စင်ကာပူ ရွေးကောက်ပွဲ ဝန်ကြီးချုပ် Lawrence Wong ဦးဆောင်သော PAP ပါတီ အနိုင်ရ

saceditor

News Image

  • စင်ကာပူ ရွေးကောက်ပွဲ ဝန်ကြီးချုပ် Lawrence Wong ဦးဆောင်သော PAP ပါတီ အနိုင်ရ

၂၀၂၅ ခုနှစ်၊ မေလ ၃ ရက်တွင် ကျင်းပသော စင်ကာပူနိုင်ငံ အထွေထွေ ရွေးကောက်ပွဲတွင် ဝန်ကြီးချုပ် Lawrence Wong ဦးဆောင်သော လက်ရှိ အာဏာရပါတီဖြစ်သည့် ပြည်သူ့လုပ်ဆောင်ချက်ပါတီ (People’s Action Party – PAP) က အနိုင်ရရှိသွားကြောင်း သိရပါသည်။

ရွေးကောက်ပွဲဆိုင်ရာ တရားဝင်အချက်အလက်များအရ Wong ဦးဆောင်သော PAP ပါတီသည် စင်ကာပူ အောက်လွှတ်တော် အမတ် ၉၇ နေရာတွင် သတ်မှတ်ထားသည့် ၄၉ နေရာထက် ကျော်လွန်၍ ၈၇ နေရာဖြင့် သောင်ပြိုကမ်းပြို အနိုင်ရရှိသွားကြောင်း သိရပါသည်။ 

ကိုးကား- The Guardian

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ရုရှားသမ္မတပူတင်နှင့် ဆော်ဒီအာရေဗျနိုင်ငံ၌တွေ့ဆုံနိုင်ဖွယ်ရှိကြောင်း ထရမ့်ပြော
ရုရှားသမ္မတပူတင်နှင့် ဆော်ဒီအာရေဗျနိုင်ငံ၌တွေ့ဆုံနိုင်ဖွယ်ရှိကြောင်း ထရမ့်ပြော
ဝါရှင်တန်၊ နိုင်ငံရေးအမေရိကန်သမ္မတ  ဒေါ်နယ်ထရမ့်အနေဖြင့် ရုရှားသမ္မတ ဗလာဒီမာပူတင်နှင့် မေလလယ်ပိုင်းတွင် ဆော်ဒီအာရေဗျနိုင်ငံ၌ တွေ့ဆုံနိုင်ဖွယ်ရှိကြောင်း      ထရမ့်ကပြောကြားသည်။ယူကရိန်းအရေးကိုဖြေရှင်းနိုင်ရေးအတွက် အမေရိကန်နှင့် ရုရှားတို့အနေဖြင့် ဆော်ဒီအာရေဗျနိုင်ငံသို့ မကြာမီသွားရောက်ရမည်ဖြစ်ကြောင်း၊ သို့သော် သမ္မတပူတင်နှင့်တွေ့ဆုံနိုင်မည်ဟုတ်၊မဟုတ်ကို အတိအကျမသိရသေးကြောင်း ထရမ့်က သတင်းထောက်များ၏ မေးမြန်းမှုကို ဖြေကြားရာတွင် ထည့်သွင်းပြောဆိုခဲ့ခြင်းဖြစ်သည်။သို့ရာတွင် ယူကရိန်းအရေးကို ဖြေရှင်းနိုင်ရေးအတွက် အမေရိကန်နှင့် ရုရှားသမ္မတတို့ကြား    တွေ့ဆုံဆွေးနွေးရန် လိုအပ်ကြောင်း၊ ပူတင်နှင့်ထရမ့်တို့ကြား တယ်လီဖုန်းမှတစ်ဆင့် ဆွေးနွေးမှုများကို မတ်လ ၁၈ ရက်တွင် လုပ်ဆောင်ခဲ့ကြောင်း အမေရိကန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ တမ်မီဘရုစ်က အစောပိုင်းတွင်ပြောကြားထားသည်။ထရမ့်အနေဖြင့် အရှေ့အလယ်ပိုင်းဒေသသို့ သွားရောက်ပြီးနောက် သမ္မတပူတင်နှင့် တွေ့ဆုံဆွေးနွေးဖွယ်ရှိသည်ဟုပြောကြားခဲ့သော်လည်း လက်ရှိအချိန်အထိ တွေ့ဆုံခြင်းမရှိသေးကြောင်းသိရသည်။Ref: RT,TNASource: https://myawady.net.mm/ 
Tue, 6-မေလ-2025
ပါကစ္စတန်ကို တိုက်ခိုက်က အိန္ဒိယ ပြည်နယ် ၇ ခုကို သိမ်းပိုက်သင့်ကြောင်း ယူနွတ်၏ အကြံပေး ပြောကြား
ပါကစ္စတန်ကို တိုက်ခိုက်က အိန္ဒိယ ပြည်နယ် ၇ ခုကို သိမ်းပိုက်သင့်ကြောင်း ယူနွတ်၏ အကြံပေး ပြောကြား
ဘင်္ဂလားဒေ့ရှ်နိုင်ငံ ယာယီအစိုးရအကြံပေးချုပ် ယူနွတ်၏ အနီးကပ် အကြံပေး တစ်ဦးဖြစ်သော အငြိမ်းစား စစ်ဗိုလ်ချုပ် (Major General –Retd) ဖြစ်သူ ALMFazlur Rahman က ကက်ရှ်မီးယား ပါဟယ်ဂမ် အကြမ်းဖက်တိုက်ခိုက်မှုအား အကြောင်းပြု၍ အိန္ဒိယက ပါကစ္စတန်ကို တိုက်ခိုက်ပါက ဘင်္ဂလားဒေ့ရှ်သည် တရုတ်နှင့် ပူးပေါင်း၍ အိန္ဒိယ၏ အရှေ့မြောက်ပိုင်း ပြည်နယ် ၇ ခုကို သိမ်းပိုက်သင့်ကြောင်း ၎င်း၏ လူမှု မီဒီယာမှတစ်ဆင့် ဧပြီ ၂၉ ရက်(အင်္ဂါနေ့)က အဆိုပြုရေးသားဖော်ပြခဲ့ ပါသည်။ “အိန္ဒိယက ပါကစ္စတန်ကို တိုက်ခိုက်ပါက ဘင်္ဂလားဒေ့ရှ်က အိန္ဒိယ အရှေ့မြောက်ပိုင်း ပြည်နယ် ၇ ခုကို သိမ်းပိုက်သင့်ပါသည်။ အဆိုပါကိစ္စ နှင့်ပတ်သက်ပြီး တရုတ်နှင့်ပူးပေါင်းကာ စစ်ရေးစီမံချက်များ ဆွေးနွေးရန် လိုအပ်သည်ဟု မိမိ ထင်မြင်မိပါသည်” ဟု Rahman က ဘင်္ဂါလီ ဘာသာ ဖြင့် ရေးသားထားသော ၎င်း၏ ပို့စ်တွင် ဖော်ပြထားပါသည်။ဘင်္ဂလားဒေ့ရှ်ယာယီအစိုးရသည် Rahman ကို ၂၀၀၉ ခုနှစ်တွင် ဘင်္ဂလားဒေ့ရှ်ရိုင်ဖယ်တပ်ဖွဲ့ ပုန်ကန်မှုအတွင်း ဖြစ်ပွားခဲ့သော သတ်ဖြတ်မှု များကို စုံစမ်းစစ်ဆေးရန် အမျိုးသားလွတ်လပ်သော ကော်မရှင် ဥက္ကဋ္ဌ အဖြစ် ၂၀၂၄ ခုနှစ်၊ ဒီဇင်ဘာလတွင် ခန့်အပ်တာဝန်ပေးခဲ့ပါသည်။ ဘင်္ဂလားဒေ့ရှ်နိုင်ငံခြားရေးဝန်ကြီးဌာနက မေ ၂ (သောကြာနေ့)တွင် ထုတ်ပြန်သော သတင်းထုတ်ပြန်ချက်အရ အဆိုပါ အငြိမ်းစား ဗိုလ်ချုပ်၏ ပြောကြားချက်များမှာ ဘင်္ဂလားဒေ့ရှ်အစိုးရ၏ ရပ်တည်ချက် သို့မဟုတ် မူဝါဒများနှင့် ကိုက်ညီမှု မရှိပါကြောင်း ရှင်းလင်းဖော်ပြထားပါသည်။အဆိုပါဖြစ်စဉ်မတိုင်မီ ၂၀၂၅ ခုနှစ်၊ မတ်လအတွင်းက ဘင်္ဂလားဒေ့ရှ် အကြံပေးချုပ် ယူနွတ်သည် တရုတ်နိုင်ငံသို့ သွားရောက်ခဲ့သည့် ခရီးစဉ် အတွင်း ဘင်္ဂလားဒေ့ရှ်နှင့် နယ်နိမိတ်ထိစပ်နေသော မိုင် ၁,၆၀၀ ခန့် ရှိသော အိန္ဒိယ၏ အရှေ့မြောက်ပိုင်း ပြည်နယ် ၇ ခုသည် ကုန်းတွင်းပိတ် ဒေသများဖြစ်ပြီး ၎င်းတို့နိုင်ငံမှတစ်ဆင့်သာ အိန္ဒိယသမုဒ္ဒရာသို့ သွားရောက် ရာ ထွက်ပေါက်ရှိကြောင်း မှတ်ချက်ပြုဖူးပါသည်။ထို့ပြင် တရုတ်နိုင်ငံ၌ ပြုလုပ်သော စီးပွားရေးဖိုရမ်တစ်ခုတွင် အကြံပေး Rahman က ဘင်္ဂလားဒေ့ရှ်သည် အိန္ဒိယသမုဒ္ဒရာ၏ တစ်ခုတည်းသော စောင့်ရှောက်သူဖြစ်ကြောင်း ပြောကြားပြီး တရုတ်နိုင်ငံအား ကမ္ဘာတစ်ဝှမ်း သို့ ကုန်ပစ္စည်းများ ပို့ဆောင်ရာတွင် ဘင်္ဂလားဒေ့ရှ်မှတစ်ဆင့် အသုံးပြုရန် ဖိတ်ခေါ်ခဲ့ပါသည်။ကိုးကား- Indian Expressဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 5-မေလ-2025
မေလအတွင်း ဆော်ဒီ၌ ပူတင်နှင့် တွေ့ဆုံဖွယ်ရှိသည်ဟု ထရမ့်ပြောကြား
မေလအတွင်း ဆော်ဒီ၌ ပူတင်နှင့် တွေ့ဆုံဖွယ်ရှိသည်ဟု ထရမ့်ပြောကြား
မေလလယ်တွင် ဆော်ဒီအာရေဗျနိုင်ငံသို့ လာရောက်လည်ပတ်စဉ်အတွင်း ရုရှားသမ္မတ ဗလာဒီမာပူတင်နှင့် တွေ့ဆုံဖွယ်ရှိကြောင်း အမေရိကန် သမ္မတ Donald Trump က ပြောကြားလိုက်ပါသည်။ ဆော်ဒီအာရေဗျ၊ ကာတာနှင့် အာရပ်စော်ဘွားများပြည်ထောင်စုသို့ မေ ၁၃ ရက်မှ ၁၆ ရက်အထိ သွားရောက်မည့် အရှေ့အလယ်ပိုင်း ခရီးစဉ်အပြီးတွင် ရုရှားခေါင်းဆောင်နှင့် တွေ့ဆုံနိုင်ကြောင်း ထရမ့်က ယခင်ကလည်း ပြောပြဖူးပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 5-မေလ-2025
တရုတ်နိုင်ငံ သမ္မတ ရှီကျင့်ဖျင် မေ ၇ ရက်မှ ၁၀ ရက်အထိ ရုရှားနိုင်ငံသို့ နိုင်ငံတော်ခရီးစဉ် သွားရောက်မည်
