အမေရိကန်က ရုရှားအပေါ်ပိတ်ဆို့အရေးယူမှုများကို တစ်ချိန်ချိန်၌ ရုတ်သိမ်းနိုင်သည်ဟု ဒေါ်နယ်ထရမ့်ပြော

saceditor

News Image

ယူကရိန်းငြိမ်းချမ်းရေး ဆွေးနွေးပွဲများအတွင်း အမေရိကန်သည် ရုရှား အပေါ်ချမှတ်ထားသည့် ပိတ်ဆို့အရေးယူမှုများကို တစ်ချိန်ချိန်၌ ရုတ်သိမ်း နိုင်သည်ဟု အမေရိကန်သမ္မတဒေါ်နယ်ထရမ့်က ပြောကြားခဲ့ပါသည်။ သို့သော် ရုရှားအပေါ် ပိတ်ဆို့အရေးယူမှုများ ရုတ်သိမ်းနိုင်ခြေနှင့် ပတ်သက်၍ လက်ရှိအချိန်အထိ ဆုံးဖြတ်ချက်ချထားခြင်း မရှိသေးကြောင်း ၎င်းကပြောကြားခဲ့ပါသည်။

ရုရှား-ယူကရိန်း ပဋိပက္ခစတင်ဖြစ်ပွားခဲ့သည့် ၂၀၂၂ ခုနှစ်၊ ဖေဖော်ဝါရီလ နောက်ပိုင်းမှစတင်ပြီး အမေရိကန်နှင့် အနောက်အုပ်စုနိုင်ငံများသည် ရုရှားအပေါ် ပိတ်ဆို့အရေးယူမှု အများအပြား ချမှတ်ခဲ့ခြင်းလည်း ဖြစ်ပါသည်။ သို့သော် အဆိုပါပိတ်ဆို့အရေးယူမှုများသည် တရားမဝင်ကြောင်း နှင့်ရုတ်သိမ်းပေးရန် ရုရှားဘက်က အကြိမ်ကြိမ်တောင်းဆိုခဲ့ကြောင်းလည်း သိရပါသည်။

ယူကရိန်းပဋိပက္ခအတွက် တည်မြဲပြီး ရေရှည်တည်တံ့သည့် ဖြေရှင်းချက် ကို ရှာဖွေနိုင်ရန်အတွက် အနောက်အုပ်စုနိုင်ငံများသည် ရုရှားအပေါ် ပိတ်ဆို့အရေးယူမှုများကို ရုတ်သိမ်းရန် စဉ်းစားရလိမ့်မည်ဟု လွန်ခဲ့သော ရက်ပိုင်းက အမေရိကန် နိုင်ငံခြားရေးဝန်ကြီး မာကိုရူဘီအို က အကြံပြု ပြောဆိုခဲ့ပြီးနောက် ဒေါ်နယ်ထရမ့်၏ပြောဆိုချက်များ ထွက်ပေါ်လာခြင်း ဖြစ်ပါသည်။

ကိုးကား-NP News

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ဘရာဇီးသမ္မတသည် မေလတွင် ရုရှားနိုင်ငံသို့ လာရောက်လည်ပတ်မည်
ဘရာဇီးသမ္မတသည် မေလတွင် ရုရှားနိုင်ငံသို့ လာရောက်လည်ပတ်မည်
ဘရာဇီးသမ္မတ လူးဝစ် အီနာဆီယူ လူလာ ဒါဆီလ်ဗာသည် မေလတွင် ရုရှားနိုင်ငံသို့ လာရောက်လည်ပတ်ရန် ရည်ရွယ်ထားပါသည်။ဘရာဇီး သမ္မတ လူလာ ဒါဆေးဗာသည် ရုရှားဖက်ဒရေးရှင်း၏ သမ္မတ ဗလာဒီမာ ပူတင်နှင့်လည်း တွေ့ဆုံမည်ဖြစ်ကြောင်း ဘရာဇီးသမ္မတ၏ နိုင်ငံတကာရေးရာဆိုင်ရာ အထူးလက်ထောက် ဆယ်လ်ဆူ အမိုရင်းက ပြောကြားခဲ့ပါသည်။“ဘရာဇီး သမ္မတ လူလာ ဒါဆေးဗာ သည် မေလတွင် ရုရှားနိုင်ငံသို့ လာရောက်မည်ဖြစ်ပြီး ထိုနေရာတွင် ရုရှားဖက်ဒရေးရှင်း၏ သမ္မတ ဗလာဒီမာ ပူတင်နှင့် နှစ်ဦးနှစ်ဖက် တွေ့ဆုံဆွေးနွေးပွဲတစ်ခု