မာဆေးမြို့ရှိ ရုရှားကောင်စစ်ဝန်ရုံးအား လက်လုပ်ဗုံးများဖြင့် ပစ်ပေါက် တိုက်ခိုက်ခဲ့သော ယူကရိန်းလိုလားသူ ပြင်သစ်နိုင်ငံသားနှစ်ဦးကို ဖေဖော်ဝါရီ ၂၄ ရက်တွင် ပြင်သစ်တရားရုံးက နေအိမ်အကျယ်ချုပ် ၈ လ ချမှတ်ခဲ့ကြောင်း မီဒီယာများက ဖော်ပြခဲ့ကြသည်။

ပြင်သစ်နိုင်ငံရှိ ရုရှားသံရုံးက အကြမ်းဖက်တိုက်ခိုက်ရန် ကြိုးပမ်းမှု အတွက် ချမှတ်သည့်ပြစ်ဒဏ်မှာ လျှော့ပေါ့လွန်းသည်ဟု ပြစ်တင်ရှုတ်ချ ခဲ့သည်။

သမ္မတ ဒေါ်နယ်ထရမ့်က ဗြိတိန်စစ်တပ်သည် “၎င်းတို့ကိုယ်တိုင် စောင့်ရှောက်နိုင်ကြသည်” ဟု ပြောကြားခဲ့ပြီး ရုရှားနှင့် ငြိမ်းချမ်းရေး သဘောတူညီချက်တစ်ခုအဖြစ် ဗြိတိန်က ယူကရိန်းသို့ တပ်ဖွဲ့ဝင်များ စေလွှတ်ပါက အမေရိကန်က ထောက်ခံမှုနှင့်ပတ်သက်၍ မေးမြန်းခဲ့မှုအပေါ် ထိုသို့ ပြန်လည်ပြောဆိုခဲ့ခြင်းဖြစ်သည်။

ယူကရိန်း-ရုရှားပဋိပက္ခ ပြန်လည်ပြေလည်သွားပါက ရုရှားကစားသမားများကို အိုလံပစ်ပြိုင်ပွဲများတွင် ပြန်လည်ယှဉ်ပြိုင်ခွင့် ပေးသွားမည်ဟု အိုလံပစ်ပြိုင်ပွဲ ကြီးကြပ်ရေးကော်မတီအဖွဲ့ဝင် ဆီဘတ်ရှန်ကိုး က လွန်ခဲ့သည့်သီတင်းပတ်က ထုတ်လွှင့်ခဲ့သည့် သတင်းထောက် ပီးယာ မော်ဂန်နှင့် အင်တာဗျူးတွင် ပြောကြားခဲ့သည်။ 

ရုရှားနိုင်ငံ၏ လုံခြုံရေးကောင်စီအတွင်းရေးမှူး ဆာဂေးရှိုးဂူသည် ဖေဖော်ဝါရီလ ၂၈ ရက်နေ့တွင် အင်ဒိုနီးရှားနှင့် မလေးရှားနိုင်ငံများသို့ လုပ်ငန်းခရီးစဉ်များ ပြီးဆုံးပြီးနောက် တရုတ်ပြည်သူ့သမ္မတနိုင်ငံသို့ ရောက်ရှိခဲ့ပါသည်။

ရုရှားနိုင်ငံ၏ လုံခြုံရေးကောင်စီအတွင်းရေးမှူး ဆာဂေးရှိုးဂူသည် ဤခရီးစဉ်၏ ရည်ရွယ်ချက်ဖြစ်သည့် တရုတ်နိုင်ငံ၏ သမ္မတ ရှီကျင့်ဖျင် နှင့် နိုင်ငံခြားရေးဝန်ကြီး ဝမ်ယိတို့နှင့် တွေ့ဆုံဆွေးနွေးရန်ဖြစ်ပါသည်။