ဇွန် ၁၈ ရက်နေ့တွင် ဝန်ကြီးချုပ် ဟွန်မနက်ကို ထောက်ခံရန်နှင့် ထိုင်းနှင့် နယ်စပ်တွင် တပ်စွဲထားသော စစ်သည်များအား အားပေးရန် ဒုတိယ ဝန်ကြီးချုပ် ဟွန်မနီ (ဝန်ကြီးချုပ်၏ညီငယ်) ဦးဆောင်ကာ ဖနွမ်းပင် မြို့တော်တွင် “စည်းလုံးညီညွတ်ရေး ချီတက်ပွဲ” ကျင်းပခဲ့သည်။

ဆန္ဒပြသူများသည် နိုင်ငံတော်သီချင်း သံပြိုင်သီဆိုကာ ကမ္ဘောဒီးယား အလံများကို လွှင့်ထူပြီး၊ ဝန်ကြီးချုပ် ဟွန်မနက်နှင့် ၎င်း၏ဖခင် ဆီးနိတ် ဥက္ကဋ္ဌ ဟွန်ဆန်တို့၏ ဓာတ်ပုံများကို ကိုင်ဆောင်လျက် မြို့တော်၏ဗဟိုရှိ လွတ်လပ်ရေးအထိမ်းအမှတ်ကျောက်တိုင်သို့ ချီတက်သွားကြသည်။

အမေရိကန် ပြည်တွင်းလုံခြုံရေးဝန်ကြီး Kristi Noem သည် အလာဂျစ် တုံ့ပြန်မှုကြောင့် အင်္ဂါနေ့ (ဇွန် ၁၇) တွင် ဝါရှင်တန် DC ရှိ ဆေးရုံသို့ လူနာတင်ယာဉ်ဖြင့် အရေးပေါ်ပို့ဆောင်ခံခဲ့ရကြောင်း ပြည်တွင်း လုံခြုံရေး ဌာန (DHS) က ထုတ်ပြန်သည်။

DHS ပြောရေးဆိုခွင့်ရှိသူ Tricia McLaughlin က “ဝန်ကြီး Noem သည် အလာဂျစ် တုံ့ပြန်မှုဖြစ်ပွားခဲ့ပြီး ကြိုတင်ကာကွယ်သည့်အနေဖြင့် ဆေးရုံ သို့ပို့ဆောင်ခဲ့ရပြီး လက်ရှိအချိန်တွင် သတိပြန်ရလာပြီး သက်သာလာ နေပါပြီ” ဟု ပြောကြားခဲ့သည်။

အင်ဒိုနီးရှားရှိ မီးတောင်ပေါက်ကွဲမှုတစ်ခုကြောင့် ၆ မိုင် ကျော်အထိ မီးတောင်ပြာမှုန်များ ပျံ့လွင့်လာပြီး ခရီးသွားဧည့်သည်များစွာ လာရောက် လည်ပတ်လေ့ရှိသော ဘာလီကျွန်းသို့ ပျံသန်းသည့် လေယာဉ်ခရီးစဉ် များစွာ ရပ်ဆိုင်းခြင်း သို့မဟုတ် ဖျက်သိမ်းခြင်းများ လုပ်ဆောင်ခဲ့ရသည်။

တီဟီရန် ဇွန် ၁၈ 
အမေရိကန်နိုင်ငံ အနေဖြင့် အီရန်ကို စစ်ရေးအရတိုက်ခိုက်ခဲ့ပါက ပြန်လည်ကုစား၍မရနိုင်သည့်အကျိုးဆက်များနှင့် ရင်ဆိုင်ရလိမ့်မည်ဖြစ်ကြောင်း အီရန် ခေါင်းဆောင်အယာတိုလာခါမေနီ က ယနေ့တွင် သတိပေးခဲ့သည်။ 
ခြွင်းချက်မရှိ လက်နက်ချရန် အမေရိကန်သမ္မတ ဒေါ်နယ်ထရမ့်က အီရန်နိုင်ငံကို ဇွန် ၁၇ ရက်တွင် တောင်းဆိုခဲ့ပြီးနောက် အီရန် ခေါင်းဆောင် အယာတိုလာခါမေနီ ၏ သတိပေးချက်ပေါ်ထွက်လာခြင်းဖြစ်သည်။