ပြုံယမ်း၊ ဇွန် ၁၈ 

မြောက်ကိုရီးယား အလုပ်သမားပါတီ အထွေထွေအတွင်းရေးမှူးချုပ်၊ နိုင်ငံတော်ရေးရာ ကော်မရှင် ဥက္ကဋ္ဌ ကင်ဂျုံအန်းသည် မြောက်ကိုရီးယား သို့ ရောက်ရှိနေသည့် ရုရှားဖက်ဒရေးရှင်း လုံခြုံရေးကောင်စီ အတွင်းရေးမှူး ဆာဂေးရှိုးဂူ နှင့် ဇွန် ၁၇ ရက်တွင် တွေ့ဆုံဆွေးနွေးခဲ့ကြောင်း KCNA သတင်းဌာန၏ ဇွန် ၁၈ ရက် သတင်းဖော်ပြချက်အရ သိရသည်။

အက်စတာနာ ဇွန် ၁၈ 
တရုတ်သမ္မတရှီကျင့်ဖျင်သည် ဗဟိုအာရှနိုင်ငံများနှင့် ဆက်ဆံရေးမြှင့်တင်မှုဆိုင်ရာ စာချုပ်တစ်ရပ်ကို ဇွန် ၁၇ ရက်တွင် လက်မှတ်ရေးထိုးခဲ့သည်။

သဘာဝသယံဇာတ ကြွယ်ဝသည့်ဗဟိုအာရှဒေသနှင့်ကုန်သွယ်ရေးကဏ္ဍ၊ စွမ်းအင်ကဏ္ဍ၊ အခြေခံ အဆောက်အအုံ ကဏ္ဍများ၌ ပူးပေါင်းဆောင်ရွက်မှုမြှင့်တင်ရန် တရုတ်အစိုးရက ကြိုးပမ်းလျက်ရှိသည်။

တရုတ်သမ္မတရှီကျင့်ဖျင်သည် ဗဟိုအာရှနိုင်ငံ ငါးနိုင်ငံနှင့်ဆက်ဆံရေးမြှင့်တင်မှုဆိုင်ရာ စာချုပ်ကို ကာဇက်စတန်နိုင်ငံ အက်စတာနာ မြို့၌ကျင်းပခဲ့သော ဒေသတွင်း ထိပ်သီး ညီလာခံတစ်ခုတွင် လက်မှတ်ရေးထိုးခဲ့ခြင်းဖြစ် ကြောင်းသိရသည်။

ကူဝိတ်နိုင်ငံဆိုင်ရာ မြန်မာသံအမတ်ကြီး ဦးချမ်းအေးနှင့် ကူဝိတ် နိုင်ငံခြားရေးဝန်ကြီးဌာန၊ အာရှရေးရာဌာနတာဝန်ခံ လက်ထောက်နိုင်ငံခြားရေးဝန်ကြီး Ambassador Sameeh Essa Johar Hayat တို့ တွေ့ဆုံ၍ မြန်မာနိုင်ငံမှ စိုက်ပျိုးရေး၊ ရေလုပ်ငန်းထွက်ကုန်များ ကူဝိတ် သို့ တင်ပို့နိုင်ရေးကိစ္စများ ဆွေးနွေးခဲ့ကြသည်ဟု နိုင်ငံခြားရေးဝန်ကြီးဌာနမှ အသိပေးထုတ်ပြန်ထားသည်။

နှစ်နိုင်ငံခေါင်းဆောင်များအကြား ထိုင်း-ကမ္ဘောဒီးယား နယ်စပ်တင်းမာမှုများ ဆွေးနွေးခဲ့သည့် သီးသန့်ဖုန်းခေါ်ဆိုမှုကို အသံဖမ်းယူထားပြီး အဆိုပါ အသံဖိုင် ပေါက်ကြားခဲ့ခြင်းသည် သံတမန်ရေးရာ ယုံကြည်မှုကို ချိုးဖောက်ခြင်းဖြစ်သည်ဟု ထိုင်းဝန်ကြီးချုပ် ပေထုံတန် ရှင်နာဝပ်က ကမ္ဘောဒီးယား အထက်လွှတ်တော်ဥက္ကဋ္ဌ ဟွန်ဆန် ကို စွပ်စွဲ ပြောကြား လိုက်သည်။