တရုတ်နိုင်ငံ သမ္မတ ရှီကျင့်ဖျင် မေ ၇ ရက်မှ ၁၀ ရက်အထိ ရုရှားနိုင်ငံသို့ နိုင်ငံတော်ခရီးစဉ် သွားရောက်မည်
တရုတ်နိုင်ငံ သမ္မတ ရှီကျင့်ဖျင် သည် ရုရှားဖက်ဒရေးရှင်းနိုင်ငံ သမ္မတ ဗလာဒီမာ ပူတင်၏ ဖိတ်ကြားချက်အရ မေ ၇ ရက်မှ ၁၀ ရက်အထိ ရုရှားနိုင်ငံသို့ နိုင်ငံတော်ခရီးစဉ်အဖြစ် သွားရောက်မည်ဖြစ်ကာ မော်စကို မြို့တွင် ကျင်းပမည့် မဟာမျိုးချစ်စစ်ပွဲ အောင်ပွဲ နှစ် ၈၀ ပြည့် အထိမ်း အမှတ် အခမ်းအနားများကို တက်ရောက်မည်ဖြစ်ကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက မေ ၄ ရက်၌ ပြောကြားခဲ့သည်။ ပြင်ပပတ်ဝန်းကျင်၌ ရှုပ်ထွေးမှုများရှိနေသည့်တိုင် သမ္မတရှီနှင့် သမ္မတပူတင်တို့အနေဖြင့် သမိုင်းတွင်မည့် အမြော်အမြင်၊ မဟာဗျူဟာအရ အလေးထားမှုတို့ဖြင့် ခေတ်သစ်ကာလ တရုတ်-ရုရှား ဆက်ဆံရေး ကို အစဉ်သဖြင့် ဆက်လက်ဖော်ဆောင်ရေး၊ ထာဝရတည်တံ့သော အိမ်နီးချင်းကောင်းပီသမှုနှင့် ချစ်ကြည်ရင်းနှီးမှု၊ ဘက်စုံမဟာဗျူဟာမြောက် ညှိနှိုင်းဆောင်ရွက်မှုနှင့် အပြန်အလှန်အကျိုးဖြစ်ထွန်းမှု၊ ပူးပေါင်းဆောင်ရွက်မှု နှင့် နှစ်ဖက်စလုံးအတွက် အကျိုးရှိမှု စသော နှစ်နိုင်ငံဆက်ဆံရေးအား အဓိပွာယ်ဖွင့်ဆိုပေးသော ဝိသေသလက္ခဏာများ ထင်ရှားပေါ်လွင်စေရေး အတွက် လမ်းညွှန်မှုပေးခဲ့သည်ဟု ၎င်းပြောရေးဆိုခွင့်ရှိသူက ဆိုသည်။ မကြာမီ သွားရောက်မည့် နိုင်ငံတော်ခရီးစဉ်အတွင်း သမ္မတရှီအနေဖြင့် အခြေအနေသစ်များအောက်မှ တရုတ်-ရုရှားဆက်ဆံရေး၊ နိုင်ငံတကာနှင့် ဒေသတွင်း အရေးကြီးကိစ္စရပ် အများအပြားနှင့် စပ်လျဉ်း၍ သမ္မတ ပူတင် နှင့် မဟာဗျူဟာမြောက် ဆွေးနွေးမှုများ ပြုလုပ်သွားမည်ဟုလည်း ၎င်း ပြောရေးဆိုခွင့်ရှိသူက ရှင်းလင်းပြောဆိုခဲ့သည်။ “သမ္မတနှစ်ဦးအကြား အရေးပါသည့် ဘုံသဘောတူညီမှုများသည် နှစ်နိုင်ငံကြား နိုင်ငံရေးအရ အပြန်အလှန်ယုံကြည်မှု နက်ရှိုင်းရေး၊ မဟာဗျူဟာမြောက် ညှိနှိုင်းဆောင်ရွက်မှုအနှစ်သာရ ပိုမိုလေးနက်ခိုင်မာစေရေး၊ နယ်ပယ်အသီးသီးတွင် လက်တွေ့ပူးပေါင်းဆောင်ရွက်မှုမြှင့်တင်ရေး၊ နှစ်နိုင်ငံပြည်သူများ၏ အကျိုးကို ပိုမိုသယ်ပိုးနိုင်ရေး၊ နိုင်ငံတကာအသိုက်အဝန်းအတွက် တည်ငြိမ်မှု၊ အပြုသဘောဆောင်သည့် စွမ်းအားများကို ပိုမိုပံ့ပိုးနိုင်ရေးအတွက် တစ်ဆင့်တိုး လုပ်ဆောင်နိုင်မည်ဟု မိမိတို့အနေဖြင့် ယုံကြည်ပါသည်” ဟု နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ပြောကြား ခဲ့သည်။ ကိုးကား- Xinhua
Mon, 5-မေလ-2025
ရုရှားနှင့်တရုတ်တို့ကြား ဆက်ဆံရေးက မဟာဗျူဟာမြောက်ဆက်ဆံရေးဖြစ်ဟု ပူတင်ပြော
ရုရှားနှင့်တရုတ်တို့ကြား ဆက်ဆံရေးက မဟာဗျူဟာမြောက်ဆက်ဆံရေးဖြစ်ဟု ပူတင်ပြော
မော်စကို၊ သံတမန်ဆက်ဆံရေးရုရှားနှင့် တရုတ်နိုင်ငံတို့ကြား ဆက်ဆံရေးသည် လက်ရှိတွင် မဟာဗျူဟာမြောက်ဆက်ဆံရေးတစ်ရပ်ဖြစ်ကြောင်း   ရုရှားသမ္မတ ဗလာဒီမာပူတင်က မေလ ၄ ရက်တွင် ပြောကြားသည်။ကမ္ဘာလုံးဆိုင်ရာမငြိမ်မသက်ဖြစ်ပွားနေစဉ်အတွင်း   ရုရှားနှင့်တရုတ်နိုင်ငံတို့သည်      ကမ္ဘာ့တည်ငြိမ်ရေးအတွက် အထောက်အကူပြုလျက်ရှိကြောင်း သမ္မတပူတင်က ပြောကြားခဲ့ကြောင်း ရုရှားရုပ်သံတစ်ခုဖြစ်သည့် Rossiya ကဖော်ပြသည်။ရုရှားနှင့် တရုတ်နိုင်ငံတို့သည် အိမ်နီးချင်းများဖြစ်ပြီး နှစ်နိုင်ငံစလုံး၏ဖွံ့ဖြိုးတိုးတက်ရေးအတွက်   အဓိကအချက်ဖြစ်သည့်ဆက်ဆံရေးကောင်းမွန်မှုကို ထိန်းသိမ်းထားရမည်ဖြစ်ကြောင်း ၎င်းက ဆက်လက်ပြောကြားသည်။    ထို့ပြင် ကမ္ဘာပေါ်တွင် မငြိမ်မသက်မှုများ ပိုမိုတိုးတက်လာနေစဉ် အတွင်း နှစ်နိုင်ငံစလုံးကြားရှိ ဆက်ဆံရေးကောင်းမွန်ခြင်းသည်  ကမ္ဘာလုံးဆိုင်ရာ တည်ငြိမ်ရေးအတွက်    ထိရောက်စွာ အထောက်အကူပြုလျက်ရှိကြောင်း ပူတင်၏ပြောကြားချက်ကိုကိုးကား၍ ရုပ်သံကဖော်ပြသည်။ထို့ပြင် လာမည့် ၂၅ နှစ်တွင် ဂျီ-၇ နိုင်ငံ၏ ကမ္ဘာ့စီးပွားရေးတွင်   ပါဝင်မှုနှုန်းသည် ဆက်လက်ကျဆင်းလာသောကြောင့် ယင်းနိုင်ငံများ၏ ကမ္ဘာ့အရေးကိစ္စများတွင် ပါဝင်နိုင်သည့် အလားအလာမှာလည်း ကျဆင်းလာနိုင်ပြီး ရုရှားနှင့် တရုတ်နိုင်ငံတို့ပါဝင်သည့် BRICS နိုင်ငံများ၏ အခန်းကဏ္ဍမှာ  ပိုမိုကြီးထွားလာနိုင်ကြောင်း ပူတင်ကဆက်လက်ပြောကြားသည်။Ref: IzSource: https://myawady.net.mm/ 