ပြုလုပ်မည်ဖြစ်သည်” ဟု အမိုရင်းက ဘရာဇီးသတင်းစာ ဖိုလ်ဟာဒီ ဆန်ပေါ်လိုနှင့် အင်တာဗျူးတွင် ပြောကြားခဲ့ပါသည်။ဘရာဇီးသမ္မတ၏ လက်ထောက်က ရုရှားနိုင်ငံသို့ လာရောက်လည်ပတ်မှုအပြီးတွင် သမ္မတ လူလာ ဒါဆေးဗာသည် တရုတ်ပြည်သူ့သမ္မတနိုင်ငံ၏ သမ္မတ ရှီကျင့်ဖျင်နှင့် ဆွေးနွေးရန် တရုတ်နိုင်ငံသို့ သွားရောက်ရန် ရည်ရွယ်ထားကြောင်း ထပ်လောင်းပြောကြားခဲ့ပါသည်။ဇန်နဝါရီလတွင် သမ္မတ လူလာ ဒါဆေးဗာသည် သမ္မတဗလာဒီမာ ပူတင် အား မဟာမျိုးချစ်စစ်ပွဲအောင်ပွဲရရှိမှု နှစ် (၈၀) ပြည့် အထိမ်းအမှတ်ပွဲတွင် ရုရှားနိုင်ငံသို့ လာရောက်လည်ပတ်ရန် ရည်ရွယ်ထားကြောင်း ကြေညာခဲ့ပြီးဖြစ်ပါသည်။ကိုးကား - Tassဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
ရုရှားအပေါ် ဒဏ်ခတ်ပိတ်ဆို့မှုအတွက် UNGA တွင် မှားယွင်းစွာ မဲပေးခဲ့မိ၍ ပြန်လည်ရုတ်သိမ်းလိုက်ပြီဖြစ်ကြောင်း ဆားဘီးယားပြောကြား
ရုရှားအပေါ် ဒဏ်ခတ်ပိတ်ဆို့မှုအတွက် UNGA တွင် မှားယွင်းစွာ မဲပေးခဲ့မိ၍ ပြန်လည်ရုတ်သိမ်းလိုက်ပြီဖြစ်ကြောင်း ဆားဘီးယားပြောကြား
ကုလသမဂ္ဂအထွေထွေညီလာခံ (United Nation General Assembly-UNGA) တွင် ရုရှားနိုင်ငံအပေါ် အနောက်နိုင်ငံများက ပိတ်ဆို့မှုချမှတ်ရန် ဆုံးဖြတ်ချက်အတွက် ဆားဘီးယားအနေဖြင့် မှားယွင်းစွာ မဲပေးခဲ့ မိကြောင်း ဆားဘီးယားနိုင်ငံ ဒုတိယဝန်ကြီးချုပ် အလက်ဆန်ဒါ ပူလင် က ရုရှားလုံခြုံရေးကောင်စီအတွင်းရေးမှူး ဆာဂေးရှိုးဂူးနှင့် တွေ့ဆုံချိန် ပြောကြားလိုက်ပါသည်။ “UNGA မှာ ရုရှားအပေါ် ပိတ်ဆို့မှုအတွက် မတော်တဆ မဲမှားယွင်း ပေးမိသွားပါကြောင်း၊ ထိုမှားယွင်းစွာ ပေးမိခဲ့သည့်မဲကို ယခု ရုတ်သိမ်း လိုက်ပြီဖြစ်ပါကြောင်း၊ မိမိတို့(ဆားဘီးယား)အနေဖြင့် အနောက်နိုင်ငံများ၏ ဒဏ်ခတ်ပိတ်ဆို့မှုတွင် ပါဝင်ခြင်းမရှိသေးကြောင်း၊ ထိုမူဝါဒကို ဆက်လက်လိုက်နာသွားမည် ဖြစ်ပါကြောင်း” ဟု ပူလင်က ပြောကြား ထားပါသည်။ဆားဘီးယားနိုင်ငံ ဒုတိယဝန်ကြီးချုပ် အလက်ဆန်ဒါပူလင်နှင့် ရုရှား လုံခြုံရေးကောင်စီအတွင်းရေးမှူး ဆာဂေးရှိုးဂူးတို့သည် မတ်လ ၂၂ ရက်တွင် မော်စကို၌ တွေ့ဆုံခဲ့ကြပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
