“အိန္ဒိယနိုင်ငံတွင် ထုတ်လုပ်သည့်” iPhone သည် သမိုင်းတွင်သည့် တရုတ်နိုင်ငံကို ကျော်လွန်၍ အိန္ဒိယနိုင်ငံမှ တင်ပို့နိုင်ခဲ့ခြင်းဖြစ်

sacadmin

နယူးဒေလီ ၊ ဇူလိုင် ၂၉

iPhone တင်ပို့မှုတွင် အိန္ဒိယနိုင်ငံသည် အထူးသဖြင့် အမေရိကန်နိုင်ငံသို့ တင်ပို့ရာတွင် တရုတ်နိုင်ငံကို သိသိသာသာကျော်လွန်ခဲ့ကာ အိန္ဒိယနိုင်ငံထုတ်ပစ္စည်းများ အပေါ် ဝယ်လိုအား လည်း တိုးတက်လာပါသည်။ မကြာသေးမီက ထုတ်ပြန်သည့်  အစီရင်ခံစာ တစ်စောင်တွင် အိန္ဒိယနိုင်ငံမှ အမေရိကန်သို့  iPhone တင်ပို့မှုသည် တရုတ်နိုင်ငံကို ကျော်လွန်ခဲ့ပြီး ယမန် နှစ်ကထက် ၇၅ ရာခိုင်နှုန်း တိုးတက်ခဲ့သည်ဟု ဆိုပါသည်။  ယင်းသို့ ဖြစ်ရခြင်းမှာ အမေရိကန် သမ္မတ ဒေါ်နယ်ထရမ့်က တရုတ်ထုတ်ကုန်များပေါ် အပြန်အလှန် အခွန် (၃၀) ရာခိုင်နှုန်း ကောက်ခံခဲ့ခြင်းကြောင့်လည်းဖြစ်နိုင်ပြီး၊ ယင်းသည် အမေရိကန် ဈေးကွက်အတွင်းသို့ အိန္ဒိယမှ iPhone တင်ပို့မှုကို တိုးတက်စေရန် လမ်းဖွင့်ပေးလိုက်သကဲ့သို့ ဖြစ်ပါသည်။

CNBC သတင်းဌာန၏ အစီရင်ခံစာအရ၊ ဧပြီလအတွင်း အိန္ဒိယနိုင်ငံမှ အမေရိကန်နိုင်ငံသို့ iPhone အလုံး ၃ သန်း (အလုံးသိန်း ၃၀) တင်ပို့နိုင်ခဲ့ပြီး၊ တရုတ်နိုင်ငံက အလုံး ၉၀၀,၀၀၀ သာ တင်ပို့နိုင်ခဲ့သည်ဟု ဆိုပါသည်။ ယင်းသည် အိန္ဒိယနိုင်ငံမှ iPhone တင်ပို့မှု ၇၆ ရာခိုင် နှုန်းအထိ တိုးတက်လာခြင်းဖြစ်ကာ၊ သိသာထင်ရှားသော အပြောင်းအလဲဖြစ်သည်။ Apple သည် ထို အကူးအပြောင်းကို အဆင်ပြေချောမွေ့စေရန် နှစ်ပေါင်းများစွာ ဗျူဟာတစ်ခုကို အကောင်အထည်ဖော်ခဲ့ခြင်း ဖြစ်ပါသည်။

၂၀၂၀ ပြည့်နှစ်တွင် Covid ကူးစက်ရောဂါကြောင့် ထောက်ပံ့ရေး ကွင်းဆက် ပြတ်တောက်မှု များကြောင့် Apple သည် တရုတ်နိုင်ငံပြင်ပတွင် ထုတ်လုပ်မှုလုပ်ငန်းများ ထူထောင်ရန် ဆုံးဖြတ်ချက်ချခဲ့ခြင်းဖြစ်သည်။ ယင်းနောက်ပိုင်းတွင် အိန္ဒိယနိုင်ငံသည် တရုတ်နိုင်ငံပြီးလျှင် iPhone ထုတ်လုပ်မှု ဒုတိယအကြီးဆုံး ဗဟိုချက်ဖြစ်လာသည်။ ထို့အပြင် ဧပြီလ ၂ ရက်နေ့ မှစ၍ အမေရိကန်က တရုတ်၏ iPhone များအပေါ် အခွန် ၃၀ ရာခိုင်နှုန်း ကောက်ခံခဲ့ပြီး၊ အိန္ဒိယနှင့် အခြားနိုင်ငံများအပေါ် အခွန် ၁၀ ရာခိုင်နှုန်းသာ ကောက်ခံခဲ့ခြင်းသည်လည်း အချက်တစ်ချက်ဖြစ်ပါသည်။   

