ဇူလိုင် ၁၄ တွင် ရုရှားနှင့်ပတ်သက်ပြီး အရေးကြီးကြေညာချက် ထုတ်ပြန်မည် ဟု ထရမ့်ပြောကြား

saceditor

News Image

  • ဇူလိုင် ၁၄ တွင် ရုရှားနှင့်ပတ်သက်ပြီး အရေးကြီးကြေညာချက် ထုတ်ပြန်မည် ဟု ထရမ့်ပြောကြား

လာမည့်ဇူလိုင်လ ၁၄ ရက်တွင် ရုရှားနိုင်ငံနှင့်ပတ်သက်ပြီး အရေးကြီးသော ကြေညာချက် ထုတ်ပြန်သွားမည်ဖြစ်ကြောင်း အမေရိကန် သမ္မတ ဒေါ်နယ်ထရမ့်က NBC News နှင့် အင်တာဗျူးပြုလုပ်စဉ် ပြောကြားလိုက် ပါသည်။

“လာမည့် တနင်္လာနေ့ (ဇူလိုင် ၁၄) တွင် ရုရှားနှင့် ပတ်သက်ပြီး အရေးကြီး ကြေညာချက် ထုတ်ပြန်ဖို့ ရှိမှာပါ။ မိမိအနေဖြင့် ရုရှားနိုင်ငံ အပေါ် အလွန်စိတ်ပျက်မိပါသည်။ လာမည့် ရက်သတ္တပတ် အနည်းငယ်အတွင်း ဘာတွေဖြစ်လာနိုင်မည် ဆိုသည်ကို စောင့်ကြည့်ရမှာပေါ့” ဟု ထရမ့်က ဖြည့်စွက်ပြောကြားထားပါသည်။

ဒေါ်နယ်ထရမ့်သည် NBC News အင်တာဗျူးတွင် ရုရှားအပေါ်  လွန်စွာ ကြီးမားသည့် ပိတ်ဆို့အရေးယူ ပြုလုပ်ရန် ကွန်ဂရက်လွှတ်တော်၌အတည်ပြုရန် ရည်ရွယ်ထားသော ဥပဒေကြမ်းကို ကျင့်သုံးရန် ဆုံးဖြတ်ချက်မှာ မိမိလက်ထဲတွင် ရှိကြောင်း ပြောကြားထားပါသည်။ ထိုဥပဒေကြမ်းကို ရီပတ်ပလီကန်အမတ်တစ်ဦးနှင့် ဒီမိုကရက်တစ်အမတ်တစ်ဦးတို့ ဦးဆောင်၍ ပါတီ ၂ ခုပူးပေါင်းအဖွဲ့က မိတ်ဆက်ခဲ့ ကြသည်။ ထိုဥပဒေကြမ်းတွင် ရုရှားကုန်သွယ်ဖက်နိုင်ငံများအပေါ် ထပ်ဆင့် ပိတ်ဆို့မှုများ (ဥပမာ၊ ရုရှားမှ ရေနံ၊ ဓာတ်ငွေ့၊ ယူရေနီယမ်နှင့် အခြား ကုန်ပစ္စည်းများ ဝယ်ယူသည့်နိုင်ငံများမှ အမေရိကန်သို့ တင်သွင်းသည့် ကုန်ပစ္စည်းများအပေါ် အကောက်ခွန် ၅၀၀ % အထိ စည်းကြပ်ခြင်း) အရေးယူမှုများ ပါဝင်နေပါသည်။ 

ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာခါရိုဗာ က ဇူလိုင် ၂ ရက်က အမေရိကန်အနေဖြင့် ရုရှားအပေါ် ပိတ်ဆို့ အရေး ယူမှုများမှာ အလုပ်မဖြစ်ဘဲ ၎င်းတို့ကို အားပေးထောက်ခံသည့် နိုင်ငံ များအပေါ်တွင်သာ ဆိုးကျိုးသက်ရောက်စေမှာ ဖြစ်သည်ကို နားလည် သင့်ကြောင်း တုံ့ပြန်ပြောကြားခဲ့ပါသည်။

