ဒုတိယကမ္ဘာစစ်အပြီး EU ၏လုံခြုံရေးအာမခံနိုင်မှုသည် အမေရိကန်၏ ထောက်ပံ့မှုမရှိပါက အချိန်မရွေးပြိုလဲနိုင်ကြောင်း EU ခေါင်းဆောင်များက စိုးရိမ်နေကြသည်ဟု မတ်လ ၅ ရက်(ဗုဒ္ဓဟူး)နေ့တွင် ဘရပ်ဆဲလ်မြို့၌ ကျင်းပခဲ့သည့် အရေးကြီး ထိပ်သီးအစည်းအဝေးမတိုင်မီ ဥရောပ ထိပ်တန်းအရာရှိများ၏ သုံးသပ်ချက်ကို ကိုးကား၍ Politico က ဖော်ပြခဲ့ သည်။

အမေရိကန်သမ္မတ Donald Trump က Kiev သို့ လက်နက်ပေးပို့မှု အားလုံးကို ရပ်ဆိုင်းလိုက်သည်ဟု သတင်းထွက်ပေါ်လာပြီးနောက် ဥရောပရှိ ယူကရိန်းထောက်ခံသူများကြားတွင် မသေချာမရေရာမှုနှင့် စိုးရိမ်မှုများ ပိုမိုများပြားလာခဲ့သည်။

Trump က ရုရှားနှင့် တိုက်ရိုက်ဆွေးနွေးမှုများစတင်ခဲ့ပြီး ယူကရိန်း ခေါင်းဆောင် Vladimir Zelensky ကို “အာဏာရှင်တစ်ဦး” ဟု ခေါ်ဆိုလိုက်ခြင်းအပေါ် EU၊ UK နှင့် ယူကရိန်းတို့မှ အကြီးတန်းအရာရှိများက နှစ်ခြိုက်မှုမရှိခဲ့ကြဘဲ လွန်စွာစိတ်ပျက်မိကြောင်း ဖော်ပြခဲ့ကြသည်။

EU အဖွဲ့ဝင်နိုင်ငံများမှ ထိပ်တန်းအရာရှိအချို့က Trump အပေါ် ပြန်လည်တုံ့ပြန်မှုသည် မှားယွင်းသည့် အခြေအနေသို့ ဦးတည်သွားမည်ကို စိုးရိမ်နေကြပြီး၊ ဟန်ဂေရီဝန်ကြီးချုပ် Viktor Orban ဦးဆောင်သော “ရုရှားထောက်ခံသူအုပ်စု” သည် ယူကရိန်းအတွက် ထောက်ပံ့မှုကို ကန့်ကွက်လာနိုင်မည့်အရေးကို “ယူကရိန်းထောက်ခံသူအုပ်စု” က စိုးရိမ်နေကြသည်ဟု Politico က ဖော်ပြခဲ့သည်။

Orban နှင့် ဆလိုဗက်ဝန်ကြီးချုပ် Robert Fico တို့က ပဋိပက္ခအတွက် သံတမန်နည်းလမ်းအရ ဖြေရှင်းချက်ရှာရန်နှင့် ယူကရိန်းကို ခြွင်းချက်မရှိ စစ်ရေးအကူအညီများ လျှော့ချရန် ဘရပ်ဆဲလ်ကို တိုက်တွန်းခဲ့သည်။ Politico ၏အဆိုအရ ဟန်ဂေရီသည် EU ခေါင်းဆောင်များ ထိပ်သီးအစည်းအဝေးမှ နောက်ဆုံးကြေညာချက်၌ ယူကရိန်းသို့ လက်နက်များ ဆက်လက်ပေးပို့ရန် အဆိုပြုချက်ကို ကန့်ကွက်ခဲ့သည်။

EU သည် ယူကရိန်းကို ထောက်ခံရန်နှင့် ဥရောပအစုအဖွဲ့၏ ကာကွယ်ရေးစွမ်းရည်များကို မြှင့်တင်ရန်အတွက် ဘရပ်ဆဲလ်မြို့၌ ထပ်မံကျင်းပမည့် အဆင့်မြင့်အစည်းအဝေးတွင် ဆွေးနွေးသွားမည်ဖြစ်သည်။