Apple CEO Tim Cook က အိန္ဒိယနိုင်ငံမှ ထုတ်လုပ်သည့် iPhone များသည် အမေရိကန် ဈေးကွက်တွင် ဇွန်လမှစတင်၍ ရရှိတော့မည်ဖြစ်ကြောင်း အတည်ပြု ပြောကြားပါသည်။  ယင်းသို့ အလားအလာကောင်းဖြင့် တိုးတက်လာသော်လည်း သုတေသနဌာနများက ကာလ တိုသာ ဖြစ်နိုင်လိမ့်မည်ဟု သတိပေးပြောကြားကြပါသည်။ iPhone ၏ ဝယ်လိုအား အမေရိကန် ဈေးကွက်တွင် သုံးလပတ်တိုင်းတွင်  သန်း ၂၀ ကျော်ခန့်ရှိနိုင်ရာ၊ အိန္ဒိယအနေဖြင့် ၂၀၂၆ ခုနှစ် မတိုင်မီအထိ ရည်မှန်းချက် ပြည့်မီအောင် ထုတ်လုပ်နိုင်ဦးမည်မဟုတ်ပေ။  သို့သော် Apple က အိန္ဒိယတွင် ထုတ်လုပ်နိုင်စွမ်းကို မြင့်တင်ရန် ကြိုးပမ်းလျက်ရှိသော်လည်း မည်မျှ အထိ တိုးချဲ့ထုတ်လုပ်နိုင်မည် ဆိုသည်မှာ အကန့်အသတ်ရှိနေပါသည်။ 

ကိုးကား- India TV  

ဘာသာပြန်ဆိုသူ- ဦးခိုင်ထွဋ်လှ၊ နစက-၂

Subject-Image

  • “အိန္ဒိယနိုင်ငံတွင် ထုတ်လုပ်သည့်” iPhone သည် သမိုင်းတွင်သည့် တရုတ်နိုင်ငံကို ကျော်လွန်၍ အိန္ဒိယနိုင်ငံမှ တင်ပို့နိုင်ခဲ့ခြင်းဖြစ်