ကိုးကား- TASS

Photo: Report.az

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

အီးယူနှင့်အမေရိကန်တို့ ချမှတ်ခဲ့သည့် ကုန်သွယ်ရေးသဘောတူညီချက်က အီးယူအတွက် ထိုးနှက်ချက်ဖြစ်ဟု လက်ရော့ပြော
အီးယူနှင့်အမေရိကန်တို့ ချမှတ်ခဲ့သည့် ကုန်သွယ်ရေးသဘောတူညီချက်က အီးယူအတွက် ထိုးနှက်ချက်ဖြစ်ဟု လက်ရော့ပြော
အီးယူအဖွဲ့က အမေရိကန်ပြည်ထောင်စုနှင့် ချမှတ်ခဲ့သည့် ကုန်သွယ်ရေးသဘောတူညီချက်သည် အဆိုပါအဖွဲ့အတွက် ကြီးမားသည့် ထိုးနှက်ချက်ဖြစ်ကြောင်း ရုရှားနိုင်ငံခြားရေးဝန်ကြီး ဆာဂျီ လက်ရော့က ဇူလိုင်လ ၂၈ ရက်တွင် ပြောသည်။အီးယူ သို့မဟုတ် ဥရောပသမဂ္ဂနှင့် အမေရိကန်တို့အကြား  ချမှတ်ခဲ့သည့် ကုန်သွယ်ရေး သဘောတူညီချက်သည် ဥရောပရှိစက်မှုလုပ်ငန်းများကို လျော့ပါးစေရန်ခြိမ်းခြောက်လျက်ရှိသည့်အပြင် ဥရောပ၏ရင်းနှီးမြှုပ်နှံမှုများကို အမေရိ ကန်ပြည်ထောင်စုသို့ ရွှေ့ပြောင်းစေရန် ဖိအားပေးနိုင်ပြီး အီးယူအဖွဲ့ဝင်နိုင်ငံများအနေဖြင့်လည်း စွမ်းအင်ကဏ္ဍအတွက် အမေရိကန်အပေါ် ပိုမိုအမှီသဟဲပြုရမည့်အလားအလာရှိကြောင်း   လက်ရော့ကပြောသည်။လက်ရော့၏ အဆိုပါပြောကြားချက်များသည် အီးယူအဖွဲ့မှ ဥရောပကော်မရှင်ဥက္ကဋ္ဌ     အူဆူလာ    ဗွန်ဒါလေယန်က အမေရိကန်   သမ္မတဒေါ်နယ်ထရမ့်နှင့် ဇူလိုင်လ  ၂၇  ရက်တွင်တွေ့ဆုံ၍  နှစ်ဦးနှစ်ဖက်အကြား   ကုန်သွယ်ရေးစစ်ပွဲကို ရှောင်ရှားနိုင်ရန်အတွက်  အငြင်းပွားဖွယ် ကုန်သွယ်ရေး သဘောတူညီချက်တစ်ရပ်ကို ချမှတ်ပြီးနောက် ထွက်ပေါ်လာခြင်းဖြစ်သည်။အဆိုပါသဘောတူညီချက်အရ အမေရိကန်အစိုးရအနေဖြင့် အီးယူအဖွဲ့ဝင်နိုင်ငံများမှ တင်သွင်းလာသည့် ကုန်ပစ္စည်းများအပေါ် ယခင်ကအဆိုပြုထားသည့် အခွန် ၃၀ ရာခိုင်နှုန်းအစား ၁၅ ရာခိုင်နှုန်းကောက်ခံမည်ဖြစ်သည်။ထို့ပြင် အီးယူအနေဖြင့် အမေရိကန်ပြည်ထောင်စုမှ ဒေါ်လာ ၇၅၀ ဘီလီယံတန်ဖိုးရှိ ဓာတ်ငွေ့အရည်နှင့်နျူကလီးယား လောင်စာကဲ့သို့သော စွမ်းအင်အရင်းအမြစ် များကို  ဝယ်ယူရန်  လိုအပ်မည့်အပြင် အမေရိကန်နိုင်ငံ၏စက်မှုကဏ္ဍတွင်လည်း