ထရမ့်အစိုးရ၏ မွေးရာပါ နိုင်ငံသားအခွင့်အရေးဆိုင်ရာ မူဝါဒနှင့် ပတ်သက်၍ အမေရိကန်တရားလွှတ်တော်ချုပ် ကြားနာ

saceditor

News Image

  • ထရမ့်အစိုးရ၏ မွေးရာပါ နိုင်ငံသားအခွင့်အရေးဆိုင်ရာ မူဝါဒနှင့် ပတ်သက်၍ အမေရိကန်တရားလွှတ်တော်ချုပ် ကြားနာ

အမေရိကန်သမ္မတ ဒေါ်နယ်ထရမ့်အစိုးရ၏ ရှေ့နေများနှင့် မွေးရာပါ နိုင်ငံသားအခွင့်အရေး ဖျက်သိမ်းရေးကြိုးပမ်းမှုကို လုပ်ဆောင်နေသည့် ရှေ့နေများကို အမေရိကန်ပြည်ထောင်စု တရားလွှတ်တော်ချုပ်ရုံးမှ တရားသူကြီးများက မေးမြန်းစစ်ဆေးခဲ့ပါသည်။

ကြာသပတေးနေ့ (မေ ၁၅) က ကျင်းပခဲ့သည့် အထက်ပါကြားနာမှုသည် အမေရိကန်တွင် မွေးဖွားသည့် ကလေးငယ်အားလုံးနီးပါးကို ၎င်းတို့မိဘ များ၏ တရားဝင် အခြေအနေမရွေး နိုင်ငံသားအဖြစ် သတ်မှတ်ပေးသည့် ရာစုနှစ်ကျော်ရှိပြီဖြစ်သော မူဝါဒကို ဖျက်သိမ်းရန် ထရမ့်၏ ဇန်နဝါရီ ၂၀ ရက် အမိန့်နှင့်သက်ဆိုင်သည့် အမှုကို အမေရိကန်အမြင့်ဆုံးတရားရုံးက ပထမဆုံးအကြိမ် ကြားနာခြင်းခြင်းဖြစ်ပါသည်။

သို့ရာတွင် ပြည်ထောင်စုတရားလွှတ်တော်ချုပ်ရုံးက အဆိုပါအမှုကို မည်သည့်အချိန်တွင် ဆုံးဖြတ်ချက်ချမှတ်မည်ကို ချက်ချင်း မသိရသေး သော်လည်း ရလဒ်ထွက်ပေါ်ရန် ရက်သတ္တပတ်များစွာ ကြာမြင့်နိုင် ပါသည်။ ထို့အပြင် တရားသူကြီးများက ထရမ့်၏အမိန့်ကို   ဖွဲ့စည်းပုံ အခြေခံ ဥပဒေအညီ ကိုင်တွယ်မည်လား၊ သို့မဟုတ် ဖက်ဒရယ်တရားရုံး တရား သူကြီးများအနေဖြင့် သမ္မတအမိန့်တစ်ရပ်ကို တစ်နိုင်ငံလုံး အတိုင်းအတာ ဖြင့် အကောင်အထည်ဖော်ခြင်းကို တားဆီးပိတ်ပင်နိုင်မည်လား ဆိုသည် မှာ မရှင်းလင်းသေးပါ။

မြို့တော်ဝါရှင်တန်ရှိ တရားလွှတ်တော်ချုပ်အပြင်ဘက်တွင် စုဝေး ဆန္ဒပြ သူများနှင့် ဥပဒေပြုလွှတ်တော်အမတ်များက အမေရိကန်၏ မွေးရာပါ နိုင်ငံသားအခွင့်အရေးကို စိန်ခေါ်သည့် မည်သည့်ဆုံးဖြတ်ချက်မဆို အမေရိကန်၏ အမျိုးသားရေးဖွဲ့စည်းပုံကို ပျက်စီးယိုယွင်းစေမည်ဟု ပြောကြားထားကြပါသည်။

