မလေးရှားကို ကမ္ဘာလှည့်ခရီးသွားဝင်ရောက်မှု ၂၀ ရာခိုင်နှုန်း မြင့်တက်

saceditor

News Image

  • မလေးရှားကို ကမ္ဘာလှည့်ခရီးသွားဝင်ရောက်မှု ၂၀ ရာခိုင်နှုန်း မြင့်တက်

မလေးရှားနိုင်ငံသို့ ယခုနှစ်ဇန်နဝါရီလမှ မေလအတွင်း ကမ္ဘာလှည့်ခရီးသွား ၁၆ ဒဿမ ၉ သန်း ဝင်ရောက်ခဲ့ပြီး ၂၀၂၄ ခုနှစ် အလားတူကာလကထက် ၂၀ ရာခိုင်နှုန်း တိုးလာခဲ့သည်ဟု ခရီးသွားဝန်ကြီးဌာနက ပြောကြားခဲ့သည်။
          
ယခုနှစ်၏ ပထမငါးလတာကာလအတွင်း မလေးရှားနိုင်ငံသို့ နိုင်ငံတကာခရီးသွားဝင်ရောက်မှု၏ ထက်ဝက်ခန့်တွင် အိမ်နီးချင်း စင်ကာပူနိုင်ငံမှ ၈ ဒဿမ ၃၄ သန်းဖြင့် အများဆုံးဖြစ်ကာ ယင်းနောက်တွင် အင်ဒိုနီးရှား ၁ ဒဿမ ၈၂ သန်း၊ တရုတ် ၁ ဒဿမ ၈၁ သန်းနှင့် ထိုင်း ၁ ဒဿမ ၀၆ သန်းတို့ပါဝင်ကြောင်း ဇူလိုင်လ ၂၁ ရက်တွင် ခရီးသွားဝန်ကြီးဌာနက လွှတ်တော်သို့ ဖြေကြားခဲ့သည်။
            
သြစတြေးလျနှင့် ယူကေကဲ့သို့ ရပ်ဝေးမြေခြား ခရီးသွားဈေးကွက်များမှ ဝင်ရောက်မှုသည်လည်း ၁၆ ဒဿမ ၆ ရာခိုင်နှုန်းနှင့် ၈ ဒဿမ ၇ ရာခိုင်နှုန်းစီဖြင့် ၂၀၂၄ ခုနှစ် ကာလတူကထက်နှိုင်းယှဉ်ပါက အသီးသီး မြင့်တက်ခဲ့သည်ဟု ဝန်ကြီးဌာနက ပြောဆိုသည်။
         
“ဒီလိုနိုင်ငံခြားခရီးသွားအရေအတွက် တိုးတက်လာတာဟာ အစိုးရရဲ့ ကောင်းမွန်တဲ့ ချဉ်းကပ်မှု နည်းလမ်း၊ ဗီဇာစည်းမျဥ်းများကိုဖြေလျှော့ပေးခြင်းအစီအစဉ်တွေလို မူဝါဒတွေနဲ့ စက်မှုလုပ်ငန်းရှင်တွေကို ပံ့ပိုးပေးတဲ့ ဆွဲဆောင်တဲ့ အစီအစဉ်တွေကနေတဆင့် အကောင်အထည်ဖော်ခဲ့တဲ့ လုပ်ဆောင်ချက်တွေရဲ့ ထိရောက်မှုကို ထင်ထင်ရှားရှား ဖေါ်ပြနေပါတယ်” ဟု ဝန်ကြီးဌာနက ပြောကြားခဲ့သည်။
        
မလေးရှားသို့ ၂၀၂၄ ခုနှစ်တွင် ကမ္ဘာလှည့်ခရီးသွား ၂၅ သန်းကျော်ဝင်ရောက်ခဲ့ပြီး သတ်မှတ်လျာထားသည့် ၂၇ ဒဿမ ၃ သန်းထက်လျော့နည်းခဲ့သည်။      
           
