ငပုတောမြို့နယ်မှ ရန်ကုန်ဈေးကွက်သို့ ဇွန်လအတွင်း ကျားဂဏန်း ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့

saceditor

News Image

  • ငပုတောမြို့နယ်မှ ရန်ကုန်ဈေးကွက်သို့ ဇွန်လအတွင်း ကျားဂဏန်း ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့

ငပုတော   ဇူလိုင် ၇

ဧရာဝတီတိုင်းဒေသကြီး ငပုတောမြို့နယ်မှ ရန်ကုန်ဈေးကွက်သို့ ဇွန်လအတွင်း ကျားဂဏန်း ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း ငပုတောမြို့နယ် ရေထွက်ကုန်ပစ္စည်းများရောင်းဝယ်ရေးပွဲရုံပိုင်ရှင် ဒေါ်ဌေးဝင်းက ပြောပြ၍ သိရသည်။

ငပုတောမြို့နယ်မှရန်ကုန်ဈေးကွက်သို့ မေလအတွင်း ကျားကဏန်း ပိဿာချိန် ၅၅၀၀၀ သာ တင်ပို့ရောင်းချနိုင်ခဲ့ပြီးဇွန်လအတွင်း ကျားဂဏန်း ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း၊အဆိုပါ ကျားဂဏန်းများကို ရန်ကုန်ဈေးကွက်ကအဝယ်လိုက်နေကြောင်း သိရသည်။

“ဒေသထွက် ရေထွက်ကုန်တွေ ဈေးကွက်ထဲကိုပုံမှန်တင်ပို့ရောင်းချနေပါတယ်။ ဇွန်လအတွင်း ကျားဂဏန်းပိဿာချိန် တော်တော်များများတင်ပို့ရောင်းချခဲ့ရပါတယ်။ တင်ပို့ရောင်းချခဲ့တဲ့ ကျားဂဏန်းတွေက လတ်ဆတ်မှုနဲ့ အရွယ်အစား၊ အလေးချိန်အပေါ်မူတည်ပြီး ဈေးနှုန်းအပြောင်းအလဲရှိပါတယ်။ လက်ရှိမှာ ကျားဂဏန်းတွေကို ရန်ကုန်ဈေးကွက်ကအဝယ်လိုက်နေပါတယ်။ ဒီဘက်ကနေ ကျားဂဏန်းတွေကို ဒေသဈေးကွက်အပြင်အခြားဒေသတွေကို တင်ပို့ရောင်းချနေပါတယ်” ဟု ငပုတောမြို့နယ်ရေထွက်ကုန်ပစ္စည်းများ ရောင်းဝယ်ရေးပွဲရုံပိုင်ရှင် ဒေါ်ဌေးဝင်း က ပြောပြသည်။

ငပုတောမြို့နယ်မှတင်ပို့ရောင်းချခဲ့သည့် ကျားဂဏန်းတစ်ပိဿလျှင် ငွေကျပ် ၁၅၅၀၀ မှ ၃၃၅၀၀ ထိ အရွယ်အစားပေါ်မူတည်၍ ဈေးနှုန်းအပြောင်းအလဲရှိကြောင်း၊ အဆိုပါ ကျားဂဏန်းများ တင်ပို့ရောင်းချနေရသည့်အတွက်ရေလုပ်သားများ၊ ပွဲရုံပိုင်ရှင်များ၊ ကုန်သည်များ၊ကုန်တင်ယာဉ်အငှားလိုက်သူများ အဆင်ပြေနေကြောင်း သိရသည်။

ကျော်ကျော်လင်း

ရတနာပုံသတင်းစာ