ဥရောပကော်မရှင်ဥက္ကဋ္ဌ Ursula von der Leyen က အဖွဲ့ဝင်နိုင်ငံများ၏ စစ်ရေးစွမ်းရည်မြှင့်တင်ရေးအတွက် ယူရို ၈၀၀ ဘီလီယံ (ဒေါ်လာ ၈၆၃ ဘီလီယံ) ရင်းနှီးမြှုပ်နှံရန် အစီအစဉ်ကို ကြေညာခဲ့သည်။

ရုရှားက အမေရိကန်နှင့် တိုက်ရိုက်ညှိနှိုင်းမှုများ ပြန်လည်စတင်ရန် အစီအစဉ်များကိုကြိုဆိုသော်လည်း အနောက်နိုင်ငံများ၏ အခြားတဖက်အပေါ်ထောက်ပံ့မှုများသည် ၎င်း၏စစ်ဆင်ရေးပန်းတိုင်များ အောင်မြင်ရန် ကြိုးပမ်းမှုကို တားဆီးနိုင်မည်မဟုတ်ကြောင်း အလေးပေး ပြောကြားခဲ့သည်။

ကိုးကား-RT

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

အမေရိကန်၏အခွန်စည်းကြပ်မှုများနှင့်ပတ်သက်ပြီး လက်တုံ့ပြန်မှုများ လုပ်ဆောင်သွားမည်ဟု တရုတ်အစိုးရဘက်မှ ခြိမ်းခြောက်ပြောဆိုခဲ့ပြီးနောက် အမေရိကန်စစ်ဌာနချုပ် ပင်တဂွန်၏ ပြောဆိုချက် များ ထွက်ပေါ်လာခြင်းဖြစ်သည်။

ယခုကဲ့သို့ ထုတ်ပြန်ပြောဆိုမှုများသည် ကမ္ဘာ့အင်အားကြီးစီးပွားရေး နိုင်ငံနှစ်နိုင်ငံကြား ဆက်လက်ဖြစ်ပွားလျက်ရှိသော ကုန်သွယ်ရေးစစ်ပွဲ၌ တင်းမာမှုများ ထပ်မံတိုးမြင့်လာသည့် လက္ခဏာတစ်ခုလည်း ဖြစ်ပါသည်။ အမေရိကန် ကာကွယ်ရေးဝန်ကြီး ပီတီဟတ်ဆတ်သည် မတ်လ ၅ ရက်နေ့ အစောပိုင်းက လုပ်ဆောင်ခဲ့သည့် Fox သတင်းဌာနနှင့် အင်တာဗျူး တစ်ခုအတွင်း အမေရိကန်၏ရပ်တည်ချက်ကို ရှင်းလင်းပြောကြားခဲ့သည် ဟုလည်း သိရှိရသည်။

တရုတ်အစိုးရသည် မည်သည့်စစ်ပွဲကိုမဆို ရင်ဆိုင်ရန်အဆင်သင့်ရှိသည် ဟု ပြောဆိုခဲ့သည့် အမေရိကန်ရှိ တရုတ်သံရုံး၏ ပြောဆိုချက်များကို တုံ့ပြန်သည့်အနေဖြင့် ပီတီဟတ်ဆတ်က ယခုကဲ့သို့ ပြောဆိုခဲ့ခြင်း ဖြစ်သည်ဟုလည်း သိရှိရပါသည်။

ပီတီဟတ်ဆတ်က ငြိမ်းချမ်းရေးကို လိုလားသည့် သူများသည် စစ်ပွဲအတွက် ပြင်ဆင်ထားရမည် ဖြစ်ကြောင်းနှင့် တရုတ်နိုင်ငံနှင့်ဖြစ်စေ၊ အခြားသူများနှင့်ဖြစ်စေ၊ စစ်မဖြစ်ပွားရအောင် ဟန့်တားလိုသည်ဆိုပါက မိမိတို့၏ အင်အားကို ခိုင်မာအောင် တည်ဆောက် ရမည်ဖြစ်ကြောင်း ၎င်းက ဆက်လက်ပြောကြားခဲ့သည်။