မလေးရှားနိုင်ငံအနေဖြင့် ၂၀၂၆ ခုနှစ်တွင် နိုင်ငံတကာခရီးသွား ၄၇ သန်းဝင်ရောက်ရန် ရည်မှန်းချက်ထားကာဆောင်ရွက်နေပြီး ဗဟိုအာရှ၊ အရှေ့အလယ်ပိုင်း၊ အရှေ့တောင်အာရှ၊ ဥရောပနှင့် သမုဒ္ဒရာပိုင်းဇုန်ကဲ့သို့သော အဓိကဈေးကွက်များကို ပစ်မှတ်ထားသည်ဟု ဝန်ကြီးဌာနက ပြောကြားခဲ့သည်။

Popular Myanmar

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ဘင်္ဂလားဒေ့ရှ်နိုင်ငံတွင် ဖြစ်ပွားသည့် လေယာဉ်ပျက်ကျမှု အတွင်း သေဆုံးသူဦးရေ ၃၁ ဦးအထိ မြင့်တက်၊ ၁၆၅ ဦးဒဏ်ရာရ
ဘင်္ဂလားဒေ့ရှ်နိုင်ငံတွင် ဖြစ်ပွားသည့် လေယာဉ်ပျက်ကျမှု အတွင်း သေဆုံးသူဦးရေ ၃၁ ဦးအထိ မြင့်တက်၊ ၁၆၅ ဦးဒဏ်ရာရ
ဘင်္ဂလားဒေ့ရှ်နိုင်ငံတွင် ဖြစ်ပွားသည့် လေတပ်ပိုင် လေ့ကျင့်ရေး လေယာဉ်တစ်စင်း ပျက်ကျမှုအတွင်း  သေဆုံးသူဦးရေမှာ ဇူလိုင်လ ၂၂ ရက်တွင် ၃၁ ဦးအထိမြင့်တက်လာကြောင်း ဘင်္ဂလားဒေ့ရှ်တပ်မတော်မှ ပြည်သူ့ ဆက်ဆံရေး အဖွဲ့က ထုတ်ပြန်သည်။ထို့ပြင် ဒဏ်ရာရရှိသူ ၁၆၅ ဦးအနက် အများစုမှာ ကျောင်းသား၊ ကျောင်းသူများဖြစ်ပြီး ၎င်းတို့ကိုဆေးရုံများ၌ ဆက်လက်၍ ဆေးကုသမှုများ ပေးအပ်လျက်ရှိသည်ဟု ပြည်သူ့ဆက်ဆံရေးအဖွဲ့က ထုတ်ပြန်သည့် ကြေညာ ချက်တွင် ဖော်ပြထားသည်။အဆိုပါလေယာဉ်သည် ဒါကာမြို့တော်ရှိ Milestone ကောလိပ်ကျောင်းဝင်းအတွင်းသို့ ဇူလိုင်လ ၂၁ ရက် ဒေသစံတော်ချိန် မွန်းလွဲ ၁ နာရီ ၀၆ မိနစ်ခန့်က ပျက်ကျခဲ့ခြင်းဖြစ်ပြီး သေဆုံးသူများတွင် လေယာဉ်မှူးနှင့်  ကောလိပ်မှ ကျောင်းဆရာမတစ်ဦးလည်း ပါဝင်ကြောင်း သိရသည်။ဘင်္ဂလားဒေ့ရှ်လေတပ်ပိုင်  အဆိုပါ လေ့ကျင့်ရေး လေယာဉ်သည် ပုံမှန်ပြုလုပ်မြဲဖြစ်သည့် လေ့ကျင့်ပျံသန်းမှုကို လုပ်ဆောင်နေစဉ် နှစ်ထပ်စာသင်ကျောင်းနှင့် ကျောင်းဝင်းအတွင်းသို့ ပျက်ကျခဲ့ခြင်းဖြစ်ပြီး ပျက်ကျရသည့် အကြောင်းရင်းကို ဆက်လက်စုံစမ်းလျက်ရှိကြောင်း   သိရသည်။   
Wed, 23-Jul-2025
နဂါးငွေ့တန်းအတွင်း၌ ယခင်က တွေ့မြင်ခဲ့ဖူးခြင်းမရှိသည့် ကြယ်သစ်တစ်လုံးကို ရုရှားသိပ္ပံပညာရှင်များ အဖွဲ့က ရှာဖွေတွေ့ရှိ
