ကော့သောင်းမြို့တွင် တစ်နေ့တည်း သစ်ပင်လဲကျမှု (၃) ကြိမ် ဖြစ်ပွား

saceditor

News Image

  • ကော့သောင်းမြို့တွင် တစ်နေ့တည်း သစ်ပင်လဲကျမှု(၃)ကြိမ်ဖြစ်ပွား

တနင်္သာရီတိုင်း၊ ကော့သောင်းမြို့တွင် ဇူလိုင် ၂၀ ရက်(တစ်နေ့တည်း)၌ပင် သစ်ပင်လဲကျမှု(၃) ကြိမ်ဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။

နံနက် ၁၁ ခွဲခန့်က ကော့သောင်းမြို့၊ အေးရိပ်ငြိမ်ရပ်ကွက်၊ ရှင်စောပုလမ်းတွင်သစ်ပင်လဲကျပြီး လမ်းပိတ်ဆို့နေသဖြင့် ကော့သောင်းခရိုင်/မြို့နယ်မီးသတ်စခန်းမှတပ်ဖွဲ့ဝင်များဖြင့် ဖယ်ရှားရှင်းလင်းပေးခဲ့ကြကြောင်း သိရသည်။

ထို့ပြင် နံနက် ၁၁ နာရီ ၂၀ မိနစ်ခန့်ကလည်း ကော့သောင်းမြို့၊ ၄ မိုင်၊ ဗိုလ်ချုပ်လမ်းတွင် သစ်ပင်လဲ ကျနေသဖြင့် ကော့သောင်းခရိုင်မီးသတ်စခန်းမှတပ်ဖွဲ့ဝင်များဖြင့် ဖယ်ရှားရှင်းလင်းပေးခဲ့ကြကြောင်း သိရသည်။

ထို့အတူ ကော့သောင်းမြို့၊ ရွှေဇင်ယော်ရပ်ကွက်၊ ပြည်တော်စံဘုန်းတော်ကြီးကျောင်းဝန်းအတွင်းရှိ ဓမ္မာရုံပေါ်သို့ နံနက် ၈ နာရီ ၅၀ မိနစ်ခန့်ကသစ်ပင်လဲကျ၍ ကော့သောင်းခရိုင်/မြို့နယ်မီးသတ်စခန်းမှတပ်ဖွဲ့ဝင်များက ဖယ်ရှားရှင်းလင်းပေးခဲ့ကြကြောင်း သိရသည်။

Popular Myanmar

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

ဟောင်ကောင်တွင် ဝီဖာမုန်တိုင်း ဝင်ရောက်တိုက်ခတ်မှုကြောင့် လေကြောင်းခရီးစဉ် ရာပေါင်းများစွာနှင့် သယ်ယူပို့ဆောင်ရေး စနစ်များရပ်ဆိုင်းသွား
ဟောင်ကောင်တွင် ဝီဖာမုန်တိုင်း ဝင်ရောက်တိုက်ခတ်မှုကြောင့် လေကြောင်းခရီးစဉ် ရာပေါင်းများစွာနှင့် သယ်ယူပို့ဆောင်ရေး စနစ်များရပ်ဆိုင်းသွား
တရုတ်နိုင်ငံ ဟောင်ကောင် အထူးဒေသကြီးတွင် ဇူလိုင်လ ၂၀ ရက်တွင် အင်အားပြင်း ဝီဖာတိုင်ဖွန်းမုန်တိုင်း ဝင်ရောက်တိုက်ခတ်မှုကြောင့် လေကြောင်းခရီးစဉ် ရာပေါင်းများစွာနှင့် အများပြည်သူ သယ်ယူပို့ဆောင်ရေးစနစ်များ  ရပ်ဆိုင်းသွားခဲ့ရကြောင်း