အမေရိကန်သမ္မတ ဒေါ်နယ်ထရမ့်က ယခုဆိုလျှင် ၎င်း၏နိုင်ငံ တစ်ခုတည်း ကိုသာမက တစ်ကမ္ဘာလုံးကိုပါ အုပ်ချုပ်နေပြီး ၎င်း၏ ဒုတိယသက်တမ်း အာဏာသက်ရောက်မှုကို “အလွန်ပျော်ရွှင်စွာ လုပ်ကိုင်နေသည်” ဟု ပြောကြားခဲ့ပါသည်။
သမ္မတထရမ့်က The Atlantic မဂ္ဂဇင်းနှင့် အင်တာဗျူးတစ်ခုတွင် ယခုကဲ့သို့ ပြောကြားခဲ့ခြင်းဖြစ်ပြီး ၎င်း၏ ဒုတိယသက်တမ်း ပထမ (၁၀၀) ရက်အတွေ့အကြုံကို မျှဝေခဲ့ပါသည်။ ၎င်းအနေဖြင့် ပထမသက်တမ်း အစောပိုင်းကထက် ယခုအချိန်တွင် ပိုမိုကောင်းမွန်စွာ လုပ်ဆောင်နေသည် ဟုလည်း ဆိုပါသည်။
မော်စကို၏ နိုင်ငံတကာဆက်ဆံရေးအင်စတီကျု (MGIMO) သည် ယခု သီတင်းပတ်အတွင်း ပထမဆုံး ရုရှား-အာဖရိက လူငယ်သံတမန်များ ဖိုရမ်အတွက် နိုင်ငံပေါင်း ၂၀ ကျော်မှ ကိုယ်စားလှယ်များအား ကြိုဆိုခဲ့ပါသည်။ အခမ်းအနားသည် ခေတ်သစ်ကိုလိုနီဝါဒကို တိုက်ဖျက်ရန်နှင့် ယဉ်ကျေးမှုချိတ်ဆက်မှုများ ဖွံ့ဖြိုးလာစေရန် ဦးတည်ချက်ထားခဲ့သည်။
အီရန်၏အကြီးဆုံးစီးပွားရေးဆိပ်ကမ်းတစ်ခုတွင် ကြီးမားသည့် ပေါက်ကွဲမှုတစ်ခုဖြစ်ပွားခဲ့ပြီးနောက် သေဆုံးသူဦးရေမှာ (၄၀)ဦးထိ မြင့်တက်လာခဲ့ပြီး အခြားလူ(၁၀၀၀)ကျော် ထိခိုက်ဒဏ်ရာရရှိခဲ့သည်ဟု ကြက်ခြေနီအဖွဲ့အကြီးအကဲ Pirhossein Koolivand က ပြောကြားခဲ့ပါသည်။ ပေါက်ကွဲမှုသည် Hormuz ရေလက်ကြားအနီး အီရန်နိုင်ငံ တောင်ပိုင်း Shahid Rajaee ဆိပ်ကမ်း၌ ဧပြီလ(၂၆)ရက်က ဖြစ်ပွားခဲ့ခြင်း ဖြစ်ကြောင်း သိရပါသည်။ အဆိုပါပေါက်ကွဲမှုသည် အန္တရာယ်ရှိသည့် ဓါတုဗေဒပစ္စည်းများ သိုလှောင်သည့်နေရာတွင် မီးလောင်ကျွမ်းမှုကြောင့် ဖြစ်ပွားခဲ့ခြင်းဖြစ်သည်ဟု ဆိပ်ကမ်း၏အကောက်ခွန်ရုံးက ထုတ်ပြန်ပြောကြားခဲ့ပါသည်။
လွန်ခဲ့သည့်သီတင်းပတ်က အိန္ဒိယ အုပ်ချုပ်သည့် ဂျမူးနှင့် ကက်ရှ်မီးယား ဒေသ၌ လူအသေအပျောက်များသည့် အကြမ်းဖက်တိုက်ခိုက်မှုအပြီးတွင် အိန္ဒိယစစ်တပ်က အကြမ်းဖက်နှိမ်နင်းရေး အကြောင်းပြချက်နှင့် ပါကစ္စတန် နိုင်ငံထဲသို့ ကျုးကျော်ဝင်ရောက်လာမည်ကို မျှော်လင့်ထားပါကြောင်း ပါကစ္စတန် ကာကွယ်ရေးဝန်ကြီးက ဧပြီ ၂၈ က ပြောကြားခဲ့ပါသည်။
တရုတ်ပြည်သူ့လွတ်မြောက်ရေးတပ်မတော်ရေတပ်က Type 22 အမြန်သွားတိုက်ခိုက်ရေးရေယာဉ်များကို တောင်တရုတ်ပင်လယ်ထဲမှာ ဖြန့်ကြက်ချထား လိုက်ပါတယ်။ အမေရိကန်ပြည်ထောင်စုက တရုတ်နိုင်ငံအနီးနားမှာ သူတို့ရဲ့ ရပ်တည်မှုကို ပိုမိုခိုင်မာစေဖို့အတွက် ဆက်လက်လုပ်ဆောင်လာချိန်မှာ တရုတ် တပ်မတော်က အခုလိုဖြန့်ကြက်လိုက် တာပါ။