နဂါးငွေ့တန်းအတွင်း၌ ယခင်က တွေ့မြင်ခဲ့ဖူးခြင်းမရှိသည့် ကြယ်သစ်တစ်လုံးကို ရုရှားသိပ္ပံပညာရှင်များ အဖွဲ့က ရှာဖွေတွေ့ရှိ
ရုရှားနိုင်ငံမှသိပ္ပံပညာရှင်များ ပါဝင်သည့် အဖွဲ့တစ်ဖွဲ့သည် နဂါးငွေ့တန်းအတွင်း၌ ကြယ်သစ်တစ်လုံးကို ရှာဖွေတွေ့ရှိခဲ့သည်ဟု အမေရိကန်ပြည်ထောင်စု ဟားဗက်တက္ကသိုလ်ရှိ Central Bureau of Astronomical Telegrams တွင်ဖော်ပြသည်။နဂါးငွေ့တန်းစီမံကိန်းသစ် (New Milky Way project team) ဟုအမည်ပေးထားသည့် အဆိုပါ သိပ္ပံပညာရှင်များ အဖွဲ့သည် ယခင်က တွေ့မြင်ခဲ့ဖူးခြင်းမရှိသည့်  ၎င်းကြယ်သစ်အား ဇူလိုင်လ ၁၇ ရက်နှင့်  ၁၈ ရက်အကြား စူးစမ်းလေ့လာမှုများ   လုပ်ဆောင်နေစဉ်အတွင်း ရှာဖွေတွေ့ရှိခဲ့ခြင်းဖြစ်သည်။ သုတေသီများသည် ၎င်းကြယ်အား မြွေ၊ ဒိုင်းနှင့် သိမ်းငှက်ပုံသဏ္ဌာန်ရှိ ကြယ်နက္ခတ်စု အစပ်အတွင်း၌     ရှာဖွေတွေ့ရှိခြင်းဖြစ်ကြောင်း  ဖော်ပြထားသည်။နဂါးငွေ့တန်းစီမံကိန်းသစ် (New Milky Way project team) သည် Frontiers of Science Guild အဖွဲ့၏ တစ်စိတ်တစ်ဒေသဖြစ်သည်။ယခုတစ်ကြိမ် ရှာဖွေတွေ့ရှိမှုသည် New Milky Way project team ၏ စတုတ္ထအကြိမ်မြောက် ကြယ်သစ်တစ်လုံးကို ရှာဖွေတွေ့ရှိမှုဖြစ်လာသည်။ ကြယ်သစ်တစ်လုံးအား ရုရှားသိပ္ပံပညာရှင်များက ရှာဖွေတွေ့ရှိနိုင်ခဲ့ခြင်းသည် နည်းပညာဖွံ့ဖြိုး တိုးတက်မှု၊ အသုံးပြုသည့်  ပစ္စည်းကိရိယာများ၏ စွမ်းဆောင်ရည် ထက်မြက်မှုနှင့် မိမိတို့အနေဖြင့် စကြဝဠာကမ္ဘာကြီးမှ လေ့လာသင်ယူ ဖွယ်ရာ  အကြောင်းအရာ အသစ်များ အပေါ် လေ့လာနိုင်စွမ်းရှိခြင်းကို  ထင်ရှားစွာ သက်သေပြလျက်ရှိသည်ဟု Frontiers of Science Guild အား   ပူးတွဲတည်ထောင်ခဲ့သည့်   အီလီယာချက်က ပြောကြားထားသည်။MWD Web Portal 
Wed, 23-Jul-2025
နာရီပေါင်း ၁၃၀ ကျော်ကြာ မရပ်မနားဘဲ တစ်ဆက်တည်း မောင်းနှင်နိုင်စွမ်းရှိသည့် စက်ရုပ်ရေယာဉ် သို့မဟုတ် VENOM မောင်းသူမဲ့ ရေယာဉ်
