ဗီယက်နမ်မြောက်ပိုင်း၌ ရေကြီးပြီး မြေပြိုမှုများကြောင့် လူလေးဦးသေဆုံး

sacadmin

News Image

  • ဗီယက်နမ်မြောက်ပိုင်း၌ ရေကြီးပြီး မြေပြိုမှုများကြောင့် လူလေးဦးသေဆုံး

ဟနွိုင်း၊ သဘာဝဘေး

ဗီယက်နမ်နိုင်ငံမြောက်ပိုင်းရှိ ဘက်ကန်ပြည်နယ်၌ မိုးသည်းထန်စွာရွာသွန်းသည့်အတွက် ရေကြီးမှုများနှင့်မြေပြိုမှုများဖြစ်ပွားခြင်းကြောင့်လူလေးဦးသေဆုံးကာသုံးဦးဒဏ်ရာရရှိထားကြောင်း  ဗီယက်နမ် သတင်းဌာနတစ်ခုက မေလ ၁၈ ရက်တွင် ဖော်ပြထားသည်။

သေဆုံးသူလေးဦးအနက် နှစ်ဦးသည်ရုတ်တရက်ရေကြီးမှုတွင်လည်းကောင်း၊ ကျန်နှစ်ဦးသည် မြေပြိုမှုများကြောင့်မြေကြီးအောက်တွင်ပိ၍ကြောင့်လည်းကောင်း သေဆုံးသွားခြင်းဖြစ်သည်ဟု တာဝန်ရှိသူ များကပြောသည်။

ထို့ပြင် အဆိုပါသဘာဝဘေးကြောင့် ကောက်ပဲသီးနှံဟက်တာရာပေါင်းများစွာပျက်စီးရသည့်အပြင် ဒေသတွင်းရှိအခြေခံ အဆောက်အဦများစွာမှာလည်း ဖျက်ဆီးခံလိုက်ရကြောင်း    တာဝန်ရှိသူများက ဆက်ပြောသည်။

မေလ ၁၈ ရက်ညနေပိုင်းအထိ နိုင်ငံမြောက်ပိုင်းရှိ တောင်ပေါ်ဒေသ၌ မိုးသည်းထန်စွာ ဆက်လက်ရွာသွန်းလျက်ရှိရာ မြစ်များ၊ ချောင်းများတွင်ရေကြီးမှုများဖြစ်ပွားနိုင်ကြောင်းနှင့်လူနေအိမ်များအပေါ် မြေပြိုကျမှုများဖြစ်ပွားနိုင်ကြောင်း တာဝန်ရှိသူများကသတိပေးထားသည်။

Ref: Xinhua

Source: https://myawady.net.mm/

 

