ယူကရိန်းနိုင်ငံအနေဖြင့် အမေရိကန်မှ ပေးအပ်သော အကူအညီအထောက်အပံ့ရမှသာလျှင် ရုရှားကို အနိုင်တိုက်နိုင်မည်ဖြစ်ကြောင်း၊ အမေရိကန်၏ ထောက်ပံ့မှုမရလျှင် စစ်ရှုံးမည်မှာ အမှန်ပင်ဖြစ်ကြောင်း ယူကရိန်းသမ္မတ ဇီလန်စကီက အလည်အပတ်ရောက်လာသော အမေရိကန် လွှတ်တော်အမတ်ကို ပြောသည်။
ထို့ပြင် လက်ရှိအချိန်တွင် ယူကရိန်းနိုင်ငံသည် စစ်ပွဲကိုရှုံးနိမ့်နေကြောင်း ဇီလန်စကီက အမေရိကန် အထက်လွှတ်တော်အမတ် ချက်ရှူးမားကို သတိပေးထားသည်။
ဗြိတိန်နိုင်ငံရှိ ယူကရိန်းနိုင်ငံသားထောင်ပေါင်းများစွာမှာ အိုးမဲ့အိမ်မဲ့အဖြစ်နေနေရလျက်ရှိကြောင်း ဗြိတိန်အစိုးရ၏ ထုတ်ပြန်ချက်တွင် ဖော်ပြထားသည်။
အထူးသဖြင့် ဗြိတိန်နိုင်ငံရှိပံ့ပိုးပေးသူများနှင့် ယူကရိန်းနိုင်ငံသားတို့ကြားဆက်ဆံရေးပျက်ယွင်းသွားသည့်အတွက် အဆိုပါ နိုင်ငံသား ၁၅၀၀၀ ခန့်မှာ အိမ်ခြေရာမဲ့ ထောက်ပံ့မှုရယူရန် လျှောက်ထားလာခြင်း ဖြစ်သည်ဟု ထုတ်ပြန်ချက်တွင်ဖော်ပြထားသည်။
တရုတ်တပ်မတော်က မျက်မှောက် ခေတ်စစ်ဆင်ရေးမှာ အရေးပါလာတဲ့ ဒရုန်းများ၊ အနိမ့်ပျံဗုံးသီးများ၊ ဒုံးကျည်များ၊ ရဟတ်ယာဉ်များကို ပစ်ခတ်နိုင်ဖို့ အတွက် ကမ္ဘာ့ပထမဆုံးသော လက်နက် စနစ်တစ်မျိုးကို ဖန်တီးထုတ်လုပ်လိုက်ပါတယ်။ အဲဒီစနစ်ကတော့ ပြောင်း ၁၆ ခု ပါဝင်တဲ့ ၁၆ လုံးပြူးသေနတ်ပါပဲ။
အမေရိကန် ကာကွယ်ရေးပစ္စည်း ထုတ်လုပ်မှုကုမ္ပဏီ တစ်ခုဖြစ်တဲ့ အန်ဒူရေးက တော်ပီဒိုအမျိုးအစား အသစ်တစ်ခုကို ဖန်တီးထုတ်လုပ်လိုက်ပါတယ်။ သူ့ကိုတော့ Copperhead-M လို့အမည်ပေးထားပါတယ်။
အဲဒီတော်ပီဒိုက သမားရိုးကျတော်ပီဒို မဟုတ်ပါဘူး။ ကမ္ဘာ့ပထမဆုံးသော တော်ပီဒိုအမျိုးအစား တစ်မျိုးဖြစ်ပါတယ်။ ဘာကြောင့်လဲဆိုရင် သူ့ကိုရေအောက်သွား ဒရုန်းကနေ ပစ်လွှတ်နိုင်တာကြောင့်ပါ။