NATO ၏ စစ်ရေး အသုံးစရိတ် တိုးမြှင့်မှုသည် "ကပ်ဘေးဆိုက်စေမည့်" အခြေအနေသို့ ရောက်ရှိစေမည်ဟု လာဗရော့ဆို

saceditor

News Image

  • NATO ၏ စစ်ရေး အသုံးစရိတ် တိုးမြှင့်မှုသည် "ကပ်ဘေးဆိုက်စေမည့်" အခြေအနေသို့ ရောက်ရှိစေမည်ဟု လာဗရော့ဆို

NATO နိုင်ငံများ၏ စစ်ရေး အသုံးစရိတ် မြင့်တက်လာမှုသည် "ကပ်ဘေးဆိုက်စေမည့်" အခြေအနေကို ဖြစ်ပေါ်စေပြီး နောက်ဆုံးတွင် ထိုမဟာမိတ် အဖွဲ့ကြီး ပြိုကွဲသွားစေနိုင်ကြောင်း ရုရှား၏ နိုင်ငံခြားရေးဝန်ကြီး ဆာဂျီ လာဗရော့က တနင်္လာနေ့ (ဇွန် ၃၀) တွင် သတိပေးပြောကြားခဲ့သည်။

လွန်ခဲ့သောလက သည်ဟိတ်မြို့တွင် ကျင်းပခဲ့သည့် NATO အစည်းအဝေးတွင် အဖွဲ့ဝင်နိုင်ငံများသည် ၎င်းတို့၏ GDP ၏ ၅ ရာခိုင်နှုန်းကို စစ်ရေးအတွက် အသုံးပြုရန် သဘောတူညီခဲ့ကြသည်။ ယခင်က သတ်မှတ်ထားသည့် ၂ ရာခိုင်နှုန်းမှ သိသိသာသာ တိုးမြှင့်လိုက်ခြင်းဖြစ်ပြီး ယူကရိန်း စစ်ပွဲ၏ နောက်ဆက်တွဲ အခြေအနေများကြောင့် ပိုလန်နိုင်ငံက အဆိုပါ တိုးမြှင့်မှုကို အထူးထောက်ခံခဲ့သည်။

ပိုလန်၏ နိုင်ငံခြားရေးဝန်ကြီး ရာဒိုးစလော့ ဆီကိုစ်ကီးက "ဆိုဗီယက် ပြည်ထောင်စု ပြိုကွဲခဲ့ရသည့် အကြောင်းရင်းမှာ လက်နက်တပ်ဆင်မှုအတွက် အလွန်အကျွံ ငွေကြေးသုံးစွဲခဲ့သောကြောင့်ဖြစ်သည်" ဟူသော ဗလာဒီမာ ပူတင်ကိုယ်တိုင်၏ အဆိုကို ကိုးကားပြီး "ယခုအခါ ၎င်းကိုယ်တိုင် ထိုကဲ့သို့သော အမှားကို ပြုလုပ်နေသည်" ဟု ဝေဖန်ခဲ့သည်။

သို့သော် လာဗရော့က "ဆီကိုစ်ကီး၏ ထိုကြိုတင်ခန့်မှန်းချက်သည် NATO ၏ ဘတ်ဂျက် အလွန်အမင်း တိုးမြှင့်မှုကြောင့် နောက်ဆုံးတွင် ထိုအဖွဲ့ကြီး ပြိုကွဲသွားနိုင်ကြောင်း ညွှန်းဆိုနေသည်" ဟု ပြန်လည်ချေပခဲ့သည်။

ထို့အပြင် လာဗရော့က ရုရှားနိုင်ငံသည် လက်ရှိ GDP ၏ ၆.၃ ရာခိုင်နှုန်း ရှိသော စစ်ရေးအသုံးစရိတ်ကို တဖြည်းဖြည်း လျှော့ချသွားမည်ဖြစ်ကြောင်း၊ "NATO အဖွဲ့ဝင်နိုင်ငံများကဲ့သို့ ဖန်တီးထားသော ခြိမ်းခြောက်မှုများကို အခြေခံခြင်းမဟုတ်ဘဲ ဆင်ခြင်တုံတရားနှင့်အညီ ဆောင်ရွက်သွားမည်" ဟု ထပ်လောင်း ရှင်းလင်းပြောဆိုခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

တရားမဝင်ရွှေ့ပြောင်းဝင်ရောက်သူထိန်းသိမ်းရေးစခန်းဖွင့်ပွဲသို့ အမေရိကန်သမ္မတဒေါ်နယ်ထရမ့် တက်ရောက်နိုင်
