နိုင်ငံတကာရာဇဝတ်ခုံရုံး International Criminal Court (ICC) က အစ္စရေးအရာရှိကြီးများအား စစ်ရာဇဝတ်မှုဖြင့် စွဲချက်တင်ခြင်းမှာ ဆိုးရွားသောလုပ်ရပ်ဟု စွပ်စွဲပြောဆို၍ ICC နှင့် ၎င်း၏ ဝန်ထမ်းများအပေါ် ဒဏ်ခတ် ပိတ်ဆို့အရေးယူ‌ကြောင်းအမိန့်တစ်ရပ်ကို ဒေါ်နယ်ထရမ့်က ဖေဖော်ဝါရီ ၆ ရက်တွင် လက်မှတ်ရေးထိုးလိုက်ပါသည်။

အမေရိကန်၏ ဒဏ်ခတ်ပိတ်ဆို့မှုတွင် ICC ဝန်ထမ်းများနှင့် မိသားစုဝင်များအပေါ် စီးပွားရေးနှင့် ခရီးသွားလာခွင့်ဆိုင်ရာ ဒဏ်ခတ်ပိတ်ဆို့မှုများ ပါဝင်ပါသည်။

ရုရှားက သဘောတူညီပြီးဖြစ်သဖြင့် ဒူးမားလွှတ်တော်တွင် အတည်ပြုမည့် ဘယ်လာရုစ်နိုင်ငံနှင့် လုံခြုံရေးဆိုင်ရာ အာမခံစာချုပ်ကို ရုရှားသမ္မတဗလာဒီမာပူတင် က ဖေဖော်ဝါရီ ၅ ရက်နေ့တွင် မိတ်ဆက်လိုက်ပါသည်။ ထိုစာချုပ်ကို လွန်ခဲ့သည့် ၂ လ ကတည်းက လက်မှတ်ရေးထိုးခဲ့ပြီး ရုရှားဒုတိယနိုင်ငံခြားရေးဝန်ကြီး Alexander Grushko က လွှတ်တော်အမတ်များထံ တင်ပြရန် ဖော်ပြ ထားပါသည်။        

ယခုသီတင်းပတ်အစောပိုင်းက UNHCR မှ နုတ်ထွက်ကြောင်း ကြေညာလိုက်သည့် အမေရိကန် နည်းတူ အစ္စရေး သည်လည်းကုလသမဂ္ဂလူ့အခွင့်အရေးကောင်စီ (UNHCR) တွင်မပါဝင်တော့ကြောင်း အစ္စရေးနိုင်ငံခြားရေးဝန်ကြီး Pascal Sim က ဖေဖော်ဝါရီ ၆ ရက်တွင် ပြောကြား လိုက်ပါသည်။

အဆိုပါ ပြောကြားချက်ကို တုံ့ပြန်သည့်အနေဖြင့် UNHCR ပြောရေးဆိုခွင့်ရှိသူ Pascal Sim က အစ္စရေးသည် ကောင်စီ၏ လေ့လာသူနိုင်ငံအဆင့်သာရှိသဖြင့် နုတ်ထွက်နိုင် မည်မဟုတ်ကြောင်း ပြောကြားထားပါသည်။ 

ရုရှားဖက်ဒရယ်လုံခြုံရေးဝန်ဆောင်မှု (FSB) က နိုင်ငံအတွင်းရှိ ယူကရိန်းစပိုင်များနှင့် အကြမ်းဖက်သမားများကို လိုက်လံရှာဖွေဖော်ထုတ်ပြီး ဖမ်းဆီးလျက်ရှိရာ ယူကရိန်း စပိုင်အမျိုးသမီး ၄ ဦးကို ဖမ်းဆီးရမိခဲ့ကြောင်း ထုတ်ပြန်ခဲ့သည်။ 

ဆာဗတ်စတိုပေါ့၊ ဗိုရွန်နက်ဇ် နှင့် ရော့စတော့- အွန်ဒွန်မြို့များ၌ ရုရှားအဆင့်မြင့် အရာရှိကြီးများကို လုပ်ကြံရန်နှင့် အခြေခံအဆောက်အအုံများကို တိုက်ခိုက် ဖျက်ဆီးရန်အတွက် စီစဉ်နေသော သံသယရှိသူများကို ဖမ်းဆီးရမိခဲ့ခြင်းဖြစ်ကြောင်း FSB က ထုတ်ပြန် ကြေညာခဲ့ပါသည်။