Posted-Date

MM-Subject-Category
စီးပွားရေးကဏ္ဍ
စီးပွားရေးကဏ္ဍ-နိုင်ငံတကာ

ဆက်စပ်ကဏ္ဍများ

“အိန္ဒိယနိုင်ငံတွင် ထုတ်လုပ်သည့်” iPhone သည် သမိုင်းတွင်သည့် တရုတ်နိုင်ငံကို ကျော်လွန်၍ အိန္ဒိယနိုင်ငံမှ တင်ပို့နိုင်ခဲ့ခြင်းဖြစ်
“အိန္ဒိယနိုင်ငံတွင် ထုတ်လုပ်သည့်” iPhone သည် သမိုင်းတွင်သည့် တရုတ်နိုင်ငံကို ကျော်လွန်၍ အိန္ဒိယနိုင်ငံမှ တင်ပို့နိုင်ခဲ့ခြင်းဖြစ်
နယူးဒေလီ ၊ ဇူလိုင် ၂၉iPhone တင်ပို့မှုတွင် အိန္ဒိယနိုင်ငံသည် အထူးသဖြင့် အမေရိကန်နိုင်ငံသို့ တင်ပို့ရာတွင် တရုတ်နိုင်ငံကို သိသိသာသာကျော်လွန်ခဲ့ကာ အိန္ဒိယနိုင်ငံထုတ်ပစ္စည်းများ အပေါ် ဝယ်လိုအား လည်း တိုးတက်လာပါသည်။ မကြာသေးမီက ထုတ်ပြန်သည့်  အစီရင်ခံစာ တစ်စောင်တွင် အိန္ဒိယနိုင်ငံမှ အမေရိကန်သို့  iPhone တင်ပို့မှုသည် တရုတ်နိုင်ငံကို ကျော်လွန်ခဲ့ပြီး ယမန် နှစ်ကထက် ၇၅ ရာခိုင်နှုန်း တိုးတက်ခဲ့သည်ဟု ဆိုပါသည်။  ယင်းသို့ ဖြစ်ရခြင်းမှာ အမေရိကန် သမ္မတ ဒေါ်နယ်ထရမ့်က တရုတ်ထုတ်ကုန်များပေါ် အပြန်အလှန် အခွန် (၃၀) ရာခိုင်နှုန်း ကောက်ခံခဲ့ခြင်းကြောင့်လည်းဖြစ်နိုင်ပြီး၊ ယင်းသည် အမေရိကန် ဈေးကွက်အတွင်းသို့ အိန္ဒိယမှ iPhone တင်ပို့မှုကို တိုးတက်စေရန် လမ်းဖွင့်ပေးလိုက်သကဲ့သို့ ဖြစ်ပါသည်။CNBC သတင်းဌာန၏ အစီရင်ခံစာအရ၊ ဧပြီလအတွင်း အိန္ဒိယနိုင်ငံမှ အမေရိကန်နိုင်ငံသို့ iPhone အလုံး ၃ သန်း (အလုံးသိန်း ၃၀) တင်ပို့နိုင်ခဲ့ပြီး၊ တရုတ်နိုင်ငံက အလုံး ၉၀၀,၀၀၀ သာ တင်ပို့နိုင်ခဲ့သည်ဟု ဆိုပါသည်။ ယင်းသည် အိန္ဒိယနိုင်ငံမှ iPhone တင်ပို့မှု ၇၆ ရာခိုင် နှုန်းအထိ တိုးတက်လာခြင်းဖြစ်ကာ၊ သိသာထင်ရှားသော အပြောင်းအလဲဖြစ်သည်။ Apple သည် ထို အကူးအပြောင်းကို အဆင်ပြေချောမွေ့စေရန် နှစ်ပေါင်းများစွာ ဗျူဟာတစ်ခုကို အကောင်အထည်ဖော်ခဲ့ခြင်း ဖြစ်ပါသည်။၂၀၂၀ ပြည့်နှစ်တွင် Covid ကူးစက်ရောဂါကြောင့် ထောက်ပံ့ရေး ကွင်းဆက် ပြတ်တောက်မှု များကြောင့် Apple သည် တရုတ်နိုင်ငံပြင်ပတွင် ထုတ်လုပ်မှုလုပ်ငန်းများ ထူထောင်ရန် ဆုံးဖြတ်ချက်ချခဲ့ခြင်းဖြစ်သည်။ ယင်းနောက်ပိုင်းတွင် အိန္ဒိယနိုင်ငံသည် တရုတ်နိုင်ငံပြီးလျှင် iPhone ထုတ်လုပ်မှု ဒုတိယအကြီးဆုံး ဗဟိုချက်ဖြစ်လာသည်။ ထို့အပြင် ဧပြီလ ၂ ရက်နေ့ မှစ၍ အမေရိကန်က တရုတ်၏ iPhone များအပေါ် အခွန် ၃၀ ရာခိုင်နှုန်း ကောက်ခံခဲ့ပြီး၊ အိန္ဒိယနှင့် အခြားနိုင်ငံများအပေါ် အခွန် ၁၀ ရာခိုင်နှုန်းသာ ကောက်ခံခဲ့ခြင်းသည်လည်း အချက်တစ်ချက်ဖြစ်ပါသည်။   Apple CEO Tim Cook က အိန္ဒိယနိုင်ငံမှ ထုတ်လုပ်သည့် iPhone