တရားမဝင်ရွှေ့ပြောင်းဝင်ရောက်သူထိန်းသိမ်းရေးစခန်းဖွင့်ပွဲသို့ အမေရိကန်သမ္မတဒေါ်နယ်ထရမ့် တက်ရောက်နိုင်
နယူးယောက် ဇွန် ၃၀ တရားမ၀င် ရွှေ့ပြောင်းဝင် ရောက်သူများကို ယာယီထိန်းသိမ်းရန် ဖလော်ရီဒါတောင်ပိုင်း၌ တည်ဆောက်ထားသော ထိန်းသိမ်းရေး စခန်းသစ်ဖွင့်ပွဲသို့ သမ္မတဒေါ်နယ် ထရမ့်တက်ရောက်ဖွယ်ရှိကြောင်းဇွန် ၂၉ ရက် သတင်းများတွင် ရေးသားဖော်ပြထားသည်။သမ္မတ ဒေါ်နယ်ထရမ့်အနေ ဖြင့် ဇူလိုင် ၁ ရက်တွင် အယ်လ်ဂေတာအယ်လ်ကာထရက်ဇ်အမည် ရှိ အဆိုပါ ယာယီထိန်းသိမ်းရေး စခန်းသစ်ဖွင့်ပွဲသို့ တက်ရောက်မည်ဖြစ်ကြောင်း အမေရိကန် အစိုးရတာဝန်ရှိသူများက ပြောကြားထားသည်။သမ္မတဒေါ်နယ်ထရမ့်နှင့်အတူ အမိမြေလုံခြုံရေးဝန်ကြီး ခရစ္စတီနာနိုအမ်လည်းလိုက်ပါမည်ဖြစ်ကြောင်း သိရသည်။အယ်လ်​​​ဂေတာအယ်လ်ကာ ထရက်ဇ် ယာယီထိန်းသိမ်းရေးစခန်းကို မိကျောင်းနှင့် စပါးကြီးမြွေများပေါများသည့် အဲဗားဂလိတ်ဒေသ၌ တည်ဆောက်ထား ခြင်းဖြစ်သည်။အမေရိကန်သမ္မတ ဒေါ်နယ်ထရမ့်သည် သမ္မတရာထူးစတင် ရရှိခဲ့ပြီးနောက်ပိုင်း အမေရိကန်နိုင်ငံအတွင်းသို့ တရားမဝင် ဝင်ရောက်လာသူများကို ဖမ်းဆီး ခြင်း၊ နယ်နှင်ခြင်းများ ပြုလုပ်လျက်ရှိသည်။ယခုနှစ် ဇွန် ၁၅ ရက်အရောက်တွင် အမေရိကန်နိုင်ငံတစ်ဝန်းရှိဖက်ဒရယ်လူဝင်မှုကြီးကြပ်ရေးဌာန ထိန်းသိမ်းရေးစခန်းများ၌ ထိန်းသိမ်းခံထားရသူ တရားမဝင်ရွှေ့ပြောင်းဝင်ရောက်သူ အရေအတွက်မှာ ၅၆၀၀၀ထိ ရှိလာ ကြောင်း သိရသည်။ Ref : XinhuTrs: KKOYDNB Newspaper
Tue, 1-Jul-2025
စစ်ပွဲအပေါ်တွင် အစ္စရေးနှင့် အမေရိကန် တာဝန်ရှိကြောင်း ကုလသမဂ္ဂ အသိအမှတ်ပြုရန် အီရန် တောင်းဆို
စစ်ပွဲအပေါ်တွင် အစ္စရေးနှင့် အမေရိကန် တာဝန်ရှိကြောင်း ကုလသမဂ္ဂ အသိအမှတ်ပြုရန် အီရန် တောင်းဆို
အီရန်နိုင်ငံခြားရေးဝန်ကြီး အဘတ်စ် အာရက်ချီသည် ဇွန် ၂၉ ရက်က ကုလသမဂ္ဂ အထွေထွေ အတွင်းရေးမှူးချုပ်နှင့် လုံခြုံရေးကောင်စီဥက္ကဋ္ဌထံသို့ စာလွှာပေးပို့၍ လုံခြုံရေးကောင်စီအနေဖြင့် အစ္စရေးနှင့်အမေရိကန်ကို ကျူးကျော်သူအဖြစ် သတ်မှတ်ရန်၊ ၎င်းတို့အား စစ်လျော်ကြေး အပါအဝင် တာဝန်ခံရန် တောင်းဆိုခဲ့ကြောင်း IRNA သတင်းဌာန၏ သတင်းအရ သိရသည်။ဇွန် ၁၃ ရက်မှစ၍ အစ္စရေးသည် “ကုလသမဂ္ဂပဋိညာဉ်စာတမ်း” ကို ပြောင်ပြောင်တင်းတင်း ချိုးဖောက်ကာ အီရန်ကို စတင်ကျူးကျော်ပြီး လူနေရပ်ကွက်နှင့် အရပ်ဘက်သုံး