NATO ခေါင်းဆောင်များသည် ယခုလအတွင်း ကျင်းပမည့်အရေးပါသော အစည်းအဝေးတွင် ယူကရိန်း၏ အဖွဲ့ဝင်ရေးကိစ္စကို တမင် ရှောင်ရှား သွားမည်ဖြစ်ကြောင်း AFP သတင်းဌာနက ဗုဒ္ဓဟူးနေ့ (ဇွန် ၄) တွင် ထုတ်ပြန်ခဲ့သည်။ အမေရိကန်ဦးဆောင်သော စစ်ရေးမဟာမိတ် အဖွဲ့ဝင် များသည် ယူကရိန်းအဖွဲ့ဝင်ရေးကိစ္စကို အလေးပေးပါက EU နှင့်အမေရိကန်ကြား တင်းမာမှုများ ပိုမိုမြင့်တက်လာနိုင်သည်ဟူသော စိုးရိမ်မှုကြောင့် အဆိုပါကိစ္စကို ရှောင်ကြဉ်ရန် ဆုံးဖြတ်ခဲ့ခြင်းဖြစ်သည်။
အိန္ဒိယနိုင်ငံတောင်ပိုင်း ဘန်ဂါလူရူမြို့ရှိ ခရစ်ကက်ကစားကွင်းတစ်ခု၏ အပြင် ဘက်တွင် ဇွန်လ ၄ရက်က လူအုပ်ပြိုကျမှုဖြစ်ပွားရာ အနည်းဆုံးလူ ၁၁ ဦးသေဆုံးပြီး ၅၀ ဦးဒဏ်ရာရရှိခဲ့ကြောင်းသိရသည်။
အဆိုပါဖြစ်စဉ်သည် M. Chinnaswamy ကစားကွင်းပြင်ပ၌ အားပေးသူထောင်ပေါင်း များစွာက အောင်ပွဲရ ခရစ်ကက်အသင်းအား အားပေးထောက်ခံနေစဉ် ဖြစ်ပွားခြင်း ဖြစ်ပြီး အားပေးသူ ပရိသတ်များက အလုအယက်တိုးဝှေ့ရာမှ လူအုပ်ပြိုကျမှုဖြစ်ပွား ခြင်းဖြစ်ကြောင်းသိရသည်။
Ref: Xinhua, Abc
Photo - Aljazzera
ယူကရိန်းတို့သည် အမေရိကန်ထံမှ တိုက်ရိုက်ထောက်လှမ်းရေး သတင်း အချက်အလက်များနှင့် ဂြိုလ်တုအထောက်အပံ့မရှိပါက ရုရှားနယ်မြေအတွင်းပိုင်း နက်ရှိုင်းစွာတည်ရှိသော နေရာများတွင် ရပ်နားထားသည့်ရုရှားနိုင်ငံ၏ မဟာဗျူဟာမြောက်လေယာဉ်များကို အဝေးမှ ထိရောက်စွာ တိုက်ခိုက်နိုင်မည် မဟုတ်ကြောင်း ပြင်သစ်စစ်တပ်အရာရှိဟောင်း တစ်ဦး က ပြောကြားခဲ့သည်။
ရုရှားနိုင်ငံအနေဖြင့် ဒရုန်းအန္တရာယ်ကို ထိန်းချုပ်ကာကွယ်ရန်အတွက် ဂြိုဟ်တု အစင်းပေါင်း ၁၀၀ ကျော်ပါဝင်သည့် ကွန်ရက် တစ်ခုကို ကမ္ဘာပတ်လမ်းအတွင်းသို့ လွှတ် တင်မည်ဖြစ်ကြောင်း ရုရှားအာကာသ အေဂျင်စီအကြီးအကဲ ဒီမီထရီဘာကာ နော့ဗ်က ပြောသည်။
ရုရှားနိုင်ငံကလွှတ်တင်မည့် ကွန်ရက် စနစ်တွင် 886 Rassvet broadband အမျိုးအစား အင်တာနက်ဂြိုဟ်တုနှင့် ကမ္ဘာ မြေကြီးအား အဝေးမှနေ၍ အာရုံခံစောင့် ကြည့်နိုင်သည့် ဂြိုဟ်တုများပါဝင်မည် ဖြစ်ကြောင်း RIA Novosti သတင်း အေဂျင်စီက အာကာသအရင်းအမြစ်များ ကို ကိုးကား၍ဖော်ပြသည်။