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ငပုတောမြို့နယ်မှ ရန်ကုန်ဈေးကွက်သို့ ဇွန်လအတွင်း ကျားဂဏန်း ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့
ငပုတောမြို့နယ်မှ ရန်ကုန်ဈေးကွက်သို့ ဇွန်လအတွင်း ကျားဂဏန်း ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့
ငပုတော   ဇူလိုင် ၇ဧရာဝတီတိုင်းဒေသကြီး ငပုတောမြို့နယ်မှ ရန်ကုန်ဈေးကွက်သို့ ဇွန်လအတွင်း ကျားဂဏန်း ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း ငပုတောမြို့နယ် ရေထွက်ကုန်ပစ္စည်းများရောင်းဝယ်ရေးပွဲရုံပိုင်ရှင် ဒေါ်ဌေးဝင်းက ပြောပြ၍ သိရသည်။ငပုတောမြို့နယ်မှရန်ကုန်ဈေးကွက်သို့ မေလအတွင်း ကျားကဏန်း ပိဿာချိန် ၅၅၀၀၀ သာ တင်ပို့ရောင်းချနိုင်ခဲ့ပြီးဇွန်လအတွင်း ကျားဂဏန်း ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း၊အဆိုပါ ကျားဂဏန်းများကို ရန်ကုန်ဈေးကွက်ကအဝယ်လိုက်နေကြောင်း သိရသည်။“ဒေသထွက် ရေထွက်ကုန်တွေ ဈေးကွက်ထဲကိုပုံမှန်တင်ပို့ရောင်းချနေပါတယ်။ ဇွန်လအတွင်း ကျားဂဏန်းပိဿာချိန် တော်တော်များများတင်ပို့ရောင်းချခဲ့ရပါတယ်။ တင်ပို့ရောင်းချခဲ့တဲ့ ကျားဂဏန်းတွေက လတ်ဆတ်မှုနဲ့ အရွယ်အစား၊ အလေးချိန်အပေါ်မူတည်ပြီး ဈေးနှုန်းအပြောင်းအလဲရှိပါတယ်။ လက်ရှိမှာ ကျားဂဏန်းတွေကို ရန်ကုန်ဈေးကွက်ကအဝယ်လိုက်နေပါတယ်။ ဒီဘက်ကနေ ကျားဂဏန်းတွေကို ဒေသဈေးကွက်အပြင်အခြားဒေသတွေကို တင်ပို့ရောင်းချနေပါတယ်” ဟု ငပုတောမြို့နယ်ရေထွက်ကုန်ပစ္စည်းများ ရောင်းဝယ်ရေးပွဲရုံပိုင်ရှင် ဒေါ်ဌေးဝင်း က ပြောပြသည်။ငပုတောမြို့နယ်မှတင်ပို့ရောင်းချခဲ့သည့် ကျားဂဏန်းတစ်ပိဿလျှင် ငွေကျပ် ၁၅၅၀၀ မှ ၃၃၅၀၀ ထိ အရွယ်အစားပေါ်မူတည်၍ ဈေးနှုန်းအပြောင်းအလဲရှိကြောင်း၊ အဆိုပါ ကျားဂဏန်းများ တင်ပို့ရောင်းချနေရသည့်အတွက်ရေလုပ်သားများ၊ ပွဲရုံပိုင်ရှင်များ၊ ကုန်သည်များ၊ကုန်တင်ယာဉ်အငှားလိုက်သူများ အဆင်ပြေနေကြောင်း သိရသည်။ကျော်ကျော်လင်းရတနာပုံသတင်းစာ
Tue, 8-Jul-2025