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

တောင်ကိုရီးယားအစိုးရက ရေဘေးသင့်သဘာဝဘေးအန္တရာယ်ဇုန်များကို ကြေညာခဲ့
တောင်ကိုရီးယားအစိုးရက ရေဘေးသင့်သဘာဝဘေးအန္တရာယ်ဇုန်များကို ကြေညာခဲ့
ဆိုးလ်   ဇူလိုင် ၂၃တောင်ကိုရီးယားနိုင်ငံ အစိုးရက နိုင်ငံအတွင်းရှိ ရေဘေးသင့်မြို့ခြောက်မြို့ကို အထူးသဘာဝဘေးအန္တရာယ်ဇုန်အဖြစ် ဇူလိုင် ၂၂ ရက်က ကြေညာခဲ့ကြောင်းသိရသည်။အထူးသဘာဝဘေးအန္တရာယ်ဇုန်အဖြစ် သတ်မှတ်ထားသော ရေဘေးသင့်မြို့များမှာ Gyeonggi ပြည်နယ်ရှိ Gapyeony မြို့၊ တောင် Chungcheong ပြည်နယ်ရှိ Seasan မြို့နှင့် Yesan မြို့၊ တောင် Jeolla ပြည်နယ်ရှိ Damyang မြို့၊ တောင် Gyeongsang ပြည်နယ်ရှိ Sancheong မြို့နှင့် Hapcheon မြို့များဖြစ်ကြောင်း၊ တောင်ကိုရီးယားနိုင်ငံအတွင်း ရေကြီးရေလျှံမှုကြောင့် ပျက်စီးသွားသည့် အခြေခံအဆောက်အအုံနှင့် လမ်းများစာရင်းကိုလည်း ယနေ့တွင် ထုတ်ပြန်ခဲ့ကြောင်း သိရသည်။ထိုစာရင်းအရ မိုးသည်းထန်စွာရွာသွန်းမှုကြောင့် လူ၁၉ ဦးသေဆုံးပြီး ကိုးဦးပျောက်ဆုံးနေကာ လူ၂၅၄၉ ဦး အိုးမဲ့အိမ်မဲ့ဖြစ်နေဆဲဖြစ်ကြောင်း၊ နေအိမ်များ၊ဈေးဆိုင်များနှင့် စက်ရုံများအပါအဝင် အဆောက်အအုံ ၃၇၇၆ လုံးရေနစ်မြုပ်ပျက်စီးခဲ့ကြောင်း တောင်ကိုရီးယားနိုင်ငံ ပြည်ထဲရေးနှင့် ဘေးကင်းရေးဝန်ကြီးဌာနမှ သိရသည်။လက်ရှိတွင် မြေပြိုမှုနှင့် ရေကြီးမှုဆိုးရွားစွာ ဖြစ်ပေါ်နေသော ရေဘေးသင့်ခရိုင်များကို အထူးသဘာဝဘးအန္တရာယ်ဇုန်အဖြစ် တောင်ကိုရီးယားသမ္မတလီဂျေးမြောင်၏ အစိုးရက ထုတ်ပြန်ခဲ့ပြီး ရေဘေးဒုက္ခသည်များကို  အရေးပေါ်စီမံခန့်ခွဲရေးနှင့် ငွေကြေးဆိုင်ရာ အထောက်အပံ့များပေးသွားမည်ဖြစ်ပြီးပျောက်ဆုံးနေသူများကိုလည်း ရှာဖွေကယ်ဆယ်ရေးများ ဆောင်ရွက်နေကြောင်း သိရသည်။ရတနာပုံသတင်းစာPhoto: Yahoo 
Thu, 24-Jul-2025
တရုတ်နိုင်ငံက တိုင်ဖွန်းမုန်တိုင်း ဝီဖာအား အရေးပေါ်တုံ့ပြန်ရေးအဆင့် တိုးမြှင့်ထား
တရုတ်နိုင်ငံက တိုင်ဖွန်းမုန်တိုင်း ဝီဖာအား အရေးပေါ်တုံ့ပြန်ရေးအဆင့် တိုးမြှင့်ထား
