ရုရှားနိုင်ငံအား တိုက်ခိုက်ရာတွင် အသုံးပြုရန်အတွက် ယူကရိန်းနိုင်ငံသို့ လက်နက်များထောက်ပံ့ပေးမည့်ကိစ္စမှာ လုံးဝမဖြစ်သင့်ကြောင်း ဖေဖော်ဝါရီ ၁၀ ရက်တွင် CSU / CDU (Christian Democratic Union) ပါတီမှ ပြိုင်ဘက် Friedrich Merz နှင့် ရွေးကောက်ပွဲဆိုင်ရာ စကားစစ် ထိုးပွဲပြုလုပ်စဥ် ဂျာမနီဝန်ကြီးချုပ် Olaf Scholz က ပြောကြားလိုက်ပါသည်။
တောင်အဖရိကကိုလိုနီအုပ်ချုပ်မှုမှ လွတ်လပ်ရေးရရှိအောင် ဦးဆောင် တိုက်ပွဲဝင်ခဲ့သူ၊ နမီးဘီးယားနိုင်ငံ၏ ပထမဆုံးသမ္မတအဖြစ် ၁၅ နှစ်တိုင် ထမ်းဆောင်ခဲ့သူ ဆမ်နျုဂျိုမာသည် ဖေဖော်ဝါရီ ၈ ရက် (စနေနေ့) ည အချိန်တွင် ကွယ်လွန်သွားပြီဖြစ်ကြောင်း လက်ရှိသမ္မတ Nangolo Mbumba က ဖေဖော်ဝါရီ ၉ ရက် (တနင်္ဂနွေနေ့)တွင် ကြေညာလိုက်ပါသည်။ ဆမ်နျုဂျိုမာ ကွယ်လွန်ချိန်တွင် အသက် ၉၅ နှစ်အရွယ်ရှိပြီ ဖြစ်ပါသည်။
ဟားမားစ်များ ထပ်မံမဝင်ရောက်စေရန် ဂါဇာကမ်းမြောင်ဒေသကို ဝယ်ယူသိမ်းပိုက်မည်ဟု အမေရိကန်သမ္မတ ဒေါ်နယ်ထရမ့်က ကတိပြု ပြောကြားခဲ့ပြီး ဂါဇာဒေသ၏ ပြန်လည်တည်ဆောက်ရေးလုပ်ငန်းများတွင်အရှေ့အလယ်ပိုင်းဒေသများက ပါဝင်ကူညီဆောင်ရွက်ပေးစေလိုကြောင်း Super Bowl အားကစားပြိုင်ပွဲသို့ တက်ရောက်ရန် ဖေဖော်ဝါရီ ၉ ရက် တွင် နယူးအော်လန်မြို့သို့ သွားရောက်သည့် Air Force One လေယာဉ် ပေါ်တွင် ပြောကြားခဲ့ပါသည်။
ရုရှားသည် အိန္ဒိယ၏ ကာကွယ်ရေးနယ်ပယ်တွင် ရေရှည်ယုံကြည် စိတ်ချရသော မိတ်ဖက်နိုင်ငံတစ်နိုင်ငံအဖြစ် ရှုမြင်နေကြောင်း အိန္ဒိယ ကာကွယ်ရေးဝန်ကြီး ရာဂ်နက်ဆင်း (Rajnath Singh) က ရုရှား နိုင်ငံပိုင် သတင်းအေဂျင်စီ TASS သို့ ပြောကြားထားပါသည်။
အိန္ဒိယတွင် ကာကွယ်ရေးနယ်ပယ်ကို ပြည်သူပိုင်ကုမ္ပဏီ (Corporatization) ပုံစံပြောင်းလဲခဲ့ပြီးနောက် မိမိတို့ပြည်သူပိုင် ကာကွယ်ရေးကုမ္ပဏီများက (ရုရှား)လက်နက်များ ထုတ်လုပ်နေကြကြောင်း ၎င်းက ပြောကြားထားပါသည်။