BRICS က အမေရိကန်နှင့် ထိပ်တိုက်တွေ့ဆုံမည့် နည်းလမ်းကို အကောင်အထည် ဖော်နေခြင်း မရှိဟု တရုတ်ပြော
BRICS က အမေရိကန်နှင့် ထိပ်တိုက်တွေ့ဆုံမည့် နည်းလမ်းကို အကောင်အထည် ဖော်နေခြင်း မရှိဟု တရုတ်ပြော
ဘရာဇီး၊ ရုရှား၊ အိန္ဒိယ၊ တရုတ်နှင့် တောင်အာဖရိကနိုင်ငံတို့ဖြင့် အဓိက ဖွဲ့စည်းထားသော BRICS အဖွဲ့သည် အမေရိကန်နိုင်ငံနှင့်  ထိပ်တိုက်တွေ့ဆုံမည့် နည်းလမ်းကို  အကောင်အထည်ဖော်နေခြင်း မရှိကြောင်း တရုတ်အစိုးရက ဇူလိုင်လ ၇ ရက်တွင် ပြောသည်။BRICS အဖွဲ့နှင့် စိတ်တူကိုယ်တူရှိသော နိုင်ငံများကို သွင်းကုန်အခွန် ၁၀ ရာခိုင်နှုန်း ထပ်တိုးကောက်ခံမည်ဟူသော အမေရိကန်သမ္မတ ဒေါ်နယ်ထရမ့်၏ ကတိပြုမှု ထွက်ပေါ်လာအပြီးတွင် တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ မော်နင်းက ယခုကဲ့သို့ ပြောခြင်းဖြစ်သည်။“သွင်းကုန်အခွန် တိုးမြှင့်ကောက်ခံခြင်းနဲ့ပတ်သက်ပြီး တရုတ်နိုင်ငံရဲ့ရပ်တည်မှု သဘောထားကို အကြိမ်ကြိမ်ဖော်ပြခဲ့ပြီး ဖြစ်ပါတယ်။ ကုန်သွယ်ရေးနဲ့ သွင်းကုန် အခွန်စစ်ပွဲတွေမှာ အနိုင်ရသူဆိုတာမရှိပါဘူး။ ကိုယ်ကျိုးစီးပွား ကာကွယ်ရေးဝါဒ ဆိုတာကလည်း ရှေ့ဆက်လျှောက်ဖို့လမ်း ကိုပိတ်ပင်တားဆီး ထားစေပါတယ်” ဟု မော်နင်းက ပြောသည်။BRICS အဖွဲ့ဝင်နိုင်ငံများမှ ထိပ်သီး ခေါင်းဆောင်များက ဇူလိုင်လ ၆ ရက်တွင် ဘရာဇီးနိုင်ငံ ရီယိုဒီဂျနေးရိုးမြို့၌တွေ့ဆုံ ဆွေးနွေးစဉ် ထရမ့်၏ လက်ရှိကျင့်သုံးနေသော သွင်းကုန်အခွန် တိုးမြှင့်ချမှတ်ခြင်း အပေါ် ဝေဖန်ထားသည်။ထို့နောက် BRICS အဖွဲ့နှင့် တစ်စိတ်တစ်ဝမ်းတည်း ရှိသူများသည် အမေရိကန်ကို ဆန့်ကျင်ရေးဝါဒီများ ဖြစ်သည်ဟု မှတ်ယူမည်ဖြစ်ကြောင်း ထရမ့်က ပြောထားခြင်းဖြစ်သည်။MWD Web Portal
Tue, 8-Jul-2025
ပြည်ပဝယ်လက် မရှိ၍ ကြက်သွန်နီဈေးကွက်အေးနေ
ပြည်ပဝယ်လက် မရှိ၍ ကြက်သွန်နီဈေးကွက်အေးနေ