တရုတ်နိုင်ငံ ရေကြီးရေလျှံမှု ထိန်းချုပ်ရေးနှင့် မိုးခေါင်မှုလျော့ပါးရေးဌာနချုပ်က နိုင်ငံတောင်ပိုင်း ပြည်နယ်များဖြစ်သော ကွမ်တုန်းနှင့် ဟိုင်နန် တို့တွင် တိုင်ဖွန်းမုန်တိုင်း ဝီဖာ (Wipha) ၏ သက်ရောက်မှုကို ရေကြီးရေလျှံမှုနှင့် တိုင်ဖွန်းမုန်တိုင်းထိန်းချုပ်မှု အရေးပေါ်တုံ့ပြန်ရေးအဆင့်သုံး အဖြစ် ဇူလိုင် ၂၀ ရက်က တိုးမြှင့်ထားခဲ့ကြောင်း သိရသည်။ ကွမ်ရှီး (ကျွမ့်) ကိုယ်ပိုင်အုပ်ချုပ်ခွင့်ရဒေသတွင်မူ ယင်းတိုင်ဖွန်းမုန်တိုင်းအား အရေးပေါ်အခြေအနေ အဆင့်လေးအဖြစ် ထိန်းထားခဲ့သည်။ မိုးလေဝသ ကြိုတင်ခန့်မှန်းချက်များအရ ဝီဖာ တိုင်ဖွန်းမုန်တိုင်းကြောင့် ဇူလိုင် ၂၀ ရက် မှ ၂၁ ရက်အထိ ဟိုင်နန်ပြည်နယ်နှင့် ကွမ်တုန်းပြည်နယ်များရှိ နေရာများစွာ၌ မိုးသက်မုန်တိုင်းများနှင့် မိုးသည်းထန်စွာရွာသွန်းမှုများ ဖြစ်ပွား နိုင်ကြောင်း သိရသည်။ ထို့ပြင် သဘာဝဘေးကြိုတင်ကာကွယ်ရေး၊ လျှော့ချရေးနှင့် ကယ်ဆယ်ရေးဆိုင်ရာ အမျိုးသားကော်မရှင်ရုံး၊ အရေးပေါ်စီမံခန့်ခွဲမှုဝန်ကြီးဌာန၊ အမျိုးသား စားသောက်ကုန်နှင့် မဟာဗျူဟာမြောက် အရန်ထားရှိရေး စီမံခန့်ခွဲမှု ဦးစီးဌာနအပါအဝင် ဗဟိုအာဏာပိုင်အဖွဲ့များက ကွမ်တုန်းနှင့် ဟိုင်နန် ပြည်နယ်များသို့ ကယ်ဆယ်ထောက်ပံ့ရေးပစ္စည်း တစ်သုတ်ပေးပို့ထားပြီး ဖြစ်ကြောင်း၊ ယင်းကယ်ဆယ်ရေးပစ္စည်းများတွင် ခေါက်ခုတင်များ၊အိမ်ရာခင်းများနှင့် မီးအိမ်များ စသည့် ပစ္စည်းအမျိုးအစား ၃၃,၀၀၀ စုစည်း ပါဝင်ကြောင်း သိရသည်။ တရုတ်နိုင်ငံ အရေးပေါ်တုံ့ပြန်ရေးစနစ် အဆင့်လေးဆင့်ရှိပြီး အဆင့်တစ်မှာ အပြင်းထန်ဆုံး တုံ့ပြန်မှုအဆင့်အဖြစ် သတ်မှတ်ထားခြင်းဖြစ်သည်။ ကိုးကား- XinhuaPhoto: China Daily
Tue, 22-Jul-2025
တိုင်ဖွန်းမုန်တိုင်း ဝီဖာကြောင့် ရေကြီးမှုများဖြစ်ပွားပြီးနောက် ဖိလစ်ပိုင် နိုင်ငံသား သောင်းချီကာ ရွှေ့ပြောင်းခဲ့ရ
တိုင်ဖွန်းမုန်တိုင်း ဝီဖာကြောင့် ရေကြီးမှုများဖြစ်ပွားပြီးနောက် ဖိလစ်ပိုင် နိုင်ငံသား သောင်းချီကာ ရွှေ့ပြောင်းခဲ့ရ
တိုင်ဖွန်း ဝီဖာကြောင့်ဖြစ်ပေါ်လာသည့် မိုးသည်းထန်စွာ ရွာသွန်းမှု များ ကြောင့် မြစ်ရေများ ကြီးမြင့်လာကာ ဖိလစ်ပိုင်နိုင်ငံ၏ ဒေသများစွာတွင် ပြင်းထန်သော ရေကြီးမှုများ ဖြစ်ပေါ်ခဲ့ပြီး လူပေါင်း သောင်းချီကာ ရွှေ့ပြောင်းခိုလှုံခဲ့ကြရသည်။ဇူလိုင်လ ၂၁ ရက် ညပိုင်းက ရွာသွန်းခဲ့သည့် မိုးသည်းထန်မှုကြောင့် ဖိလစ်ပိုင်၏မြို့တော် မနီလာရှိ Marikina မြစ်ရေများ မြင့်တက်လာခဲ့ ခြင်းကြောင့် မြစ်ကမ်းပါးတစ်လျှောက်နေထိုင်သူ ၂၃,၀၀၀ ကျော်ကိုရွှေ့ပြောင်းခိုင်းခဲ့ရပြီး မြို့နှင့် အနီးတစ်ဝိုက်ရှိ ပြည်နယ်များရှိ ကျောင်းများ နှင့် အစိုးရရုံးများကို ပိတ်ထားခဲ့ရသည်။Marikina ဘေးအန္တရာယ် ကယ်ဆယ်ရေးရုံး၏ အရာရှိ Wilmer Tan က Quezon City နှင့် Caloocan ရှိ အနိမ့်ပိုင်း ဒေသများတွင် နေထိုင်သူ ၂၅,၀၀၀ ကျော်ကိုလည်း မြစ်ရေများ ၁၈ မီတာအထိ မြင့်တက်လာသည့်အတွက် ရွှေ့ပြောင်းခိုင်းခဲ့ရကြောင်း ပြောကြားခဲ့သည်။ဇူလိုင် ၁၈ ရက်က ဖိလစ်ပိုင်နိုင်ငံအနီးဖြတ်ကျော်ခဲ့သည့် တိုင်ဖွန်း ဝီဖာကြောင့် အလယ်ပိုင်းနှင့် တောင်ပိုင်းဒေသများတွင် ရေကြီးမှုများ ဖြစ်ပွားခဲ့ရာ အနည်းဆုံး သုံးဦးသေဆုံးပြီး ခုနစ်ဦးပျောက်ဆုံးနေကြောင်း အမျိုးသားဘေးအန္တရာယ်လျှော့ချရေးနှင့်စီမံခန့်ခွဲမှုကောင်စီ (NDRRMC) က ထုတ်ပြန်ခဲ့သည်။ဖိလစ်ပိုင်နိုင်ငံသို့ နှစ်စဉ် ပျမ်းမျှ တိုင်ဖွန်း (သို့) စူပါတိုင်ဖွန်း ၂၀ ခန့် ဝင်ရောက်လေ့ရှိပြီး ဒေသများစွာကို ပျက်စီးစေကာ နိုင်ငံသားများ၏ နေထိုင်မှုဘဝများကို ထိခိုက်စေလေ့ရှိပါသည်။ကိုးကား- VN Expressဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Tue, 22-Jul-2025
earthquake
မြေငလျင်သတင်း
၂၀၂၅ ခုနှစ်၊  ‌ဇူလိုင်လ ၂၁ ရက်နေ့၊  မြန်မာစံတော်ချိန် (၁၂) နာရီ၊ (၄၄) မိနစ်၊ (၄၄) စက္ကန့် အချိန်တွင် ကျိုင်းတုံမြေငလျင်စခန်းမှ အနောက်မြောက်ဘက်  (၅၂) မိုင်ခန့်အကွာ၊ မြန်မာနိုင်ငံ ပြည်တွင်း (မိုင်းခတ်မြို့၏ အနောက်ဘက် (၃၄) မိုင်ခန့်အကွာ)၊ မြောက်လတ္တီတွဒ် (၂၁.၇၃) ဒီဂရီ၊ အရှေ့လောင်ဂျီတွဒ် (၉၈.၉၃) ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အား ရစ်(ခ်)တာ စကေး (၄.၃) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။ မိုး/ဇလ
Mon, 21-Jul-2025
တောင်ကိုရီးယား မိုးသည်းထန်မှု လူ ၁၈ ဦးသေဆုံး
တောင်ကိုရီးယား မိုးသည်းထန်မှု လူ ၁၈ ဦးသေဆုံး
တောင်ကိုးရီးယားနိုင်ငံတွင် မိုးသည်းထန်စွာရွာသွန်းမှုကြောင့် ရေကြီးမြေပြိုမှု များဖြစ်ပွားကာ အနည်းဆုံး လူ ၁၈ ဦး သေဆုံးပြီး ၉ ဦး ပျောက်ဆုံးနေသည်ဟု တောင်ကိုရီးယားအစိုးရက ဇူလိုင် ၂၁ ရက် (တနင်္လာနေ့) တွင် သတင်းထုတ်ပြန်ထားပါသည်။Sancheong ကောင်တီ၊ South Gyeongsang ပြည်နယ်၊ Gapyeong ကောင်တီနှင့် Gyeonggi ခရိုင်အပြင် Chungcheongnam-do