“အမေရိက၏ အခြေခံ ကတိကဝတ်တစ်ရပ် တိုက်ခိုက်ခံနေရ၍ ကျွန်မတို့ ဒီလို တိုင်းပြည်၏ အမြင့်ဆုံးတရားရုံးကို ရောက်နေတာပါ။ အမေရိကန်ပြည်ထောင်စုတွင် မွေးဖွားသူအားလုံးက အမေရိကန် နိုင်ငံသားများဖြစ်ပါသည်၊ ကျွန်မတို့၏ စောင့်ကြည့်ကာလအတွင်းမှာ ဒီလိုမျိုး မဖြစ်စေချင်သဖြင့် ဒီမှာရပ်တည်နေတာပါ ၊ အမေရိကန် ပြည်ထောင်စုတွင် မွေးဖွားသူအားလုံးသည် အမေရိကန်နိုင်ငံသားများဖြစ်သည်” ဟု CASA ၏ ဥပဒေဒါရိုက်တာ အမာဖရင်ပွန်က ဆန္ဒပြစုဝေးသူများအား ပြောကြားခဲ့ပါသည်။

ကိုးကား-  Aljazeera

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အရှေ့တောင်အာရှ နျူကလီးယားလက်နက်ကင်းမဲ့ဇုန် သဘောတူညီချက်၌ပါဝင်ရန် တရုတ်နိုင်ငံဆန္ဒရှိဟုဆို
အရှေ့တောင်အာရှ နျူကလီးယားလက်နက်ကင်းမဲ့ဇုန် သဘောတူညီချက်၌ပါဝင်ရန် တရုတ်နိုင်ငံဆန္ဒရှိဟုဆို
ပေကျင်း ဇူလိုင် ၃အရှေ့တောင်အာရှဒေသအား နျူကလီးယားလက်နက်ကင်းမဲ့ ဇုန်အဖြစ် တည်ဆောက်ရေးကို တရုတ်နိုင်ငံက အခိုင်အမာ ထောက်ခံပေးကြောင်း တရုတ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ယနေ့တွင် ပြောကြားခဲ့သည်။ထို့ပြင် အရှေ့တောင်အာရှ နျူကလီးယား လက်နက်ကင်းမဲ့ဇုန်စာချုပ် လက်မှတ်ထိုးရာတွင်လည်း တရုတ်နိုင်ငံအနေဖြင့် ပါဝင်ရန် ဆန္ဒရှိကြောင်း တရုတ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက အတည်ပြုထားသည်။အရှေ့တောင်အာရှ နျူကလီးယားလက်နက်ကင်းမဲ့ဇုန် သဘောတူညီချက်၌ ပါဝင်လက်မှတ်ထိုးရေးအတွက် အရှေ့တောင်အာရှနိုင်ငံများနှင့် ဆွေးနွေးရန် လည်း တရုတ်နိုင်ငံက အသင့်ရှိကြောင်း သိရသည်။အရှေ့တောင်အာရှ နျူကလီး ယား လက်နက်ကင်းမဲ့ဇုန်စာချုပ် တွင် ပါဝင်လက်မှတ်ရေးထိုးရန် တရုတ်နိုင်ငံနှင့် ရုရှားနိုင်ငံတို့က သဘောတူထားကြောင်း ယခုနှစ် အာဆီယံ အလှည့်ကျဥက္ကဌ မလေးရှားနိုင်ငံက ပြောကြားထားသည်။အလားတူ အမေရိကန်အစိုးရကလည်း ပါဝင်လက်မှတ်ရေးထိုးခြင်းမပြုမီ ယင်းသဘောတူညီချက်ကို လေ့လာသုံးသပ်နေကြောင်း မလေးရှားမီဒီယာများက သတင်း ထုတ်ပြန်ထားသည်။အရှေ့တောင်အာရှ နျူကလီးယားလက်နက်ကင်းမဲ့ဇုန်စာချုပ်ကို အာဆီယံနိုင်ငံများက ၁၉၉၅ ခုနှစ်တွင် လက်မှတ်ရေးထိုးခဲ့ပြီး ၁၉၉၇ ခုနှစ်တွင် စတင်အာဏာ သက်ဝင်ခဲ့ကြောင်း သိရသည်။Ref: XinhuaYDNB Newspaper
