းမည် မြန်မာ - တရုတ် သံတမန် ဆက်ဆံရေးထူထောင်ခြင်း (၇၅) နှစ်ပြည့်အထိမ်းအမှတ် နှစ်နိုင်ငံ မီဒီယာဆွေးနွေးပွဲ အခမ်းအနားကျင်းပ

အနာဂတ်ဆီသို့ အတူလက်တွဲလျှောက်လှမ်းမည် မြန်မာ - တရုတ် သံတမန်ဆက်ဆံရေး ထူထောင်ခြင်း (၇၅) နှစ်ပြည့်အထိမ်းအမှတ် နှစ်နိုင်ငံမီဒီယာဆွေးနွေးပွဲ အခမ်းအနားကို ပြန်ကြားရေးဝန်ကြီးဌာန၊ မြန်မာ့အသံနှင့်ရုပ်မြင်သံကြား၊ မီဒီယာဖွံ့ဖြိုးတိုးတက်ရေးဦးစီးဌာနနှင့် China Media Group(CMG) တို့ပူးပေါင်း၍ ဇွန်လ ၁ ရက်နေ့၊ နံနက်ပိုင်းတွင် နေပြည်တော်ရှိ Park Royal Hotel ၌ ကျင်းပခဲ့ကြောင်း သိရသည်။ အခမ်းအနားသို့ ပြန်ကြားရေးဝန်ကြီးဌာန ဒုတိယဝန်ကြီး ဦးရဲတင့်၊ ဌာနဆိုင်ရာတာဝန်ရှိသူများ၊ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးမှ သံမှူးကြီး Ms. Cao Jing နှင့် တာဝန်ရှိသူများ၊ ပါဝင်ဆွေးနွေးကြမည့် ပုဂ္ဂိုလ်များနှင့် ဖိတ်ကြားထားသူများ တက်ရောက်ခဲ့သည်။ယင်းနောက် ဒုတိယဝန်ကြီး ဦးရဲတင့်က ယခုနှစ်သည် မြန်မာ-တရုတ် သံတမန်ဆက်ဆံရေး ထူထောင်ခြင်း (၇၅) နှစ်ပြည့် စိန်ရတုကာလဖြစ်သဖြင့် နှစ်နိုင်ငံအတွက် ထူးခြားလေးနက်မှုရှိပါ ကြောင်း၊ ယနေ့ပြုလုပ်သည့် နှစ်နိုင်ငံမီဒီယာဆွေးနွေးပွဲ၏ ရည်ရွယ်ချက်ဖြစ်သော “အနာဂတ်ဆီသို့ အတူလက်တွဲလျှောက်လှမ်းမည်” ဆိုသည့်အတိုင်း နှစ်နိုင်ငံမီဒီယာပိုင်းဆိုင်ရာ ပူးပေါင်းဆောင်ရွက်မှု များမှတစ်ဆင့် နှစ်နိုင်ငံဆွေမျိုးပေါက်ဖော်ချစ်ကြည်ရေးကို ပိုမိုတိုးတက်ခိုင်မြဲအောင် ဆောင်ရွက်သွား နိုင်မည်ဟု ယုံကြည်ပါကြောင်း၊ မကြာမီက မိမိတို့နိုင်ငံတွင် ကြုံတွေ့ခဲ့ရသည့် မန္တလေးငလျင်ကြီးနှင့် ပတ်သက်ပြီး တရုတ်နိုင်ငံမှ မီဒီယာများက ကမ္ဘာအနှံ့သိရှိအောင် အချိန်နှင့်တစ်ပြေးညီ မျှဝေပေးခဲ့ သည့်အတွက် ရှာဖွေကယ်ဆယ်ရေးနှင့် ပြန်လည်ထူထောင်ရေးလုပ်ငန်းများတွင် များစွာအထောက်အပံ့ ဖြစ်ခဲ့ပါကြောင်း၊ မိမိတို့နှစ်နိုင်ငံအကြား မီဒီယာပူးပေါင်းဆောင်ရွက်မှုသည် ဆယ်စုနှစ်များစွာ ကြာမြင့်ခဲ့ပြီး ရင်းနှီးခင်မင်သော ကူးလူးဖလှယ်မှုများ ရှိနေပြီဖြစ်ပါကြောင်း၊ တိုးတက်လာသည့် နည်းပညာများနှင့်အညီ ဖွံ့ဖြိုးတိုးတက်သည့် မီဒီယာကဏ္ဍကို ယခုထက်ပိုမိုပူးပေါင်းဆောင်ရွက်ပြီး နှစ်နိုင်ငံဆက်ဆံမှု ခိုင်မြဲရေး၊ ပြည်သူအချင်းချင်း