နာရီပေါင်း ၁၃၀ ကျော်ကြာ မရပ်မနားဘဲ တစ်ဆက်တည်း မောင်းနှင်နိုင်စွမ်းရှိသည့် စက်ရုပ်ရေယာဉ် သို့မဟုတ် VENOM မောင်းသူမဲ့ ရေယာဉ်
မြင်းကောင်ရေ ၃၀၀ အားကို အသုံးပြုထားပြီး ရန်သူ၏သင်္ဘောများကို လျင်မြန်စွာ တားဆီးဟန့်တားနိုင်သည့်  မျိုးဆက်သစ် မောင်းသူမဲ့ရေယာဉ်တစ်စင်းကို အမေရိကန်ပြည်ထောင်စုတွင် အခြေပြုသည့် ကာကွယ်ရေးပစ္စည်း ကုမ္ပဏီတစ်ခုက ထုတ်ဖော်ပြသခဲ့သည်။VENOM  ဟု   အမည်ပေးထားသည့် အဆိုပါမောင်းသူမဲ့ရေယာဉ်သည် အလျား ၉ မီတာ (၂၇ ပေခန့်) ရှိပြီး ရေပြင်အထက်တွင် ဘက်စုံအသုံးပြုနိုင်သည့် မောင်းသူမဲ့စက်ရုပ်ရေယာဉ် အမျိုးအစားဖြစ်သည်။ ၎င်းအား မက်ဆာချူးဆက်ပြည်နယ်တွင် အခြေပြုသည့်  Scientific   Systems ကုမ္ပဏီက  ရေတပ်ဖွဲ့၏  မစ်ရှင်များဖြစ်သည့်   စောင့်ကြည့်ထောက်လှမ်းခြင်းနှင့် စစ်ဆင်ရေးတို့တွင်   အထောက်အကူပြုစေရန်အတွက် ထုတ်လုပ်ခဲ့ခြင်းဖြစ်သည်။အဆိုပါ VENOM မောင်းသူမဲ့ရေယာဉ်တွင် မြင်းကောင်ရေ ၃၀၀ အားကို ထုတ်လုပ်ပေး နိုင်သည့် ဒီဇယ်အင်ဂျင်တစ်လုံး တပ်ဆင်ထားခြင်းကြောင့် တစ်နာရီလျှင် ရေမိုင် ၂၄ မိုင်နှုန်းဖြင့် ရေမိုင် ၅၀၀ ကျော်သို့ အလွယ်တကူနှင့် လျင်မြန်စွာ မောင်းနှင်နိုင်မည်ဖြစ်သည်။ ထို့ပြင် ၎င်းစက်ရုပ်ရေယာဉ်သည် မရပ်မနားဘဲ နာရီပေါင်း ၁၃၀ ကျော်ကြာ တစ်ဆက်တည်း မောင်းနှင်နိုင်စွမ်းရှိသောကြောင့် အမေရိကန် ရေတပ်မတော်၏ စစ်ဆင်ရေးဆိုင်ရာ လိုအပ်ချက်များထက်ပင် ပိုမိုကျော်လွန်လျက်ရှိသည်။VENOM မောင်းသူမဲ့ရေယာဉ်ကို Scientific Systems ကုမ္ပဏီက မကြာသေးမီအချိန် အတွင်း၌ စမ်းသပ်ခဲ့ပြီးဖြစ်သော်လည်း နောက်ပိုင်းတွင် ပင်လယ်ပြင်၌ ရေချ၍ ထပ်မံစမ်းသပ်မည်ဖြစ်သည်။ ထိုသို့စမ်းသပ် ရာတွင်လည်း VENOM အနေဖြင့် ရေကြောင်းအဟန့်အတားများ တစ်လျှောက် အောင်မြင်စွာ  ဖြတ်သန်းမောင်းနှင်နိုင်ခြင်း  ရှိ၊ မရှိ၊ သတ်မှတ်ထားသည့် ကင်းလှည့်ရာနေရာများတွင်လည်း   သတ်မှတ်ထားသည့်ပုံစံအတိုင်း  ကင်းလှည့်စောင့်ကြည့်နိုင်ခြင်း ရှိ၊ မရှိတို့ကို စမ်းသပ်မည်ဖြစ်သည်။အဆိုပါစမ်းသပ်မှုများ  အောင်မြင်ခဲ့မည်ဆိုပါက VENOM မောင်းသူမဲ့ရေယာဉ်သည် အမေရိကန်ရေတပ်မတော်၏ sea predator ဖြစ်လာနိုင်မည့်   အလားအလာရှိသည်။MWD Web Portal 
