အမေရိကန်နှင့်ဖိလစ်ပိုင်တို့က စစ်သည် အင်အား ၁၄၀၀၀ ကျော်ဖြင့် ပူးတွဲတိုက်ပွဲဝင် စစ်ရေးလေ့ကျင့်ခန်းကြီးကို   ဧပြီလ ၂၁ ရက်တွင် ဆောင်ရွက်ကြောင်း   သိရသည်။

အဆိုပါစစ်ရေး လေ့ကျင့်ခန်းကို နှစ်စဉ် ဆောင်ရွက်လေ့ရှိပြီး ယခုလေ့ကျင့်ခန်းကို မေလ ၉ ရက်အထိ သီတင်းပတ်သုံးပတ်ကြာ ဆောင်ရွက်သွားမည်ဖြစ်သည်။ ထို လေ့ကျင့်ခန်းတွင် အမေရိကန်မှ NMESIS သင်္ဘောဖျက်ဒုံးကျည်စနစ်နှင့် HIMARS ဒုံးပစ်လောင်ချာတို့ကဲ့သို့သော စစ်လက်နက်ပစ္စည်းများ၏ စွမ်းရည်များကိုပါပြသ သွားမည်ဖြစ်သည်။

ဂျွန်ဟော့ကင်းဆေးတက္ကသိုလ်က ဦးဆောင်တဲ့ သုတေသနတစ်ခုမှာ လူပေါင်း နှစ်သိန်းခွဲနီးပါးကို လေးနှစ်ကြာလေ့လာမှု လုပ်ခဲ့ပါတယ်။ အဲဒီလေ့လာမှုကနေ တွေ့ရှိလိုက်ရတဲ့အချက်ကတော့ လူငယ်တွေ ကြားမှာရေပန်းစားလာတဲ့ အီး-စီးကရက် အသုံးပြုမှုနဲ့ဆက်စပ်နေပါတယ်။

သူတို့လေ့လာချက်မှာတွေ့ရှိလိုက်ရတာက အီး-စီးကရက် အသုံးပြုသူများဟာ နာတာရှည် အဆုတ်ရောဂါကို သာမက သက်လတ်ပိုင်းတွေမှာဆိုရင် သွေးတိုးရောဂါကိုပါခံစားရနိုင်တယ်ဆိုတဲ့အချက် ဖြစ်ပါတယ်။ ဒီလေ့လာချက်က သိပ်ကို အရေးကြီးပါတယ်။

အိုဟိုင်းယိုးပြည်နယ်  တက္ကသိုလ်မှ သုတေသနပညာရှင်များက ကြွက်များကို အသုံးပြုပြီး လေ့လာမှုတစ်ခုလုပ်ရာမှာ သိပ်ကိုအံ့ဩဖွယ်ကောင်းတဲ့  အချက်တစ်ချက်ကို တွေ့ရှိလိုက်ရပါတယ်။ အဲဒီတွေ့ရှိချက်ကတော့ အဆီပါဝင်မှုများတဲ့ အစားအစာကို     သုံးရက်မျှစားရုံဖြင့် ဦးနှောက် ရောင်ရမ်းမှုကို ဖြစ်စေနိုင်တယ်ဆိုတာပါပဲ။

အဓိကအားဖြင့် သက်ကြီးပိုင်းတွေက အဲဒီလိုအဆီများတဲ့အစားအစာကို စားသုံးမယ်ဆိုရင် မှတ်ဉာဏ်လျော့ကျမှုသာမက ဦးနှောက်ရောင်ရမ်းမှုပါ ဖြစ်ပွားနိုင်တယ်လို့ သုတေသနပညာရှင်များက သုံးသပ်ထားပါတယ်။

တက္ကဆက်အခြေစိုက် ဆာရိုးနစ်နည်းပညာဆိုတဲ့ကုမ္ပဏီကြီးက Marauder ဆိုတဲ့ မောင်းသူမဲ့အလတ်စားရေယာဉ်တစ်စင်းကို ဖန်တီးထုတ်လုပ်လိုက်ပါတယ်။ ရေယာဉ်ရဲ့အလျားက ပေ ၁၅၀ ပါ။

သူ့ကိုထုတ်လုပ်ထားတာက အမေရိကန်တပ်မတော်နဲ့ သူ့ရဲ့မဟာမိတ်နိုင်ငံတွေအတွက် ဘက်စုံအသုံးပြုနိုင်ဖို့ ထုတ်လုပ်ထားတာပါ။ သူ့ရဲ့ထင်ရှားတဲ့စွမ်း ဆောင်ရည်တွေက အလေးချိန်အနေနဲ့ ပေါင်ချိန် ၉၀၀၀၀ ကိုသယ်ဆောင်နိုင်ခြင်း၊ မိုင် ၄၀၀၀ အထိခရီးသွားနိုင်ခြင်းနဲ့ ရက် ပေါင်း ၃၀ ကျော်ကြာအောင် ကင်းလှည့် ခြင်းမျိုးတို့ကို လုပ်ဆောင်နိုင်ခြင်းဖြစ်ပါတယ်။