သိရသည်။အဆိုပါမုန်တိုင်းသည် ဒေသစံတော်ချိန် ညနေ ၄ နာရီခန့်က တစ်နာရီလျှင် ၁၆၇ ကီလိုမီတာနှုန်းဖြင့် တိုက်ခတ်ခဲ့ခြင်းဖြစ်ပြီး မုန်တိုင်းတိုက်ခတ်မှုအတွင်း ဆောက်လုပ်ရေး လုပ်ငန်းခွင်တစ်ခု ပျက်စီးခဲ့ရသည့်အပြင် လေကြောင်း ခရီးစဉ်  ၄၀၀ ခန့်ကို အာဏာပိုင်များက ရပ်ဆိုင်းခဲ့ရသည်။ မုန်တိုင်းကြောင့် သစ်ပင် ၄၀၀ ကျော်    လဲပြိုခဲ့ရကြောင်း အာဏာပိုင်အဖွဲ့က ထုတ်ပြန်ထားသည်။ထို့ပြင် မုန်တိုင်းတိုက်ခတ်မှုအတွင်း လူ ၂၆ ဦးဒဏ်ရာရရှိပြီး ဒေသခံပြည်သူ ၂၀၀ ကျော်ကို ယာယီခိုနားဆောင်များသို့ ပို့ဆောင်ပေးခဲ့ရသည်။  ဝီဖာမုန်တိုင်းသည် နောက်ပိုင်းတွင် တရုတ်ပြည်မကြီး ကွမ်းတုန်းပြည်နယ်ရှိ ကျူဟိုင် နှင့် ကျန်ကျန်းမြို့အတွင်းသို့    ဝင်ရောက် တိုက်ခတ်နိုင်ကြောင်း    နိုင်ငံပိုင် CCTV သတင်းဌာနက သတိ ပေးထားကြောင်း သိရသည်။MWD Web Portal 
Mon, 21-Jul-2025
ထိုင်းနိုင်ငံသည် ဝီဖာမုန်တိုင်းအတွက် တုံ့ပြန်နိုင်ရန် အရေးပေါ် စောင့်ကြည့်ရေးစင်တာ ဖွင့်လှစ်ထားပြီး အဆင်သင့်ဖြစ်နေ
ထိုင်းနိုင်ငံသည် ဝီဖာမုန်တိုင်းအတွက် တုံ့ပြန်နိုင်ရန် အရေးပေါ် စောင့်ကြည့်ရေးစင်တာ ဖွင့်လှစ်ထားပြီး အဆင်သင့်ဖြစ်နေ
ထိုင်းနိုင်ငံသည် ဝီဖာမုန်တိုင်း၏ အခြေအနေကို စောင့်ကြည့်ရန်နှင့် တုံ့ပြန်ဆောင်ရွက်မှုများကို အချိန်နှင့်တစ်ပြေးညီ ညှိနှိုင်းဆောင်ရွက်နိုင်ရန်အတွက် ၂၄ နာရီ အသင့် အရေးပေါ်စောင့်ကြည့်ရေးစင်တာ ဖွင့်လှစ် ထားသည်။ဇူလိုင် ၂၀ ရက်တွင် အမျိုးသားဘေးအန္တရာယ်ကာကွယ်တားဆီးရေးနှင့် လျှော့ချရေးဌာန၏ တာဝန်ခံ ထိုင်းပြည်ထဲရေးဝန်ကြီး ဖမ်ထမ် ဝေချာချိုင် က ဝီဖာမုန်တိုင်းသည် ဇူလိုင် ၂၂-၂၃ ရက်တွင် ထိုင်းနိုင်ငံ မြောက်ပိုင်းနှင့် အရှေ့မြောက်ပိုင်းတွင် မိုးကြီးစေနိုင်ပြီး မဲခေါင်မြစ်ရေမြင့်တက်လာ နိုင်ကြောင်း သတိပေးခဲ့သည်။ဘေးအန္တရာယ်ကာကွယ်တားဆီးရေးနှင့် လျှော့ချရေးဌာန၏ ညွှန်ကြားရေးမှူးချုပ် ပတ်စကွန်း