နှစ်နိုင်ငံပူးပေါင်းဆောင်ရွက်ရေးဆိုင်ရာကိစ္စရပ်များ၊ ဆီးရီးယား၏ နောက်ဆုံးဖွံ့ဖြိုးတိုးတက်မှုအခြေအနေများနှင့်စပ်လျဉ်း၍ ဆွေးနွေးရန်အတွက် ကာတာဝန်ကြီးချုပ်နှင့် နိုင်ငံခြားရေးဝန်ကြီး Mohammed bin Abdulrahman Al Thani နှင့် ဆီးရီးယား ကြားဖြတ်အစိုးရ၏ နိုင်ငံခြားရေးဝန်ကြီး Assd al-Shibani တို့ ဖေဖော်ဝါရီ ၂၃ ရက်က ဒိုဟာမြို့၌ တွေ့ဆုံခဲ့ကြကြောင်း ကာတာ နိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရှိရပါသည်။

ယူကရိန်းပဋိပက္ခ ၃ နှစ်ပြည့်အကြိုအနေဖြင့် ရုရှားနိုင်ငံအပေါ် အကြီးမားဆုံးသော ဒဏ်ခတ်ပိတ်ဆို့မှုတစ်ရပ်ကို ချမှတ်လုပ်ဆောင်သွားရန် ပြင်ဆင်လျက်ရှိကြောင်း ဗြိတိန်နိုင်ငံခြားရေးဝန်ကြီး David Lammy က ထုတ်ဖော် ပြောကြားခဲ့ပါသည်။

နေပြည်တော် ဖေဖော်ဝါရီ ၂၄

မြန်မာနိုင်ငံ ဂေါက်သီးအားကစားအဖွဲ့ချုပ်မှကြီးမှူး၍ Burmese Golf (BG) မှ အဓိကကူညီပံ့ပိုးသော (President Cup) ဥက္ကဋ္ဌဖလား ဂေါက်သီးရိုက်ပြိုင်ပွဲ၏ ဝါသနာရှင်အဆင့်နှင့် သက်ကြီးတန်းဝါသနာရှင်အဆင့် ပြိုင်ပွဲများ၏ဖွင့်ပွဲကို ယနေ့နံနက်ပိုင်းက ရန်ကုန်မြို့ ရန်ကုန်ဂေါက်ကွင်း (တညင်းကုန်း) ၌ပြုလုပ်ရာ မြန်မာနိုင်ငံ ဂေါက်သီးအားကစားအဖွဲ့ချုပ် ရန်ကုန်ဂေါက်ကွင်းတို့မှ တာဝန်ရှိသူများ၊ ပြိုင်ပွဲဝင်အားကစားသမားများနှင့် ဖိတ်ကြားထားသူများ တက်ရောက်ကြသည်။