ကိုးကား-RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက်ရှိပါသည်။

ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ မတ် ၂ ရက် ည ၈ နာရီတွင် ကရင်ပြည်နယ်၊ ဘားအံမြို့နယ်ရှိ ဘားအံခရိုင်ပြည်သူ့ဆေးရုံကြီးသို့ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ ဖာပွန်မြို့နယ်၊ အမှတ်(၂)ရပ်ကွက်နေ ဦးသာအေး(၈၀)နှစ်သည် ကပ်ကျော်ကျေးရွာအနီးရှိ ၎င်းပိုင်လယ်ကွင်းအတွင်း အလုပ်လုပ်ကိုင်နေစဉ် အကြမ်းဖက်အဖွဲ့(စိစစ်ဆဲ)က ထောင်ထားသည့် မိုင်း တစ်လုံးအား နင်းမိပေါက်ကွဲခဲ့သဖြင့် ဦးသာအေးတွင် မိုင်းပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။
အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိသည်။

Source: www.moha.gov.mm

၂၀၂၅ ခုနှစ်၊ ဖေဖော်ဝါရီ ၂၈ ရက် နံနက် ၁၀ နာရီတွင် လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် စစ်ကိုင်းတိုင်းဒေသကြီး၊ ကလေးမြို့နယ်၊ နတ်ကြီးကုန်းကျေးရွာအုပ်စု၊ ဒိုးဝိုင်းချောင်းကျေးရွာအနီး၌ မျိုးထက်အောင်(ခ)အရှည်ကြီး မောင်းနှင်လာသည့် မော်တော်ဆိုင်ကယ်နှင့် မျိုးဇော်ဦး (ခ)မောင်ပြူး မောင်းနှင်လာသည့် မော်တော်ဆိုင်ကယ်တို့ကို ရပ်တန့်စစ်ဆေးရှာဖွေရာ အဆိုပါ ဆိုင်ကယ် နှစ်စီးပေါ်မှ ဘိန်းဖြူ ၁၁ ကီလို(တစ်ကီလိုလျှင် သိန်း ၅၀၀ ကျပ်နှုန်းဖြင့် ၎င်းဒေသ တန်ဖိုးငွေကျပ် သိန်း ၅,၅၀၀) သိမ်းဆည်းရမိခဲ့သဖြင့် မျိုးထက်အောင်(ခ)အရှည်ကြီး(၃၃)နှစ်နှင့် မျိုးဇော်ဦး(ခ)မောင်ပြူး(၃၁)နှစ်တို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သတင်းရရှိသည်။

Source: www.moha.gov.mm

ဘရပ်ဆဲလ်၊ မတ် ၅ ရက် 

ဥရောပသမဂ္ဂတလွှား ကာကွယ်ရေးအသုံးစရိတ် သိသိသာသာ တိုးမြှင့်သည့်အနေဖြင့် ယူရိုဘီလီယံ ၈၀၀ (အမေရိကန်ဒေါ်လာ ၈၄၄.၆ ဘီလီယံ) အသုံးပြုမည့် အစီအစဉ်အား ဥရောပကော်မရှင် ဥက္ကဋ္ဌ အာဆူလာ ဗွန်ဒါလေယန်က မတ် ၄ ရက်၌ ကြေညာခဲ့သည်။

ဥရောပသမဂ္ဂ (အီးယူ) တလွှား၌ လုံခြုံရေးဆိုင်ရာ ခြိမ်းခြောက်မှုများ အရှိန်မြင့်တက်လာမှုကို တုံ့ပြန်ရန်အတွက် ဥရောပအနေဖြင့် လက်နက်ပြန်လည်တပ်ဆင်သည့် ခေတ်ကာလသို့ ရောက်ရှိလာခဲ့သည်ဟု ၎င်းက ဆိုသည်။
မတ် ၆ ရက် ဥရောပကောင်စီ အစည်းအဝေးမတိုင်မီ အီးယူခေါင်းဆောင်များထံ ရေးသားပေးပို့ခဲ့သည့် စာ တစ်စောင်၌ ဗွန်ဒါလေယန်က “ReArm Europe” (ဥရောပအား လက်နက်ပြန်လည်တပ်ဆင်ခြင်း) အစီအစဉ် အား ထုတ်ဖော်ကြေညာခဲ့ပြီး အထူးသဖြင့် ရုရှား-ယူကရိန်း စစ်ရေးပဋိပက္ခကြောင့် ပထဝီဝင်နိုင်ငံရေး တင်းမာမှုများ မြင့်တက်လာမှု၊ မြောက်အတ္တလန္တိတ် စာချုပ်ဝင်နိုင်ငံများအဖွဲ့ (နေတိုး) အား အမေရိကန်၏ ထောက်ခံပံ့ပိုးမှု အလားအလာအပေါ် စိုးရိမ်မှုများကို ထောက်ရှုလျက် ဥရောပ၏ ကာကွယ်ရေး စွမ်းရည်များကို အရေးတကြီး အင်အားဖြည့်တင်းရန် လိုအပ်နေသည်ဟုလည်း ၎င်းက အလေးအနက် ပြောကြားခဲ့သည်။

