အင်ဒိုနီးရှားသမ္မတ ရုရှားသို့ သွားရောက်၍ ဗလာဒီမာပူတင်နှင့် တွေ့ဆုံမည်

saceditor

News Image

  • အင်ဒိုနီးရှားသမ္မတ ရုရှားသို့ သွားရောက်၍ ဗလာဒီမာပူတင်နှင့် တွေ့ဆုံမည်

အင်ဒိုနီးရှားသမ္မတ ပရာဘိုဝါ ဆူဘီယန်တိုသည် ယခုဩဂုတ်လအတွင်း ရုရှားသို့ တရားဝင်ခရီးစဉ် သွားရောက်မည်ဖြစ်ပြီး ရုရှားသမ္မတ ဗလာဒီမာ ပူတင်နှင့် တွေ့ဆုံ၍ နှစ်နိုင်ငံအကြား ရှိရင်းစွဲ ပူးပေါင်းဆောင်ရွက်မှုများ မြှင့်တင်ရန် ဆွေးနွေးမည်ဖြစ်ကြောင်း သိရပါသည်။

ထိုခရီးစဉ်မှာ အင်ဒိုနီးရှားသမ္မတ ပရာဘိုဝါ ဆူဘီယန်တိုက ၎င်း၏ သမ္မတ ရာထူးစတင်တာဝန်ယူချိန်မှစ၍ ရုရှားသို့ ပထမဆုံးအကြိမ်အဖြစ် သွားရောက်မည့်ခရီးစဉ်လည်း ဖြစ်ပါသည်။ 

အင်ဒိုနီးရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ဇွန် ၁၈ မှ ၂၀ ရက်အတွင်း ပရာဘိုဝါ၏ ခရီးစဉ်အတွင်း ခေါင်းဆောင်နှစ်ဦးသည်နှစ်နိုင်ငံကြား ပူးပေါင်းဆောင်ရွက်မှုများ မြှင့်တင်ရန်နှင့် ကမ္ဘာ့နှင့် ဒေသတွင်း အရေးကိစ္စများအပေါ် အမြင်များဖလှယ်ရန် ဆွေးနွေးမည်ဟု ကြာသပတေးနေ့ (ဇွန် ၁၂) က အတည်ပြုပြောကြားထားပါသည်။

ထို့ပြင် ပရာဘိုဝါသည် စိန့်ပီတာစဘတ် အပြည်ပြည်ဆိုင်ရာ စီးပွားရေး ဖိုရမ်သို့လည်း တက်ရောက်ရန် စီစဉ်ထားပါသည်။ ၎င်းသည် သမ္မတ ရာထူး စတင်တာဝန်ယူချိန်ကတည်းက ရုရှားအကြံပေး Sergei Shoigu အပါ အဝင် ရုရှားအရာရှိကြီးများနှင့် အကြိမ်ကြိမ်တွေ့ဆုံဖူးပါသည်။ ပရာဘိုဝါ သည် ယမန်နှစ် ဇူလိုင်က သမ္မတရွေးကောက်ပွဲတွင် အနိုင်ရပြီးနောက် ဗလာဒီမာပူတင်နှင့် နောက်ဆုံးတွေ့ဆုံထားပါသည်။

ကိုးကား- Bloomberg

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အင်ဒိုနီးရှားသမ္မတ ရုရှားသို့ သွားရောက်၍ ဗလာဒီမာပူတင်နှင့် တွေ့ဆုံမည်
အင်ဒိုနီးရှားသမ္မတ ရုရှားသို့ သွားရောက်၍ ဗလာဒီမာပူတင်နှင့် တွေ့ဆုံမည်
အင်ဒိုနီးရှားသမ္မတ ပရာဘိုဝါ ဆူဘီယန်တိုသည် ယခုဩဂုတ်လအတွင်း ရုရှားသို့ တရားဝင်ခရီးစဉ် သွားရောက်မည်ဖြစ်ပြီး ရုရှားသမ္မတ ဗလာဒီမာ ပူတင်နှင့် တွေ့ဆုံ၍ နှစ်နိုင်ငံအကြား ရှိရင်းစွဲ ပူးပေါင်းဆောင်ရွက်မှုများ မြှင့်တင်ရန် ဆွေးနွေးမည်ဖြစ်ကြောင်း သိရပါသည်။ထိုခရီးစဉ်မှာ အင်ဒိုနီးရှားသမ္မတ ပရာဘိုဝါ ဆူဘီယန်တိုက ၎င်း၏ သမ္မတ ရာထူးစတင်တာဝန်ယူချိန်မှစ၍ ရုရှားသို့ ပထမဆုံးအကြိမ်အဖြစ် သွားရောက်မည့်ခရီးစဉ်လည်း ဖြစ်ပါသည်။ အင်ဒိုနီးရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ဇွန် ၁၈ မှ ၂၀ ရက်အတွင်း ပရာဘိုဝါ၏ ခရီးစဉ်အတွင်း ခေါင်းဆောင်နှစ်ဦးသည်နှစ်နိုင်ငံကြား ပူးပေါင်းဆောင်ရွက်မှုများ မြှင့်တင်ရန်နှင့် ကမ္ဘာ့နှင့် ဒေသတွင်း အရေးကိစ္စများအပေါ် အမြင်များဖလှယ်ရန် ဆွေးနွေးမည်ဟု ကြာသပတေးနေ့ (ဇွန် ၁၂) က အတည်ပြုပြောကြားထားပါသည်။ထို့ပြင် ပရာဘိုဝါသည် စိန့်ပီတာစဘတ် အပြည်ပြည်ဆိုင်ရာ စီးပွားရေး ဖိုရမ်သို့လည်း တက်ရောက်ရန် စီစဉ်ထားပါသည်။ ၎င်းသည် သမ္မတ ရာထူး စတင်တာဝန်ယူချိန်ကတည်းက ရုရှားအကြံပေး Sergei Shoigu အပါ အဝင် ရုရှားအရာရှိကြီးများနှင့် အကြိမ်ကြိမ်တွေ့ဆုံဖူးပါသည်။ ပရာဘိုဝါ သည် ယမန်နှစ် ဇူလိုင်က သမ္မတရွေးကောက်ပွဲတွင် အနိုင်ရပြီးနောက် ဗလာဒီမာပူတင်နှင့် နောက်ဆုံးတွေ့ဆုံထားပါသည်။ကိုးကား- Bloombergဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 12-Jun-2025
G7 တွင် ဘရာဇီးသမ္မတနှင့် တွေ့ဆုံရန် ဇီလန်စကီး တောင်းဆို
G7 တွင် ဘရာဇီးသမ္မတနှင့် တွေ့ဆုံရန် ဇီလန်စကီး တောင်းဆို
ယူကရိန်းသမ္မတ ဇီလန်စကီးသည် ဇွန် ၁၅ မှ ၁၇ ရက်အထိ ကနေဒါနိုင်ငံ အယ်လ်ဘာတာပြည်နယ်တွင် ကျင်းပမည့် G7 ထိပ်သီးအစည်းအဝေးအတွင်း ဘရာဇီးသမ္မတ လူအစ် အိုင်နာစီယို လူလာဒါဆီလဗာနှင့်တွေ့ဆုံရန် တောင်းဆိုထားကြောင်း ဘရာဇီးအစိုးရ၏ အရင်းအမြစ်များကို ကိုးကား၍ GloboNews ရုပ်သံလိုင်းက ဖော်ပြခဲ့ပါသည်။ဘရာဇီးသမ္မတအနေဖြင့် ဇီလန်စကီးနှင့် တွေ့ဆုံရန် သဘောတူခဲ့ခြင်း ရှိ၊ မရှိ အတိအကျ ဖော်ပြခြင်းမရှိသော်လည်း ယူကရိန်းဘက်မှ တွေ့ဆုံရန် တောင်းဆိုမှုများ ပြုလုပ်ခဲ့ကြောင်း အရင်းအမြစ်များက အတည်ပြုခဲ့ကြ ပါသည်။ဇွန်လမတိုင်မီက Metropoles သတင်းစာတွင် ဇီလန်စကီးသည် တစ်နှစ်ခွဲကျော်ကြာ လူလာ ဒါ ဆီလဗာထံသို့ တွေ့ဆုံရန် တောင်းဆိုသည့် စာများ ပေးပို့ခဲ့သော်လည်း ၎င်းထံမှ အကြောင်းပြန်ချက် တစ်စုံတစ်ရာ မရရှိခဲ့ကြောင်း ဖော်ပြခဲ့ပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 12-Jun-2025