ဒေါ်လာ ၆၀၀ ဘီလီယံခန့် ရင်းနှီးမြှုပ်နှံရ မည်ဖြစ်ကြောင်းသိရသည်။အီးယူနှင့် အမေရိကန်ပြည်ထောင်စုတို့အကြား ချမှတ်ခဲ့သည့် ကုန်သွယ်ရေး သဘောတူညီချက်သည်  အမေရိကန် အစိုးရက   ချမှတ်သည့်  အခွန်တိုးမြှင့်ကောက်ခံမှုအပေါ် အီးယူအဖွဲ့က လက်သင့်ခံသည် ဟူသော သဘောထားကို ပြသခြင်း ဖြစ်သောကြောင့် အဖွဲ့ဝင်နိုင်ငံများအတွက် သတိထားစရာ ဖြစ်ကြောင်း ဂျာမနီစက်မှု လုပ်ငန်းအဖွဲ့ကြီးမှ စီးပွားရေးလုပ်ငန်းရှင် များက   ပြောကြားထားကြောင်း  သိရသည်။Ref: Rt
Tue, 29-Jul-2025
အမေရိကန်-အီးယူ ကုန်သွယ်မှုသဘောတူညီချက်အသစ် ရရှိ
အမေရိကန်-အီးယူ ကုန်သွယ်မှုသဘောတူညီချက်အသစ် ရရှိ
အမေရိကန်-အီးယူ ကုန်သွယ်မှုသဘောတူညီချက်အသစ်ရရှိခဲ့ကြောင်း အမေရိကန်သမ္မတ ထရမ့်နှင့် ဥရောပကော်မရှင်ဥက္ကဋ္ဌ အာဆူလာ ဗွန်ဒါလေယန်တို့က ဇူလိုင် ၂၇ ရက်တွင် ဗြိတိန်နိုင်ငံ စကော့တလန် South Ayrshire ပြည်နယ်ရှိ Turnberry ဂေါက်ကွင်း၌ အတူတကွ ကြေညာခဲ့သည်။ဗွန်ဒါလေယန်နှင့် အလွတ်သဘော တွေ့ဆုံဆွေးနွေးမှုအပြီးတွင် အီးယူမှ အမေရိကန်သို့ တင်သွင်းသော ကုန်ပစ္စည်းများအပေါ် အမေရိကန်က စည်းကြပ်ခွန် ၁၅ ရာခိုင်နှုန်းကောက်ခံခြင်း၊ အီးယူက အမေရိကန်အပေါ် ရင်းနှီးမြှုပ်နှံမှုကို ကန်ဒေါ်လာ ၆၀၀ ဘီလီယံ တိုးမြှင့်မည်ဖြစ်ပြီး ကန်ဒေါ်လာ ၇၅၀ ဘီလီယံတန်ဖိုးရှိသော အမေရိကန်စွမ်းအင်ဝယ်ယူခြင်း စသည်တို့အပါအဝင် သဘောတူညီချက် အသစ်၏ အသေးစိတ်အချက်အလက် တစ်စိတ်တစ်ပိုင်းကို ထရမ့်က ထုတ်ဖော်ပြောကြားခဲ့သည်။ ကိုးကား- ဆင်ဟွာ
Tue, 29-Jul-2025
petro
ရုရှားနိုင်ငံက ပြည်ပသို့ ဓာတ်ဆီတင်ပို့မှုအား ယာယီတားမြစ်
ရုရှားအစိုးရသည် ပြည်တွင်းလိုအပ်ချက်များနှင့် စိုက်ပျိုးရေး ရာသီအတွက် ဈေးကွက်တည်ငြိမ်ရန်အတွက် ဓာတ်ဆီတင်ပို့မှုအား ဇူလိုင်လ ၂၉ ရက်မှ ဩဂုတ်လကုန်အထိ သို့မဟုတ် စက်တင်ဘာလအထိ ယာယီတားမြစ်ကြောင်း ကြေညာခဲ့သည်။ အဆိုပါအမိန့်တွင် အစိုးရများအကြား ကုန်သွယ်မှု သဘောတူညီထားသော နိုင်ငံများဖြစ်သည့် ယူရေးရှားစီးပွားရေး သမဂ္ဂ နိုင်ငံများ၊ မွန်ဂိုလီးယားနှင့် ဥဇဘက်ကစ္စတန်တို့ မပါဝင်ပေ။ယခုတားမြစ်မှုသည် ဇွန်လနှောင်းပိုင်းမှစတင်၍ ဓာတ်ဆီဈေးများ မြင့်တက် လာမှုကို တုံ့ပြန်လုပ်ဆောင်ခြင်းဖြစ်ပြီး လက်ရှိတွင် AI-92 ဓာတ်ဆီဈေး သည် ၁၄.