Wed, 23-Jul-2025
မလေးရှားကို ကမ္ဘာလှည့်ခရီးသွားဝင်ရောက်မှု ၂၀ ရာခိုင်နှုန်း မြင့်တက်
မလေးရှားကို ကမ္ဘာလှည့်ခရီးသွားဝင်ရောက်မှု ၂၀ ရာခိုင်နှုန်း မြင့်တက်
မလေးရှားနိုင်ငံသို့ ယခုနှစ်ဇန်နဝါရီလမှ မေလအတွင်း ကမ္ဘာလှည့်ခရီးသွား ၁၆ ဒဿမ ၉ သန်း ဝင်ရောက်ခဲ့ပြီး ၂၀၂၄ ခုနှစ် အလားတူကာလကထက် ၂၀ ရာခိုင်နှုန်း တိုးလာခဲ့သည်ဟု ခရီးသွားဝန်ကြီးဌာနက ပြောကြားခဲ့သည်။          ယခုနှစ်၏ ပထမငါးလတာကာလအတွင်း မလေးရှားနိုင်ငံသို့ နိုင်ငံတကာခရီးသွားဝင်ရောက်မှု၏ ထက်ဝက်ခန့်တွင် အိမ်နီးချင်း စင်ကာပူနိုင်ငံမှ ၈ ဒဿမ ၃၄ သန်းဖြင့် အများဆုံးဖြစ်ကာ ယင်းနောက်တွင် အင်ဒိုနီးရှား ၁ ဒဿမ ၈၂ သန်း၊ တရုတ် ၁ ဒဿမ ၈၁ သန်းနှင့် ထိုင်း ၁ ဒဿမ ၀၆ သန်းတို့ပါဝင်ကြောင်း ဇူလိုင်လ ၂၁ ရက်တွင် ခရီးသွားဝန်ကြီးဌာနက လွှတ်တော်သို့ ဖြေကြားခဲ့သည်။            သြစတြေးလျနှင့် ယူကေကဲ့သို့ ရပ်ဝေးမြေခြား ခရီးသွားဈေးကွက်များမှ ဝင်ရောက်မှုသည်လည်း ၁၆ ဒဿမ ၆ ရာခိုင်နှုန်းနှင့် ၈ ဒဿမ ၇ ရာခိုင်နှုန်းစီဖြင့် ၂၀၂၄ ခုနှစ် ကာလတူကထက်နှိုင်းယှဉ်ပါက အသီးသီး မြင့်တက်ခဲ့သည်ဟု ဝန်ကြီးဌာနက ပြောဆိုသည်။         “ဒီလိုနိုင်ငံခြားခရီးသွားအရေအတွက် တိုးတက်လာတာဟာ အစိုးရရဲ့ ကောင်းမွန်တဲ့ ချဉ်းကပ်မှု နည်းလမ်း၊ ဗီဇာစည်းမျဥ်းများကိုဖြေလျှော့ပေးခြင်းအစီအစဉ်တွေလို မူဝါဒတွေနဲ့ စက်မှုလုပ်ငန်းရှင်တွေကို ပံ့ပိုးပေးတဲ့ ဆွဲဆောင်တဲ့ အစီအစဉ်တွေကနေတဆင့် အကောင်အထည်ဖော်ခဲ့တဲ့ လုပ်ဆောင်ချက်တွေရဲ့ ထိရောက်မှုကို ထင်ထင်ရှားရှား ဖေါ်ပြနေပါတယ်” ဟု ဝန်ကြီးဌာနက ပြောကြားခဲ့သည်။        မလေးရှားသို့ ၂၀၂၄ ခုနှစ်တွင် ကမ္ဘာလှည့်ခရီးသွား ၂၅ သန်းကျော်ဝင်ရောက်ခဲ့ပြီး သတ်မှတ်လျာထားသည့် ၂၇ ဒဿမ ၃ သန်းထက်လျော့နည်းခဲ့သည်။                 မလေးရှားနိုင်ငံအနေဖြင့် ၂၀၂၆ ခုနှစ်တွင် နိုင်ငံတကာခရီးသွား ၄၇ သန်းဝင်ရောက်ရန် ရည်မှန်းချက်ထားကာဆောင်ရွက်နေပြီး ဗဟိုအာရှ၊ အရှေ့အလယ်ပိုင်း၊ အရှေ့တောင်အာရှ၊ ဥရောပနှင့် သမုဒ္ဒရာပိုင်းဇုန်ကဲ့သို့သော အဓိကဈေးကွက်များကို ပစ်မှတ်ထားသည်ဟု ဝန်ကြီးဌာနက ပြောကြားခဲ့သည်။Popular Myanmar
Wed, 23-Jul-2025
ရွှေပြည်သာရှိ အာမီရမ် အရက်ချက်စက်ရုံ level (1) အဆင့် မီးလောင်မှု ဖြစ်ပွား
ရွှေပြည်သာရှိ အာမီရမ် အရက်ချက်စက်ရုံ level (1) အဆင့် မီးလောင်မှု ဖြစ်ပွား
ရန်ကုန်တိုင်း၊ ရွှေပြည်သာမြို့နယ်၊ အမှတ်(၂၆)ရပ်ကွက်၊ အမှတ်(၄)လမ်းရှိ အာမီရမ် အရက်ချက် စက်ရုံတွင် ယနေ့ ဇူလိုင် (၂၃) ရက်၊ နံနက် (၉) နာရီခွဲဝန်းကျင် အချိန်က Level (1) အဆင့် မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။မီးလောင်မှုကို မြောက်ပိုင်းခရိုင် မီးသတ်စခန်းမှ မီးငြှိမ်းသတ်ယာဉ်(၄)စီး၊ ရွှေပြည်သာမြို့နယ် မီးသတ်စခန်းမှ မီးငြှိမ်းသတ်ယာဉ်(၆)စီး၊ အင်းစိန်မြို့နယ် မီးသတ်စခန်းမှ မီးငြှိမ်းသတ်ယာဉ်(၁)စီး၊ တညင်းကုန်းနယ်မြေ မီးသတ်စခန်းမှ မီးငြှိမ်းသတ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ကြောင်း သိရသည်။ယင်းကဲ့သို့ ငြှိမ်းသတ်ခဲ့သည့်အတွက် (၁၀)နာရီ (၀၄) မိနစ် အချိန်တွင် မီးငြိမ်းကာ စတင်လောင်ကျွမ်းရသည့်အကြောင်းရင်းနှင့် ပျက်စီးဆုံး ရှုံးမှုတန်ဖိုးကို မီးသတ်တပ်ဖွဲ့တာဝန်ရှိသူများက စစ်ဆေးလျက်ရှိကြောင်း သိရသည်။ယမန်နေ့ညကလည်း ရွှေပြည်သာမြို့နယ်၊ ဝါးတရာစက်မှုဇုန်တွင် မီးလောင်မှုဖြစ်ပွားခဲ့ပြီး Level (1) အဆင့်ဖြင့် ငြှိမ်းသတ်ခဲ့ကြရသေးသည်။Popular Myanmar
Wed, 23-Jul-2025
အင်ဒိုနီးရှားကငလျင်ဒဏ်ခံနိုင်သောအဆောက်အအုံများ‌ ဆောက်ပြီ