ဘွန်းယာလက် က ဝီဖာမုန်တိုင်း၏ သက်ရောက်မှုများကို အကဲဖြတ်ရန်နှင့် တုံ့ပြန်ရန်အတွက် မိုးလေဝသ ဌာန (TMD)၊ ရေအရင်းအမြစ်ဌာနနှင့် အာကာသအေဂျင်စီ Gistda အပါ အဝင် အေဂျင်စီများစွာပါဝင်သည့် အမျိုးသားအဆင့် လုပ်ငန်းကော်မတီ တစ်ခုကို ဖွင့်လှစ်ထားကြောင်း ပြောကြားခဲ့သည်။မိုးလေဝသဌာန (TMD) က ချန်တဘူရီ၊ ထရတ်၊ ရန်နောင်နှင့် ဖန်ငါ စသည့် ပြည်နယ်များအပြင် ထိုင်းနိုင်ငံ၏ အလယ်ပိုင်းနှင့် အရှေ့မြောက်ပိုင်း ဒေသများတွင် မိုးသည်းထန်စွာ ရွာသွန်းမည် ဟု ခန့်မှန်းထားသည်။ပြည်ထဲရေးဝန်ကြီး ဖမ်ထမ် ဝေချာချိုင်က ပြည်နယ်အုပ်ချုပ်ရေးမှူးများအား ရေကာတာများ စစ်ဆေးပြင်ဆင်ခြင်း၊ ရေစီးကြောင်း ရှင်းလင်းခြင်း နှင့် ရေလှောင်တမံများ၏ ရေအဆင့်ကို ချိန်ညှိခြင်း တို့ကို အထူးသဖြင့် မိုးရေချိန် ၉၀ မီလီမီတာအထက် ရှိခဲ့သော ဒေသများနှင့် ရေစီးဆင်းမှု စနစ်အားနည်းပြီး ရေကြီးနိုင်ခြေရှိသည့် နေရာများတွင် ဆောင်ရွက်ရန် ညွှန်ကြားခဲ့သည်။တောင်စောင်း၊ မြစ်ကမ်းအနီးအနားနှင့် ချိုင့်ဝှမ်းကျသောဒေသများ အနီးတွင် နေထိုင်သူများအား ရုတ်တရက် ရေကြီးခြင်းအတွက် အထူး သတိထားရန် အကြံပြုထားသည်။ အာဏာပိုင်များက အရေးပေါ်တုံ့ ပြန်ရေးအတွက် လူအင်အား၊ စက်ယန္တရားများနှင့် ဆက်သွယ်ရေးစနစ် များကို အဆင်သင့်ပြင်ဆင်ထားပြီး လိုအပ်ပါက လူများအားပြောင်းရွှေ့ ရန် အချိန်မီသတိပေးမည်ဖြစ်သည်။ဇူလိုင် ၂၀ ရက် ညနေပိုင်းတွင် ဝီဖာဆိုင်ကလုန်း သည် တရုတ်နိုင်ငံ တောင်ပိုင်းကို ဖြတ်ကျော်ခဲ့ပြီး မုန်တိုင်းဗဟိုအနီး တစ်နာရီလျှင် ၁၀၈ ကီလိုမီတာ (အဆင့် ၁၁) အထိ လေပြင်းများ တိုက်ခတ်ခဲ့သည်။ ဟောင်ကောင် နှင့် မကာအိုတို့တွင် ပျက်စီးမှုအနည်းငယ် ရှိခဲ့ပြီး ဟိုင်နန် နှင့် ဂွမ်ဒေါင် ပြည်နယ်များက မုန်တိုင်းသတိပေးချက်များ ထုတ်ပြန်ခဲ့သည်။ခန့်မှန်းချက်အနေဖြင့် ဇူလိုင် ၂၁ ရက် ၊ ည ၇ နာရီအတွင်း မုန်တိုင်းသည် တုံကင်းပင်လယ်ကွေ့မြောက်ပိုင်း