ချစ်ကြည်ရင်းနှီးမှုမြှင့်တင်ရေးတို့ကို ထိရောက်စွာ ဆောင်ရွက်သွားကြမည်ဖြစ်ပြီး အေးအတူ ပူအမျှအသိုက်အဝန်းပုံသဏ္ဌာန်ဖြင့် ပူးပေါင်းဆောင်ရွက် သွားကြမည်ဖြစ်ပါကြောင်း ပြောကြားခဲ့သည်။ဆက်လက်၍ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးမှ သံမှူးကြီး Ms. Cao Jing က မြန်မာနိုင်ငံဆိုင်ရာ တရုတ်သံရုံးအနေဖြင့် မီဒီယာ၏ အခန်းကဏ္ဍကို အလေးထားပါကြောင်း၊ မြန်မာ-တရုတ် မီဒီယာတွေ့ဆုံပွဲကို သုံးလတစ်ကြိမ် ကျင်းပလေ့ရှိပါကြောင်း၊ နှစ်စဉ် မြန်မာမီဒီယာမိတ်‌ဆွေ များကို တရုတ်နိုင်ငံလေ့လာရေးခရီးစဉ်နှင့် မွမ်းမံသင်တန်းများ စီစဉ်ပေးပြီး မြန်မာ့နယ်ပယ်အသီးသီးသို့ စစ်မှန်သည့် တရုတ်နိုင်ငံ၏ ပုံစံကိုပြသလျက်ရှိပါကြောင်း၊ နောက်ပိုင်းတွင်လည်း တရုတ်သံရုံးက နှစ်နိုင်ငံမီဒီယာမိတ်ဆွေများ ကူးလူးဖလှယ် ဆွေးနွေးပွဲများကို ပိုမိုကျင်းပပေးပြီး တရုတ်ယဉ်ကျေးမှု၏ ဝိသေသလက္ခဏာများနှင့် ဆွဲဆောင်မှု၊ တရုတ်ပြည်သူများ၏ ခင်မင်ရင်းနှီးမှုနှင့် ရိုးသားမှုတို့ကို မြန်မာမိတ်ဆွေများ လက်တွေ့ခံစားရစေရန် ကူညီဆောင်ရွက်ပေးမည်ဖြစ်ပါကြောင်း ပြောကြားခဲ့သည်။ယင်းနောက် “အရေးပေါ်အခြေအနေများအတွင်း မြန်မာ-တရုတ် မီဒီယာပူးပေါင်းဆောင်ရွက်မှု များသည် တူညီသော အနာဂတ်များရှိသည့် မြန်မာ-တရုတ်အသိုက်အဝန်း၏ အနှစ်သာရအဓိပ္ပာယ်ကို ဖော်ကျူးခြင်း” ခေါင်းစဉ်၊ “ငလျင်အလွန် ပြည်သူ့အကျိုးပြုလုပ်ငန်းများ ပြန်လည်ထူထောင်ရေးနှင့် ဖွံ့ဖြိုးတိုးတက်ရေးဆောင်ရွက်နေမှု သတင်းများရယူရေးအတွက် မီဒီယာပူးပေါင်းဆောင်ရွက်မှု အနာဂတ်အလားအလာ” ခေါင်းစဉ်နှင့် “မြန်မာ-တရုတ်နှစ်နိုင်ငံ သံတမန်ဆက်ဆံရေးထူထောင်ခြင်း (၇၅) နှစ်ပြည့်မြောက်ခြင်းကို အခွင့်အလမ်းအဖြစ် သဘောထား၍ တရုတ်အသွင်ပုံစံခေတ်မီမှုဖြင့် မြန်မာ-တရုတ် ပူးပေါင်းဆောင်ရွက်မှု (သံတမန်ဆက်ဆံရေး၊ မီဒီယာကဏ္ဍ) အတွက် အခွင့်အလမ်း အသစ်များယူဆောင်လာပေးခြင်း” ခေါင်းစဉ်တို့ဖြင့် အပိုင်းသုံးပိုင်းခွဲ၍ မြန်မာ့အသံနှင့်ရုပ်မြင်သံကြား၊ မီဒီယာဖွံ့ဖြိုးတိုးတက်ရေးဦးစီးဌာန၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့၊ မြန်မာနိုင်ငံသတင်းမီဒီယာကောင်စီ နှင့် China Media Group တို့မှ တာဝန်ရှိသူများက ပါဝင်ဆွေးနွေးခဲ့ကြောင်း သိရသည်။MOI