အင်ဒိုနီးရှားက ငလျင်ဒဏ်ခံနိုင်သော အဆောက်အအုံများ‌ ဆောက်ပြီ
ဂျကာတာ၊ ဇူလှိုင် ၂၁အင်ဒိုနီးရှား မိုးလေဝသ၊ ရာသီဥတုနှင့် ဘူမိရူပဗေဒ အေဂျင်စီ (ဘီအမ်ကေဂျီ) သည် ငလျင်ဒဏ်ခံနိုင်သော အဆောက်အအုံ ဒီဇိုင်းအသစ်ကို မိတ်ဆက်ခဲ့သည်။ အင်အားကြီးမားသော ငလျင်အန္တရာယ်ကို လျော့ပါးစေရန် ရည်ရွယ်ကြောင်း ဘီအမ်ကေဂျီ အကြီးအကဲ ဒွီကိုရီတာ ကာနာဝါတီ  က တနင်္လာနေ့တွင် ပြောကြားခဲ့သည်။ဒွီကိုရီတာ က ဆောက်လုပ်ရေးလုပ်ငန်းတွင် နောက်ဆုံးပေါ်မြေငလျင်ဒဏ်ခံနည်းပညာကို အသုံးပြုပြီး ဆောက်လုပ်သော အဆောက်အအုံများသည် ပြင်းအား ၈.၈ အထိရှိသော အင်အားပြင်း ငလျင်များကို ခံနိုင်ရည်ရှိကြောင်း ရှင်းပြခဲ့သည်။အဆိုပါနည်းပညာသည် ကြီးကြီးမားမားငလျင်လှုပ်ခတ်စဉ်အတွင်း အထပ်မြင့်အဆောက်အအုံများကို တည်ငြိမ်စွာရှိစေပြီး သဘာဝဘေးအန္တရာယ်ဒဏ်ကိုခံနိုင်သော အခြေခံအဆောက်အဦးများတွင် သိသာထင်ရှားသောတိုးတက်မှုဖြစ်စေကြောင်း သူက အလေးပေးပြောကြားခဲ့သည်။ဒွီကိုရီတာ၏ အဆိုအရ ဤနည်းပညာကို အင်ဒိုနီးရှားတွင် ပထမဆုံးအကြိမ်အဖြစ် အကောင်အထည်ဖော်မည် ဖြစ်သည်။မိုးလေဝသ၊ ရာသီဥတုနှင့် ဘူမိရူပဗေဒ အေဂျင်စီသည် ပြည်သူပိုင် အဆောက်အအုံများကို ဆောက်လုပ်ခြင်းနှင့်ပတ်သက်၍ အခွင့်အာဏာမရှိသော်လည်း ဤဘေးအန္တရာယ်လျော့ပါးရေးနည်းလမ်းသည် နိုင်ငံ၏ ငလျင်ဒဏ်ခံရနိုင်သော ဒေသများရှိ အခြေခံအဆောက်အအုံ ဖွံ့ဖြိုးတိုးတက်မှုအတွက် နမူနာ ပုံစံဖြစ်မည်ဟု မျှော်လင့်ကြောင်း ထုတ်ဖော်ပြောကြားခဲ့သည်။အကောင်အထည်ဖော်မှုနှင့် ပတ်သက်၍ ဒွီကိုရီတာက နည်းပညာသည် ဂျကာတာမြို့ရှိ မိုးလေဝသ၊ ရာသီဥတုနှင့် ဘူမိရူပဗေဒ အေဂျင်စီ ရုံးချုပ်တွင်ရှိသော အင်ဒိုနီးရှား၏ အဆောက်အအုံတစ်ခုတွင် အဆိုပါ အမျိုးမျိုးသောဘေးအန္တရာယ်များအတွက် စောစီးစွာ ကြိုတင်သတိပေးမှုစနစ်ကို အသုံးပြုထားပြီးဖြစ်ကြောင်း မှတ်ချက်ပြု ပြောကြားခဲ့သည်။Popular Myanmar
Wed, 23-Jul-2025
© Copyright 2024 SAC All Rights Reserved.