ဂါဇာတွင် ရက်ပေါင်း ၆၀ အတွင်း အပစ်အခတ်ရပ်ဆိုင်းရေး အပြီးသတ်ချမှတ်ရန် အစ္စရေး သဘောတူဟုဆို

sacadmin

News Image

  • ဂါဇာတွင် ရက်ပေါင်း ၆၀ အတွင်း အပစ်အခတ်ရပ်ဆိုင်းရေး အပြီးသတ်ချမှတ်ရန် အစ္စရေး သဘောတူဟုဆို

ဂါဇာကမ်းမြောင် ဒေသတွင် ရက်ပေါင်း ၆၀ အတွင်း အပစ်အခတ်ရပ်ဆိုင်းရေး အပြီးသတ်ချမှတ်ရန် အစ္စရေးနိုင်ငံက သဘောတူညီလိုက်ပြီ ဖြစ်ကြောင်း အမေရိကန်သမ္မတ ဒေါ်နယ်ထရမ့်က ထုတ်ပြန်ကြေညာသည်။

အပစ်အခတ်ရပ်စဲနိုင်ရေး အတွက် အမေရိကန် ကိုယ်စားလှယ်များက အစ္စရေးနိုင်ငံမှ တာဝန်ရှိသူများနှင့် ဇူလိုင်လ ၁ ရက်တွင် တွေ့ဆုံဆွေးနွေးပြီးနောက် သဘောတူညီချက် ချမှတ်နိုင်ခြင်းဖြစ်ကြောင်း ထရမ့်က၎င်း၏ ဆိုရှယ်မီဒီယာပေါ်တွင် ရေးသား ဖော်ပြထားသည်။

အဆိုပါကာလအတွင်း အမေရိကန်အနေဖြင့် အပစ်အခတ်ရပ်စဲရေးနှင့် စစ်ပွဲကို အပြီးသတ်ရပ်ဆိုင်းနိုင်ရေးအတွက် သက်ဆိုင်ရာ အဖွဲ့အစည်းများနှင့် ပူးပေါင်းဆောင်ရွက်သွားမည် ဖြစ်ကြောင်း သိရသည်။

ဂါဇာကမ်းမြောင်ဒေသတွင် အပစ်အခတ်ရပ်စဲရေး အပြီးသတ်ချမှတ်နိုင်ရေးအတွက် အီဂျစ်နှင့် ကာတာနိုင်ငံတို့က နောက်ဆုံးအဆိုပြုချက်ကို တင်သွင်းမည်ဖြစ်ပြီး ပါလက်စတိုင်းရှိ ဟားမက်အဖွဲ့နှင့် အစ္စရေးတို့အကြား အဆိုပါသဘောတူညီချက်ကို လက်ခံနိုင်မည်ဟု မျှော်လင့်ကြောင်း ထရမ့်က ဆက်လက်ပြောကြားသည်။

၂၀၂၃  ခုနှစ် အောက်တိုဘာလမှစ၍ ဂါဇာကမ်းမြောင်ဒေသတွင် ဖြစ်ပွားခဲ့သည့် လက်နက်ကိုင် ပဋိပက္ခများအတွင်း ပါလက်စတိုင်းပြည်သူ ၅၇၀၀၀ ကျော် သေဆုံးခဲ့ပြီးဖြစ်ကြောင်း သိရသည်။

MWD Web Portal

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ဘယ်လာရုစ်သမ္မတ လူကာရှန်ကို အကျဉ်းသား ၁၆ ဦးကို လွတ်ငြိမ်းချမ်းသာခွင့်ပေး
ဘယ်လာရုစ်သမ္မတ လူကာရှန်ကို အကျဉ်းသား ၁၆ ဦးကို လွတ်ငြိမ်းချမ်းသာခွင့်ပေး