Tue, 3-Jun-2025

ဂျာမနီနိုင်ငံအနောက်ပိုင်းရှိ နေအိမ်တစ်ခုပေါ်သို့ လေယာဉ်ငယ် တစ်စင်း ပျက်ကျ

ဂျာမနီနိုင်ငံအနောက်ပိုင်းရှိ လူနေအိမ်တစ်ခုပေါ်သို့ လေယာဉ်ငယ် တစ်စင်းပျက်ကျခဲ့ရာ လူ (၂) ဦးသေဆုံးခဲ့သည်ဟု ရဲတပ်ဖွဲ့က ပြောကြားခဲ့ပါသည်။ အဆိုပါလေယာဉ်ငယ်ပျက်ကျမှုသည် Mönchengladbach မြို့အနီးရှိ Korschenbroich မြို့၌ဖြစ်ပွားခဲ့ခြင်းဖြစ်သည်ဟု ရဲတပ်ဖွဲ့ က ပြောကြားခဲ့ပါသည်။လေယာဉ်ငယ်သည် လူနေအဆောက်အအုံကို ဝင်တိုက်ခဲ့ပြီးနောက် မီးလောင်ကျွမ်းသွားခဲ့ကြောင်း ရဲတပ်ဖွဲ့ကပြောကြားခဲ့ပါသည်။ ထို့အပြင် အဆိုပါဖြစ်ရပ်အတွင်း လူနှစ်ဦးသေဆုံးခဲ့ပြီး တစ်ဦးမှာ လေယာဉ်မှူး ဖြစ်နိုင်သည်ဟု ဂျာမန်သတင်းအေဂျင်စီ dpa က ရေးသားဖော်ပြခဲ့ပါသည်။သို့သော်လည်း သေဆုံးသွားသည့် အခြားသူတစ်ဦးသည် လေယာဉ်ပေါ် တွင် လိုက်ပါလာသူ သို့မဟုတ် နေအိမ်ထဲ၌ ရှိနေသူဆိုသည်ကို လက်ရှိ အချိန်အထိ ရှင်းရှင်းလင်းလင်းမသိရှိရကြောင်းလည်း ရဲတပ်ဖွဲ့က ပြောကြားခဲ့ပါသည်။ ထို့အပြင် အဆိုပါလေယာဉ်ငယ် ပျက်ကျရသည့် အကြောင်းအရင်း အသေးစိတ်အချက်အလက်များကိုလည်း လက်ရှိအချိန်ထိ မသိရှိ ရသေးကြောင်း တာဝန်ရှိသူများက ဆက်လက်ပြောကြားခဲ့ပါသည်။ကိုးကား- NP News

Tue, 3-Jun-2025

ဖားကန့်တွင် ယမ်းဂိုထောင်ပေါက်ကွဲမှု ဖြစ်ပွားသည့်အတွက် ၃ ဦး သေဆုံးကာ အများအပြား ဒဏ်ရာရရှိခဲ့ကြောင်း ကနဦးသိရှိရ