US သည် AUKUS ရေငုပ်သင်္ဘောသဘောတူညီချက်ကို ပြန်လည် သုံးသပ်နေ
US သည် AUKUS ရေငုပ်သင်္ဘောသဘောတူညီချက်ကို ပြန်လည် သုံးသပ်နေ
အမေရိကန်အစိုးရသည် ယခင်သမ္မတ Joe Biden လက်ထက်တွင် သဘောတူညီခဲ့သော AUKUS ရေငုပ်သင်္ဘောသဘောတူညီချက်ကို ဗြိတိန် ၊ ဩစတြေးလျတို့နှင့်အတူ ပြန်လည်သုံးသပ်လျက်ရှိသည်။“ယခင်အစိုးရအဖွဲ့၏ AUKUS စီမံကိန်းသည် လက်ရှိသမ္မတ၏ 'America First' မူဝါဒနှင့်ကိုက်ညီမှုရှိမရှိ သေချာစေရန် မိမိတို့ ပြန်လည် သုံးသပ် နေပါသည်။ AUKUS ဆိုင်ရာ အစိုးရ၏ ချဉ်းကပ်မှုတွင် မည်သည့် ပြောင်းလဲမှုမဆို သင့်တော်သောအချိန်တွင် တရားဝင် လမ်းကြောင်းမှ တစ်ဆင့် ဆက်သွယ်ပြောကြားသွားမည်ဖြစ်သည်” ဟု အမေရိကန် အရာရှိ တစ်ဦးက ဇွန်လ ၁၂ ရက်တွင် CNN သို့ ပြောကြားခဲ့သည်။ဩစတြေးလျ ကာကွယ်ရေးဝန်ကြီးဌာန ပြောရေးဆိုခွင့်ရှိသူတစ်ဦးက အမေရိကန်သည် AUKUS သဘောတူညီချက်ကို ပြန်လည်သုံးသပ် နေကြောင်း Trump အစိုးရအဖွဲ့မှ ဩစတြေးလျနှင့် ဗြိတိန်တို့အား အသိပေးထားပြီးဖြစ်ကြောင်း အတည်ပြုခဲ့သည်။ဩစတြေးလျ ကာကွယ်ရေးဝန်ကြီး Richard Marles က အဆိုပါ ကြေညာချက်သည် မျှော်လင့်ထားပြီးသောအရာဖြစ်သည်ဟု ပြောကြား ခဲ့သည်။“မိမိတို့သည် ယခုကိစ္စကို အတန်ကြာသိရှိထားပြီး ကြိုဆိုပါသည်။ အစိုးရအသစ်က ဤကဲ့သို့ပြုလုပ်ခြင်းသည် ပုံမှန်ကိစ္စဖြစ်ပါသည်” ဟု ၎င်းက ပြောကြားခဲ့ပြီး သဘောတူညီချက်အတိုင်း ဩစတြေးလျ အနေဖြင့် အမေရိကန်ရေငုပ်သင်္ဘောများ ရရှိဦးမည်ကို ယုံကြည်ကြောင်း ဖော်ပြ ခဲ့သည်။အမေရိကန်၊ ဗြိတိန်နှင့် ဩစတြေးလျတို့သည် ၂၀၂၁ ခုနှစ်က Joe Biden လက်ထက်တွင် AUKUS သဘောတူညီချက်ကို လက်မှတ်ရေးထိုး ခဲ့ကြသည်။ အဆိုပါစီမံကိန်းအရ ဩစတြေးလျသည် ၂၀၃၂ ခုနှစ်မှစ၍ အမေရိကန်ထံမှ Virginia-class နျူကလီးယား ရေငုပ်သင်္ဘောအစီး ၅ စီး အထိ ဝယ်ယူမည်ဖြစ်ပြီး၊ ထို့နောက် အမေရိကန်၏ပံ့ပိုးမှုဖြင့် ဗြိတိန်နှင့် ပူးပေါင်း၍ ရေငုပ်သင်္ဘောအသစ်တစ်မျိုးကို ဒီဇိုင်းဆွဲတည်ဆောက်မည် ဖြစ်သည်။ ဗြိတိန်အနေဖြင့် ၂၀၃၀ နှောင်းပိုင်းတွင် ပထမဆုံး ရေငုပ် သင်္ဘောကို ရရှိမည်ဖြစ်ပြီး ဩစတြေးလျမှာ ၂၀၄၀ အစောပိုင်းတွင် ရရှိမည်ဖြစ်သည်။ထို့အပြင် အမေရိကန်နှင့် ဗြိတိန်တို့သည် သြစတြေးလျအနောက်ပိုင်းရှိ အခြေစိုက်စခန်းတစ်ခုတွင် ရေငုပ်သင်္ဘောများ ဖြန့်ကြက်ချထားခြင်းကို ၂၀၂၇ ခုနှစ်မှ စတင်မည်ဖြစ်သည်။ဤသည်မှာ ဩစတြေးလျ၏ သမိုင်းတစ်လျှောက် အကြီးမားဆုံး ကာကွယ်ရေးစီမံကိန်းဖြစ်ပြီး တိုင်းပြည်အနေဖြင့် ထိုအစီအစဉ်အတွက် နှစ် ၃၀ အတွင်း အမေရိကန်ဒေါ်လာ ၂၄၀ ဘီလီယံ အား ရင်းနှီးမြှုပ်နှံ မည်ဖြစ်သည်။ ဩစတြေးလျသည် ရေငုပ်သင်္ဘောများကို ၎င်း၏ အမျိုးသား ကာကွယ်ရေးဗျူဟာတွင် အရေးပါသော လက်နက်တစ်ခုအဖြစ် မှတ်ယူ ထားသည်။အမေရိကန်၏ AUKUS ပြန်လည်သုံးသပ်မှုသည် ဗြိတိန်၏ ကာကွယ်ရေး စီမံချက်များကိုပါ သက်ရောက်မှုရှိနိုင်သည်။ အကြောင်းမှာ အဆိုပါ သဘောတူညီချက်သည် ဗြိတိန်၏ ရေငုပ်သင်္ဘောတပ်ဖွဲ့ ချဲ့ထွင်ရေး အတွက် အဓိကအရေးပါသောကြောင့်ဖြစ်သည်။ဝါရှင်တန်အခြေစိုက် Hudson Institute မှ AUKUS ကျွမ်းကျင်သူ John Lee ၏ အဆိုအရ ပင်တဂွန်သည် ၎င်း၏ထုတ်လုပ်မှုပန်းတိုင်ကို မပြည့်မီ သေးသည့်ကြားထဲမှ ဩစတြေးလျသို့ ရေငုပ်သင်္ဘော ၅ စီး ရောင်းချနိုင်ခြင်း ရှိ၊ မရှိ ဆုံးဖြတ်ရန် အဆိုပါသဘောတူညီချက်ကို ပြန်လည်သုံးသပ် နေခြင်း ဖြစ်သည်။ပင်တဂွန်၏ အကြီးတန်း မူဝါဒအကြံပေး Elbridge Colby အပါအဝင် အမေရိကန်အရာရှိအချို့သည် အဆိုပါသဘောတူညီချက်နှင့်ပတ်သက်၍ သံသယများရှိကြောင်း ဖော်ပြခဲ့သည်။ ၎င်းသည် ယခုနှစ်အတွင်း “ရေငုပ်သင်္ဘောများသည် ရှားပါးပြီး အရေးကြီးသော လိုအပ်ချက်ဖြစ်ကာ အမေရိကန်ကာကွယ်ရေးစက်မှုလုပ်ငန်းသည် ပြည်တွင်းလိုအပ်ချက်ကို ဖြည့်ဆည်းနိုင်ရန် လုံလောက်သော ထုတ်လုပ်မှုမရှိသေးကြောင်း” သတိပေးခဲ့သည်။ကိုးကား- VN Expressဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 12-Jun-2025
မြောက်ကိုရီးယားကလည်း နယ်စပ်ရှိ အသံချဲ့စက်များမှ ထုတ်လွှင့်မှုများကို ရပ်ဆိုင်း
မြောက်ကိုရီးယားကလည်း နယ်စပ်ရှိ အသံချဲ့စက်များမှ ထုတ်လွှင့်မှုများကို ရပ်ဆိုင်း