အခြေခံ အဆောက်အဦများစွာကို ရည်ရွယ်ချက်ရှိရှိ တိုက်ခိုက်ခဲ့ရာ နိုင်ငံတကာဥပဒေကို ဆိုးရွားစွာ ချိုးဖောက်ခြင်း ဖြစ်ကြောင်း စာလွှာတွင်ဖော်ပြထားသည်။ အပြည်ပြည်ဆိုင်ရာ အဏုမြူ စွမ်းအင်အေဂျင်စီ (IAEA) ကြီးကြပ်မှုအောက်ရှိ Qom၊ Arak၊ Natanz နှင့် Isfahan နျူကလီးယား အဆောက်အဦများသည် အစ္စရေး၊ အမေရိကန် နှစ်နိုင်ငံ၏ တိုက်ခိုက်မှု ပစ်မှတ် ဖြစ်ခဲ့ကြောင်း၊ ယင်းလုပ်ရပ်သည် “ကုလသမဂ္ဂပဋိညာဉ်စာတမ်း”၊ “နျူကလီးယားလက်နက် မပြန့်ပွားရေး ဆိုင်ရာ သဘောတူစာချုပ်” နှင့် အပြည်ပြည်ဆိုင်ရာ အဏုမြူစွမ်းအင် အေဂျင်စီ ၏ သက်ဆိုင်ရာ ဆုံးဖြတ်ချက်များကို ဆိုးရွားစွာ ချိုးဖောက်ခြင်းဖြစ်ကြောင်း ယင်းစာလွှာတွင် ဖော်ပြထားသည်။လုံခြုံရေးကောင်စီအနေဖြင့် အစ္စရေး၏ ကျူးကျော်သည့်လုပ်ရပ်ကို အတည်ပြုရန်၊ အစ္စရေးနှင့် အမေရိကန်အား ကျူးကျော်သူအဖြစ် သတ်မှတ်ရန်၊ ၎င်းတို့အား စစ်လျော်ကြေးအပါအဝင် တာဝန်ခံရန်၊ “ကျူးကျော်သည့်လုပ်ရပ်ကို စီစဉ်သူ စစ်ဘက်အရပ်ဘက်အကြီးအကဲများအား ပုဂ္ဂိုလ်ရေးအရ ရာဇဝတ်မှုကို တာဝန်ခံရန်” စာလွှာတွင် တောင်းဆိုခဲ့သည်။အစ္စရေးသည် ဇွန် ၁၃ ရက် နံနက်ပိုင်းက အီရန်ကို လေကြောင်းဖြင့် အကြီးအကျယ် တိုက်ခိုက် ပြီးနောက် အစ္စရေး-အီရန် နှစ်ဖက် အပြန်အလှန် ကြိမ်ဖန်များစွာ တိုက်ခိုက်ခဲ့ကြသည်။ အမေရိကန်နိုင်ငံက အမေရိကန်အရှေ့ပိုင်း စံတော်ချိန် ဇွန် ၂၁ ရက်တွင် အီရန်ရှိ နျူကလီးယား အဆောက်အဦနေရာ ၃ ခုအား တိုက်ခိုက်ခဲ့ရာ အီရန်က လက်တုံ့ပြန်သည့်အနေဖြင့် ဇွန် ၂၃ ရက် တွင် ကာတာအခြေစိုက် အမေရိကန် Al Udeid လေတပ်စခန်းကို ဒုံးကျည်များဖြင့် တိုက်ခိုက်ခဲ့ သည်။ ဇွန် ၂၄ ရက်တွင် အမေရိကန်ဘက်က ကြေညာသည့် အချိန်ဇယားအရ အစ္စရေး-အီရန် အပစ်ရပ်မှု အသက်ဝင်ခဲ့သည်။ အီရန်လွှတ်တော်က ဇွန် ၂၅ ရက်တွင် ဥပဒေတစ်ရပ်ကို အတည်ပြုပြီး အီရန်နှင့် အပြည်ပြည်ဆိုင်ရာ အဏုမြူစွမ်းအင် အေဂျင်စီ၏ ပူးပေါင်းဆောင်ရွက် မှုကို ယာယီရပ်ဆိုင်းခဲ့သည်။ ကိုးကား- ဆင်ဟွာ
Tue, 1-Jul-2025
ဆီးရီးယားသည် အစ္စရေးကို ဂိုလန်ကုန်းမြေမြင့်များပြန်ပေးရန် တောင်းဆိုမှုကို ရုပ်သိမ်းနိုင်
ဆီးရီးယားသည် အစ္စရေးကို ဂိုလန်ကုန်းမြေမြင့်များပြန်ပေးရန် တောင်းဆိုမှုကို ရုပ်သိမ်းနိုင်