Fri, 4-Jul-2025
ထိုင်းအစိုးရအဖွဲ့က ဒုတိယဝန်ကြီးချုပ်နှင့် ပြည်ထဲရေးဝန်ကြီးကို ခေတ္တဝန်ကြီးချုပ်အဖြစ် ခန့်အပ်ရန်သဘောတူ
ထိုင်းအစိုးရအဖွဲ့က ဒုတိယဝန်ကြီးချုပ်နှင့် ပြည်ထဲရေးဝန်ကြီးကို ခေတ္တဝန်ကြီးချုပ်အဖြစ် ခန့်အပ်ရန်သဘောတူ
ထိုင်းအစိုးရအဖွဲ့က ဒုတိယဝန်ကြီးချုပ်နှင့် ပြည်ထဲရေးဝန်ကြီး ဖွန်ထမ်ဝေးချေယက်ချိုင်ကို ခေတ္တဝန်ကြီးချုပ်အဖြစ် ခန့်အပ်ရန် ဇူလိုင်လ ၃ ရက်တွင်သဘောတူ လိုက်ကြောင်းသိရသည်။ ထိုင်းနိုင်ငံဝန်ကြီးချုပ် ပေထုန်ထန်ရှင်နာဝပ်ကို ထိုင်းနိုင်ငံဖွဲ့စည်းပုံ အခြေခံဥပဒေဆိုင်ရာ ခုံရုံးက စုံစမ်းစစ်ဆေးမှုများ လုပ်ဆောင်မည် ဖြစ်သည့်အတွက် ရာထူးမှ ဆိုင်းငံ့ထားစဉ် အတွင်း ဖွန်ထမ်ဝေးချေယက်ချိုင်က ဝန်ကြီးချုပ် တာဝန်များကို ထမ်းဆောင်သွားမည်ဖြစ်သည်။ ထိုင်းအစိုးရအဖွဲ့အသစ်က ဇူလိုင်လ ၃ ရက်တွင် ထိုင်းဘုရင်ရှေ့မှောက်၌ ကျမ်းသစ္စာကျိန်ဆိုပြီးနောက် ဖွန်ထမ်ဝေးချေယက်ချိုင်ကို ခေတ္တဝန်ကြီးချုပ်အဖြစ် တာဝန်ပေးရန် သဘောတူခြင်း ဖြစ်သည်။ ပေထုန်ထန်ရှင်နာဝပ် သည် ကမ္ဘောဒီးယား ဝန်ကြီးချုပ်ဟောင်းနှင့် ပြောထားသည့် အသံဖိုင်ပေါက်ကြားပြီးနောက် ဝေဖန်မှုများ ခံနေရခြင်းဖြစ်သည်။MWD Web Portal
Fri, 4-Jul-2025
အမေရိကန်ပြည်ထောင်စုသည် မဟာမိတ်နိုင်ငံ မဟုတ်တော့ဟု ယူကရိန်း လွှတ်တော်အမတ်များပြော
အမေရိကန်ပြည်ထောင်စုသည် မဟာမိတ်နိုင်ငံ မဟုတ်တော့ဟု ယူကရိန်း လွှတ်တော်အမတ်များပြော
ယူကရိန်းနိုင်ငံသည် အမေရိကန်နိုင်ငံ၏ နိုင်ငံခြားရေးမူဝါဒတွင် ဦးစားပေးခြင်း မခံရတော့ကြောင်း၊ ထို့ကြောင့် အမေရိကန်ပြည်ထောင်စုသည် ယူကရိန်းနိုင်ငံ အတွက် မဟာမိတ်မဟုတ်တော့ကြောင်း  ယူကရိန်း လွှတ်တော်အမတ်များကပြောသည်။အမေရိကန်အစိုးရသည် အမေရိကန် နိုင်ငံဦးစားပေး မူဝါဒကို ပြောင်းလဲကျင့် သုံးပြီးနောက် ယူကရိန်းနိုင်ငံသို့ ပေးအပ်နေသော စစ်လက်နက်ပစ္စည်းထောက်ပံ့ မှုများကို ရပ်ဆိုင်းပြီးချိန်တွင် ယူကရိန်း