ဖားကန့်မြို့နယ်၊ လုံခင်း ကျေးရွာအုပ်စု၊ မှော်စီစာကျေးရွာတွင် ဇွန်လ ၃ ရက်နေ့၊ နေ့လယ်ပိုင်းက ယမ်းဂိုထောင် ပေါက်ကွဲမှုဖြစ်ပွားသည့်အတွက် ၃ ဦး သေဆုံးကာ အများအပြား ဒဏ်ရာရရခဲ့ကြောင်း ဒေသခံများထံ NP News က ဆက်သွယ်မေးမြန်းထားသော အချက်အလက်များအရ ကနဦး သိရသည်။အဆိုပါ ဖြစ်စဥ်မှာ နေ့လယ်ပိုင်း ၁ နာရီကျော်အချိန်ခန့်က လုပ်ကွက်ဟောင်းတစ်ခုအတွင်း ဖြစ်ပွားခဲ့ခြင်းဖြစ်ကာ ယမ်းဂိုထောင် ပေါက်ကွဲသည့်အတွက် အသံကို ကျယ်လောင်စွာ ကြားခဲ့ရကြောင်း သိရသည်။“လူကတော့ ထိခိုက်မှုရှိတယ်။ ကျွန်တော် သိသလောက်ကတော့ သုံးယောက် သေတယ် ဆယ်ယောက်လောက် ဒဏ်ရာရတယ်လို့ သိရပါတယ်။ ဒဏ်ရာရက အဲဒီထက် ပိုများနိုင်တယ်။ အခြေအနေကတော့ မသိရသေးဘူး။ ပေါက်တာက ယမ်းဂိုထောင်ပါ” ဟု ဒေသခံတစ်ဦးက ဆိုသည်။သေဆုံးသူ သုံးဦး အနက် အမျိုးသား ၂ ဦး နှင့် အမျိုးသမီး ၁ ဦး ပါဝင်ကြောင်း ကနဦးသိရှိရပြီး ပေါက်ကွဲအားမှာ ပြင်းထန်ခဲ့ကာ အခြားပျက်စီးဆုံးရှုံးမှုများလည်း များပြားခဲ့ကြောင်း သိရသည်။ အဆိုပါ ပေါက်ကွဲမှုနှင့်ပတ်သက်၍ နောက်ဆက်တွဲအခြေအနေများအား ဆက်လက် စုံစမ်းမေးမြန်းနေဆဲဖြစ်သည်။ကိုးကား- NP News

Tue, 3-Jun-2025

အီးယူသည် တရုတ်နိုင်ငံထုတ် ဆေးဘက်ဆိုင်ရာကိရိယာများ ဝယ်ယူမှုမှ တားဆီးရန် စဉ်းစားနေ

အီးယူသည် တရုတ်နိုင်ငံထုတ် ဆေးဘက်ဆိုင်ရာကိရိယာများအတွက် ဒေသတစ်ခုလုံးရှိ အများပြည်သူဆိုင်ရာ ဝယ်ယူမှုစာချုပ်များကိုကန့်သတ်ရန် အလားအလာကို စစ်ဆေးနေကြောင်း Bloomberg သတင်း ဌာနက တနင်္လာနေ့ (ဇွန် ၂) တွင် အဆိုပါ အစီအစဉ်များနှင့် ရင်းနှီး ကျွမ်းဝင်သူတစ်ဦး၏ ထုတ်ပြန်ချက်ကို ကိုးကား၍ ဖော်ပြခဲ့သည်။ဘရပ်ဆဲလ်နှင့် ပေကျင်းတို့သည် မကြာသေးမီကာလများအတွင်း ကုန်သွယ်ရေး ကာကွယ်မှုဝါဒနှင့်ပတ်သက်၍ တုံ့ပြန်မှုများ တိုးမြင့်လာသည့် အပြန်အလှန် ရင်ဆိုင်မှုများတွင် ပိတ်မိနေခဲ့သည်။ယခုနှစ်အစောပိုင်းတွင် ဥရောပကော်မရှင် (EC) က လွန်ခဲ့သည့်နှစ်က စတင်ခဲ့သည့် မမျှတစွာ လုပ်ဆောင်ခဲ့သည်ဟု တရုတ်ကစွပ်စွဲခဲ့သော“ကုန်သွယ်ရေးလုပ်ဆောင်ချက်များဆိုင်ရာ စုံစမ်းစစ်ဆေးမှု” တွင် ပေကျင်း သည် အီးယူထုတ် ဆေးဘက်ဆိုင်ရာကိရိယာများနှင့် ထောက်ပံ့သူများ အား တရုတ်၏ ဝယ်ယူမှုဈေးကွက်သို့ ဝင်ရောက်ခွင့်ကို ကန့်သတ်ထားကြောင်း ဖော်ထုတ်တွေ့ရှိခဲ့သည်ဟု ပြောကြားခဲ့သည်။လွန်ခဲ့သောလတွင် တရုတ်ကုန်သွယ်ရေးဝန်ကြီးဌာနသည် အီးယူမှ ဘရန်ဒီ တင်သွင်းမှုများအပေါ် ရင်းနှီးမြှုပ်နှံမှုတိုက်ဖျက်ရေး စုံစမ်းစစ်ဆေးမှုအား အဖွဲ့မှ စုံစမ်းစစ်ဆေးမှုအပေါ် တုံ့ပြန်သည့်အနေဖြင့် အမှု၏ ရှုပ်ထွေးမှုကြောင့် သက်တမ်းတိုးခဲ့ကြောင်း ကြေညာခဲ့သည်။အမည်မဖော်လိုသူ အရင်းအမြစ်တစ်ဦးက Bloomberg သို့ ပြောကြားချက်အရ နိုင်ငံ ၂၇ နိုင်ငံပါဝင်သည့် အဖွဲ့ဝင်များသည် အဆိုပါ အဆိုပြုချက်ကို ဇွန်လ ၂ ရက် (တနင်္လာနေ့)တွင် မဲခွဲဆုံးဖြတ်ရန် မျှော်မှန်းထားသည်။အကယ်၍ အတည်ပြုလိုက်ပါက အဆိုပါလုပ်ဆောင်ချက်သည် အများပြည်သူဆိုင်ရာ ဝယ်ယူမှုဈေးကွက်သို့ ဝင်ရောက်ခွင့်တွင် အပြန်အလှန် အကျိုးပြုမှုကို မြှင့်တင်ရန် ၂၀၂၂ ခုနှစ်တွင် အတည်ပြုခဲ့သည့်International Procurement Instrument (IPI) စည်းမျဉ်းအရ ဘရပ်ဆဲလ်၏ ပထမဆုံး လုပ်ဆောင်ချက် ဖြစ်လာမည်ဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

Tue, 3-Jun-2025

မန်းရွှေစက်တော်ဘုရား၏ အောက်စက်တော်ရာရင်ပြင်ပေါ်သို့ မန်းချောင်းရေများတက်လာ

မကွေးတိုင်း၊ မင်းဘူး(စကု)မြို့နယ်အတွင်း မိုးသည်းထန်စွာရွာသွန်းမှုကြောင့် မန်းရွှေစက်တော်ဘုရားကြီး၏ အောက်စက်တော်ရာရင်ပြင်တော်ပေါ်သို့ ယနေ့ ဇွန် ၂ ရက်နံနက်ပိုင်းက မန်းချောင်းရေများတက်လာခဲ့ကြောင်း ဒေသခံများထံမှ သိရသည်။“ရေကအတော်တက်လာတယ်လို့ပြောရမယ်။ အောက်စက်တော်ရာရင်ပြင်ပေါ်မှာတော့ ရေတွေဝင်နေပြီ။ အခြေအနေကိုစောင့်ကြည့်နေရတဲ့အနေ အထားပါ။ အောက်စက်တော်ရာရဲ့ ခြေတော်ရာဖန်အုပ်ဆောင်းရှေ့မှာလည်းရေတွေဝင်နေတယ်။ မနှစ်ကလည်း သြဂုတ်လထဲမှာ ရေတက်သေးတယ်”ဟု ဒေသခံတစ်ဦးက ပြောသည်။မန်းရွှေစက်တော်ဘုရား၏ (၂၅၉၁)ကြိမ်မြောက် ဗုဒ္ဓပါဒပူဇနိယဘုရားပွဲတော်အား ပြီးခဲ့သည့် ဖေဖော်ဝါရီ ၂ ရက်မှ ဧပြီ ၁၇ ရက်အထိ(၇၅) ရက်ကြာကျင်းပပြုလုပ်ခဲ့ကြောင်း သိရသည်။Source: Popular Myanmar

Tue, 3-Jun-2025

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

အထွေထွေ

၂၂ ကြိမ်မြောက် ရှန်ဂရီလာ ဆွေးနွေးပွဲ စင်ကာပူတွင် စတင်ကျင်းပ

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link