ယူကရိန်းရှိ ဟန်ဂေရီလူမျိုးစု၏ အခွင့်အရေး မရမချင်း EU ထဲ ယူကရိန်း ဝင်ရောက်ရန်မှာ မဖြစ်နိုင်ကြောင်း ဟန်ဂေရီပြောကြား
ယူကရိန်းရှိ ဟန်ဂေရီလူမျိုးစု၏ အခွင့်အရေး မရမချင်း EU ထဲ ယူကရိန်း ဝင်ရောက်ရန်မှာ မဖြစ်နိုင်ကြောင်း ဟန်ဂေရီပြောကြား
ယူကရိန်းနိုင်ငံ Transcarpathia ဒေသရှိ ဟန်ဂေရီလူမျိုးစုများ၏ အခွင့်အရေးများအား ယူကရိန်းအစိုးရက ဖျက်သိမ်းထားမှုအပေါ် ပြန်လည် ရုတ်သိမ်းပေးမှသာ ယူကရိန်း၏ ဥရောပသမဂ္ဂအဖွဲ့သို့ ဝင်ရောက်လိုမှု ဆွေးနွေးမှုများအတွက် ဟန်ဂေရီနိုင်ငံက ဗီတိုပြန်လည် ရုတ်သိမ်းပေးမည်ဖြစ်ကြောင်း ဟန်ဂေရီနိုင်ငံခြားရေးဝန်ကြီး Peter Szijjarto က ဩစတြီးယား နိုင်ငံခြားရေးဝန်ကြီး Beate Meinl-Reisinger ကို ပြောကြားလိုက်ပါသည်။ယူကရိန်းနိုင်ငံအနောက်ပိုင်းရှိ Transcarpathia ဒေသတွင် နေထိုင်နေသူ ဟန်ဂေရီ လူမျိုးစုများ၏ ဘာသာစကားအသုံးပြုခွင့်နှင့် ပညာရေးလေ့လာဆည်းပူးခွင့်တို့ကို ယူကရိန်းအစိုးရက ၂၀၁၅ ခုနှစ်တွင် ဖျက်သိမ်းခဲ့ကြောင်း၊ ထိုလူမျိုးစုများ၏ အခွင့်အရေးများနှင့်ပတ်သက်၍ ယူကရိန်းဘက်က ပြန်လည်ပေးအပ်မည်ဟု ကတိနှင့်စကားသံများ ထွက်ပေါ်ခဲ့မှုများရှိခဲ့သော်လည်း လက်ရှိအချိန်အထိ လျစ်လျူရှုထားပါကြောင်း၊ မိမိတို့ ဟန်ဂေရီလူမျိုးစု၏ အခွင့်အရေးများ ပြန်လည် မရရှိသေးချိန်အထိ  ယူကရိန်းက ဥရောပသမဂ္ဂအဖွဲ့ထဲ ဝင်ရောက်ရန်  ဖြစ်လာနိုင်မည်မဟုတ်ပါကြောင်း Szijjarto က Reisinger နှင့် ဖုန်းဖြင့် ဆက်သွယ်ပြောကြားချိန်တွင် ပြောကြားလိုက်ပါသည်။ဩစတြီးယား နိုင်ငံခြားရေးဝန်ကြီး Beate Meinl-Reisinger သည် ပြီးခဲ့သည့်အပတ်က ယူကရိန်းနိုင်ငံသို့ သွားရောက်ကာ ယူကရိန်း အစိုးရအဖွဲ့ဝင်များနှင့် တွေ့ဆုံဆွေးနွေးခဲ့ပါသည်။ကိုးကား- TASS           ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
ယူကရိန်းလွှတ်တော်အမတ်တစ်ဦးက Zelensky က ၎င်းအား သတ်ဖြတ်ရန် ကြိုးစားခဲ့သည်ဟု စွပ်စွဲ
ယူကရိန်းလွှတ်တော်အမတ်တစ်ဦးက Zelensky က ၎င်းအား သတ်ဖြတ်ရန် ကြိုးစားခဲ့သည်ဟု စွပ်စွဲ