“ဥရောပဟာ မိမိတို့ရဲ့ ကာကွယ်ရေးအသုံးစရိတ်ကို ကြီးကြီးမားမားတိုးမြှင့်ဖို့ အသင့်ရှိနေပါပြီ။ ယူကရိန်းကို ထောက်ပံ့ကူညီဖို့ ရေတိုအားဖြင့် အရေးတကြီးလိုအပ်နေမှုကို တုံ့ပြန်ဆောင်ရွက်ဖို့အတွက်ရော ဥရောပရဲ့ ကိုယ်ပိုင်လုံခြုံရေးအတွက် သိသိသာသာ ပိုမိုတာဝန်ယူဖို့ ရေရှည် လိုအပ်လာမှုကို ကိုင်တွယ်ဖြေရှင်းဖို့အတွက်ပါ အဲဒီလိုလုပ်ဆောင်သွားမှာဖြစ်တယ်” ဟု ၎င်းက ပြောကြားခဲ့သည်။

ကိုးကား-ဆင်ဟွာ

စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ ညောင်ကုန်းကျေးရွာတွင် လုံခြုံရေးတပ်ဖွဲ့ဝင်များပစ်ခတ်သည့် လက်နက်ကြီးကျည်ထိမှန်ပြီး အမျိုးသား ၃ ဦးဒဏ်ရာရရှိခဲ့ကြောင်း တရားမဝင်ပြည်ဖျက်မီဒီယာများမှ မဟုတ်မမှန်ရေးသားဖြန့်ဝေလျက်ရှိကြောင်း သိရှိရသည်။

အဆိုပါသတင်းနှင့်ပတ်သက်၍ သက်ဆိုင်ရာလုံခြုံရေးတာဝန်ရှိသူတစ်ဦး၏ ပြောကြားချက်အရ လုံခြုံရေးတပ်ဖွဲ့ဝင်များအနေဖြင့် စစ်ရေးပစ်မှတ်မဟုတ်သည့် ပြည်သူများ နေထိုင်ရာကျေးရွာများအား အကြောင်းမဲ့ပစ်ခတ်တိုက်ခိုက်ခြင်းမရှိကြောင်း၊ အကြမ်းဖက်သမားများကသာ ၎င်းတို့အား ထောက်ခံအားပေးခြင်းမရှိသည့် ရပ်ကွက်/ကျေးရွာများအား ၎င်းတို့အပေါ် အကြောက်တရားလွှမ်းမိုးစေရန် လက်နက်ကြီးများဖြင့် ပစ်ခတ်ခြင်း၊ ဒရုန်းများဖြင့် ဗုံးကြဲခြင်းများ ဆောင်ရွက်လျက်ရှိကြောင်း၊ အထက်ပါသတင်းသည် ပြည်ဖျက်မီဒီယာများက အကြမ်းဖက်သမားများ၏ အကြမ်းဖက်လုပ်ရပ်များကို ဖုံးကွယ်ရန်နှင့် လုံခြုံရေးတပ်ဖွဲ့ဝင်များအပေါ် ပြည်သူလူထုက အထင်အမြင်လွဲမှားစေရန် လူမှုကွန်ရက်မှတစ်ဆင့် အခြေအမြစ်မရှိသည့် ဓာတ်ပုံများကို အသုံးပြု၍ သတင်းအမှားများဖြင့် လုပ်ကြံရေးသားဝါဒဖြန့်ဝေခြင်းဖြစ်ကြောင်း သတင်းရရှိသည်။