မင့်စ် ဇူလိုင် ၂ဘယ်လာရုစ်သမ္မတ လူကာရှန်ကိုသည် အကြမ်းဖက်ဝါဒ ကျူးလွန်မှုအပါအဝင် ပြစ်မှု အမျိုးမျိုးဖြင့် ပြစ်ဒဏ်ချမှတ်ခံထားရသူ ၁၆ ဦးကို ပြစ်ဒဏ်မှ လွတ်ငြိမ်းချမ်းသာခွင့်ပေးခဲ့ကြောင်း ဘယ်လာရုစ်နိုင်ငံပိုင်မီဒီယာများက ယနေ့တွင် သတင်းထုတ်ပြန်ထားသည်။သမ္မတ လူကာရှန်ကိုသည် ဘယ်လာရုစ် လွတ်လပ်ရေးနေ့ မတိုင်မီ အဆိုပါအကျဉ်းသား ၁၆ဦး ကို ပြစ်ဒဏ်မှလွတ်ငြိမ်းချမ်းသာခွင့်ပေးခဲ့ခြင်းဖြစ်သည်။ဘယ်လာရုစ်သမ္မတ လူကာရှန်ကိုသည် အနောက်အုပ်စုနှင့် ဆက်ဆံရေးပြန်လည်ပြင်ဆင်ရန်ကြိုးပမ်းသည့်အနေဖြင့် ပြီးခဲ့သည့်နှစ်ကလည်း အကျဥ်းသား၃၀၀ကျော်ကို ပြစ်ဒဏ်မှလွတ်ငြိမ်းချမ်းသာခွင့်ပေးခဲ့သည်။အနောက်အုပ်စုနိုင်ငံများသည် ဘယ်လာရုစ်နိုင်ငံအပေါ် လူ့အခွင့်အရေးချိုးဖောက်မှုစွပ်စွဲချက်များဖြင့် အရေးယူပိတ်ဆို့မှုများပြဋ္ဌာန်းထားသည်။သမ္မတလူကာရှန်ကိုက ပြစ်ဒဏ်မှလွတ်ငြိမ်းချမ်းသာခွင့်ပေးခဲ့သည့် အကျဉ်းသားများတွင် အမျိုးသားရှစ်ဦးနှင့် အမျိုးသမီးရှစ်ဦးတို့ ပါဝင်ကြောင်း ဘယ်လာရုစ်အစိုးရ မီဒီယာများ၏အဆိုအရ သိရသည်။ဘယ်လာရုစ်နိုင်ငံကို နှစ်ပေါင်း ၃ဝ ကျော်ဦးဆောင်ခဲ့သည့် သမ္မတ လူကာရှန်ကိုသည် ရုရှားသမ္မတ ပူတင်၏အဓိကမဟာမိတ်တစ်ဦး ဖြစ်ကြောင်း သိရသည်။Ref: RTTrs: KKOYDNB Newspaper
Thu, 3-Jul-2025
ဂါဇာတွင် ရက်ပေါင်း ၆၀ အတွင်း အပစ်အခတ်ရပ်ဆိုင်းရေး အပြီးသတ်ချမှတ်ရန် အစ္စရေး သဘောတူဟုဆို
ဂါဇာတွင် ရက်ပေါင်း ၆၀ အတွင်း အပစ်အခတ်ရပ်ဆိုင်းရေး အပြီးသတ်ချမှတ်ရန် အစ္စရေး သဘောတူဟုဆို
ဂါဇာကမ်းမြောင် ဒေသတွင် ရက်ပေါင်း ၆၀ အတွင်း အပစ်အခတ်ရပ်ဆိုင်းရေး အပြီးသတ်ချမှတ်ရန် အစ္စရေးနိုင်ငံက သဘောတူညီလိုက်ပြီ ဖြစ်ကြောင်း အမေရိကန်သမ္မတ ဒေါ်နယ်ထရမ့်က ထုတ်ပြန်ကြေညာသည်။အပစ်အခတ်ရပ်စဲနိုင်ရေး အတွက် အမေရိကန် ကိုယ်စားလှယ်များက အစ္စရေးနိုင်ငံမှ တာဝန်ရှိသူများနှင့် ဇူလိုင်လ ၁ ရက်တွင် တွေ့ဆုံဆွေးနွေးပြီးနောက် သဘောတူညီချက် ချမှတ်နိုင်ခြင်းဖြစ်ကြောင်း ထရမ့်က၎င်း၏ ဆိုရှယ်မီဒီယာပေါ်တွင် ရေးသား ဖော်ပြထားသည်။အဆိုပါကာလအတွင်း အမေရိကန်အနေဖြင့် အပစ်အခတ်ရပ်စဲရေးနှင့် စစ်ပွဲကို အပြီးသတ်ရပ်ဆိုင်းနိုင်ရေးအတွက် သက်ဆိုင်ရာ အဖွဲ့အစည်းများနှင့် ပူးပေါင်းဆောင်ရွက်သွားမည် ဖြစ်ကြောင်း သိရသည်။ဂါဇာကမ်းမြောင်ဒေသတွင် အပစ်အခတ်ရပ်စဲရေး