မြောက်ကိုရီးယားသည် ကြာသပတေးနေ့ (ဇွန် ၁၂) နံနက်ပိုင်းမှစ၍ နယ်စပ်အသံချဲ့စက်ထုတ်လွှင့်မှုများကို ရပ်ဆိုင်းလိုက်သည်ဟု တောင်ကိုရီးယား စစ်ဘက်က ပြောကြားခဲ့သည်။ ထိုသို့ပြုလုပ်ခြင်းသည် ဆိုးလ်မှ ၎င်း၏ အိမ်နီးချင်းကို ဦးတည်ထုတ်လွှင့်နေသော အသံချဲ့စက်ထုတ်လွှင့်မှုကို ရပ်ဆိုင်းလိုက်သည့် တစ်ရက်အကြာတွင် ဖြစ်သည်။ယခုသီတင်းပတ်အတွင်း ရာထူးတက်လာသော တောင်ကိုရီးယားသမ္မတ Lee Jae-myung က ဗိုလ်ချုပ်ကြီးများအား ပြုံယမ်းနှင့် တင်းမာမှု လျှော့ချရန်နှင့် ပြန်လည်ဆွေးနွေးရန် ရည်ရွယ်၍ ကြာသပတေးနေ့ (ဇွန် ၁၂) တွင် အသံချဲ့စက်ထုတ်လွှင့်မှုများကို ခေတ္တရပ်ဆိုင်းရန် အမိန့်ပေး ခဲ့သည်။တောင်ကိုရီးယား စစ်ဦးစီးချုပ်ရုံး၏ ပြောရေးဆိုခွင့်ရှိသူ ဗိုလ်မှူးကြီး လီဆုန်ဂျွန်က “ယနေ့နံနက်ပိုင်းတွင် မြောက်ကိုရီးယား၏ တောင်ကိုရီးယားဘက်သို့ ထုတ်လွှင့်သော အသံဆူညံမှုများကို မကြားရတော့ပါ” ဟု ပြောကြားခဲ့သည်။ ၎င်းက ယမန်နေ့ည ၁၁ နာရီအထိ အဆိုပါအသံများ ကြားရသေးသော်လည်း “ယခုအချိန်တွင် အသံထုတ်လွှင့်မှုကို ကြားရသည့် နေရာ မရှိတော့ပါ” ဟု ဖြည့်စွက်ပြောကြားခဲ့သည်။ မြောက်ကိုရီးယား ဘက်မှ တရားဝင်ထုတ်ပြန်ကြေညာချက် မရှိသေးပေ။ဒေသခံအရာရှိတစ်ဦးက NK News သို့ ပြောကြားရာတွင် မြောက် ကိုရီးယား၏ အသံထုတ်လွှင့်မှုများသည် ဗုဒ္ဓဟူး (ဇွန် ၁၁) ညပိုင်းတွင် ဆူညံသံများမှ အေးချမ်းသောသီချင်းများသို့ ပြောင်းလဲခဲ့ပြီး ကြာသပတေးနေ့ (ဇွန် ၁၂) နံနက်ပိုင်းတွင် လုံးဝရပ်တန့်သွားခဲ့သည်ဟု ဆိုသည်။ “ထိုသီချင်း အမျိုးအစားကို အတိအကျမသိရသေးပါ။ ဒေသခံများက အေးချမ်းပြီး စိတ်သက်သာရာရစေသည့် အသံမျိုးဟု ပြောကြသည်။ ယနေ့တွင် ဆူညံသံလုံးဝမကြားရတော့ပါ” ဟု ၎င်းက မီဒီယာသို့ ပြောကြားခဲ့သည်။ယခင်တောင်ကိုရီးယားသမ္မတ Yoon Suk Yeol လက်ထက်တွင် နှစ်နိုင်ငံ ဆက်ဆံရေး သိသိသာသာ ဆိုးရွားလာခဲ့ပြီး ၎င်းအား ဒီဇင်ဘာလတွင် ရာထူးမှရပ်ဆိုင်းခဲ့ပြီး လွန်ခဲ့သည့်သီတင်းပတ်က ကြားဖြတ် ရွေးကောက်ပွဲ တွင် အနိုင်ရခဲ့သော သမ္မတ Lee Jae-myung က အသံချဲ့စက် ထုတ်လွှင့်မှုများ၊ လေကြောင်းဖြင့် ကြွေးကျော်စာစသည့် စာရွက်များ ပစ်ချမှုကဲ့သို့သော စိန်ခေါ်မှုများကို ရပ်တန့်ရန် နှင့် မြောက်ကိုရီးယားနှင့် သံတမန်ဆက်ဆံရေး ပြန်လည်စတင်ရန် ကတိပြုခဲ့သည်။မြောက်ကိုရီးယားသည် ကာလရှည်ကြာစွာကပင် တောင်ကိုရီးယားနှင့် အမေရိကန်ပြည်ထောင်စုတို့၏ ပူးပေါင်းစစ်ရေးလေ့ကျင့်မှုများကိုခြိမ်းခြောက်မှုအဖြစ် သတ်မှတ်ကာ ကန့်ကွက်ခဲ့သည်။ ကိုရီးယား နှစ်နိုင်ငံ သည် ၁၉၅၃ ခုနှစ်က စစ်ပြေငြိမ်းရေးစာချုပ်ချုပ်ဆိုသော်လည်း ငြိမ်းချမ်းရေးစာချုပ် ချုပ်ဆိုနိုင်ခြင်းမရှိသေးသဖြင့် လက်ရှိအနေအထားအရ တင်းမာမှုများ ရှိနေဆဲဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 12-Jun-2025