၈%၊ AI-95 ဓာတ်ဆီဈေးသည် ၂၃% အထိ တက်ရှိလျက်ရှိသည်။ ထို့အပြင် လောင်စာဆီထုတ်လုပ်ရေးစက်ရုံများ၏ ပြုပြင်မှု လုပ်ငန်း များ၊ ကုန်သွယ်မှုအခွန်များ တိုးမြင့်ခြင်းတို့ကြောင့်လည်း ဈေးနှုန်းများ ပိုမို မြင့်တက်လာခြင်းဖြစ်သည်။ရုရှားစွမ်းအင်ဝန်ကြီးဌာနက ပြည်တွင်းလောင်စာဆီဈေးကွက် တည်ငြိမ် နေကြောင်း ထုတ်ပြန်ထားသော်လည်း အဆိုပါတားမြစ်မှုဖြင့် ရေနံ ကုမ္ပဏီများအနေဖြင့် ပြည်တွင်းဈေးကွက်သို့ လောင်စာဆီပိုမို ရောက်ရှိ စေရန် ဦးတည်ထားသည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Jul-2025
ထိုင်းနိုင်ငံသည် ၅ ရက်တာ ပဋိပက္ခအတွင်း အမေရိကန်ဒေါ်လာ သန်း ၃၀၀ ကျော် ဆုံးရှုံးခဲ့
ထိုင်းနိုင်ငံသည် ၅ ရက်တာ ပဋိပက္ခအတွင်း အမေရိကန်ဒေါ်လာ သန်း ၃၀၀ ကျော် ဆုံးရှုံးခဲ့
ထိုင်းနိုင်ငံ၏ ဒုတိယဝန်ကြီးချုပ်နှင့် ဘဏ္ဍာရေးဝန်ကြီး ဖီချိုင်ချွန် ဟာဝီရာ က ကမ္ဘောဒီးယားနှင့် နယ်စပ်ပဋိပက္ခ၏ စီးပွားရေးအပေါ် သက်ရောက်မှု ကို အမြန်ဆုံးပြန်လည်သုံးသပ်နေကြောင်း ပြောကြားခဲ့သည်။ကနဦးခန့်မှန်းချက်အရ ထိုင်းနိုင်ငံသည် ကမ္ဘောဒီးယားနှင့် ၅ ရက်ကြာ ပဋိပက္ခတွင် ဘတ်ငွေ ၁၀ ဘီလီယံ (အမေရိကန်ဒေါ်လာ ၃၀၇ သန်း) ခန့် ဆုံးရှုံးခဲ့သည်။ ယင်းပမာဏတွင် ရွှေ့ပြောင်းရေးလုပ်ငန်းစဉ်များနှင့် ပျက်စီး ဆုံးရှုံးမှုများ ပါဝင်သော်လည်း စီးပွားရေးလုပ်ငန်းများအပေါ် သက်ရောက်မှု မပါဝင်ပေ။ထိုင်းအစိုးရတွင် စီးပွားရေးလှုံ့ဆော်မှုအတွက် ဘတ်ငွေ ၂၅ ဘီလီယံ (အမေရိကန်ဒေါ်လာ ၇၆၈ သန်း) ကျန်ရှိသော်လည်း ဖီချိုင်က အဆိုပါ ငွေပမာဏသည် မလုံလောက်နိုင်ကြောင်း သတိပေးခဲ့သည်။ပဋိပက္ခကို ပြီးဆုံးစေရန် သဘောတူညီချက်ရရှိရခြင်း၏ အဓိက အကြောင်းရင်းမှာ စီးပွားရေးဆုံးရှုံးမှုပမာဏ ကြီးမားခြင်းကြောင့် ဖြစ်သည်။ပဋိပက္ခတစ်လကြာပါက ထိုင်းနိုင်ငံသည် အမေရိကန်ဒေါ်လာ ၁.