မန္တလေး ဇွန် ၂

၂၀၂၅ - ၂၀၂၆ ပညာသင်နှစ်အတွက် တစ်နိုင်ငံလုံးရှိ အခြေခံပညာကျောင်းများကို ယနေ့နံနက်ပိုင်းမှ စတင်၍ဖွင့်လှစ်ခဲ့ရာ မန္တလေးမြို့ရှိ အခြေခံပညာကျောင်းများတွင်လည်း ကျောင်းသား ကျောင်းသူများ အေးချမ်းပျော်ရွှင်စွာဖြင့် ကျောင်းတက်၍ ပညာသင်ကြားလျက်ရှိကြသည်။

ယနေ့ကျောင်းသို့ လာရောက်၍ ပညာသင်ကြားကြသည့် ကျောင်းသား ကျောင်းသူများအား တာဝန်ကျ ဆရာ ဆရာမများက ကျောင်းဝင်ပေါက်အသီးသီး၌ အတန်းစဉ်အလိုက် စည်းကမ်းတကျ သွားရောက်နိုင်ရေး စီမံဆောင်ရွက်ပေးသည်။

ယူကေတွင် တနင်္ဂနွေနေ့ (ဇွန် ၁) မှစ၍ တစ်ခါသုံးအီးစီးကရက်များ ရောင်းချမှုကို တားမြစ်သွားမည်ဖြစ်ပြီး ထိုသို့ပြုလုပ်ခြင်းဖြင့် “ပတ်ဝန်းကျင် အိပ်မက်ဆိုး” ဟုခေါ်ဆိုနိုင်သော တစ်ခါသုံးပစ္စည်းများကို ကိုင်တွယ် ဖြေရှင်းသည့် နိုင်ငံစာရင်းတွင် ထည့်သွင်းခြင်းခံရမည်ဖြစ်သည်။

သို့သော် အချို့သော တက်ကြွလှုပ်ရှားသူများက အဆိုပါ ကန့်သတ်မှု အသစ်သည် ပလတ်စတစ်စွန့်ပစ်ပစ္စည်းများကို တိုက်ဖျက်ရာတွင် “သမုဒ္ဒရာထဲက ရေတစ်စက်” သာဖြစ်ကြောင်း သတိပေးထားသည်။

သမ္မတ ဒေါ်နယ်ထရမ့်၏ အေဂျင်စီများစွာတွင် အစုလိုက်အပြုံလိုက် အလုပ်ထုတ်ပယ်မှုဆိုင်ရာ ညွှန်ကြားချက်များကို ဆိုင်းငံ့ထားရန် အယူခံ တရားရုံးက သောကြာနေ့ (မေ ၃၀) ညနေပိုင်းတွင် ဆုံးဖြတ်ခဲ့သည်။

ဒေါ်နယ်ထရမ့်အစိုးရသည် အေဂျင်စီပေါင်း ဒါဇင်ကျော်တွင် အလုပ် ထုတ်ပယ်မှုများကို ရပ်တန့်ထားသည့် အောက်တရားရုံး၏ အမိန့်ကို ဆိုင်းငံ့ပေးရန် US 9th Circuit Court of Appeals သို့ တောင်းဆိုခဲ့သည်။

နိုင်ဂျီးရီးယားနိုင်ငံ မြောက်ပိုင်း Niger ပြည်နယ်အာဏာပိုင်များက နိုင်ငံ၏ စိုက်ပျိုးရေးကဏ္ဍတွင် အဓိကထွန်းကားသော ပြည်နယ်အတွင်းရှိ စျေးကွက်ဖွံ့ဖြိုးသည့် Mokwa မြို့တွင် မိုးသည်းထန်စွာရွာသွန်းမှုကြောင့် ရေကြီးမှုများဖြစ်ပွားပြီး လူအနည်းဆုံး ၁၅၀ သေဆုံးကြောင်း ထုတ်ပြန် ခဲ့သည်။

ပြည်နယ်အရေးပေါ်စီမံခန့်ခွဲမှုအေဂျင်စီ၏ ပြောရေးဆိုခွင့်ရှိသူ Ibrahim Hussaini က CNN သို့ စနေနေ့ (မေ ၃၁) နံနက် ၉ နာရီ (အမေရိကန် အရှေ့ပိုင်းစံတော်ချိန် မနက် ၄ နာရီ) အထိ “ကလေးငယ်များအပါအဝင်” ရုပ်အလောင်း ၁၅၁ ဦး ရှာဖွေတွေ့ရှိခဲ့ကြောင်း ပြောကြားခဲ့သည်။