အနောက်နိုင်ငံများ၏ ယူကရိန်းနှင့် ပါကစ္စတန် ကိစ္စရပ်များတွင် ရပ်တည်မှုအပေါ် အိန္ဒိယဝေဖန်
အနောက်နိုင်ငံများ၏ ယူကရိန်းနှင့် ပါကစ္စတန် ကိစ္စရပ်များတွင် ရပ်တည်မှုအပေါ် အိန္ဒိယဝေဖန်
အိန္ဒိယ၏ နိုင်ငံခြားရေးဝန်ကြီး S. Jaishankar က အနောက်နိုင်ငံများသည် အိန္ဒိယက ရုရှားကို ပြင်းပြင်းထန်ထန် ရှုတ်ချရန် မျှော်လင့် နေစဉ် ကက်ရှ်မီးယားတွင် ပါကစ္စတန်၏ အကြမ်းဖက်လှုပ်ရှားမှုများကို မသိကျိုးကျွံပြုနေခြင်းသည် ဒွိဟဖြစ်စရာကောင်းသည်ဟု ပြောကြား ခဲ့သည်။Euractiv နှင့် အင်တာဗျူးတစ်ခုတွင် Jaishankar က ရုရှား-ယူကရိန်း ပဋိပက္ခတွင် အိန္ဒိယအနေဖြင့် ဘက်မလိုက်သည့် သဘောထားကို ထပ်လောင်းအတည်ပြုခဲ့သည်။“စစ်မြေပြင်မှ အဖြေရှာခြင်းဖြင့် ပဋိပက္ခများ ဖြေရှင်းနိုင်မည်ဟု မိမိတို့ မယုံကြည်ပါ” ဟု ၎င်းက ဆိုသည်။ထို့အပြင် Jaishankar က အိန္ဒိယအနေဖြင့် အနောက်နိုင်ငံများ၏ အတိတ်လုပ်ရပ်များကို ထောက်ပြရန် အကြောင်းပြချက်ရှိသည်ဟု ဖြည့်စွက်ပြောကြားခဲ့သည်။လွတ်လပ်ရေးရပြီး လအနည်းငယ်အတွင်း ပါကစ္စတန်မှ ကက်ရှ်မီးယား သို့ ကျူးကျော်စစ်စတင်ခဲ့သည့်အချိန်တွင် အထောက်အပံ့ အများဆုံးပေးခဲ့သည့် နိုင်ငံများမှာ အနောက်နိုင်ငံများပင် ဖြစ်ခဲ့ပြီး ဤသည်မှာ အိန္ဒိယ၏ ရှည်ကြာသော အတိတ်က မကျေနပ်ချက်ဖြစ်သည်ဟု ၎င်းက ဆိုသည်။ယခုအခါတွင် ထိုနိုင်ငံများက “နိုင်ငံတကာ စံနှုန်းများအကြောင်း ဆွေးနွေး ကြစို့” ဟု ပြောနေပါက ၎င်းတို့၏ အတိတ်ကို ပြန်သုံးသပ်နိုင်ရေး မိမိအနေဖြင့် မေးခွန်းထုတ်ရန် အကြောင်းပြချက်ရှိသည်ဟု ၎င်းက ထပ်လောင်းပြောကြားခဲ့သည်။Jaishankar က ဆက်လက်၍ အိန္ဒိယသည် ရုရှား နှင့် ယူကရိန်း နှစ်နိုင်ငံစလုံးနှင့် ခိုင်မာသော ဆက်ဆံရေးရှိကြောင်း၊ နိုင်ငံတိုင်းတွင် ကိုယ်ပိုင် သမိုင်းနှင့် အကျိုးစီးပွားများရှိကြောင်း ပြောကြားခဲ့သည်။ထို့အပြင် ဥရောပကော်မရှင် ဥက္ကဋ္ဌ Ursula von