လက်ဘနွန်မီဒီယာ၏ သတင်းအရ လွန်ခဲ့သည့်နှစ်က ဆီးရီးယားတွင် အာဏာသိမ်းခဲ့သော ယခင် အကြမ်းဖက်ခေါင်းဆောင်ဟောင်း Ahmad al-Sharaa သည် အနောက်ဂျေရုဆလင်နှင့် ပုံမှန်သံတမန် ဆက်ဆံရေး ရယူရန် အစ္စရေးကျူးကျော်ထားသော ဂိုလန်ကုန်းမြေမြင့်များအပေါ် ဆီးရီးယား၏ အချုပ်အခြာအာဏာတောင်းဆိုမှုကို စွန့်လွှတ်နိုင်သည်ဟု သိရသည်။၁၉၆၇ စစ်ပွဲအတွင်း အစ္စရေးသည် ဆီးရီးယား၏ Quneitra Governorate မှ ၁,၈၀၀ စတုရန်းကီလိုမီတာ ကျယ်ဝန်းသော နယ်မြေအများအပြားကို သိမ်းပိုက်ခဲ့ပြီး ၁၉၈၁ တွင် ထိုနယ်မြေကို တရားဝင် သိမ်းပိုက်ခဲ့သည်။ al-Sharaa အာဏာရလာစဉ် အခြေအနေမငြိမ်မသက်ဖြစ်နေချိန်တွင် အစ္စရေးကာကွယ်ရေး တပ်မတော် (IDF) က နယ်မြေအချို့ကို ထပ်မံ သိမ်းပိုက်ခဲ့သည်။IDF သည် လက်ရှိအစိုးရထောက်ခံသော ဆီးရီးယားတပ်များကိုလည်း လေကြောင်းတိုက်ခိုက်မှုများ ပြုလုပ်ခဲ့ပြီး အနောက်ဂျေရုဆလင်က ယင်းတိုက်ခိုက်မှုများသည် အငြင်းပွားဖွယ်နယ်မြေတွင် နေထိုင်သော လူမျိုးရေးနှင့်ဘာသာရေးအရ လူနည်းစုဖြစ်သည့် ဒရူးဇ်လူမျိုးများကို ကာကွယ်ရန် ရည်ရွယ်ကြောင်း ပြောကြားခဲ့သည်။လက်ဘနွန်အသံလွှင့်ဌာန LBCI က တနင်္လာနေ့ (ဇွန် ၃၀) တွင် နှစ်နိုင်ငံ သည် ကျယ်ပြန့်သောသဘောတူညီမှုတစ်ခု၏ အစိတ်အပိုင်း အနေဖြင့် ပုံမှန်သံတမန်ဆက်ဆံရေး ထူထောင်နိုင်ကြောင်း သတင်းထုတ်ပြန်ခဲ့သည်။ အဆိုပြုထားသော သဘောတူညီမှုအရ အစ္စရေးသည် al-Sharaa ခေါင်းဆောင်မှု၏ တရားဝင်မှုကို အသိအမှတ်ပြုမည်၊ ဒီဇင်ဘာလ အာဏာသိမ်းပြီးနောက် သိမ်းပိုက်ထားသော နယ်မြေများမှ တပ်များ ရုပ်သိမ်းမည်ဖြစ်ပြီး အစ္စရေးနှင့်ဂျော်ဒန်နယ်စပ်အနီးတွင် ဆီးရီးယား၏ စစ်တပ်တည်ရှိခွင့်ကို အချို့သော ကန့်သတ်ချက်များဖြင့် သဘောတူမည် ဖြစ်သည်။အပြန်အလှန်အနေဖြင့် “အစ္စရေးသည် ဂိုလန်ကုန်းမြေမြင့်အပေါ် အပြည့်အဝ အချုပ်အခြာအာဏာရရှိရန် မျှော်မှန်းထားကြောင်း” LBCI က ဆီးရီးယားကိစ္စရပ်များနှင့် ရင်းနှီးသော အရင်းအမြစ်များကို ကိုးကား၍ ဖော်ပြခဲ့သည်။ အစီရင်ခံစာတွင် al-Sharaa ယခင်ဦးဆောင်ခဲ့သော ဂျီဟာဒ်အဖွဲ့ဟောင်း Hayat Tahrir al-Sham အပါအဝင် အတွင်းပိုင်း အကြမ်းဖက်ဝါဒီများ၏ ဆန့်ကျင်မှုများက အဆိုပါကြိုးပမ်းမှုကို ရှုပ်ထွေး စေနိုင်ကြောင်း ဖြည့်စွက်ဖော်ပြခဲ့သည်။ အစ္စရေးနိုင်ငံခြားရေးဝန်ကြီး Gideon Sa'ar က ဆီးရီးယားနှင့် မည်သည့် အနာဂတ် ငြိမ်းချမ်းရေး