Mon, 5-မေလ-2025
ရုရှားသည် အနောက်နိုင်ငံများ၏ “ပြည်ဖျက်စစ်ပွဲ” ကို တစ်နိုင်ငံတည်း ရင်ဆိုင်နေဟု ပူတင်ဆို
ရုရှားသည် အနောက်နိုင်ငံများ၏ “ပြည်ဖျက်စစ်ပွဲ” ကို တစ်နိုင်ငံတည်း ရင်ဆိုင်နေဟု ပူတင်ဆို
ရုရှားသည် နိုင်ငံကို ဆန့်ကျင်သည့် “ပြည်ဖျက်စစ်ပွဲ” (existential war) ဆင်နွှဲနေသည့် အနောက် အုပ်စုနှင့် တစ်နိုင်ငံတည်း ရင်ဆိုင်ရပ်တည်နေကြောင်း သမ္မတ ဗလာဒီမာပူတင်က ပြောကြားခဲ့သည်။ Rossiya-1  ရုပ်သံလိုင်းမှ တနင်္ဂနွေနေ့(မေ ၄)တွင် ထုတ်လွှင့်ခဲ့သည့် “ကရင်မလင်တွင် ပူတင်၏ သမ္မတ တာဝန် ထမ်းဆောင်မှု ၂၅ နှစ်ပြည့်အထိမ်းအမှတ်” စာတန်းထိုးရုပ်သံတွင် ပူတင်က ထိုသို့ ပြောကြားခဲ့ခြင်းဖြစ်သည်။ ထိုရုပ်သံသည် ပူတင် ရုရှားသမ္မတအဖြစ် ပထမဆုံးအကြိမ် ကျမ်းသစ္စာ ကျိန်ဆိုခဲ့သည့် ၂၀၀၀ ပြည့်နှစ် မေလ ၇ ရက်နေ့မှစ၍ နှစ် ၂၅ ပြည့်အထိမ်းအမှတ်အဖြစ် ရိုက်ကူး ထားခြင်းဖြစ်သည်။အဆိုပါရုပ်သံတွင် ပူတင်သည်ဂျာနယ်လစ် ပါဗယ်ဇာရူဘင်နှင့် ယူကရိန်း-ရုရှားစစ်ပွဲ၊ ရုရှား နှင့် အနောက်နိုင်ငံများအကြား ကျယ်ပြန့်သော ပဋိပက္ခများအကြောင်း ဆွေးနွေးခဲ့သည်။ပူတင်က “ရုရှားသည် အခြေအနေအရ အနောက်နိုင်ငံများ၏ စုပေါင်းတိုက်ခိုက်မှုကို တစ်ဦးတည်း ရင်ဆိုင်နေရသည်။ ထို့ကြောင့် အဆိုပါ အခြေအနေကို လေးလေးနက်နက် ကိုင်တွယ်ဖြေရှင်းရန် လိုအပ်သည်” ဟု ပြောကြားခဲ့သည်။၎င်းက ဆက်လက်၍ “၂၀၀၀ ပြည့်နှစ်အစောပိုင်းကတည်းက အနောက်နိုင်ငံများသည် ရုရှားကို လှည့်စားသည့် နည်းလမ်းများဖြင့် ဆက်ဆံလာခဲ့သည်။ ၎င်းတို့က တစ်ခုပြောပြီး အခြားတစ်ခုကို လုပ်ဆောင်ခဲ့ကြသည်” ဟု ဝေဖန်ခဲ့သည်။ပူတင်က ရုရှား၏ ထပ်ခါတလဲလဲ သတိပေးချက်များကို အနောက်နိုင်ငံများက လျစ်လျူရှုခဲ့ခြင်း၊ ရုရှား၏ အချုပ်အခြာအာဏာနှင့် အမျိုးသားအကျိုးစီးပွားကို အပြည့်အဝ အသိအမှတ်မပြုခြင်းတို့ ကြောင့် လက်ရှိအကျပ်အတည်းများ ဖြစ်ပေါ်လာရကြောင်း ရှင်းပြခဲ့သည်။ဆက်လက်၍ ပူတင် က “ဤအဆင့်မြင့်ယဉ်ကျေးမှုကမ္ဘာ (အနောက်နိုင်ငံများ) က ရုရှားအားနည်း သွားပြီဟု သတ်မှတ်ခဲ့ကြသည်။ ဆိုဗီယက်ယူနီယံဟူသော သမိုင်းဝင်ရုရှားပြိုကွဲသွားပြီး ကျန်ရစ်ခဲ့ သော အစိတ်အပိုင်းများကိုလည်း အပြီးသတ်ဖျက်ဆီးရမည်ဟု ရည်ရွယ်ခဲ့ကြသည်။ ယင်းအနက် အကြီးဆုံးဖြစ်သော ရုရှားဖက်ဒရေးရှင်းကိုလည်း ၄-၅ ပိုင်း ပိုင်းခြားရန် စီစဉ်ခဲ့ကြသည်။ မိမိသည် နိုင်ငံ၏အနာဂတ်အတွက် တာဝန်ရှိသူဖြစ်သည့်အတွက် ထိုသို့မဖြစ်ရလေအောင် စတင်လုပ်ဆောင်ခဲ့သည်” ဟု ရှင်းလင်းပြောကြားခဲ့သည်။မော်စကိုသည် ယူကရိန်းပဋိပက္ခကို “အနောက်နိုင်ငံများ၏ ရုရှားဆန့်ကျင်ရေး ကြားခံစစ်ပွဲ” အဖြစ် အစဉ်သတ်မှတ်ခဲ့ပြီး၊ ယူကရိန်းလူမျိုးများကို “အသုံးချခံစစ်သား (cannon fodder)” အဖြစ် အသုံးပြု နေသည်ဟု စွပ်စွဲခဲ့သည်။ ရုရှားအရာရှိများက “အမေရိကန်နှင့် အနောက်အင်အားကြီးနိုင်ငံများသည် နေတိုး၏ အရှေ့ဥရောပချဲ့ထွင်မှုနှင့် ယူကရိန်းနှင့် စစ်ရေးပူးပေါင်းဆောင်ရွက်မှုတို့ကို မော်စကို၏ လုံခြုံရေး အရေးကိစ္စများကို လျစ်လျူရှုကာ တမင်တကာ တင်းမာမှုများ မြှင့်တင်ခဲ့သည်” ဟု ပြောဆို ထားသည်။ပူတင်က “ရုရှားနှင့် အနောက်နိုင်ငံများသည် “ပြည်ဖျက်စစ်ပွဲ (existential war)” တွင် ပိတ်မိနေပြီဖြစ်ကာ၊ အနောက်မှ အများအပြားက ယခုအခါ ထိုအချက်ကို ပွင့်ပွင့်လင်းလင်း ဝန်ခံလာကြသည်” ဟု အားလုံးသိအောင် ပြောကြားခဲ့သည်။ထိုပြောကြားချက်များသည် ရုရှား-အနောက် ပဋိပက္ခ၏ ဇစ်မြစ်ကို နက်နက်ရှိုင်းရှိုင်း ထိုးထွင်း သိမြင် စေသည်။ ပူတင်က အနောက်နိုင်ငံများသည် ရုရှားကို နိုင်ငံတော်ပြိုကွဲမှု (state collapse) ဖြစ်စေရန် နှစ်ပေါင်းများစွာ စီစဉ်ခဲ့ကြောင်း၊ သို့သော် မော်စကိုက ယင်းအန္တရာယ်ကို ကြိုတင်ကာကွယ် ခဲ့ကြောင်း ပြတ်သားစွာ အလေးပေးပြောဆိုခဲ့ခြင်းဖြစ်သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 5-မေလ-2025
© Copyright 2024 SAC All Rights Reserved.