der Leyen ဦးဆောင်သော ကိုယ်စားလှယ်အဖွဲ့၏ အိန္ဒိယခရီးစဉ်အပြီးတွင် ၎င်းသည် ဥရောပသို့ တစ်ပတ်ကြာ ခရီးထွက်ခဲ့ပြီး အိန္ဒိယနှင့် ဥရောပသမဂ္ဂ (EU) တို့သည် လွတ်လပ်သောကုန်သွယ်ရေးသဘောတူညီချက် (FTA) အတွက် ညှိနှိုင်းဆွေးနွေးနေကြောင်း သတင်းများအရ သိရသည်။သို့သော် EU ဘက်မှ မော်စကိုအပေါ် အနောက်နိုင်ငံများ၏ ပိတ်ဆို့ အရေးယူမှုများကို အိန္ဒိယက ထောက်ခံမှု အားနည်းခြင်းအား ဝေဖန်မှုများ ရှိနေသည်။ထို့အပြင် အနောက်နိုင်ငံများက ရုရှား၏ စွမ်းအင်နှင့် ဘဏ္ဍာရေးကဏ္ဍ များအပေါ် ပြင်းထန်သော ပိတ်ဆို့မှုများ ချမှတ်ထားသော်လည်း အိန္ဒိယ သည် ရုရှားရေနံ၏ အကြီးဆုံး ဝယ်လိုအားရှိသည့် နိုင်ငံများထဲမှ တစ်ခု အဖြစ် ဆက်လက်တည်ရှိနေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 12-Jun-2025
အမေရိကန်က အရှေ့အလယ်ပိုင်းရှိ သံရုံးများမှ ဝန်ထမ်းအချို့ ထွက်ခွာ ခွင့်ပြု
အမေရိကန်က အရှေ့အလယ်ပိုင်းရှိ သံရုံးများမှ ဝန်ထမ်းအချို့ ထွက်ခွာ ခွင့်ပြု
အမေရိကန်နိုင်ငံသည် အီရန်နှင့်တင်းမာမှုများ မြင့်တက်လာခြင်းကြောင့် အရှေ့အလယ်ပိုင်းရှိ သံရုံးများနှင့် စစ်စခန်းများမှ သာမန်ဝန်ထမ်းများနှင့် မိသားစုဝင်များကို စတင် ရွှေ့ပြောင်းနေပါသည်။အဆိုပါ ဆုံးဖြတ်ချက်သည် သမ္မတ ဒေါ်နယ်ထရမ့်က တီဟီရန်သည် ညှိနှိုင်းမှုများကို “တမင်နှေးကွေးစေသည်” ဟု စွပ်စွဲပြောဆိုပြီးနောက် ချမှတ်ခဲ့ခြင်းဖြစ်သည်။ပြည်ထောင်စုအစိုးရဌာနက ဗုဒ္ဓဟူးနေ့ (ဇွန် ၁၁) တွင် မီဒီယာများထံ အီးမေးလ်ဖြင့် ထုတ်ပြန်သည့် ကြေညာချက်တွင် “မိမိတို့၏ နောက်ဆုံး ဆန်းစစ်ချက်များအရ အီရတ်ရှိ သံရုံးဝန်ထမ်းအရေအတွက်ကို လျှော့ချရန် ဆုံးဖြတ်ခဲ့ပါသည်” ဟု ဖော်ပြထားသည်။ Reuters သတင်းဌာနက အမေရိကန်အရာရှိတစ်ဦး၏ ပြောကြားချက်ကို ကိုးကား၍ ကူဝိတ်နှင့် ဘာရိန်းရှိ သံရုံးများတွင်လည်း စေတနာ့ဝန်ထမ်းများ ပြန်ခွင့်ရရှိကြောင်း ဖော်ပြခဲ့သည်။ပင်တဂွန်ကလည်း ဒေသတွင်းရှိ စစ်စခန်းများမှ မိသားစုဝင်များ ပြန်ခွင့်ပြုရန် သဘောတူညီခဲ့သည်။ ကာကွယ်ရေးအရာရှိတစ်ဦးက သတင်းထောက်များအား “CENTCOM (United States Central Command) သည် ကမ္ဘာတစ်ဝှမ်းရှိ မည်သည့်တာဝန်ကိုမဆို အချိန်မရွေး