အပြီးသတ်ချမှတ်နိုင်ရေးအတွက် အီဂျစ်နှင့် ကာတာနိုင်ငံတို့က နောက်ဆုံးအဆိုပြုချက်ကို တင်သွင်းမည်ဖြစ်ပြီး ပါလက်စတိုင်းရှိ ဟားမက်အဖွဲ့နှင့် အစ္စရေးတို့အကြား အဆိုပါသဘောတူညီချက်ကို လက်ခံနိုင်မည်ဟု မျှော်လင့်ကြောင်း ထရမ့်က ဆက်လက်ပြောကြားသည်။၂၀၂၃  ခုနှစ် အောက်တိုဘာလမှစ၍ ဂါဇာကမ်းမြောင်ဒေသတွင် ဖြစ်ပွားခဲ့သည့် လက်နက်ကိုင် ပဋိပက္ခများအတွင်း ပါလက်စတိုင်းပြည်သူ ၅၇၀၀၀ ကျော် သေဆုံးခဲ့ပြီးဖြစ်ကြောင်း သိရသည်။MWD Web Portal
Thu, 3-Jul-2025
သုံးနှစ်အတွင်း ပထမဆုံးအကြိမ်အဖြစ် ပူတင်နှင့် မက်ခရွန်တို့က ဆွေးနွေး
သုံးနှစ်အတွင်း ပထမဆုံးအကြိမ်အဖြစ် ပူတင်နှင့် မက်ခရွန်တို့က ဆွေးနွေး
သုံးနှစ်အတွင်း ပထမဆုံးအကြိမ်အဖြစ် ရုရှားသမ္မတ ဗလာဒီမာပူတင် နှင့် ပြင်သစ်သမ္မတ အီမန်နျူရယ်မက်ခရွန်တို့ အကြား ဖုန်းမှတစ်ဆင့် ဆက်သွယ်၍ ဆွေးနွေးခဲ့ကြောင်း ရုရှားသမ္မတ၏ ပြောရေးဆိုခွင့်ရှိသူ ဒီမီထရီမက်ဗီဒက်က ဇူလိုင်လ ၂ ရက်တွင် ပြောသည်။ နှစ်နိုင်ငံသမ္မတများအကြား တယ်လီဖုန်းမှ တစ်ဆင့် ဆွေးနွေး ပြောဆိုမှုများကို ဇူလိုင်လ ၁ ရက်တွင် လုပ်ဆောင်ခဲ့ခြင်းဖြစ်ပြီး ယင်းအစီအစဉ်အား ပြင်သစ်အစိုးရဘက်မှ စီစဉ်ခဲ့ခြင်းဖြစ်သည်။ အဆိုပါဆွေးနွေးမှုအတွင်း ရုရှားနိုင်ငံအနေဖြင့် ဆွေးနွေးမှုများ လုပ်ဆောင်ရန် ဆန္ဒရှိကြောင်း သမ္မတ ပူတင်က ပြောကြားခဲ့ကြောင်း သိရသည်။ သို့ရာတွင် နှစ်နိုင်ငံသမ္မတများအကြား မည်သည့်ကိစ္စရပ်နှင့် စပ်လျဉ်း၍ ဆွေးနွေးခဲ့ကြောင်းကို အသေးစိတ် ထုတ်ပြန်ထားခြင်းမရှိပေ။ ပူတင်နှင့် မက်ခရွန်တို့အကြား ဖုန်းမှတစ်ဆင့် အပြန်အလှန် ဆွေးနွေးမှုများကို ၂၀၂၂ ခုနှစ် စက်တင်ဘာလအထိ လုပ်ဆောင်ခဲ့ကြသော်လည်း နောက်ပိုင်းတွင် သမ္မတနှစ်ဦးအကြား ပြောဆိုဆွေးနွေးမှုများကို မက်ခရွန်က ပေါက်ကြားစေခဲ့ပြီးနောက် အပြန်အလှန် ဆွေးနွေးမှုကို ရုရှားနိုင်ငံက ရပ်ဆိုင်းလိုက်ခြင်းဖြစ်သည်။ ပြင်သစ်နိုင်ငံသည် လက်ရှိ ယူကရိန်းပဋိပက္ခတွင် ယူကရိန်းအား ထောက်ခံလျက်ရှိပြီး ယင်းနိုင်ငံသို့ စစ်လက်နက်များ ထောက်ပံ့ပေးလျက်ရှိကြောင်း သိရသည်။MWD Web Portal
Thu, 3-Jul-2025