လွှတ်တော် အမတ်များက   ယခုကဲ့သို့ ပြောလာခြင်းဖြစ်သည်။အမေရိကန်က ယူကရိန်းသို့ထောက်ပံ့မှု ရပ်ဆိုင်းလိုက်သော စစ်လက်နက်ပစ္စည်းများတွင် လေကြောင်းရန်ကာကွယ်ရေးဆိုင်ရာ ခဲယမ်းများနှင့် အမြောက်ဆန်များ ပါဝင်သည်။ ထိုသို့ထောက်ပံ့ပေးမှုများ ရပ်တန့်လိုက်ကြောင်းကိုလည်း  NATO တပ်ဖွဲ့ဆိုင်ရာ    အမေရိကန်သံတမန် မက်သရူးဝှစ်တေကာက ဇူလိုင်လ ၃ ရက်တွင် ပြောခြင်းဖြစ်သည်။ယူကရိန်းလွှတ်တော် အမတ်များက အမေရိကန်ကို ၎င်းတို့၏မဟာမိတ်နိုင်ငံ မဟုတ်တော့ကြောင်း ပြောနေသော်လည်း အမေရိကန်နိုင်ငံနှင့် ယူကရိန်းနိုင်ငံတို့ အနေဖြင့် မည်သည့်အခါကမျှ တရားဝင် မဟာမိတ်များအဖြစ်သို့ ရောက်ရှိခဲ့ခြင်း မရှိသည်ကို တွေ့ရသည်။အမေရိကန်၏ ယခုကဲ့သို့ စစ်လက်နက်များ ထောက်ပံ့မှုရပ်တန့်ခြင်းနှင့်ပတ်သက်၍ ယူကရိန်းသမ္မတက အမေရိကန်သမ္မတနှင့် ဇူလိုင်လ ၄ ရက်တွင် ဆွေးနွေးသွားမည် ဖြစ်ကြောင်း Financial Times သတင်းဌာနက ဇူလိုင်လ ၃ ရက်တွင် ဖော်ပြထားသည်။MWD Web Portal
Fri, 4-Jul-2025
တည်ထောင်ခွင့်ပြုထားပြုထားသည့် နိုင်ငံရေးပါတီများ မှတ်ပုံတင်ခွင့်ဆက်လက်လျှောက်ထား
တည်ထောင်ခွင့်ပြုထားပြုထားသည့် နိုင်ငံရေးပါတီများ မှတ်ပုံတင်ခွင့်ဆက်လက်လျှောက်ထား
ပြည်ထောင်စုရွေးကောက်ပွဲကော်မရှင်သို့ ဇူလိုင်(၃)ရက်နေ့အထိ ပါတီတည်ထောင်ခွင့် လျှောက်ထားလာသည့်အဖွဲ့ (၂၇) ဖွဲ့ ရှိပြီး ၄င်းထဲက နိုင်ငံရေးပါတီ ၁၉ ပါတီကို တည်ထောင်ခွင့်ပြုပြီးဖြစ်ကြောင်း သိရသည်။အဆိုပါ တည်ထောင်ခွင့်ပြုပြီး နိုင်ငံရေးပါတီ ၁၉ ပါတီအနက် ဦးထန်ရှင်းခိုင်ခေါင်းဆောင်သည့် ဇိုမီးအမျိုးသားပါတီ (Zomi National Party) က ပါတီတည်ထောင်ခွင့်ပြုသည့်နေ့ရက်မှစ၍ ရက်ပေါင်း ၃၀ အတွင်း နိုင်ငံရေးပါတီများမှတ်ပုံတင်ခြင်းနည်းဥပဒေ ၇ နှင့်အညီ ကော်မရှင်သို့ ယမန်နေ့က နိုင်ငံရေးပါတီအဖြစ် မှတ်ပုံတင်ပေးပါရန် လျှောက်ထားလာကြောင်း သိရသည်။လက်ရှိအချိန်မှာ မှတ်ပုံတင်ခွင့်ပြုရန် လျှောက်ထားသည့် နိုင်ငံရေးပါတီ ၁၈ ပါတီအနက် ပါတီ ၁၄ ပါတီကို မှတ်ပုံတင်ခွင့်ပြုခဲ့ပြီး