ထောက်ပံ့နိုင်ရန် အဆင်သင့်ဖြစ်နေစေရေးအတွက် ပြည်ထောင်စုအစိုးရဌာနနှင့် ဒေသတွင်းရှိ မဟာမိတ်များ၊ မိတ်ဖက်များနှင့် နီးကပ်စွာ ညှိနှိုင်းဆောင်ရွက်လျက် ရှိသည်” ဟု ပြောကြားခဲ့သည်။Washington Post ၏ ဖော်ပြချက်အရ အမေရိကန် ထောက်လှမ်းရေး အရာရှိများသည် အစ္စရေးနိုင်ငံက အမေရိကန်၏ သဘောတူညီချက် မရှိဘဲ အီရန်၏နျူကလီးယားစက်ရုံများကို တိုက်ခိုက်နိုင်သည်ကို စိုးရိမ် နေကြသည်။ ဝန်ကြီးချုပ် ဘင်ဂျမင် နေတန်ယာဟု၏ ရုံးက လွန်ခဲ့သည့် လက အစ္စရေးသည် ထရမ့်နှင့် တိုက်ခိုက်ရေးအလားအလာများကို ဆွေးနွေးနေကြောင်း သတင်းများကို “သတင်းမှားများ” ဟု ငြင်းဆိုခဲ့သည်။ဗုဒ္ဓဟူးနေ့ (ဇွန် ၁၁) က New York Post နှင့် ပြုလုပ်ခဲ့သော တွေ့ဆုံ မေးမြန်းခန်းတွင် ဒေါ်နယ်ထရမ့်က အိုမန်မှညှိနှိုင်းပေးခဲ့သည့် ငါးကြိမ်တိုင် ညှိနှိုင်းမှုများ အောင်မြင်မှု မရရှိခဲ့ပြီးနောက် အီရန်နှင့် သဘောတူညီချက်ရရန် “ယခင်ထက် ယုံကြည်မှုနည်းလာကြောင်း” ပြောကြားခဲ့သည်။ သမ္မတ ထရမ့်သည် ယခင်က အီရန်၏ နျူကလီးယားအစီအစဉ်ကို အပြီးအပိုင် ဖျက်သိမ်းလိုကြောင်း ဖော်ပြခဲ့ဖူးသော်လည်း တီဟီရန်က ထိုအဆိုကို အခိုင်အမာ ငြင်းဆိုခဲ့သည်။အီရန်၏ ကုလသမဂ္ဂဆိုင်ရာ ကိုယ်စားလှယ်အဖွဲ့က X (တွစ်တာ) တွင် ထုတ်ပြန်သည့် ကြေညာချက်တွင် “အီရန်သည် နျူကလီးယားလက်နက် မလိုလားပါ၊ အမေရိကန်၏ စစ်အာဏာရှင်စနစ်သည် မတည်ငြိမ်မှုကိုသာ မီးထိုးပေးနေသည်” ဟု ဖော်ပြခဲ့သည်။ ကာကွယ်ရေးဝန်ကြီး Aziz Nasirzadeh ကလည်း အကယ်၍ အီရန်အား တိုက်ခိုက်ပါက “ဒေသ တစ်ဝှမ်းရှိ အမေရိကန်စခန်းအားလုံးကို မတွန့်မဆုတ် ပစ်မှတ်ထားမည်” ဟု သတိပေးခဲ့သည်။ထရမ့်သည် ၎င်း၏ ပထမသက်တမ်းအတွင်း ၂၀၁၅ ခုနှစ်က ကုလသမဂ္ဂ ထောက်ခံခဲ့သည့် နျူကလီးယားသဘောတူညီချက်မှ အမေရိကန်ကို နုတ်ထွက်စေခဲ့ပြီး အီရန်က လျှို့ဝှက်စွာ စည်းမျဉ်းချိုးဖောက်နေသည်ဟု စွပ်စွဲခဲ့သည်။ တီဟီရန်က ထိုစွပ်စွဲချက်ကို ငြင်းဆိုခဲ့သော်လည်း ယခု အခါ ၎င်း၏ ကတိကဝတ်များကို လျှော့ချလိုက်ပြီး သန့်စင်ပြီး ယူရေနီယမ် သိုလှောင်မှုပမာဏကို တိုးချဲ့လာနေခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 12-Jun-2025
© Copyright 2024 SAC All Rights Reserved.