၄ ဘီလီယံ (GDP ၏ ၀.၂၅%) ၊ ကမ္ဘောဒီးယားမှာ အမေရိကန်ဒေါ်လာ ၄၇၃ သန်း (GDP ၏ ၁.၁%) ဆုံးရှုံးနိုင်ကြောင်း ကျွမ်းကျင်သူများက ခန့်မှန်း ခဲ့သည်။ကမ္ဘောဒီးယားနှင့် ထိုင်းတို့သည် ဇူလိုင် ၂၈ ရက်တွင် မေလေးရှားတွင် ဆွေးနွေးပြီးနောက် ပဋိပက္ခကို ချက်ချင်းရပ်စဲရန် သဘောတူညီခဲ့သည်။ အဆိုပါပဋိပက္ခတွင် လူ ၃၈ ဦး သေဆုံးခဲ့ပြီး နှစ်နိုင်ငံမှ ကျေးရွာသား ၂၇၈,၀၀၀ ခန့် ရွှေ့ပြောင်းခဲ့ရသည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Jul-2025
“အိန္ဒိယနိုင်ငံတွင် ထုတ်လုပ်သည့်” iPhone သည် သမိုင်းတွင်သည့် တရုတ်နိုင်ငံကို ကျော်လွန်၍ အိန္ဒိယနိုင်ငံမှ တင်ပို့နိုင်ခဲ့ခြင်းဖြစ်
“အိန္ဒိယနိုင်ငံတွင် ထုတ်လုပ်သည့်” iPhone သည် သမိုင်းတွင်သည့် တရုတ်နိုင်ငံကို ကျော်လွန်၍ အိန္ဒိယနိုင်ငံမှ တင်ပို့နိုင်ခဲ့ခြင်းဖြစ်
နယူးဒေလီ ၊ ဇူလိုင် ၂၉iPhone တင်ပို့မှုတွင် အိန္ဒိယနိုင်ငံသည် အထူးသဖြင့် အမေရိကန်နိုင်ငံသို့ တင်ပို့ရာတွင် တရုတ်နိုင်ငံကို သိသိသာသာကျော်လွန်ခဲ့ကာ အိန္ဒိယနိုင်ငံထုတ်ပစ္စည်းများ အပေါ် ဝယ်လိုအား လည်း တိုးတက်လာပါသည်။ မကြာသေးမီက ထုတ်ပြန်သည့်  အစီရင်ခံစာ တစ်စောင်တွင် အိန္ဒိယနိုင်ငံမှ အမေရိကန်သို့  iPhone တင်ပို့မှုသည် တရုတ်နိုင်ငံကို ကျော်လွန်ခဲ့ပြီး ယမန် နှစ်ကထက် ၇၅ ရာခိုင်နှုန်း တိုးတက်ခဲ့သည်ဟု ဆိုပါသည်။  ယင်းသို့ ဖြစ်ရခြင်းမှာ အမေရိကန် သမ္မတ ဒေါ်နယ်ထရမ့်က တရုတ်ထုတ်ကုန်များပေါ် အပြန်အလှန် အခွန် (၃၀) ရာခိုင်နှုန်း ကောက်ခံခဲ့ခြင်းကြောင့်လည်းဖြစ်နိုင်ပြီး၊ ယင်းသည် အမေရိကန် ဈေးကွက်အတွင်းသို့ အိန္ဒိယမှ iPhone တင်ပို့မှုကို တိုးတက်စေရန် လမ်းဖွင့်ပေးလိုက်သကဲ့သို့ ဖြစ်ပါသည်။အပြည့်အစုံဖတ်ရှုရန် https://sacministry.gov.mm/my/subject/10321
Tue, 29-Jul-2025
ထရမ့်က ဗွန်ဒါလိုင်းယန်အား အလွယ်တကူ အနိုင်ရယူခဲ့ဟု အော်ဘန် ဝေဖန်