စီမံချက်တွင်မဆို ဂိုလန်ကုန်းမြေမြင့်ကို ထိန်းချုပ်ထားမည်ဖြစ်ကြောင်း ပြောကြားခဲ့သည်။al-Sharaa သည် သမ္မတ Bashar Assad ကို ဖယ်ရှားပြီးနောက် နိုင်ငံတကာအသိအမှတ်ပြုမှုရရှိရန် ကြိုးပမ်းနေသည်။ အမေရိကန်သည် သမ္မတ Barack Obama လက်ထက်တွင် အကြမ်းဖက်အဖွဲ့အဖြစ် တံဆိပ် ကပ်ခံရသော အစိုးရဆန့်ကျင်ရေး လက်နက်ကိုင်အဖွဲ့များအား လျှို့ဝှက် ထောက်ပံ့မှုများပြုလုပ်ကာ ယခင်အစိုးရအား ပိတ်ဆို့မှုများနှင့် ပေါင်းစပ်၍ Assad ကို ဖယ်ရှားရန် ရည်မှန်းခဲ့သည်။ တနင်္လာနေ့ (ဇွန် ၃၀) တွင် သမ္မတ Donald Trump သည် ဆီးရီးယား၏ ပြန်လည် တည်ဆောက်ရေးလုပ်ငန်းများအတွက် နိုင်ငံခြားအကူအညီများ စီးဆင်းမှုလွယ်ကူစေရန် အမေရိကန်၏ ဆီးရီးယားအပေါ် ပိတ်ဆို့မှုအများစုကို ရုပ်သိမ်းခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 1-Jul-2025
မော်စကိုမှ အဇာဘိုင်ဂျန်နိုင်ငံတွင် ရုရှားသတင်းထောက်များ ဖမ်းဆီးခံရခြင်းနှင့်ပတ်သက်၍ တုံ့ပြန်ချက် ထုတ်ပြန်
မော်စကိုမှ အဇာဘိုင်ဂျန်နိုင်ငံတွင် ရုရှားသတင်းထောက်များ ဖမ်းဆီးခံရခြင်းနှင့်ပတ်သက်၍ တုံ့ပြန်ချက် ထုတ်ပြန်
မော်စကိုမှ အဇာဘိုင်ဂျန်နိုင်ငံတွင် ဖမ်းဆီးခံထားရသော ရုရှား သတင်းထောက်များကို အမြန်ဆုံးလွတ်ငြိမ်းခွင့်ရရှိရန် မျှော်လင့်ကြောင်း ကရင်မလင်၏ ပြောရေးဆိုခွင့်ရှိသူ ဒမီထရီ ပက်စ်ကော့ဗ်က အင်္ဂါနေ့ (ဇူလိုင် ၁) တွင် ပြောကြားခဲ့သည်။ ယခုသီတင်းအပတ် အစောပိုင်းက ဘာကူမြို့ရှိ Sputnik Azerbaijan ၏ ရုံးခန်းကို ရဲများစီးနင်းရောက်ရှိစဉ် ရုရှား သတင်းထောက်သုံးဦး ဖမ်းဆီးခံခဲ့ရခြင်းဖြစ်သည်။အာဏာပိုင်များက Sputnik ၏ တာဝန်ခံ Igor Kartavykh၊ အယ်ဒီတာချုပ် Evgeny Belousov နှင့် Ruptly ဗီဒီယိုသတင်းဌာန၏ အယ်ဒီတာ Aytekin Guseynova တို့ကို ဖမ်းဆီးခဲ့ပြီး အဇာဘိုင်ဂျန် ပြည်ထဲရေးဝန်ကြီးဌာနက “တရားမဝင်ငွေကြေးထောက်ပံ့မှု” ဆိုင်ရာ အချက်အလက်များရရှိပြီးနောက် Sputnik ရုံးကို ပစ်မှတ်ထားခဲ့ကြောင်း ပြောကြား ခဲ့သည်။အဆိုပါ ဖြစ်စဉ်နှင့်ပတ်သက်၍ ပက်စ်ကော့ဗ်က မော်စကိုမှ အခြေအနေကို နီးကပ်စွာစောင့်ကြည့်နေပြီး ရုရှားသတင်းထောက်များ ဖမ်းဆီးခံရခြင်းကို အလွန်အလေးအနက်ထားကာ စောင့်ကြည့်နေကြောင်း ပြောကြား