အီလွန်မက်ပိုင် ကုမ္ပဏီများ၏ ထောက်ပံ့ငွေများကို ပြန်လည်သုံးသပ်ရန် ဒေါ်နယ်ထရမ့် ခြိမ်းခြောက်
အီလွန်မက်ပိုင် ကုမ္ပဏီများ၏ ထောက်ပံ့ငွေများကို ပြန်လည်သုံးသပ်ရန် ဒေါ်နယ်ထရမ့် ခြိမ်းခြောက်
ယခုတလော အမေရိကန်အခွန်ဥပဒေကြမ်းကို တိုင်းသိပြည်သိ ငြင်းခုန် ဆွေးနွေးနေကြချိန်မှာပင် အမေရိကန်သမ္မတဒေါ်နယ်ထရမ့်က ယခင်က ၎င်း၏မိတ်ဆွေဖြစ်ခဲ့သူ အီလွန်မက်နှင့် သက်ဆိုင်သော အထောက်အပံ့ ငွေအားလုံး ပြန်လည်သုံးသပ်ရန် အစိုးရ၏ စွမ်းဆောင်ရည်မြှင့်တင်ရေး ဌာန (DOGE) ကို အကြံပြုလိုက်ပါသည်။ ၎င်းတို့ထဲတွင် တက်စလာနှင့် Space X ကုမ္ပဏီတို့ ရရှိခဲ့သည့် ထောက်ပံ့ငွေများလည်း ပါဝင်နေ ပါသည်။“အီလွန်မက်သည် လူသားအားလုံးထဲမှာ ထောက်ပံ့ငွေပမာဏ အများဆုံး ရရှိခဲ့သူဖြစ်နိုင်ပါသည်၊ အဆိုပါ ထောက်ပံ့ငွေတွေသာ မရှိခဲ့ပါက အီလွန်မက်အနေဖြင့် ၎င်း၏လုပ်ငန်းတွေ ပိတ်သိမ်းပြီး တောင်အာဖရိက ကို ပြန်သွားပါလိမ့်မည်၊ မိမိတို့ နိုင်ငံသည်လည်း ငွေအမြောက်အမြား ချွေတာနိုင်ပါလိမ့်မည်၊ အစိုးရစွမ်းဆောင်ရည်မြှင့်တင်ရေးဌာနက အဆိုပါ ကိစ္စကို ဖိဖိစီးစီး သေချာစစ်ဆေးဖို့ အကြံပြုချင်ပါသည်” ဟု ဒေါ်နယ်     ထရမ့်က ၎င်း၏ Truth Social လူမှုမီဒီယာတွင် ပြောကြားထားပါသည်။လာမည့်ဇူလိုင် ၄ ရက်တွင် အိမ်ဖြူတော်က ဥပဒေ (Law) အဖြစ် ပြဋ္ဌာန်း ထုတ်ပြန်ရန် မျှော်မှန်းထားသော အခွန်လျှော့ချရေးနှင့် အသုံးစရိတ် ဆိုင်ရာ ဥပဒေကြမ်း (Bill)ကို အီလွန်မက်တစ်ယောက် ပြင်းပြင်းထန်ထန် ဝေဖန်လိုက်ပြီးနောက် အစိုးရအသုံးစရိတ် ကန့်သတ်ရန် ကမ်ပိန်း လုပ်ခဲ့သည့် ဥပဒေပြုသူများကို ရာထူးမှ ဖယ်ရှားနိုင်ရေး လုပ်ဆောင်သွားရန် ကတိပြု ကြောင်း ကြုံးဝါးထားပါသည်။ကိုးကား- Aljazeeraဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 2-Jul-2025
ပိုလန်သမ္မတအဖြစ် ရွေးချယ်တင်မြှောက်ခံရသူ Karol Nawrocki က ယူကရိန်းကို ဥရောပသမဂ္ဂအဖွဲ့ဝင်ဖြစ်ရေး ကန့်ကွက်ကြောင်း ထုတ်ဖော် ပြောကြား
ပိုလန်သမ္မတအဖြစ် ရွေးချယ်တင်မြှောက်ခံရသူ Karol Nawrocki က ယူကရိန်းကို ဥရောပသမဂ္ဂအဖွဲ့ဝင်ဖြစ်ရေး ကန့်ကွက်ကြောင်း ထုတ်ဖော် ပြောကြား