Source: https://www.moi.gov.mm

ဟားမက်အနေဖြင့် ကျန်ရှိနေသော ဓားစာခံများကို အမြန်ဆုံး ပြန်လွှတ်ပေးရန်နှင့် ထိုကဲ့သို့မဟုတ်ပါက ပြင်းထန်စွာ အရေးယူခြင်းခံရမည်ဟု ထရမ့်က သတိပေးလိုက်ကြောင်း သိရှိရပါသည်။

အစ္စရေးနှင့် ပါလက်စတိုင်းလက်နက်ကိုင်အဖွဲ့အကြား နောက်ထပ်အကျဉ်းသား လဲလှယ်ရေးဆွေးနွေးမှုများ ရပ်တန့်သွားသည်ဟု သတင်းများ ထွက်ပေါ်လာပြီးနောက် ၎င်းက ယခုကဲ့သို့သတိပေးခဲ့ခြင်းဖြစ်သည်။

“ဓားစာခံများအားလုံးကို လွှတ်ပေးရန်နှင့် သေဆုံးသွားသော ဓားစာခံများ၏ ရုပ်ကြွင်းများကို ချက်ချင်းပြန်ပေးရမည်။ ထိုသို့မဟုတ်ပါက ဟားမက်တို့အတွက် နောက်ဆုံးအချိန်ဖြစ်သွားမည်” ဟု ထရမ့် က ၎င်း၏ Truth Social Platform ၌ ရေးသားခဲ့သည်။

ဇန်နဝါရီလအတွင်း နှစ်ဖက်အပစ်အခတ်ရပ်စဲရန် သဘောတူညီခဲ့ပြီး ပါလက်စတိုင်း ၂၀၀၀ ခန့်နှင့် အစ္စရေး ၃၈ ဦး တို့ကို အပြန်အလှန် လဲလှယ်ခဲ့ကြသည်။ Axios ၏သတင်းအရ အစ္စရေးအာဏာပိုင်များက အနည်းဆုံး ၂၈ ဦးသည် ဂါဇာတွင် ထိန်းသိမ်းခံထားရဆဲဖြစ်သည်ဟု ယုံကြည်ကြသည်။

အပစ်အခတ်ရပ်စဲရေး၏ ပထမအဆင့်သည် မတ်လ ၃ ရက်(တနင်္ဂနွေ) နေ့တွင် ကုန်ဆုံးသွားပြီး နှစ်ဖက်စလုံးက တစ်ဖက်နှင့်တစ်ဖက် လိုက်နာမှုမရှိကြောင်း စွပ်စွဲခဲ့ကြသည်။ The Jerusalem Post သတင်းစာက မတ်လ ၄ ရက်(တနင်္လာ)နေ့တွင် နောက်ထပ်လဲလှယ်မှုများနှင့် ပတ်သက်သည့် ဆွေးနွေးမှုများ ရှေ့ဆက် မတိုးတော့ကြောင်း သတင်းထုတ်ပြန်ခဲ့သည်။ Hamas ပြောရေးဆိုခွင့်ရှိသူ Hazem Qassem က CNN သို့ မတ်လ ၅ ရက်(ဗုဒ္ဓဟူး)နေ့တွင် Trump ၏ ခြိမ်းခြောက်မှုများသည် “စစ်ပြေငြိမ်းရေး သဘောတူညီချက်နှင့်ပတ်သက်၍ အရာရာကို ပိုမိုရှုပ်ထွေးစေမည်” ဟု ပြောကြားခဲ့သည်။

ကိုးကား-RT

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

မတ် ၄ ရက်၌ ကျင်းပသည့် အာရပ်နိုင်ငံများ အရေးပေါ် ထိပ်သီး  အစည်းအဝေးတွင် အီဂျစ်က အဆိုပြုသည့် ဂါဇာဒေသ ပြန်လည်တည်ဆောက်ရေး အစီအစဉ်အား အတည်ပြုခဲ့မှုနှင့် စပ်လျဉ်း၍ တရုတ်နိုင်ငံအနေဖြင့် အီဂျစ် စသည့် အာရပ်နိုင်ငံများက ဂါဇာဒေသ အပစ်ရပ်စဲရေး သဘောတူညီချက် ဆက်လက်ထိရောက်စွာ ဖော်ဆောင်ရေးအား တွန်းအားပေးရန်၊ ဂါဇာဒေသ လူသားချင်းစာနာမှု အကူအညီထောက်ပံ့ ရေးနှင့် ဂါဇာဒေသ လုံခြုံတည်ငြိမ်မှု ပြန်လည်ဖော်ဆောင်ရေးအတွက်ကြိုးပမ်းမှုများအား  ထောက်ခံအားပေးကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် လျင်ကျန့်က မတ် ၅ ရက်တွင် ပြောကြား ခဲ့သည်။