အိန္ဒိယနိုင်ငံက ပါကစ္စတန်နိုင်ငံနှင့် တင်းမာမှုမြင့်တက်နေချိန်တွင် ပြင်သစ် နိုင်ငံမှ Rafale တိုက်လေယာဉ် ၂၆ စင်းကို ဝယ်ယူလိုက်ကြောင်း သိရသည်။
အဆိုပါတိုက်လေယာဉ်များ ဝယ်ယူမှုသည် တန်ဖိုးအားဖြင့် အမေရိကန် ဒေါ်လာ ၇ ဒသမ ၄၁ ဘီလီယံရှိပြီး ဝယ်ယူမှုအတွက် သဘောတူလက်မှတ် ထိုးလိုက်ပြီဖြစ်ကြောင်း တာဝန်ရှိသူများက ဧပြီလ ၂၈ ရက်တွင် ထုတ်ပြန် ကြေညာသည်။
ရုရှားနိုင်ငံခြားရေးဝန်ကြီး ဆာဂေးလာဗရော့ဖ်နှင့် ကျူးဘားနိုင်ငံခြားရေးဝန်ကြီး ဘရူနိုရိုဒရီဂက်စ်ပါရီလျာတို့သည် BRICS နိုင်ငံများ၏ နိုင်ငံခြားရေးဝန်ကြီးများအစည်းအဝေးတွင် တစ်ဖက်သတ် အတင်းအကျပ် အရေးယူဆောင်ရွက်မှုများ၏ ဆိုးကျိုးများကို ကာကွယ်ရန်၊ လျှော့ချရန်နှင့် လျော်ကြေးပေးရန် နည်းလမ်းများဆိုင်ရာ ပူးတွဲကြေညာစာတမ်းကို လက်မှတ်ရေးထိုးခဲ့ပါသည်။
ဘယ်လာရုစ်သမ္မတ အလက်ဇန်းဒါးလူကာရှန်ကိုနှင့် ရုရှားသမ္မတ ဗလာ ဒီမာပူတင်တို့၏ ဗော်ဂိုဂရက်တွင် ပြုလုပ်သောစေ့စပ်ဆွေးနွေးမှုသည် လေးနာရီ ကြာမြင့်ခဲ့ပါသည်။
“ညှိနှိုင်းမှုပြီးသွားပါပြီ။ ဘယ်လာရုစ်သမ္မတ အလက်ဇန်းဒါး လူကာရှန်ကို နှင့်ရုရှားသမ္မတ ဗလာဒီမာပူတင်တို့သည် မျက်နှာချင်းဆိုင်ပြီး ၄ နာရီကြာ စကားပြောခဲ့ပါသည်” ဟု သမ္မတရုံးနှင့် နီးစပ်သော Telegram လိုင်း၏ ထုတ်ပြန်ချက်တွင် ဖော်ပြထားပါသည်။
မြန်မာနိုင်ငံ၊ ဗီယက်နမ်နိုင်ငံ၊ တရုတ်နိုင်ငံနှင့် လာအိုနိုင်ငံတို့မှ နိုင်ငံကိုယ်စားပြု စစ်ရေးပြအဖွဲ့များ ဧပြီ ၂၇ ရက် (မော်စကိုစံတော်ချိန်) နံနက်ပိုင်းက ရုရှားဖက်ဒရေးရှင်းနိုင်ငံ မော်စကိုမြို့ရှိ အလာဘီနို လေ့ကျင့်ရေးကွင်းတွင် စစ်ရေးပြပွဲတွင် ပါဝင်သည့် နိုင်ငံများ၏ စစ်ရေးပြ ကိုယ်စားလှယ်အဖွဲ့များနှင့်အတူ လေ့ကျင့်ခဲ့ကြကြောင်း သိရှိရပါသည်။
ကိုးကား-နစက-၁
ငလျင်ဘေးသင့်ခဲ့သည့် ရှမ်းပြည်နယ်တောင်ပိုင်း၊ အင်းလေးဒေသတွင် ယင်လုံအိမ်သာ လိုအပ်ချက် အခက်အခဲဖြစ်ပေါ်နေကြောင်း သိရသည်။
ထိုအခက်အခဲကြောင့် ဒေသခံများအတွက် ကျန်းမာရေးဆိုင်ရာပြဿနာများ ဖြစ်ပွားလာနိုင်ကြောင်းလည်း ကူညီကယ်ဆယ်ရေး လုပ်ဆောင်ပေးနေသူများက ပြောသည်။
ငလျင်ကြောင့် အိမ်ပျက်စီးရာတွင် ယင်လုံအိမ်သာများပါ ပျက်စီးသွားခြင်းကြောင့် လက်ရှိ၌ ကူညီကယ်ဆယ်ရေး လုပ်ဆောင်ပေးနေသူများက ယင်လုံအိမ်သာများကို ယာယီဆောက်လုပ်ပေးနေကြဆဲဖြစ်သည်။