ထရမ့်က ဗွန်ဒါလိုင်းယန်အား အလွယ်တကူ အနိုင်ရယူခဲ့ဟု အော်ဘန် ဝေဖန်
အမေရိကန်သမ္မတ ဒေါ်နယ်ထရမ့်သည် ဥရောပကော်မရှင်ဥက္ကဋ္ဌ အာဆူလာ ဗွန်ဒါလိုင်းယန်အား ကုန်သွယ်ရေးညှိနှိုင်းမှုများတွင် အပြတ် အသတ် လွှမ်းမိုးနိုင်ခဲ့ကြောင်း၊ ထို့ကြောင့် ဥရောပသမဂ္ဂ (EU) အတွက် အလွန်ဆိုးရွားသော သဘောတူညီမှုမျိုး ဖြစ်သွားရကြောင်း ဟန်ဂေရီ ဝန်ကြီးချုပ် ဗစ်တာအော်ဘန်က ပြင်းပြင်းထန်ထန် ဝေဖန်လိုက်သည်။လပေါင်းများစွာက တင်းမာစွာ ညှိနှိုင်းခဲ့ရသည့် ကုန်သွယ်ရေး သဘော တူညီမှုကို ဇူလိုင်လ ၂၈ ရက်နေ့တွင် အဆုံးသတ်ခဲ့သည်။ သို့သော် အော်ဘန်က “သဘောတူညီမှုတစ်ခု မဟုတ်ဘဲ ဒေါ်နယ်ထရမ့်သည် ဗွန်ဒါလိုင်းယန် အား နံနက်စာအဖြစ် အလွယ်တကူ စားသွားနိုင်ခဲ့သည်” ဟု ခိုင်းနှိုင်းကာ မှတ်ချက်ပြုခဲ့သည်။ထို့အပြင် ၎င်းက "အဆိုပါ ဥရောပသဘောတူညီမှုသည် ဗြိတိန်နှင့် အမေရိကန်ချုပ်ဆိုထားသော သဘောတူညီမှုထက် ပိုမိုဆိုးရွားနေပြီးနောင်တွင် အောင်မြင်စွာ ဆက်လက် အကောင်အထည်ဖော်နိုင်ရန် အလွန် ခက်ခဲလိမ့်မည်" ဟု သုံးသပ်ခဲ့သည်။အမေရိကန်သည် ဗြိတိန်နှင့်ချုပ်ဆိုထားသော သဘောတူညီမှုတွင် ဗြိတိန် ကုန်သွင်းကုန်များအား ၁၀% အကောက်ခွန်သတ်မှတ်ထားသော်လည်း၊ EUမှ အမေရိကန်သို့ တင်ပို့သည့် ကုန်စည်များအတွက် ၁၅% အကောက်ခွန် ကျသင့်မည်ဖြစ်ပြီး အမေရိကန်က EUဈေးကွက်တွင် ရောင်းချသည့် ကုန်စည်များအား ပြန်လည်စည်းကြပ်သည့် အကောက်ခွန်များ မကျသင့် စေရန် သဘောတူညီခဲ့သည်။ထို့အပြင် ထရမ့်၏ပြောကြားချက်အရ EUသည် အမေရိကန်၏ စက်မှု လုပ်ငန်းများတွင် နောက်ထပ် ဒေါ်လာ ၆၀၀ ဘီလီယံ ရင်းနှီးမြှုပ်နှံရန်၊ အမေရိကန်စွမ်းအင်ထုတ်ကုန်များ ဒေါ်လာ ၇၅၀ ဘီလီယံ ဝယ်ယူရန်နှင့် အမေရိကန်လက်နက်များ ဒေါ်လာဘီလီယံပေါင်းရာချီ ဝယ်ယူရန်ကတိပြုထားသည်။ ဗွန်ဒါလိုင်းယန်ကမူ အဆိုပါ ရင်းနှီးမြှုပ်နှံမှုများကိုလာမည့် ၃ နှစ်အတွင်း အဆင့်ဆင့် အကောင်အထည်ဖော်သွားမည်ဟု ပြောကြားခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Jul-2025
© Copyright 2024 SAC All Rights Reserved.