ဥရောပသမဂ္ဂအဖွဲ့ဝင်ဖြစ်ရန် ယူကရိန်းသည် အထူးသတ်မှတ်ချက် များနှင့် ကိုက်ညီရမည်ဖြစ်ပြီး လက်ရှိအချိန်တွင် နေတိုးအဖွဲ့ဝင်အဖြစ်မပါဝင်နိုင်ကြောင်း ပိုလန်သမ္မတ အဖြစ်ရွေးချယ်တင်မြှောက်ခံရသူ Karol Nawrocki က တနင်္လာနေ့ (ဇွန် ၃၀) တွင် အမျိုးသားမီဒီယာနှင့် အင်တာဗျူး တစ်ခုတွင် ပြောကြားခဲ့သည်။လာမည့် သြဂုတ်လအစောပိုင်းတွင် သမ္မတတာဝန်များကို လွှဲပြောင်း ယူနိုင်ရေး ပြင်ဆင်နေစဉ် Nawrocki က Polsat News ရုပ်သံလိုင်းတွင် ကိယက်ဗ်၏ အဖွဲ့ဝင်အဖြစ် လိုလားမှုနှင့်ပတ်သက်၍ ၎င်း၏ သဘောထား ကို ရှင်းလင်းစွာပြောကြားခဲ့သည်။ ၎င်းသည် သမ္မတအဖြစ် ကျမ်းသစ္စာ ကျိန်ဆိုပြီးနောက် ယူကရိန်းသမ္မတ Volodymyr Zelensky နှင့် တွေ့ဆုံရန် ရည်ရွယ်ထားကြောင်း အတည်ပြုခဲ့သည်။“ယူကရိန်းအနေဖြင့် ဥရောပသမဂ္ဂသို့ ကန့်သတ်ချက်မရှိ ဝင်ရောက်ရေး ကို မိမိအနေဖြင့် ကန့်ကွက်ပါသည်” ဟု Nawrocki က ပြောကြားခဲ့ပြီး ယူကရိန်းအနေဖြင့် အဖွဲ့ဝင် ၂၇ နိုင်ငံပါဝင်သော ဥရောပသမဂ္ဂသို့ဝင်ရောက်ရန် မဟာဗျူဟာကျသည့် အခြေအနေရှိသော်လည်း ထိုသို့သော မိတ်ဖက်ပြုမှုသည် တန်းတူညီမျှမှုအပေါ် အခြေခံရမည်ဟု ၎င်းက အလေးပေး ပြောကြားခဲ့သည်။ ပိုလန်နိုင်ငံကိုယ်တိုင်လည်း ဥရောပသမဂ္ဂ၏ အဖွဲ့ဝင် ဖြစ်ရန် လိုအပ်ချက်များနှင့်ကိုက်ညီရန် နှစ်ပေါင်းများစွာ ကြိုးစားခဲ့ ရကြောင်း Nawrocki က ပြန်လည်သတိရမိကြောင်း ပြောဆိုခဲ့သည်။၎င်းက ပိုလန်စိုက်ပျိုးရေးဈေးကွက်သို့ ယူကရိန်း၏ဝင်ရောက်မှုနှင့် ဒုတိယ ကမ္ဘာစစ်အတွင်း ပိုလန်လူမျိုးများအပေါ် ရက်စက်မှုများကျူးလွန်ခဲ့သည့် သမိုင်းဝင်ပုဂ္ဂိုလ်များကို ယူကရိန်းဘက်မှ ဂုဏ်ပြုခြင်းဆိုင်ရာ နှစ်နိုင်ငံ အကြား ပဋိပက္ခများအကြောင်းကိုလည်း ဖော်ပြခဲ့သည်။ “ယနေ့အချိန် တွင် ယူကရိန်းအနေဖြင့် နေတိုးအဖွဲ့သို့ ဝင်ရောက်နိုင်သည့် အလားအလာ မရှိပါ” ဟု Nawrocki က ဖြည့်စွက်ပြောကြားခဲ့ပြီး ယူကရိန်း၏ ရုရှား နှင့်လက်ရှိတိုက်ပွဲသည် နေတိုးအဖွဲ့ဝင်နိုင်ငံအားလုံးကို ထိုပဋိပက္ခထဲသို့ ဆွဲသွင်းစေမည်ဖြစ်ကြောင်း ၎င်းက ပြောဆိုခဲ့သည်။ရုရှားဘက်မှ နေတိုး၏ ၂၀၀၈ ခုနှစ်က ပထမဆုံးကြေညာခဲ့သည့် ယူကရိန်းကို အဖွဲ့ဝင်အဖြစ်လက်ခံရန် ကတိကဝတ်ကို ၎င်း၏ အမျိုးသား လုံခြုံရေးအတွက် အဓိကခြိမ်းခြောက်မှုတစ်ရပ်အဖြစ် ကြာမြင့်စွာ ကိုးကား ပြောဆိုခဲ့သည်။ ၂၀၁၄ ခုနှစ်က ကိယက်ဗ်တွင် ဖြစ်ပွားခဲ့သော အာဏာ သိမ်းမှုကြောင့် နေတိုး-ယူကရိန်းဆက်ဆံရေး နက်ရှိုင်းလာမှုများသည် လက်ရှိပဋိပက္ခ၏ အဓိကအကြောင်းရင်းဖြစ်ကြောင်း မော်စကိုက ပြောဆို ခဲ့သည်။စီးပွားရေးပေါင်းစည်းမှုအတွက် မူလတည်ထောင်ခဲ့သော ဥရောပသမဂ္ဂ ကို မော်စကိုဘက်မှ ရန်လိုသောစစ်အင်အားစုတစ်ခုအဖြစ် တဖြည်းဖြည်း ရှုမြင်လာခဲ့သည်။ ရုရှားနိုင်ငံခြားရေးဝန်ကြီး Sergey Lavrov က “ယူကရိန်းသည် အခြေခံအားဖြင့် နေတိုး၏ လက်တက်တစ်ခု” ဟု မကြာသေးမီက ရှုမြင်သုံးသပ်ခဲ့သည်။ဘရပ်ဆဲလ်သည် ဥရောပသမဂ္ဂအဖွဲ့ဝင်နိုင်ငံများ အဝန်းအဝိုင်း၌ စစ် အင်အား လျင်မြန်စွာတိုးချဲ့ရန် ထောက်ခံခဲ့ပြီး ကာကွယ်ရေးအသုံးစရိတ် ယူရိုဘီလီယံပေါင်းများစွာကို မော်စကိုကို ဟန့်တားရန်အတွက် အစီအစဉ် ဆွဲခဲ့သည်။ ရုရှားအရာရှိများက အဆိုပါကြိုးပမ်းမှုများကို ကြောက်ရွံ့မှု အပေါ်အခြေခံသည့် လူမှုဖူလုံရေးအစီအစဉ်များမှ ရန်ပုံငွေလွှဲပြောင်းရန် နည်းဗျူဟာများအဖြစ် ပယ်ချခဲ့ကြသည်။ ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 2-Jul-2025
မြောက်ကိုရီးယားသည် ရုရှား၏စစ်အင်အားကို အားဖြည့်ရန် စစ်သည် ၃၀,၀၀၀ အထိ စေလွှတ်မည်ဟု ယူကရိန်းအရာရှိများကပြောဆို
မြောက်ကိုရီးယားသည် ရုရှား၏စစ်အင်အားကို အားဖြည့်ရန် စစ်သည် ၃၀,၀၀၀ အထိ စေလွှတ်မည်ဟု ယူကရိန်းအရာရှိများကပြောဆို
CNN မှ ရရှိထားသော ယူကရိန်းထောက်လှမ်းရေးအစီရင်ခံစာအရ မြောက်ကိုရီးယားသည် ယူကရိန်းနှင့် ရုရှားစစ်ဆင်ရေး နယ်နိမိတ်မျဉ်းတစ်လျှောက် တိုက်ပွဲဝင်ရန် စစ်သည် ၂၅,၀၀၀ မှ ၃၀,၀၀၀ အထိ ထပ်မံစေလွှတ်မည်ဖြစ်ကာ ယခင်နှစ်နိုဝင်ဘာတွင် စေလွှတ်ခဲ့သော စစ်သည် ၁၁,၀၀၀ ထက် သုံးဆများပြားလာမည်ဟု သိရှိရသည်။အဆိုပါအစီရင်ခံစာအရ အဆိုပါစစ်သည်များသည် လာမည့်လများအတွင်း