ဟားမက်အဖွဲ့အကြီးအကဲ ခါလီ အယ်လ်-ဟေယာ ဦးဆောင်သော ကိုယ်စားလှယ်အဖွဲ့တစ်ဖွဲ့သည် ဂါဇာကမ်းမြောင်ဒေသတွင် အစ္စရေးနှင့် ရေရှည်အပစ်အခတ်ရပ်စဲရေးအတွက် အီဂျစ်နိုင်ငံ၏ အဆိုပြုချက်သစ်နှင့်စပ်လျဉ်း၍ ဆွေးနွေးရန် ကိုင်ရိုမြို့သို့ ရောက်ရှိလာခဲ့ကြောင်း အီဂျစ် သတင်းရင်းမြစ် တစ်ဦးက ဧပြီ ၂၂ ရက်တွင် ဆင်ဟွာသို့ ပြောကြား ခဲ့သည်။ “အီဂျစ်နိုင်ငံ၏ အစီအစဉ်ကတော့ ငါးနှစ်ကနေ ခုနစ်နှစ်အထိ အပစ်အခတ်ရပ်စဲရေး၊ အစ္စရေးဓားစာခံများနှင့် ပါလက်စတိုင်း အကျဉ်းသား များ အပြည့်အဝလဲလှယ်ရေး၊ ဂါဇာဒေသဆီ လူသားချင်းစာနာမှု အကူအညီ ပေးပို့နိုင်ရေး၊ ဂါဇာဒေသကနေ အစ္စရေးတပ်များ လုံးလုံးလျားလျား ဆုတ်ခွာရေး စသည့်အချက်များကို

ပါကစ္စတန်နိုင်ငံမှ အာကာသယာဉ်မှူးတစ်ဦးသည် ၂၀၂၅ ခုနှစ်အတွင်း တရုတ်၏ Tiangong အာကာသစခန်း (Chinese Space Station) သို့ ခရီးစဉ်စေလွှတ်မည်ဖြစ်ပြီး ပထမဆုံးနိုင်ငံခြားသား အာကာသယာဉ်မှူးအဖြစ် မှတ်တမ်းဝင်မည်ဖြစ်သည်။

အဆိုပါပူးပေါင်းဆောင်ရွက်မှုသည် တရုတ်-ပါကစ္စတန် အာကာသနှင့် နည်းပညာပူးပေါင်းရေး၏ အစိတ်အပိုင်းတစ်ခုဖြစ်ကာ ပါကစ္စတန်အား အာကာသစူးစမ်းလေ့လာရေးနယ်ပယ်တွင် နိုင်ငံတကာ အသိအမှတ်ပြုမှု ရရှိစေရန် ရည်ရွယ်သည်။

ဧပြီလ ၂၁ ရက်နေ့မှ စတင်ခဲ့သည့် အမေရိကန်နှင့်ဖိလစ်ပိုင်တို့၏ ပူးတွဲ စစ်ရေးလေ့ကျင့်မှုများကို တရုတ်နိုင်ငံက ပြင်းပြင်းထန်ထန် ပြစ်တင် ရှုတ်ချခဲ့ပြီး ဒေသတွင်းတည်ငြိမ်မှုကို ပျက်ပြားစေရန်နှင့် ထိုင်ဝမ်အရေး နှင့်ပတ်သက်သည့်တင်းမာမှုများ မြင့်တက်လာစေရန် လှုံ့ဆော်မှုတစ်ခု အဖြစ် စွပ်စွဲပြောဆိုခဲ့ကြောင်း သိရပါသည်။

ဧပြီ ၂၁ မှ မေ ၉ အထိ လုပ်ဆောင်မည့် ၂၀၂၅ ခုနှစ် Balikatan စစ်ရေး လေ့ကျင့်မှုတွင် အမေရိကန်နှင့်ဖိလစ်ပိုင် တပ်ဖွဲ့ဝင် (၁၄,၀၀၀) ကျော် ပါဝင်ပြီး ဩစတြေးလျနှင့်ဂျပန် တပ်ဖွဲ့များလည်း ပါဝင်မည်ဖြစ်ကြောင်း သိရပါသည်။

တရုတ်နိုင်ငံ အရှေ့ပိုင်း၊ ကျဲကျန်းပြည်နယ်၊ ကျင်ဟွာမြို့ရှိ စာသင်ကျောင်းတစ်ကျောင်း အပြင်ဘက်၌ အင်္ဂါနေ့ (ဧပြီလ ၂၂ ရက်) က လူအများအပြား စုဝေးနေချိန် လူအုပ်ကို ကားတစ်စီးက ဝင်တိုက်ခဲ့ခြင်းကြောင့် ကလေးငယ်များအပါအဝင် လူအများအပြား ဒဏ်ရာရရှိခဲ့ကြောင်း နိုင်ငံပိုင် အသံလွှင့် ဌာနတစ်ခုမှ ဖော်ပြချက်အရ သိရပါသည်။

ကျောင်းအပြင်ဘက် လမ်းသွားလမ်းလာများနှင့် ကျောင်းသားများ များစွာ ရှိနေချိန်တွင် ကားက လူအုပ်ကြား တိုးဝင်ရောက်လာခြင်းဖြစ်သည်ဟု ယာဉ်ကြောပိတ်ဆို့မှုဆိုင်ရာ ရေဒီယိုအစီအစဉ်တစ်ခုက ဗုဒ္ဓဟူးနေ့ (ဧပြီ ၂၃) တွင် ပြောကြားခဲ့ပါသည်။