ပြည်တွင်း၌ စိုက်ပျိုးထွက်ရှိသည့် ကြက်သွန်နီများကို ယခုနှစ်တွင် ပြည်ပအဝယ်မရှိသဖြင့် ဈေးကွက်အေးနေကြောင်း ကြက်သွန်ပွဲရုံများမှ စုံစမ်းသိရှိရသည်။နယ်ဘက်ရှိ ကြက်သွန်နီဈေးကွက်မှာ အရောင်းအဝယ်အေးနေသော်လည်း ရန်ကုန်ရှိကြက်သွန်နီဈေးကွက်သည် သယ်ယူပို့ဆောင်ရေးစရိတ်များကြောင့် ဈေးအနည်းငယ်မြင့်တက်နေကြောင်း သိရသည်။” ပုံမှန်ဆိုရင် ပြည်ပက တိုက်ရိုက်လာဆင်းဝယ်ကြတယ်။ အခုကျတော့ နယ်မြေအခြေအနေရရော ရေကြီးနေတာရော မလာကြဘူး။ ဒီဘက် နယ်ဈေးကွက်မှာ အရောင်းအဝယ်အေးတယ်။ ရန်ကုန်ကျတော့ သယ်ယူပို့ဆောင်ရေးစရိတ်တွေကြောင့် ဈေးတတ်တာ” ဟု မုံရွာမြို့ရှိ အောင်ပြည့်စုံကြက်သွန်ပွဲရုံမှ ပွဲရုံပိုင်ရှင်က ပေါ်ပြူလာနယူးစ်သို့ ပြောသည်။လက်ရှိတွင် မုံရွာ မှ ရန်ကုန်သို့ ကြက်သွန်နီ တစ်ပိဿာ တန်ဆာခ ကျပ် (၂၈၀) မှ (၃၀၀) ထိ ပေးရပြီး တန်ဆာခဈေးအနည်းငယ်မြင့်တက်သလို၊ လမ်းပန်းဆက်သွယ်ရေး အခက်အခဲကြောင့် ကားခေါ်ရခက်ခဲကြောင်း သိရသည်။ကြက်သွန်နီ အဓိက တင်ပို့နေသည့် တရုတ်နိုင်ငံသည်လည်း လတ်တလောတွင် ရေကြီးမှုဖြစ်ပေါ်နေသလို တင်ပို့ရန်လမ်းစရိတ်မကိုက်သည့် အခြေအနေများဖြစ်ပေါ်နေကြောင်း သိရသည်။ပြည်တွင်း၌ ကြက်သွန်ကို မိုးရာသီနှင့် ဆောင်းရာသီတွင် စိုက်ပျိုးကြပြီး ဆောင်းသီးနှံကို ပြည်ပဈေးကွက်ရောင်းတန်းဝင်အဆင့်အတွက် အဓိက စိုက်ပျိုးထုတ်လုပ်ကြခြင်းဖြစ်ကြောင်း သိရသည်။Popular Myanmar
Tue, 8-Jul-2025
ယခုနှစ် ဒူးရင်းသီးများအသီးလှိုင်ပြီး အရောင်းအဝယ်ကောင်းမွန်နေ
ယခုနှစ် ဒူးရင်းသီးများအသီးလှိုင်ပြီး အရောင်းအဝယ်ကောင်းမွန်နေ
ယခုနှစ်တွင် ဈေးကွက်အတွင်း၌ ယမန်နှစ်ထက် ဒူးရင်းသီးများ အရောင်းအဝယ်ကောင်းမွန်နေကြောင်း ဒူး‌ရင်းသီးရောင်းဝယ်သူများ၏ ပြောပြချက်အရ သိရသည်။ယခုနှစ်တွင် အသီးများလှိုင်လှိုင်ပေါ်ထွက်ပြီး ဈေးကောင်းရရှိသော်လည်း သယ်ယူပို့ဆောင်ရေးစရိတ်သည် အကုန်အကျပိုများကြောင်း သိရသည်။” ဒီနှစ်ကတော့ အရင်နှစ်ကထက် အရောင်းအဝယ်ပိုကောင်းတယ်။ အသီးတွေလည်းကောင်းတယ်။ ဒီနှစ်ကပေါပေါစားရတာပေါ့။ သယ်ယူပို့ဆောင်ရေးစရိတ်ကြီးတာတစ်ခုပဲ” ဟု