ပါလက်စတိုင်းသားပြည်သူများ အသိအမှတ်ပြုသော၊ အာရပ်နိုင်ငံများ သဘောတူညီသော စစ်ပွဲအလွန် ဂါဇာဒေသ စီမံခန့်ခွဲရေး အစီအစဉ်များ ကို တရုတ်နိုင်ငံက ထောက်ခံအားပေးကြောင်း လျင်ကျန့်က ပုံမှန် သတင်းစာရှင်းလင်းပွဲ၌ မေးမြန်းမှုကို ဖြေကြားခဲ့သည်။ စစ်ပွဲအလွန် ဂါဇာဒေသ စီမံခန့်ခွဲမှုတွင် “ပါလက်စတိုင်းအား ပါလက်စတိုင်းသားများ စီမံခြင်း” အခြေခံမူကိုလိုက်နာ၍ “နှစ်နိုင်ငံ ဖြေရှင်းမှု နည်းလမ်း” နှင့် အပြန်အလှန်ချိတ်ဆက်ကာ နောက်ဆုံးတွင် ပါလက်စတိုင်းနှင့် အစ္စရေး ငြိမ်းချမ်းစွာ အတူယှဉ်တွဲတည်ရှိရေး၊ အရှေ့အလယ်ပိုင်းဒေသ ရေရှည် တည်ငြိမ်အေးချမ်းရေးတို့ကို ဖော်ဆောင်ရမည်ဖြစ်ကြောင်း ၎င်းက ဆိုသည်။

မတ် ၄ ရက်တွင် အီဂျစ်နိုင်ငံ အုပ်ချုပ်ရေးမြို့တော်သစ်၌ ကျင်းပသော အာရပ်နိုင်ငံများ အရေးပေါ် ထိပ်သီးအစည်းအဝေးတွင် အီဂျစ်က အဆိုပြုသည့် ဂါဇာဒေသ ပြန်လည်တည်ဆောက်ရေး အစီအစဉ်အား အတည်ပြုခဲ့ပြီး လွတ်လပ်သောကော်မတီဖွဲ့စည်း၍ ပါလက်စတိုင်း၏ ဂါဇာဒေသအား ယာယီစီမံခန့်ခွဲရန် သဘောတူညီခဲ့ကြကြောင်း အီဂျစ် နိုင်ငံ သမ္မတ အယ်လ်-စီစီက ထိုနေ့ညပိုင်း၌ ထုတ်ပြန်ကြေညာခဲ့သည်။ 

ကိုးကား-ဆင်ဟွာ

ယီမင်နိုင်ငံ ပင်လယ်နီဆိပ်ကမ်းမြို့ဖြစ်သည့် Hodeidah မြို့ပေါ်တွင် ပျံသန်းပြီး ကင်းထောက်နေသည့် အမေရိကန် MQ-9 ဒရုန်းကို ကြားဖြတ်ပစ်ချနိုင်ခဲ့ကြောင်း ဟူသီတပ်ဖွဲ့က မတ်လ ၄ ရက်နေ့တွင် ထုတ်ပြန်ကြေညာခဲ့ပါသည်။

အဆိုပါ MQ-9 ဒရုန်းသည် ယီမင်လေပိုင်နက်ကို ဖြတ်ကျော်ဝင်ရောက်ပြီး ကျူးကျော်ရန်စသည့် စစ်ရေးအပြုအမူများ လုပ်ဆောင်ခဲ့စဉ် ပစ်ချနိုင်ခဲ့ခြင်းဖြစ်ကြောင်း၊ ယခုအကြိမ်သည် ၁၅ စင်းမြောက် ပစ်ချဖျက်ဆီးနိုင်ခဲ့ခြင်းဖြစ်ကြောင်း ဟူသီတပ်ဖွဲ့၏ ပြောရေးဆိုခွင့်ရှိသူ Yahya Sarea က Twitter စာမျက်နှာတွင် ရေးသားဖော်ပြခဲ့ပါသည်။