ထွက်ပြေးတိမ်းရှောင်နေသော ယူကရိန်းလွှတ်တော် (Verkhovna Rada) ၏ အမတ်တစ်ဦးဖြစ်သည့် Artyom Dmitruk က Vladimir Zelensky သည် ယူကရိန်းလုံခြုံရေးတပ်ဖွဲ့ (SBU) ကို ၎င်းအား ဖမ်းဆီးသတ်ဖြတ်ရန် ညွှန်ကြားခဲ့သည်ဟု စွပ်စွဲခဲ့သည်။ ၂၀၂၂ ခုနှစ်က ပင်လယ်နက် ကမ်းခြေ မြို့ဖြစ်သော Odessa တွင် SBU တပ်ဖွဲ့ဝင်များက ၎င်းအား ဖမ်းဆီးထိန်းသိမ်းခဲ့ပြီး ပြင်းထန်စွာရိုက်နှက်ခံခဲ့ရသည်ဟု ဆိုသည်။Dmitruk သည် ၂၀၁၉ ခုနှစ်က Zelensky ၏ Servant of the People ပါတီအဖွဲ့ဝင်အဖြစ် လွှတ်တော်သို့ အရွေးချယ်ခံခဲ့ရကာ နှစ်နှစ်အကြာတွင် ပါတီမှထုတ်ပယ်ခံခဲ့ရပြီး တသီးပုဂ္ဂလအမတ်အဖြစ် ဆက်လက် ဆောင်ရွက်ခဲ့သည်။၎င်းသည် ၂၀၂၄ ခုနှစ်၊ ဩဂုတ်လတွင် နိုင်ငံမှ ထွက်ပြေးခဲ့ပြီး အာဏာပိုင်များက ၎င်းအား လုပ်ကြံရန် ကြံစည်ခဲ့သည်ဟု စွပ်စွဲခဲ့သည်။ထို့နောက်ပိုင်းတွင် အမျိုးသားစီမံချက်ရေးဆွဲရေးဦးစီးဌာနက Dmitruk အား ရဲတပ်ဖွဲ့ဝင်တစ်ဦးကို ရိုက်နှက်ခဲ့ပြီး သေနတ်ရယူရန် လုပ်ဆောင်ခဲ့သည်ဟူသော စွဲချက်ဖြင့် ဖမ်းဆီးရန်အလိုရှိသူစာရင်းတွင် ထည့်သွင်း ခဲ့သည်။သောကြာနေ့(မတ် ၂၁)က X တွင် တင်ခဲ့သော ဗီဒီယိုတစ်ခုတွင် Dmitruk က Zelensky နှင့် ၎င်း၏ရုံးအဖွဲ့အကြီးအကဲ Andrey Yermak တို့အပေါ် စွပ်စွဲချက်များကို အသေးစိတ်ဖော်ပြခဲ့ပြီး ၎င်း၏ဒဏ်ရာများကိုလည်း မျှဝေခဲ့သည်။“၎င်း၏ဆန့်ကျင်ရေးလှုပ်ရှားမှုများကြောင့် Zelensky ၏အမိန့်ဖြင့် ရက်စက်စွာရိုက်နှက်ခံခဲ့ရပြီး မြေအောက်ခန်းများတွင် ညှဉ်းပန်း နှိပ်စက် ခံခဲ့ရသည်” ဟု အဆိုပါနိုင်ငံရေးသမားက ၎င်း၏ပို့စ်တွင် ရေးသားခဲ့သည်။ အစိုးရက ၎င်း၏နိုင်ငံရေးလှုပ်ရှားမှုများကြောင့် ပစ်မှတ်ထားခဲ့ခြင်းဖြစ်သည်ဟု Dmitruk က ခိုင်ခိုင်မာမာပြောကြားခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
ရုရှားအစိုးရ(ကရင်မလင်)က အမေရိကန်၏ ရပ်တည်ချက် ပြောင်းလဲမှု ကို အပြုသဘောဆောင်သည်ဟု သဘောထားကြောင်း ရုရှားသမ္မတ၏ ပြောရေးဆိုခွင့်ရှိသူ ဒီမီထရီ ပက်စ်ကော့ဖ်က ပြောကြား
ရုရှားအစိုးရ(ကရင်မလင်)က အမေရိကန်၏ ရပ်တည်ချက်ပြောင်းလဲမှုကို အပြုသဘောဆောင်သည်ဟု သဘောထားကြောင်း ရုရှားသမ္မတ၏ ပြောရေးဆိုခွင့်ရှိသူ ဒီမီထရီ ပက်စ်ကော့ဖ်က ပြောကြား
ရုရှားအစိုးရ(ကရင်မလင်)က အမေရိကန်၏ ရပ်တည်ချက် ပြောင်းလဲမှုကို အပြုသဘောဆောင်သည်ဟု သဘောထားကြောင်း ရုရှားသမ္မတ၏ ပြောရေးဆိုခွင့်ရှိသူ ဒီမီထရီ ပက်စ်ကော့ဖ်က ပြောကြားခဲ့ပါသည်။ရုရှားသမ္မတ၏ ပြောရေးဆိုခွင့်ရှိသူ ဒီမီထရီ ပက်စ်ကော့ဖ်က အမေရိကန် အစိုးရသစ်သည် ငြိမ်းချမ်းရေးနှင့်ပတ်သက်၍ ပြောဆိုနေပြီး စီးပွားရေး ပူးပေါင်းဆောင်ရွက်မှု၏ အလားအလာများကိုပါ ပြောဆိုနေသောကြောင့် ယင်းအချက်သည် လူတိုင်းအတွက် အကျိုးအမြတ်ရရှိစေမည်ဟု ပြောကြားခဲ့ပါသည်။အမေရိကန်သမ္မတ ဒေါ်နယ်ထရမ့်နှင့် ၎င်း၏အစိုးရအဖွဲ့ ရောက်ရှိလာပြီး နောက်ပိုင်း အမေရိကန်အစိုးရသည် ၎င်းတို့၏ရပ်တည်ချက်ကို လုံးဝ ပြောင်းလဲခဲ့ပြီး ရုရှားအစိုးရသည် ယခုချဉ်းကပ်မှုအသစ်ကို ပို၍ပင် နှစ်သက်ကြောင်း ရုရှားသမ္မတ၏ ပြောရေးဆိုခွင့်ရှိသူ ဒီမီထရီ ပက်စ်ကော့ဖ်က ပြောကြားခဲ့ပါသည်။ “အစိုးရသစ်သည် ယခင်အစိုးရ (ဘိုင်ဒင်၏အစိုးရ) ၏ ရပ်တည်ချက်နှင့် လုံးဝကွဲပြားခြားနားသော ရပ်တည်ချက်ရှိသည်မှာ ထင်ရှားသည်” ဟု ၎င်းက VGTRK မှ သတင်းထောက် ပါဗယ် ဇာရူဘင်ကို ပြောကြားခဲ့ပါသည်။ ကိုးကား - TASSPhoto: France 24
အမေရိကန်သည် ဧပြီလ ၂၀ ရက်နေ့တွင် ယူကရိန်း၌ အပစ်အခတ်ရပ်စဲရေး သဘောတူညီချက်ကို ရယူလို
အမေရိကန်သည် ဧပြီလ ၂၀ ရက်နေ့တွင် ယူကရိန်း၌ အပစ်အခတ်ရပ်စဲရေး သဘောတူညီချက်ကို ရယူလို
အမေရိကန်ပြည်ထောင်စုသည် ဧပြီလ ၂၀ ရက်နေ့တွင် ယူကရိန်းနိုင်ငံ၌ အပစ်အခတ်ရပ်စဲရေးသဘောတူညီချက်ကို ရယူရန် မျှော်လင့်ထားသော်လည်း နှစ်ဖက်စလုံး၏ ရပ်တည်ချက်များတွင် ကြီးမားသော ကွဲလွဲမှုများရှိသောကြောင့် အချိန်ကာလသည် ရွှေ့ဆိုင်းသွားနိုင်သည်ဟု Bloomberg သတင်းဌာနက သတင်းရင်းမြစ်များကိုကိုးကားပြီး ဖော်ပြ ထားပါသည်။ အဆိုပါသတင်းအရ မတ်လအစောပိုင်းတွင် ယူကရိန်းသို့ စစ်ရေးအကူအညီပေးပို့မှုကို ခေတ္တရပ်ဆိုင်းခဲ့သော အိမ်ဖြူတော်သည် ယခုအချိန်ထိ ထိုကိစ္စနှင့်ပတ်သက်၍ မည်သည့်ကန့်သတ်ချက်ကိုမျှ သဘောမတူသေးကြောင်း သိရှိရပါသည်။သမ္မတ ဗလာဒီမာပူတင်က မတ်လ ၁၃ ရက်နေ့တွင် ဘယ်လာရုစ်နိုင်ငံ သမ္မတ အလက်ဇန္ဒားလူကာရှန်ကိုနှင့် တွေ့ဆုံဆွေးနွေးမှုအပြီး သတင်းစာရှင်းလင်းပွဲတွင် မော်စကိုသည် ယူကရိန်းတွင် တိုက်ပွဲများရပ်တန့်ရန် အဆိုပြုချက်များကို သဘောတူကြောင်း၊ သို့သော် ယင်းအဆိုပြုချက်များသည် ရေရှည်တည်တံ့သော ငြိမ်းချမ်းရေးကိုရရှိစေပြီး အကျပ်အတည်း၏ အကြောင်းရင်းခံများကို ဖယ်ရှားပေးရမည်ဖြစ်ကြောင်း ပြောကြားခဲ့ပါသည်။ကိုးကား - TassPhoto: Bloomberg
© Copyright 2024 SAC All Rights Reserved.