ကိုသန့်ဇင်နှင့်ညီကိုများဒူးရင်း‌သီးရောင်းဝယ်ရေးမှ ပေါ်ပြူလာနယူးစ်သို့ ပြောသည်။ဒူးရင်းသီးဈေးနှုန်းမှာ အနိမ့်ဆုံး ၃,၀၀၀ ကျပ်မှ ၂၀,၀၀၀ ကျပ်အထိရှိပြီး ငွေကျပ် ၅၀,၀၀၀ ဖြင့် ဒူးရင်းသီးဘူဖေးစားသုံးနိုင်ကြောင်းလည်း သိရသည်။” ဒူးရင်းသီးဘူဖေးကတော့ အသီးကားဝင်တဲ့နေ့ဆိုရင် ရတယ်။ ၅၀,၀၀၀ နဲ့အဝစား။ တနေ့ကို တစ်စီးတော့ ဝင်တယ်” ဟု အဆိုပါပွဲရုံမှ ဆက်လက်ပြောကြားသည်။မြန်မာနိုင်ငံတွင် ဒူးရင်းသီးကို မွန်ပြည်နယ်၊ တနင်္သာရီ၊ ကရင်ပြည်နယ်တွင် အများဆုံးစိုက်ပျိုးသည့်အပြင် ကောင်းစွာဖြစ်ထွန်းကြောင်း၊ ထို့ပြင်ရန်ကုန်တိုင်း၊ ပဲခူးအရှေ့ခြမ်း၊ ဧရာဝတီတိုင်းတို့တွင်လည်း စီးပွားဖြစ်စိုက်ပျိုးကြောင်း သိရသည်။Popular Myanmar
Tue, 8-Jul-2025
BRICS အဖွဲ့ဝင်နိုင်ငံများအကြား ကုန်သွယ်မှုတိုးမြှင့်ရန် မလေးရှား ဝန်ကြီးချုပ် တိုက်တွန်း
BRICS အဖွဲ့ဝင်နိုင်ငံများအကြား ကုန်သွယ်မှုတိုးမြှင့်ရန် မလေးရှား ဝန်ကြီးချုပ် တိုက်တွန်း
ဘရာဇီးနိုင်ငံ၊ ရီယိုဒီဂျနေးရိုးမြို့တွင် ကျင်းပသည့် ၁၇ ကြိမ်မြောက် BRICS ထိပ်သီးအစည်းအဝေးတွင် မလေးရှားဝန်ကြီးချုပ် Anwar Ibrahim က BRICS အဖွဲ့ဝင်နိုင်ငံများအကြား ကုန်သွယ်မှု တိုးမြှင့်ရန် တိုက်တွန်း ခဲ့ပြီး တစ်ဖက်သတ်အကောက်ခွန်ဆိုင်ရာအစီအမံများနှင့် တစ်ဖက်သတ် အကာအကွယ်ပေးရေးမူဝါဒများအကြား အားကောင်းပြီး အခြေခံမူများ ရှိသောအဖွဲ့အဖြစ် ရပ်တည်ရန် လိုအပ်ကြောင်း ပြောကြားခဲ့သည်။ ထို့ပြင် ဘရာဇီး၊ ရုရှား၊ အိန္ဒိယ၊ တရုတ်၊ တောင်အာဖရိကနိုင်ငံတို့ဖြင့် ဖွဲ့စည်းထားသော BRICS အုပ်စုသည် လက်ရှိကမ္ဘာ့စီးပွားရေး၏ ၄၀% ခန့်ကို ကိုယ်စားပြုပြီး BRICS အဖွဲ့ဝင်နိုင်ငံ အချင်းချင်းအကြား ကုန်သွယ်မှု တိုးမြှင့်ရန် အလားအလာများရှိသည်ကို ယုံကြည်ကြောင်း Anwar က ပြောကြားခဲ့ပြီး မလေးရှားကုမ္ပဏီများအနေဖြင့်လည်း နိုင်ငံတကာ ဈေးကွက် သစ်များနှင့် ကုန်သွယ်မှုအခွင့်အလမ်းများကို ရှာဖွေလိုကြောင်း Anwar က ပြောကြားခဲ့သည်။ မလေးရှားဝန်ကြီးချုပ်နှင့် ဘဏ္ဍာရေးဝန်ကြီးလည်းဖြစ်သူ Anwar က BRICS နှင့် အာဆီယံအဖွဲ့ဝင်နိုင်ငံများသည် ဖွံ့ဖြိုးဆဲနိုင်ငံများ၏ အကျိုး စီးပွား အပြန်အလှန် ဖြစ်ထွန်းစေရန်အတွက် နိုင်ငံဖြတ်ကျော် ကုန်သွယ်ရေး နှင့် ရင်းနှီးမြှုပ်နှံမှု မြှင့်တင်ခြင်းအပါအဝင် မဟာဗျူဟာမြောက် ပူးပေါင်း ဆောင်ရွက်မှု ခိုင်မာအားကောင်းစေရန် ဆက်လက် လုပ်ဆောင်ရမည် ဖြစ်ကြောင်း အလေးထားပြောကြားခဲ့သည်။ မလေးရှားနိုင်ငံသည် ၂၀၂၄ ခုနှစ် ဇန်နဝါရီလ ၁ ရက်တွင် BRICS အဖွဲ့၏ တရားဝင်မိတ်ဖက်နိုင်ငံ ဖြစ်လာခဲ့ပြီး ဇူလိုင် ၆ ရက်နေ့တွင် ကျင်းပ ပြုလုပ် သည့် BRICS ထိပ်သီးအစည်းအဝေး တွင် မိတ်ဖက်နိုင်ငံအဖြစ် လည်းကောင်း၊ ၂၀၂၅ ခုနှစ်အတွက် အာဆီယံဥက္ကဋ္ဌအဖြစ် လည်းကောင်း ပါဝင် တက်ရောက် ခဲ့သည်။ ဘရာဇီးနိုင်ငံသည် လက်တင်အမေရိကတွင် မလေးရှား၏ အဓိက ကုန် သွယ်ဖက်နိုင်ငံတစ်ခုဖြစ်ပြီး မလေးရှားနှင့် ဘရာဇီးနိုင်ငံတို့၏ နှစ်နိုင်ငံ ကုန်သွယ်ရေးသည် ၂၀၂၃ ခုနှစ်တွင် မလေးရှားရင်းဂစ် RM ၁၇.၄၃ ဘီလီယံမှ ၂၀၂၄ ခုနှစ်တွင် ၁၄.၆% အထိတိုးတက်ကာ မလေးရှားရင်းဂစ် RM ၂၀.၃၅ ဘီလီယံ၊ အမေရိကန်ဒေါ်လာ ၄.၃၈ ဘီလီယံအထိ ရရှိ ခဲ့သည်။  ကိုးကား -CNAPhoto: Malay Mailဘာသာပြန်ဆိုသူ- ဒေါ်မေသူခိုင်၊ လက်ထောက်ညွှန်ကြားရေးမှူး၊နစက-၃
Mon, 7-Jul-2025
အီလွန်မက်၏ နိုင်ငံရေးပါတီအသစ်ဖွဲ့စည်းမည့်သတင်းကြောင့် တက်စလာ၏ စတော့ရှယ်ယာတန်ဖိုးများ ကျဆင်း
အီလွန်မက်၏ နိုင်ငံရေးပါတီအသစ်ဖွဲ့စည်းမည့်သတင်းကြောင့် တက်စလာ၏ စတော့ရှယ်ယာတန်ဖိုးများ ကျဆင်း
အီလွန်မက်သည် တက်စလာအား လစ်လျူရှုထားသည်ဟု ရင်းနှီးမြှုပ်နှံသူများ စိုးရိမ်ကြပြီး ဂျာမနီရှိ Frankfurt စတော့အိတ်ချိန်း ဈေးကွက် စတင် ဖွင့်လှစ်ချိန် တွင် ကုမ္ပဏီ၏ စတော့ရှယ်ယာတန်ဖိုးများ ကျဆင်းသွားခဲ့သည်။ဇူလိုင်လ ၇ ရက်နေ့တွင် Frankfurt စတော့အိတ်ချိန်း စတင်ဖွင့်လှစ်ချိန်၌ တက်စလာ၏ စတော့ရှယ်ယာတန်ဖိုးများ ၄% ကျဆင်းကာ နယူးယောက်စတော့အိတ်ချိန်းတွင် ဆက်လက်ကျဆင်းနိုင်ကြောင်း