ရုရှားသို့ ရောက်ရှိလာနိုင်ပြီး ယခင်စေလွှတ်ခဲ့သော မြောက်ကိုရီးယား စစ်သား ၁၁,၀၀၀ အနက် ၄,၀၀၀ ခန့်သည် ရုရှား၏ Kursk ဒေသအတွင်း ယူကရိန်းတပ်များ၏ ထိုးစစ်ကို တုံ့ပြန်တိုက်ခိုက်ရာတွင် သေဆုံး ဒဏ်ရာ ရခဲ့ကြောင်း အနောက်နိုင်ငံများ၏ အရာရှိများက ဆိုသည်။ သို့သော် ထို့နောက်ပိုင်းတွင် မြောက်ကိုရီးယားနှင့် ရုရှားတို့၏ ပူးပေါင်းဆောင်ရွက်မှု မှာ ပိုမိုနက်ရှိုင်းလာခဲ့သည်။ယူကရိန်း၏ ထောက်လှမ်းရေးအစီရင်ခံစာတွင် ရုရှားကာကွယ်ရေးဝန်ကြီး ဌာနသည် မြောက်ကိုရီးယားစစ်သည်များအား လိုအပ်သော စစ်ပစ္စည်းများ၊ လက်နက်များနှင့် ခဲယမ်းများ ဖြည့်ဆည်းပေးပြီး ရုရှားတပ်များနှင့် ပေါင်းစည်းရန် ရည်ရွယ်ကြောင်း ဖော်ပြထားသည်။ အစီရင်ခံစာတွင် မြောက်ကိုရီးယားစစ်သည်များအား “ရုရှားသိမ်းပိုက်ထားသော ယူကရိန်း ဒေသများတွင် တိုက်ပွဲဝင်စေရန် အလားအလာများပြီး ရုရှားတပ်များ၏ အင်အားကို မြှင့်တင်ရန် အထူးသဖြင့် ကြီးမားသော တိုက်စစ်ဆင်ရာတွင် အသုံးပြုနိုင်သည်” ဟု ဖြည့်စွက်ဖော်ပြထားသည်။ယူကရိန်းစစ်ထောက်လှမ်းရေးဌာန၏ အဆိုပါအစီရင်ခံစာတွင် ရုရှား စစ်လေယာဉ်များကို သယ်ယူပို့ဆောင်ရေးယာဉ်အဖြစ် ပြန်လည် ပြင်ဆင်နေသည့် လက္ခဏာများလည်း ရှိကြောင်း ဖော်ပြထားပြီး မြောက်ကိုရီးယား နှင့် နယ်နိမိတ်ချင်းထိစပ်နေသော ဆိုက်ဘေးရီးယားဒေသမှတစ်ဆင့် သောင်းနှင့်ချီသောစစ်သည်များကို သယ်ယူရန် ကြီးမားသော စီမံ ဆောင်ရွက်မှုများ ပြုလုပ်နေကြောင်း ညွှန်ပြနေသည်ဟု ဆိုသည်။CNN မှ ရရှိထားသော ဂြိုဟ်တုဓာတ်ပုံများတွင် မြောက်ကိုရီးယား၏ Sunan လေဆိပ်တွင် ကုန်တင်လေယာဉ်များ ရောက်ရှိနေခြင်းနှင့် ယခင်နှစ်က စစ်သည်များ ပို့ဆောင်ရာတွင် အသုံးပြုခဲ့သော သင်္ဘောတစ်စင်း ရုရှား ဆိပ်ကမ်းသို့ ရောက်ရှိနေခြင်းစသည့် လှုပ်ရှားမှုများကို တွေ့ရှိရပြီး ယင်းသည် ထပ်မံစေလွှတ်မည့် စစ်သည်များအတွက် ကြိုတင် ပြင်ဆင်မှု များ ဖြစ်နိုင်ကြောင်း သိရသည်။ကိုးကား- CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 2-Jul-2025
© Copyright 2024 SAC All Rights Reserved.