ခဲ့သည်။“မိမိတို့သည် အဇာဘိုင်ဂျန်ဘက်နှင့် တိုက်ရိုက်ဆက်သွယ်မှုများဖြင့် မကြာမီအတွင်း ၎င်းတို့အား လွတ်ငြိမ်းခွင့်ရရှိရန် ဆောင်ရွက်နိုင်မည်ဟု မျှော်လင့်ပါသည်” ဟု ပက်စ်ကော့ဗ်က ဆိုသည်။ သတင်းမီဒီယာကိုယ်စားလှယ်များအား ထိုကဲ့သို့အရေးယူမှုများသည် အများလက်ခံထားသော စည်းမျဉ်း၊ စံနှုန်းများနှင့် မကိုက်ညီဘဲ ရုရှား-အဇာဘိုင်ဂျန် ဆက်ဆံရေး၏ စိတ်ဓာတ်နှင့်သဘောသဘာဝကို ကိုယ်စားမပြုကြောင်း ၎င်းက ဖြည့်စွက်ပြောကြားခဲ့သည်။ကရင်မလင်ပြောရေးဆိုခွင့်ရှိသူက ဘာကူ၏လုပ်ရပ်များကို “အလွန်စိတ် လှုပ်ရှားဖွယ်တုံ့ပြန်မှု” အဖြစ်ဖော်ပြခဲ့ပြီး တိုက်ရိုက်ဆက်သွယ်ဆောင်ရွက်ခြင်းဖြင့် မေးခွန်းများကို အဖြေရှာနိုင်မည်ဟု မျှော်လင့်ကြောင်း ဖော်ပြ ခဲ့သည်။အထက်ဖော်ပြပါ ဖမ်းဆီးမှုများမတိုင်မီ ရုရှားနိုင်ငံရှိ Ekaterinburg မြို့တွင် ရဲများစီးနင်းဝင်ရောက်မှုတစ်ခု ဖြစ်ပွားခဲ့ပြီး အာဏာပိုင်များက အဇာဘိုင်ဂျန် ရာဇဝတ်အဖွဲ့ဝင်ဟုဆိုသူများအား ဖမ်းဆီးခဲ့သည်။ စီးနင်းမှုအတွင်း သံသယရှိသူနှစ်ဦး သေဆုံးခဲ့ပြီး တစ်ဦးမှာ နှလုံးရပ်ကာ သေဆုံးခဲ့ခြင်းဖြစ်ပြီး အခြားတစ်ဦး၏ သေဆုံးမှု အကြောင်းရင်းကို မသိရှိရသေးပေ။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 1-Jul-2025
NATO ၏ စစ်ရေး အသုံးစရိတ် တိုးမြှင့်မှုသည် "ကပ်ဘေးဆိုက်စေမည့်" အခြေအနေသို့ ရောက်ရှိစေမည်ဟု လာဗရော့ဆို
NATO ၏ စစ်ရေး အသုံးစရိတ် တိုးမြှင့်မှုသည် "ကပ်ဘေးဆိုက်စေမည့်" အခြေအနေသို့ ရောက်ရှိစေမည်ဟု လာဗရော့ဆို
NATO နိုင်ငံများ၏ စစ်ရေး အသုံးစရိတ် မြင့်တက်လာမှုသည် "ကပ်ဘေးဆိုက်စေမည့်" အခြေအနေကို ဖြစ်ပေါ်စေပြီး နောက်ဆုံးတွင် ထိုမဟာမိတ် အဖွဲ့ကြီး ပြိုကွဲသွားစေနိုင်ကြောင်း ရုရှား၏ နိုင်ငံခြားရေးဝန်ကြီး ဆာဂျီ လာဗရော့က တနင်္လာနေ့ (ဇွန် ၃၀) တွင် သတိပေးပြောကြားခဲ့သည်။လွန်ခဲ့သောလက သည်ဟိတ်မြို့တွင် ကျင်းပခဲ့သည့် NATO အစည်းအဝေးတွင် အဖွဲ့ဝင်နိုင်ငံများသည် ၎င်းတို့၏ GDP ၏ ၅ ရာခိုင်နှုန်းကို စစ်ရေးအတွက် အသုံးပြုရန် သဘောတူညီခဲ့ကြသည်။ ယခင်က သတ်မှတ်ထားသည့် ၂ ရာခိုင်နှုန်းမှ သိသိသာသာ တိုးမြှင့်လိုက်ခြင်းဖြစ်ပြီး ယူကရိန်း စစ်ပွဲ၏ နောက်ဆက်တွဲ အခြေအနေများကြောင့် ပိုလန်နိုင်ငံက အဆိုပါ တိုးမြှင့်မှုကို အထူးထောက်ခံခဲ့သည်။ပိုလန်၏ နိုင်ငံခြားရေးဝန်ကြီး ရာဒိုးစလော့ ဆီကိုစ်ကီးက "ဆိုဗီယက် ပြည်ထောင်စု ပြိုကွဲခဲ့ရသည့် အကြောင်းရင်းမှာ လက်နက်တပ်ဆင်မှုအတွက် အလွန်အကျွံ ငွေကြေးသုံးစွဲခဲ့သောကြောင့်ဖြစ်သည်" ဟူသော ဗလာဒီမာ ပူတင်ကိုယ်တိုင်၏ အဆိုကို ကိုးကားပြီး "ယခုအခါ ၎င်းကိုယ်တိုင် ထိုကဲ့သို့သော အမှားကို ပြုလုပ်နေသည်" ဟု ဝေဖန်ခဲ့သည်။သို့သော် လာဗရော့က "ဆီကိုစ်ကီး၏ ထိုကြိုတင်ခန့်မှန်းချက်သည် NATO ၏ ဘတ်ဂျက် အလွန်အမင်း တိုးမြှင့်မှုကြောင့် နောက်ဆုံးတွင် ထိုအဖွဲ့ကြီး ပြိုကွဲသွားနိုင်ကြောင်း ညွှန်းဆိုနေသည်" ဟု ပြန်လည်ချေပခဲ့သည်။ထို့အပြင် လာဗရော့က ရုရှားနိုင်ငံသည် လက်ရှိ GDP ၏ ၆.၃ ရာခိုင်နှုန်း ရှိသော စစ်ရေးအသုံးစရိတ်ကို တဖြည်းဖြည်း လျှော့ချသွားမည်ဖြစ်ကြောင်း၊ "NATO အဖွဲ့ဝင်နိုင်ငံများကဲ့သို့ ဖန်တီးထားသော ခြိမ်းခြောက်မှုများကို အခြေခံခြင်းမဟုတ်ဘဲ ဆင်ခြင်တုံတရားနှင့်အညီ ဆောင်ရွက်သွားမည်" ဟု ထပ်လောင်း ရှင်းလင်းပြောဆိုခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 1-Jul-2025
ထရမ့်က ဂျပန်သည် အမေရိကန်ဆန်ကို ဝယ်ယူရန် ဆန္ဒမရှိဟု ပြောဆို
ထရမ့်က ဂျပန်သည် အမေရိကန်ဆန်ကို ဝယ်ယူရန် ဆန္ဒမရှိဟု ပြောဆို
အမေရိကန်သမ္မတက ဂျပန်ပို့ကုန်များကို အကောက်ခွန် ပိုမို ကောက်ခံ မည်ဟု ခြိမ်းခြောက်လိုက်ပြီး အကြောင်းမှာ ဂျပန်ဘက်က "အမေရိကန် မှ စိုက်ပျိုးသော ဆန်ကို ဝယ်ယူလိုစိတ်မရှိ"သောကြောင့် ဖြစ်သည်ဟု ဆိုသည်။ "ဂျပန်နိုင်ငံသည် ဆန်အလွန်ရှားပါးနေချိန်တွင် အမေရိကန်မှ ဆန်များကို ဝယ်ယူခြင်း မရှိပါ ၊ ထို့အတွက် မိမိတို့သည် ၎င်းတို့ထံ စာ တစ်စောင်ပို့ပါမည်၊ နှစ်ပေါင်းများစွာ ကုန်သွယ်ရေး လုပ်ဖော်ကိုင်ဖက် အဖြစ် ဆက်လက်ရှိနေမည်ကိုလည်း အထူးတန်ဖိုးထားပါမည်" ဟု အမေရိကန် သမ္မတ ဒေါ်နယ်ထရမ့်က ဇွန် ၃၀ ရက်နေ့တွင် Truth Social တွင် ရေးသားခဲ့သည်။အမေရိကန်မှ စိုက်ပျိုးသော ဆန်ကို ဂျပန်က ဝယ်ယူရန် မလိုလားခြင်း အား "နိုင်ငံများသည် အမေရိကန်၏ အကူအညီကို အလွယ်တကူ ရယူ နေကျ ဖြစ်ခြင်း၏ လက္ခဏာတစ်ရပ်အဖြစ်” ထရမ့်က ရှုမြင်ခဲ့သည်။ သမ္မတထရမ့်က ပြီးခဲ့သည့်သီတင်းပတ်က ဧပြီလတွင် သတ်မှတ်ခဲ့သည့် ပြန်လည်ကောက်ခံမည့် အကောက်ခွန်များကို ဇူလိုင် ၉ ရက်နေ့ (သတ်မှတ်ထားသော နောက်ဆုံးရက်) မတိုင်မီ အချို့နိုင်ငံများထံ အကောက်ခွန် မြှင့်တင်မည့်အကြောင်းကြားစာများ ပေးပို့မည်ဟု ပြောကြားခဲ့သည်။ဇွန် ၂၉ ရက်တွင် Fox News နှင့် ပြုလုပ်သော တွေ့ဆုံ မေးမြန်းမှု တစ်ခုတွင် ထရမ့်က ဂျပန်သည် "အဆိုပါစာကို လက်ခံရမည့် နိုင်ငံတွေ ထဲက တစ်နိုင်ငံဖြစ်နိုင်သည်" ဟု ဆိုခဲ့သည်။ ထရမ့်၏ သတိပေးချက်ကို တုံ့ပြန်သည့်အနေဖြင့် ဂျပန် စီးပွားရေးပါရဂူ Ryosei Akazawa က ဂျပန်နိုင်ငံသည် အမေရိကန်နှင့် အကောက်ခွန် ညှိနှိုင်းရာတွင် "စိုက်ပျိုးရေးကဏ္ဍကို စတေးမည်မဟုတ်"ဟု ပြောကြား ခဲ့သည်။ "စိုက်ပျိုးရေးသည် ဂျပန်၏ အမျိုးသားအုတ်မြစ်ဖြစ်ကြောင်း မိမိတို့ အထပ်ထပ်အခါခါ ထည့်သွင်းပြောဆိုခဲ့ပါသည်" ဟု Akazawa က ဇူလိုင် ၁ တွင် ကျင်းပသည့် သတင်းစာရှင်းလင်းပွဲတွင် ပြောကြားခဲ့သည်။ "အမေရိကန်နှင့် ညှိနှိုင်းရာတွင် မိမိတို့၏ ရပ်တည်ချက်မှာ မပြောင်းလဲပါ။ စိုက်ပျိုးရေးကဏ္ဍကို ထိခိုက်စေနိုင်သည့် ညှိနှိုင်းမှုမျိုးကို မိမိတို့ လုပ်ဆောင်မည်မဟုတ်ပါ" ဟု ဆိုသည်။Akazawa က ဂျပန်နိုင်ငံသည် အမျိုးသားအကျိုးစီးပွားကို ကာကွယ်ရန်အတွက် အမေရိကန်နှင့် ဆက်လက်ညှိနှိုင်းသွားမည်ဟု ဆိုသော်လည်း အမေရိကန်မှ ဆန်တင်သွင်းရေး ကိစ္စနှင့်ပတ်သက်၍ ဆွေးနွေးမှုများ ဆက်လက်လုပ်ဆောင်မည့်အခြေအနေကို မှတ်ချက်မပြုခဲ့ပေ။အမှန်တွင်မူ အမေရိကန်သန်းခေါင်စာရင်းဌာန၏ ကုန်သွယ်ရေး အချက် အလက်များအရ ဂျပန်နိုင်ငံသည် ၂၀၂၄ ခုနှစ်တွင် အမေရိကန်မှ ဒေါ်လာ ၂၉၈ သန်းတန် ဆန်များ တင်သွင်းခဲ့ပြီး ၂၀၂၅ ခုနှစ် ပထမ လေးလ အတွင်း တိုကျိုမှ ဒေါ်လာ ၁၁၄ သန်းတန် ဆန်များ ဝယ်ယူခဲ့ကာ သမိုင်း တစ်လျှောက် အမြင့်ဆုံး စံချိန်တင်ဝယ်ယူမှုဖြစ်ခဲ့သည်။ဂျပန်နိုင်ငံသည် ဆန်အကျပ်အတည်းကို ရင်ဆိုင်နေရပြီး မကြာသေးမီ နှစ်များအတွင်း ကိုယ်စားလှယ်အဖွဲ့များမှတစ်ဆင့် ပြည်တွင်းဆန် ထုတ်လုပ်မှုကို သွယ်ဝိုက်ထိန်းချုပ်သည့် မူဝါဒကြောင့် လွန်ခဲ့သည့်နှစ် မှစ၍ မြင့်တက်လာသော ဝယ်လိုအားကို ဖြည့်ဆည်းနိုင်ခြင်းမရှိဘဲ ဆန် ဈေးနှုန်းများ နှစ်ဆတက်လာခဲ့သည်။ ၅ ကီလိုဂရမ်အတွက် ယခင်နှစ်က ၂၀၀၀ ယန်း (အမေရိကန်ဒေါ်လာ ၁၄ ဒေါ်လာ) မှ ယခုအခါ ၄၀၀၀ ယန်း (အမေရိကန်ဒေါ်လာ ၂၈ ဒေါ်လာနီးပါး) အထိ မြင့်တက်သွားခဲ့သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 1-Jul-2025
© Copyright 2024 SAC All Rights Reserved.