ညွှန်းဆိုနေသည်။ အမေရိကန်၏ လွတ်လပ်ရေးနေ့ အားလပ်ရက်အပြီး Wall Street ပြန်လည် ဖွင့်လှစ်မည့်ညနေပိုင်းတွင် စတော့ရှယ်ယာတန်ဖိုးများ ပိုမိုကျဆင်းလာနိုင်သည်။တက်စလာ၏ CEO အီလွန်မက်သည် ဒီမိုကရက်နှင့် ရီပတ်ပလီကန် ပါတီ များနှင့် ယှဉ်ပြိုင်ရန် “ယူနိုက်တက်စတိတ်ပါတီ” (United States Party) ဖွဲ့စည်းမည်ဟု ကြေညာပြီးနောက် ၎င်း၏အာရုံစိုက်မှုသည် တက်စလာမှ လွဲချော် နေသည်ဟု ရင်းနှီးမြှုပ်နှံသူများ စိုးရိမ်ကြသဖြင့် တက်စလာ၏ စတော့ရှယ်ယာ တန်ဖိုးများ ကျဆင်းလာခြင်းဖြစ်သည်။ Wedbush မှ နည်းပညာဆိုင်ရာ လေ့လာသူဟောင်း ဒန်အိုက်ဗ်စ်က “မက် သည် တက်စလာ၏ အကြီးမား ဆုံးသော အရင်းအမြစ်ဖြစ်သည်” ဟု ပြောကြားခဲ့ပြီး ၎င်း၏ နိုင်ငံရေးလှုပ်ရှားမှုများသည် လျှပ်စစ်ကားထုတ်လုပ်ရေးကုမ္ပဏီ၏ စတော့ရှယ်ယာအား ဖိအားပေးလာ နိုင်ကြောင်း သတိပေးခဲ့သည်။“တက်စလာက အီလွန်မက်ကို CEO အဖြစ်လိုအပ်ပါသည်၊ သမ္မတထရမ့်ကို ဆန့်ကျင်ပြီး နိုင်ငံရေးလုပ်ရန်မဟုတ်” ဟု ဒန်အိုက်ဗ်စ် က ဇူလိုင် ၆ ရက်တွင် ထုတ်ဖော်ပြောဆိုခဲ့သည်။ ၎င်းက “မက်၏ နိုင်ငံရေးလုပ်ငန်းစဉ်များအပေါ် လိုက်စားမှုအပေါ် မူတည်၍ တက်စလာ ဒါရိုက်တာဘုတ်အဖွဲ့က ဝင်ရောက် စွက်ဖက်လာပါက အံ့သြစရာမရှိ” ဟုလည်း အတည်ပြုခဲ့သည်။ဇူလိုင် ၅ ရက်တွင် Azoria Partners ရင်းနှီးမြုပ်နှံမှုကုမ္ပဏီက ၎င်း၏ Azoria Tesla Convexity ETF စတော့ရှယ်ယာရန်ပုံငွေ စာရင်းသွင်းရန် အစီအစဉ်ကို ရွှေ့ဆိုင်းမည်ဟု ကြေညာခဲ့သည်။ Reuters သတင်းဌာနက ၎င်းကို မက် ၏ နိုင်ငံရေးလှုပ်ရှားမှုများအပေါ် ရင်းနှီးမြှုပ်နှံသူများ မကျေနပ်ကြောင်း စတင် ပြသသည့် ပထမဆုံးလက္ခဏာ အဖြစ် ဖော်ပြခဲ့သည်။ ယခင်က Azoria သည် တက်စလာ၏ စတော့နှင့် စီမံကိန်းများတွင် ရင်းနှီးမြှုပ်နှံမည့် ETF ကို လာမည့် သီတင်းပတ်တွင် စတင်ရန် စီစဉ်ထားခဲ့သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 7-Jul-2025
© Copyright 2024 SAC All Rights Reserved.