ပြည်နယ်ရှိ Seosan မြို့တို့မှာ အဆိုးဝါးဆုံး ဒေသများထဲတွင် ပါဝင်နေပါသည်။အဆိုပါသဘာဝဘေးအန္တရာယ်ကြောင့် လူပေါင်း ၁၄၀၀၀ ကျော်ကို ဘေးလွတ်ရာသို့ ရွှေ့ပြောင်းထားရပါသည်။ အာမခံကုမ္ပဏီများသည် ပြင်းထန်သောရာသီဥတုကြောင့် ပျက်စီးဆုံးရှုံးမှုများအတွက် လျော်ကြေး တောင်းခံစာ ၄၂၀၀ ကျော် လက်ခံရရှိထားကြောင်း သိရပါသည်။ တနင်္လာနေ့ (ဇူလိုင် ၂၁) က တောင်ကိုရီးယားနိုင်ငံ အနှံ့အပြား မိုးသည်းထန်စွာ ရွာသွန်းလျက်ရှိရာ ယခုအခါ မိုးသည်းထန်မှု တဖြည်းဖြည်း လျော့နည်းလာပြီ ဖြစ်ပါသည်။ ကိုးကား- TASSPhoto: yuz.uzဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 21-Jul-2025
ဟောင်ကောင်တွင် ဝီဖာမုန်တိုင်း ဝင်ရောက်တိုက်ခတ်မှုကြောင့် လေကြောင်းခရီးစဉ် ရာပေါင်းများစွာနှင့် သယ်ယူပို့ဆောင်ရေး စနစ်များရပ်ဆိုင်းသွား
ဟောင်ကောင်တွင် ဝီဖာမုန်တိုင်း ဝင်ရောက်တိုက်ခတ်မှုကြောင့် လေကြောင်းခရီးစဉ် ရာပေါင်းများစွာနှင့် သယ်ယူပို့ဆောင်ရေး စနစ်များရပ်ဆိုင်းသွား
တရုတ်နိုင်ငံ ဟောင်ကောင် အထူးဒေသကြီးတွင် ဇူလိုင်လ ၂၀ ရက်တွင် အင်အားပြင်း ဝီဖာတိုင်ဖွန်းမုန်တိုင်း ဝင်ရောက်တိုက်ခတ်မှုကြောင့် လေကြောင်းခရီးစဉ် ရာပေါင်းများစွာနှင့် အများပြည်သူ သယ်ယူပို့ဆောင်ရေးစနစ်များ  ရပ်ဆိုင်းသွားခဲ့ရကြောင်း သိရသည်။အဆိုပါမုန်တိုင်းသည် ဒေသစံတော်ချိန် ညနေ ၄ နာရီခန့်က တစ်နာရီလျှင် ၁၆၇ ကီလိုမီတာနှုန်းဖြင့် တိုက်ခတ်ခဲ့ခြင်းဖြစ်ပြီး မုန်တိုင်းတိုက်ခတ်မှုအတွင်း ဆောက်လုပ်ရေး လုပ်ငန်းခွင်တစ်ခု ပျက်စီးခဲ့ရသည့်အပြင် လေကြောင်း ခရီးစဉ်  ၄၀၀ ခန့်ကို အာဏာပိုင်များက ရပ်ဆိုင်းခဲ့ရသည်။ မုန်တိုင်းကြောင့် သစ်ပင် ၄၀၀ ကျော်    လဲပြိုခဲ့ရကြောင်း အာဏာပိုင်အဖွဲ့က ထုတ်ပြန်ထားသည်။ထို့ပြင် မုန်တိုင်းတိုက်ခတ်မှုအတွင်း လူ ၂၆ ဦးဒဏ်ရာရရှိပြီး ဒေသခံပြည်သူ ၂၀၀ ကျော်ကို ယာယီခိုနားဆောင်များသို့ ပို့ဆောင်ပေးခဲ့ရသည်။  ဝီဖာမုန်တိုင်းသည် နောက်ပိုင်းတွင် တရုတ်ပြည်မကြီး ကွမ်းတုန်းပြည်နယ်ရှိ ကျူဟိုင် နှင့် ကျန်ကျန်းမြို့အတွင်းသို့    ဝင်ရောက် တိုက်ခတ်နိုင်ကြောင်း    နိုင်ငံပိုင် CCTV သတင်းဌာနက သတိ ပေးထားကြောင်း သိရသည်။MWD Web Portal 
Mon, 21-Jul-2025
© Copyright 2024 SAC All Rights Reserved.