ဒီမိုကရက်တစ်ပါတီ အမေရိကန် အောက်လွှတ်တော်အမတ် အယ်လ်ဂရင်းက ဂါဇာကို သိမ်းပိုက်ပြီးပါလက်စတိုင်းများအား ပြန်လည်နေရာချထားရေးကိစ္စကို ဆက်လက်လုပ်ဆောင်မည်ဆိုပါက သမ္မတ ဒေါ်နယ် ထရမ့်ကို စွပ်စွဲပြစ်တင်သည့် ပုဒ်မများ တင်သွင်းရန် ၎င်းဘက်ကလည်း အဆင်သင့်ဖြစ်နေဟု ပြောကြား လိုက်ပါသည်။
ယူကရိန်းနှင့် ယာယီအပစ်အခတ်ရပ်စဲရေးကိစ္စကို လက်မခံကြောင်းနှင့် သဘောတူညီလိုက်ပါက အနောက်အုပ်စုနှင့်ယူကရိန်းတို့အား တိုက်ခိုက်မှုများကို ပြန်လည်မစတင်မီ အင်အားပြန်လည်ဖြည့်နိုင်ရေး အခွင့်အရေးပေးသကဲ့သို့ ဖြစ်မည်ဟု ရုရှားနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ Maria Zakharova က ပြောကြားလိုက် ပါသည်။
မော်စကိုသည် လက်ရှိဖြစ်ပေါ်နေသော အကျပ်အတည်းကို အဆုံးသတ်စေမည့် ရေရှည်တည်တံ့သော အဖြေတစ်ခုကိုသာ ရှာဖွေနေကြောင်း Zakharova က ဖေဖော်ဝါရီလ၆ ရက်နေ့တွင်ပြုလုပ်ခဲ့သော ပုံမှန်သတင်းစာရှင်းလင်းပွဲ တစ်ခု၌ မော်စကို၏ သဘောထားကို ရှင်းပြခဲ့သည်။
အစ္စရေးကာကွယ်ရေးဝန်ကြီးသည် ဂါဇာတွင်နေထိုင်လျက်ရှိသည့် ဒေသခံများကို အခြားနေရပ်သို့ ပြောင်းရွှေ့နိုင်ရေး ပြင်ဆင်ထားရန် အမိန့်ပေးလိုက်သည်ဟု သိရပါသည်။ အမေရိကန်သမ္မတဒေါ်နယ်ထရမ့်က ဂါဇာဒေသကို လွှဲပြောင်းရယူမည်ဟု လွန်ခဲ့သောရက်ပိုင်းတွင် ထုတ်ဖော်ပြောဆိုခဲ့ပြီးနောက် အစ္စရေးကာကွယ်ရေးဝန်ကြီးက ယခုကဲ့သို့ ပြောခဲ့ခြင်းဖြစ်သည်။
နေပြည်တော် ဖေဖော်ဝါရီ ၉
၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆု ချီးမြှင့်ပွဲအခမ်းအနားကို ယနေ့ညနေပိုင်းတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန - ၁ (MICC-1) ၌ ကျင်းပရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်အဖွင့်အမှာစကားပြောကြားပြီး ရုပ်ရှင်တစ်သက်တာ ထူးချွန်ဆုများ ပေးအပ်ချီးမြှင့်သည်။