တွင် တည်ရှိမည်ဖြစ်ပြီး လေတိုက်နှုန်း အဆင့် ၁၁-၁၂ (အမြင့်ဆုံး အဆင့် ၁၅ အထိ) ရှိမည်ဖြစ်သည်။ ၎င်းသည် တစ်နာရီလျှင် ၂၀-၂၅ ကီလိုမီတာ နှုန်းဖြင့် အနောက်တောင်ဘက်သို့ ရွေ့လျားမည်ဟု ခန့်မှန်းရသည်။ဇူလိုင် ၂၂ ရက် ၊ ည ၇ နာရီတွင် မုန်တိုင်းသည် ဟိုင်ဖောင် - သန်ဟွာ ကမ်းရိုးတန်းတစ်လျှောက် အဆင့် ၉-၁၀ (လေပြင်းအဆင့် ၁၂) အထိ အားနည်းသွားမည်ဖြစ်ပြီး ကုန်းတွင်းသို့ ဝင်ရောက်ကာ အပူပိုင်း လေဖိ အားနည်းရပ်ဝန်း အဖြစ်သို့ ပြောင်းလဲသွားမည်ဖြစ်သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 21-Jul-2025
ထိုင်းနိုင်ငံတွင် အားကောင်းသော အပူပိုင်းမုန်တိုင်းတိုက်ခတ်
ထိုင်းနိုင်ငံတွင် အားကောင်းသော အပူပိုင်းမုန်တိုင်းတိုက်ခတ်
ဝီဖာမုန်တိုင်း၏ အရှိန်ကြောင့် ထိုင်းနိုင်ငံ မြောက်ပိုင်း၊ အရှေ့မြောက်ပိုင်းနှင့် အလယ်ပိုင်းတို့တွင် အိမ်ခေါင်မိုးများနှင့် ဘတ်စ်ကားမှတ်တိုင်များကို လွင့်ထွက်သွားသည်အထိ လေပြင်းတိုက်ခတ်ခဲ့ကြောင်း သိရှိရပါသည်။   ကမ်းခြေနှင့် အဆောက်အအုံ အားလုံး နီးပါးကို ပိတ်ထားရကြောင်း ထိုင်းနိုင်ငံရှိ ဒေသတွင်း မီဒီယာများ၏ သတင်းများအရ သိရှိရပါသည်။ကိုးကား- ဒေသတွင်းမီဒီယာPhoto: Nation Thailand
Mon, 21-Jul-2025
ကော့သောင်းမြို့တွင် တစ်နေ့တည်း သစ်ပင်လဲကျမှု(၃)ကြိမ်ဖြစ်ပွား
ကော့သောင်းမြို့တွင် တစ်နေ့တည်း သစ်ပင်လဲကျမှု (၃) ကြိမ် ဖြစ်ပွား
တနင်္သာရီတိုင်း၊ ကော့သောင်းမြို့တွင် ဇူလိုင် ၂၀ ရက်(တစ်နေ့တည်း)၌ပင် သစ်ပင်လဲကျမှု(၃) ကြိမ်ဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။နံနက် ၁၁ ခွဲခန့်က ကော့သောင်းမြို့၊ အေးရိပ်ငြိမ်ရပ်ကွက်၊ ရှင်စောပုလမ်းတွင်သစ်ပင်လဲကျပြီး လမ်းပိတ်ဆို့နေသဖြင့် ကော့သောင်းခရိုင်/မြို့နယ်မီးသတ်စခန်းမှတပ်ဖွဲ့ဝင်များဖြင့် ဖယ်ရှားရှင်းလင်းပေးခဲ့ကြကြောင်း သိရသည်။ထို့ပြင် နံနက် ၁၁ နာရီ ၂၀ မိနစ်ခန့်ကလည်း ကော့သောင်းမြို့၊ ၄ မိုင်၊ ဗိုလ်ချုပ်လမ်းတွင် သစ်ပင်လဲ ကျနေသဖြင့် ကော့သောင်းခရိုင်မီးသတ်စခန်းမှတပ်ဖွဲ့ဝင်များဖြင့် ဖယ်ရှားရှင်းလင်းပေးခဲ့ကြကြောင်း သိရသည်။ထို့အတူ ကော့သောင်းမြို့၊ ရွှေဇင်ယော်ရပ်ကွက်၊ ပြည်တော်စံဘုန်းတော်ကြီးကျောင်းဝန်းအတွင်းရှိ ဓမ္မာရုံပေါ်သို့ နံနက် ၈ နာရီ ၅၀ မိနစ်ခန့်ကသစ်ပင်လဲကျ၍ ကော့သောင်းခရိုင်/မြို့နယ်မီးသတ်စခန်းမှတပ်ဖွဲ့ဝင်များက ဖယ်ရှားရှင်းလင်းပေးခဲ့ကြကြောင်း သိရသည်။Popular Myanmar
Mon, 21-Jul-2025
တောင်ကိုရီးယား၌ လေးရက်ဆက်မိုးကြီး၍ အပျက်အစီးများနေ
တောင်ကိုရီးယား၌ လေးရက်ဆက်မိုးကြီး၍ အပျက်အစီးများနေ
တောင်ကိုရီးယားနိုင်ငံတွင် ဇူလိုင်လ ၁၉ ရက်နေ့၌ လေးရက်ဆက်တိုက် မိုးသည်းထန်စွာရွာသွန်းနေ သောကြောင့် လူပေါင်း ၃,၀၀၀ နီးပါးသည် ၎င်းတို့နေအိမ်များသို့ မပြန်နိုင်ဖြစ်နေကာ လည်ပင်းထိအောင်မြင့်တက်နေသော ရေတွင် တိရိစ္ဆာန်များ သောင်တင်နေခဲ့ကြောင်းနှင့် လက်ရှိအထိ သေဆုံးသူသည် လေးဦးရှိကာ နှစ်ဦးမှာမူ ပျောက်ဆုံးလျက်ရှိကြောင်း အာဏာပိုင်များက ပြောကြားခဲ့သည်။အချို့ဒေသများတွင် ဇူလိုင်လ ၂၁ ရက်နေ့အထိ မိုးဆက်လက်ရွာသွန်းနေနိုင်သည်ဟု မိုးလေဝသတာဝန်ရှိသူများက ပြောကြားခဲ့ပြီး နိုင်ငံ၏ နေရာအများစုတွင် သတိပေးချက်များထုတ်ပြန်ထားကာ မြေပြိုခြင်းနှင့် ရေကြီးခြင်းအန္တရာယ်ကို အထူးသတိပြုကြရန် တိုက်တွန်းထားသည်။ဇူလိုင်လ ၁၉ ရက်နေ့ နံနက် ၆ နာရီအထိ လူပေါင်း ၂,၈၁၆ ဦးသည် နေအိမ်များကို စွန့်ခွါခဲ့ရကြောင်း ပြည်ထဲရေးဝန်ကြီးဌာနက ပြောကြားခဲ့ပြီး အစောပိုင်း မိုးသည်းထန်သည့်ရက်များအတွင်း လူဦးရေ ၇,၀၀၀ ကျော်ကို ဘေးလွတ်ရာ သို့ ကယ်ထုတ်ပေးခဲ့ရကြောင်းနှင့် သေဆုံးသူ လေးဦးရှိကာ နှစ်ဦး ပျောက်ဆုံးနေကြောင်း ပြောကြားခဲ့သည်။ဇူလိုင်လ ၁၆ ရက် နေ့ကစ၍ ရွာသွန်းခဲ့သော မိုးသည် ဆိုးလ်မြို့တော်တောင်ဘက်တောင် Chungcheong ပြည်နယ်တွင် မိုးရေချိန် ၅၀၀ မီလီမီတာကျော်အထိ စံချိန်တင်ရောက်ရှိခဲ့သည်ဟု ဆက်လက်ပြောဆိုခဲ့သည်။ ပြည်နယ်ရှိ အခြားနေရာများတွင် ရေမြုပ်နေသော နွားတင်းကုပ်များနှင့် တဲများအတွင်း နွားများသည် ခက်ခက်ခဲခဲ ခေါင်းဖော်နေကြရသည်။ရေလွှမ်းမိုးမှုကြောင့် အဆောက်အအုံ ၆၄၁ လုံးကျော်၊ လမ်းပေါင်း ၃၈၈ လမ်းနှင့် မွေးမြူရေးခြံ ၅၉ ခု ပျက်စီးခဲ့သည်ဟု ဝန်ကြီးဌာနက ပြောဆိုသည်။အိမ်နီးချင်းမြောက်ကိုရီးယားနိုင်ငံတွင်လည်း မိုးရွာသွန်းမှုများရှိနိုင်သည်ဟု မျှော်လင့်ရသည်။Popular Myanmar
Sat, 19-Jul-2025
ဧရာဝတီမြစ်ရေဝင်ရောက်မှုကြောင့် စာသင်ကျောင်း ၆ ကျောင်း ယာယီပိတ်ထားရ
ဧရာဝတီမြစ်ရေဝင်ရောက်မှုကြောင့် စာသင်ကျောင်း ၆ ကျောင်း ယာယီပိတ်ထားရ
မကွေးတိုင်းဒေသကြီး၊ မင်းဘူးခရိုင်၊ မင်းဘူး(စကု)မြို့နယ်မှာ ဧရာဝတီမြစ်ရေဝင်ရောက်မှုကြောင့် စာသင်ကျောင်း ၆ ကျောင်း ယာယီပိတ်ထားရကြောင်း မြို့နယ်သဘာဝစီမံခန့်ခွဲမှုအဖွဲ့ကသိရသည်။ဧရာဝတီမြစ်ရေဝင်ရောက်လာမှုကြောင့် အိမ်ထောင်စုပေါင်း ၁၂၀ ကျော်၊ လူဦးရေ ၃၂၁ ဦးနှင့် ကျွဲရိုင်းတိရစ္ဆာန်များကို ယာယီရေဘေးရှောင်စခန်းများသို့ ပို့ဆောင်ပေးထားခဲ့ရကြောင်း သိရသည်။မြစ်ရေပြန်ကျသည့်အခါ ဥပုသ်နေ့နှင့် ပိတ်ရက်များတွင် သင်ကြားရေးများကို အစားထိုးသင်ကြားပေးသွားမည်ဖြစ်ကြောင်း သိရသည်။မြစ်ရေဝင်ရောက်မှုကြောင့် ထုံးကြီးမူလတန်းကျောင်း၊ နိဗ္မာန်ရုံက အလယ်တန်းကျောင်း၊ သနက်ပင်စု အထကခွဲ၊ ငွေဆောင် အလကခွဲ၊ ရွာသစ်ကုန်း ကအမက နဲ့ ပေါက်ငူ အထကကျောင်း၆ကျောင်းကို ယာယီပိ-တ်ထားရကြောင်း သိရသည်။မြေနိမ့်ပိုင်းနှင့် မြစ်ကမ်းနားနီးနေထိုင်သူများသည် မြစ်ရေမြင့်တက်ခြင်းများကို နှစ်စဉ်ကြုံတွေ့ရပြီး ၊ ယခုလို ဖြစ်ပေါ်လာပါက ယာယီရေဘေးကယ်ဆယ်ရေးစခန်းများသို့ ပြောင်းရွှေ့ခြင်းနှင့် ကူညီကယ်ဆယ်ပံ့ပိုးပေးခြင်းများ လုပ်ဆောင်ပေးနေကြောင်း သိရသည်။Popular Myanmar
Sat, 19-Jul-2025
© Copyright 2024 SAC All Rights Reserved.