ဟူသီတို့၏ပြောကြားချက်နှင့်ပတ်သက်၍ အမေရိကန်စစ်ဘက်ကသော်လည်းကောင်း၊ သံတမန်လမ်းကြောင်းက သော်လည်းကောင်း တစ်စုံတစ်ရာတုံ့ပြန်ပြောကြားခြင်း မရှိသေးကြောင်း Xinhua သတင်းစာမျက်နှာတွင် ရေးသား ဖော်ပြထားပါသည်။

ကိုးကား-ဆင်ဟွာ

အလွတ်သဘောဘာသာပြန်သူ-ဦးထက်ထက်အောင်၊(နစက-၄)

စစ်မြေပြင်တွင် အောင်ပွဲများ ဆွတ်ခူးနိုင်သော်လည်း မြန်မာ့တပ်မတော် သည် AA ကို အခြားနည်းလမ်းများဖြင့် အနှောင့်အယှက်ပေးလျက်ရှိပါသည်။ ရခိုင်ပြည်နယ်သည် မရှိမဖြစ်လိုအပ်သော ကုန်ပစ္စည်းများအတွက် မြန်မာနိုင်ငံအလယ်ပိုင်းဒေသကို အဓိကအားကိုးအားထား ပြုနေရဆဲ ဖြစ်ပါသည်။ သို့သော် ကြမ်းတမ်းသည့် ရိုးမတောင်တန်းများကြောင့်တပ်မတော်သည် ရခိုင်ပြည်နယ်သို့ စီးဝင်နေသော ကုန်စည်များကိုအလွယ်တကူ ပိတ်ဆို့နိုင်ပါသည်။ ပြည်မကနေ ရခိုင်ပြည်နယ်ကို ဝင်ရောက်နိုင်သည့် အဓိက လမ်းမကြီး လေးသွယ်သာ ရှိပါသည်။

AA တပ်ဖွဲ့အနေဖြင့် ၎င်း၏နယ်မြေအတွင်း အုပ်ချုပ်ရေးယန္တရား ဖြန့်ကျက်ရာတွင် ရုန်းကန်နေရသည့်အပြင် အလွန်များပြားလှသော ဒေသခံအရပ်သားများကို အများပြည်သူနှင့် သက်ဆိုင်သည့် ဝန်ဆောင်မှုများ ပေးအပ်ရာတွင်လည်း အခက်အခဲများ ရှိနေဆဲဖြစ်ပါသည်။

ရခိုင်ပြည်နယ် တစ်ဝန်းရှိ ပြည်သူလူထု၏ နေ့စဉ်ဘဝများသည် တစ်နေ့ တခြား ပိုမိုကျပ်တည်းလျက်ရှိပါသည်။ အထူးသဖြင့် စားသောက်ကုန် ဈေးနှုန်းသည် အရမ်းမြင့်မားလျက်ရှိပါသည်။ မကြာသေးမီက ရခိုင်ပြည်နယ်နှင့် ကပ်လျက် တိုင်းဒေသကြီးများသို့ AA တပ်ဖွဲ့ဝင်ရောက်ပြီး စစ်ဆင်ရေးဖော်ဆောင်ခြင်းသည် တပ်မတော်၏ ပိတ်ဆို့မှုများကို လျှော့ချနိုင်ရန် တစ်စိတ်တစ်ပိုင်း ရည်ရွယ်ထားပြီး ရခိုင်ပြည်နယ်ကို ကုန်ပစ္စည်းများ ပိုမိုဝင်ရောက်နိုင်စေရန် ဦးတည်ခြင်းဖြစ်ပါသည်။

ကိုးကား- https://www.crisisgroup.org/global/mapping-conflict?utm_source=facebook&utm_medium=social

ဘာသာပြန်ဆိုသူ-ဦးညီညီအောင်စိုး၊ ညွှန်ကြားရေးမှူး၊ နစက-၄