ကျန်ပါတီများကို မှတ်ပုံတင်ခွင့်ပြုနိုင်ရေး ပြည်ထောင်စုရွေးကောက်ပွဲကော်မရှင်က ဆက်လက်စိစစ်ဆောင်ရွက်မှုများလုပ်ဆောင်နေကြောင်း သိရသည်။လာမည်ရွေးကောက်ပွဲကို ယခုနှစ် ဒီဇင်ဘာလနှင့် ၂၀၂၆ ဇန်နဝါရီလတွင် ကျင်းပမည်ဖြစ်ကြောင်းလည်း ပြည်ထောင်စုရွေးကောက်ပွဲကော်မရှင်က အသိပေးထားသည်။Popular Myanmar
Fri, 4-Jul-2025
ဘယ်လာရုစ်သမ္မတ လူကာရှန်ကို အကျဉ်းသား ၁၆ ဦးကို လွတ်ငြိမ်းချမ်းသာခွင့်ပေး
ဘယ်လာရုစ်သမ္မတ လူကာရှန်ကို အကျဉ်းသား ၁၆ ဦးကို လွတ်ငြိမ်းချမ်းသာခွင့်ပေး
မင့်စ် ဇူလိုင် ၂ဘယ်လာရုစ်သမ္မတ လူကာရှန်ကိုသည် အကြမ်းဖက်ဝါဒ ကျူးလွန်မှုအပါအဝင် ပြစ်မှု အမျိုးမျိုးဖြင့် ပြစ်ဒဏ်ချမှတ်ခံထားရသူ ၁၆ ဦးကို ပြစ်ဒဏ်မှ လွတ်ငြိမ်းချမ်းသာခွင့်ပေးခဲ့ကြောင်း ဘယ်လာရုစ်နိုင်ငံပိုင်မီဒီယာများက ယနေ့တွင် သတင်းထုတ်ပြန်ထားသည်။သမ္မတ လူကာရှန်ကိုသည် ဘယ်လာရုစ် လွတ်လပ်ရေးနေ့ မတိုင်မီ အဆိုပါအကျဉ်းသား ၁၆ဦး ကို ပြစ်ဒဏ်မှလွတ်ငြိမ်းချမ်းသာခွင့်ပေးခဲ့ခြင်းဖြစ်သည်။ဘယ်လာရုစ်သမ္မတ လူကာရှန်ကိုသည် အနောက်အုပ်စုနှင့် ဆက်ဆံရေးပြန်လည်ပြင်ဆင်ရန်ကြိုးပမ်းသည့်အနေဖြင့် ပြီးခဲ့သည့်နှစ်ကလည်း အကျဥ်းသား၃၀၀ကျော်ကို ပြစ်ဒဏ်မှလွတ်ငြိမ်းချမ်းသာခွင့်ပေးခဲ့သည်။အနောက်အုပ်စုနိုင်ငံများသည် ဘယ်လာရုစ်နိုင်ငံအပေါ် လူ့အခွင့်အရေးချိုးဖောက်မှုစွပ်စွဲချက်များဖြင့် အရေးယူပိတ်ဆို့မှုများပြဋ္ဌာန်းထားသည်။သမ္မတလူကာရှန်ကိုက ပြစ်ဒဏ်မှလွတ်ငြိမ်းချမ်းသာခွင့်ပေးခဲ့သည့် အကျဉ်းသားများတွင် အမျိုးသားရှစ်ဦးနှင့် အမျိုးသမီးရှစ်ဦးတို့ ပါဝင်ကြောင်း ဘယ်လာရုစ်အစိုးရ မီဒီယာများ၏အဆိုအရ သိရသည်။ဘယ်လာရုစ်နိုင်ငံကို နှစ်ပေါင်း ၃ဝ ကျော်ဦးဆောင်ခဲ့သည့် သမ္မတ လူကာရှန်ကိုသည် ရုရှားသမ္မတ ပူတင်၏အဓိကမဟာမိတ်တစ်ဦး ဖြစ်ကြောင်း သိရသည်။Ref: RTTrs: KKOYDNB Newspaper
Thu, 3-Jul-2025
အမေရိကန်က ကမ္ဘာ့စစ်တုရင်အဖွဲ့ချုပ် အကြီးအကဲဟောင်းအပေါ် ဒဏ်ခတ် အရေးယူမှုကို ရုပ်သိမ်း
အမေရိကန်က ကမ္ဘာ့စစ်တုရင်အဖွဲ့ချုပ် အကြီးအကဲဟောင်းအပေါ် ဒဏ်ခတ် အရေးယူမှုကို ရုပ်သိမ်း
