နေပြည်တော် ဇွန် ၁၅

ပြည်ထောင်စုနယ်မြေ၊ နေပြည်တော်၊ ၂၀၂၅ ခုနှစ်၊ ပထမအကြိမ် မိုးရာသီသစ်ပင်စိုက်ပျိုးပွဲအခမ်းအနားကို ယနေ့နံနက်ပိုင်းတွင် ပြည်ထောင်စုနယ်မြေ နေပြည်တော်၊ ဒက္ခိဏသီရိမြို့နယ်၊ ရန်အောင်မြင်ကြိုးဝိုင်း၌ကျင်းပရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်၍ ကံ့ကော်ပျိုးပင်ကို ဦးဆောင်စိုက်ပျိုးပေးသည်။

မော်စကို၊ ငြိမ်းချမ်းရေး

ရုရှားနှင့်ယူကရိန်းနိုင်ငံတို့က ဇွန်လ ၁၄ ရက်တွင် နောက်တစ်ကြိမ်အဖြစ် အကျဉ်းသားများကို အပြန်အလှန်လဲလှယ်မှု ပြုလုပ်ကြောင်း ရုရှားကာကွယ်ရေးဝန်ကြီး ဌာနကထုတ်ပြန်ထားသည်။

ယခုကဲ့သို့အကျဉ်းသားများလဲလှယ်မှု သည် အစ္စတန်ဘူမြို့၌ ဇွန်လ ၂ ရက်တွင် လုပ်ဆောင်သော ရုရှား-ယူကရိန်းမျက်နှာ ချင်းဆိုင်ဆွေးနွေးမှု၏ ရလဒ်တစ်ခုဖြစ် သည်။ အဆိုပါဆွေးနွေးပွဲတွင် ဒဏ်ရာ အပြင်းအထန်ရရှိထားသူများ၊ ကျန်းမာ ရေးမကောင်းသူများနှင့် လူငယ်များကို အဓိကထား၍ အပြန်အလှန်လဲလှယ်ရန်သဘောတူညီမှုရရှိခဲ့ခြင်းဖြစ်သည်။

ဝါရှင်တန်၊ ပြည်တွင်းရေး
မင်နီဆိုးတားပြည်နယ်ရှိ ဒီမိုကရက် တစ်ပါတီမှ လွှတ်တော်အမတ်များနှင့် ၎င်းတို့၏အိမ်ထောင်ဖက်များသည် ဇွန် လ ၁၄ ရက်နံနက်အစောပိုင်းတွင် သေနတ် ဖြင့်ပစ်ခတ်မှုခံရကြောင်း၊ လွှတ်တော် အမတ်တစ်ဦးနှင့် ၎င်း၏ခင်ပွန်းတို့ သေဆုံး သွားကြောင်း၊ နောက်ထပ်လွှတ်တော် အမတ်တစ်ဦးနှင့်၎င်း၏ဇနီးတို့မှာ ဒဏ်ရာ ရရှိသွားကြောင်း ပြည်နယ်အုပ်ချုပ်ရေးမှူး ကပြောသည်။

ဖနွမ်းပင်၊ ဆက်ဆံရေး

ထိုင်းနိုင်ငံနှင့်ကမ္ဘောဒီးယားနိုင်ငံတို့  ကြားနယ်စပ်ဒေသအရေးတင်းမာမှုဖြစ်ပွားနေစဉ်တွင် ထိုင်းနိုင်ငံရှိ ကမ္ဘောဒီးယားနိုင်ငံမှ ရွှေ့ပြောင်းလုပ်သားများအားလုံးကို ပြန်ခေါ်နိုင်ရေးအတွက် လိုအပ်သည်များကို အသင့်ပြင်ဆင်ထားသည်ဟု ကမ္ဘောဒီးယား နိုင်ငံဝန်ကြီးချုပ် ဟွန်မာနတ်က ဇွန်လ ၁၄ ရက်တွင်ပြောသည်။