အမေရိကန်သမ္မတ ဒေါ်နယ်ထရမ့်က တနင်္လာနေ့ (ဇွန် ၃၀) တွင် လက်မှတ်ရေးထိုးခဲ့သည့် အမိန့်အရ ကမ္ဘာ့စစ်တုရင်အဖွဲ့ချုပ် (FIDE) ၏ ယခင် ဥက္ကဋ္ဌ Kirsan Ilyumzhinov အား အမေရိကန်၏ ဒဏ်ခတ် ပိတ်ဆို့မှု စာရင်းမှ ပယ်ဖျက်လိုက်သည်။အဆိုပါ ဆုံးဖြတ်ချက်သည် ထရမ့်၏ ဆီးရီးယားအပေါ် အမေရိကန်၏ ပိတ်ဆို့အရေးယူမှုများကို ရပ်စဲရန် လုပ်ဆောင်ချက်၏ တစ်စိတ်တစ်ပိုင်း ဖြစ်သည်။ အဆိုပါလုပ်ဆောင်ချက်တွင် Ilyumzhinov အပါအဝင် ရုရှား ဘဏ်များနှင့် ပုဂ္ဂိုလ်များအပေါ် ကန့်သတ်ချက်များ ရုပ်သိမ်းခြင်းလည်း ပါဝင်သည်။ ရုရှား၏ Kalmykia သမ္မတဟောင်းလည်းဖြစ်သူ ထိုစီးပွားရေး လုပ်ငန်းရှင်အား ၂၀၁၅ ခုနှစ်မှစ၍ အမေရိကန်ဘဏ္ဍာရေးဌာန၏ ဒဏ်ခတ် ပိတ်ဆို့မှုစာရင်းတွင် ထည့်သွင်းထားခဲ့သည်။မူလပိတ်ဆို့အရေးယူမှုတွင် Ilyumzhinov အား ဆီးရီးယားအစိုးရနှင့် ငွေကြေးဆိုင်ရာ လုပ်ငန်းများတွင် ပါဝင်ပတ်သက်မှုရှိသည်ဟု စွပ်စွဲခဲ့ သော်လည်း ၎င်းကမူ ထိုအချက်ကို အမြဲငြင်းဆိုခဲ့သည်။ ဒဏ်ခတ် ပိတ်ဆို့ စာရင်းသွင်းခံရပြီးနောက် “၁၉၉၅ ခုနှစ် ကတည်းက စတင်ကာ ၎င်းဦးဆောင် တာဝန်ယူခဲ့သည့် FIDE ၏ တာဝန်များ” မှ နုတ်ထွက်ခဲ့သည်။Ilyumzhinov က ၎င်းအား ပိတ်ဆို့စာရင်းမှ ပယ်ဖျက်ခြင်းသည် ထရမ့်၏ "မှန်ကန်ပြီး သတ္တိရှိသော" လုပ်ဆောင်ချက်ဖြစ်ကြောင်း၊ ကမ္ဘာကြီးတွင် သံတမန်ရေးရာကိစ္စရပ်များကို ပြန်လည်သုံးသပ်ရန် ဆန္ဒရှိသည့် အမေရိကန်ခေါင်းဆောင်အား ကျေးဇူးတင်ကြောင်း ပြောကြားခဲ့သည်။Telegram ထုတ်ပြန်ချက်တစ်ခုတွင် Ilyumzhinov က အမေရိကန် သမ္မတထံ ကိုယ်တိုင်ကိုယ်ကျတွေ့ဆုံ၍ ကျေးဇူးတင်စကား ပြောကြား လိုကြောင်း ဖော်ပြခဲ့ပြီး နိုင်ငံတကာဖွံ့ဖြိုးတိုးတက်မှုနှင့်ပတ်သက်သည့် ၎င်း၏အမြင်များကို မျှဝေရန်နှင့် ထရမ့်နှင့် စစ်တုရင်ကစားရန် အပြု သဘောဆောင်သည့် တွေ့ဆုံမှုတစ်ခုကို အဆိုပြုခဲ့သည်။ ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Thu, 3-Jul-2025
© Copyright 2024 SAC All Rights Reserved.