များသည် အမေရိကန် ဈေးကွက်တွင် ဇွန်လမှစတင်၍ ရရှိတော့မည်ဖြစ်ကြောင်း အတည်ပြု ပြောကြားပါသည်။  ယင်းသို့ အလားအလာကောင်းဖြင့် တိုးတက်လာသော်လည်း သုတေသနဌာနများက ကာလ တိုသာ ဖြစ်နိုင်လိမ့်မည်ဟု သတိပေးပြောကြားကြပါသည်။ iPhone ၏ ဝယ်လိုအား အမေရိကန် ဈေးကွက်တွင် သုံးလပတ်တိုင်းတွင်  သန်း ၂၀ ကျော်ခန့်ရှိနိုင်ရာ၊ အိန္ဒိယအနေဖြင့် ၂၀၂၆ ခုနှစ် မတိုင်မီအထိ ရည်မှန်းချက် ပြည့်မီအောင် ထုတ်လုပ်နိုင်ဦးမည်မဟုတ်ပေ။  သို့သော် Apple က အိန္ဒိယတွင် ထုတ်လုပ်နိုင်စွမ်းကို မြင့်တင်ရန် ကြိုးပမ်းလျက်ရှိသော်လည်း မည်မျှ အထိ တိုးချဲ့ထုတ်လုပ်နိုင်မည် ဆိုသည်မှာ အကန့်အသတ်ရှိနေပါသည်။ ကိုးကား- India TV  ဘာသာပြန်ဆိုသူ- ဦးခိုင်ထွဋ်လှ၊ နစက-၂
ဂျပန်နှင့် ကုန်သွယ်ရေး ညှိနှိုင်းမှု “ကြီးကြီးမားမား” ပြုလုပ်ခဲ့ကြောင်း ထရမ့်က ကြေညာ
ဂျပန်နှင့် ကုန်သွယ်ရေး ညှိနှိုင်းမှု “ကြီးကြီးမားမား” ပြုလုပ်ခဲ့ကြောင်း ထရမ့်က ကြေညာ
လအတန်ကြာ ဆွေးနွေးညှိနှိုင်းမှုများအပြီးတွင် ဂျပန်နိုင်ငံနှင့် ကြီးမားသည့် ကုန်သွယ်ရေး သဘော တူညီမှုရခဲ့ကြောင်း အမေရိကန်သမ္မတ ဒေါ်နယ်ထရမ့်က ကြေညာခဲ့သည်။ အင်္ဂါနေ့က ကြေညာသည့် သဘောတူညီချက်တွင် ဂျပန်နိုင်ငံ၏ ပို့ကုန်များအပေါ် အမေရိကန်က အခွန် ၁၅ ရာခိုင်နှုန်း ကောက်ခံ မည်ဖြစ်ပြီး၊ ဂျပန်နိုင်ငံက အမေရိကန်တွင် အမေရိကန်ဒေါ်လာ ၅၅၀ ဘီလီယံ ရင်းနှီးမြှုပ်နှံ လိမ့်မည် ဖြစ်ကြောင်း ထရမ့်က ပြောကြားပါသည်။ “မိမိတို့သည် ဂျပန်နှင့် ကြီးကြီးမားမား သဘောတူခဲ့ပြီးဖြစ်ရာ၊ ယခု သဘောတူချက် ရရှိခဲ့ခြင်းသည် လုပ်ဖူးသမျှတွင် အကြီးမားဆုံးဖြစ်ပါကြောင်း” Truth လူမှုကွန်ယက်တွင် ထရမ့်ကရေးသား ဖော်ပြခဲ့ သည်။ “မိမိ၏ လမ်းညွှန်ချက်အရ ဂျပန်က အမေရိကန်ပြည်ထောင်စုတွင် အမေရိကန်ဒေါ်လာ ၅၅၀ ဘီလီယံ ရင်းနှီးမြှုပ်နှံလိမ့်မည်ဖြစ်ပြီး၊ ယင်းမှ အမြတ်အစွန်း ၉၀%ရရှိမည်ဖြစ်ကြောင်း”၊ ဂျပန် ကလည်း အမေရိကန်မှ ကား၊ ဆန်နှင့် လယ်ယာထွက်ကုန်များ တင်ပို့မှုအတွက် ဖွင့်ပေးထားမှာဖြစ်ကြောင်း ညှိနှိုင်းမှုအရ “အလုပ်အကိုင် အခွင့်အလမ်း ထောင်ပေါင်းများစွာ” ဖန်တီးပေးနိုင်လိမ့်မည် ဖြစ်ကြောင်း၊ “မည်သည့်အချိန် မည်သည့်အရာနှင့်မျှ မတူပါ”ဟု  ထရမ့်က ဖြည့်စွက် ပြောကြားပါသည်။အမေရိကန် ကွန်ဂရက်အဖွဲ့ဝင်များ၏ ဧည့်ခံပွဲ၌ အလက်စကာတွင် သဘာဝဓာတ်ငွေ့ (LNG) တူးဖော် ထုတ်လုပ်ရေးကို ဖက်စပ်လုပ်ကိုင်ရန် နှစ်ဘက်စလုံးက သဘောတူခဲ့ကြကြောင်း ထရမ့်က ပြောကြား ပါသည်။ “ဒါဟာ လူတိုင်းအတွက် ကြီးမားသည့် ညှိနှိုင်းမှုပါပဲ၊ မိမိ အမြဲတမ်း ပြောသည့်စကားလို၊ လူတိုင်းအတွက် အရမ်းကောင်းပါသည်” ဟု ပြောကြားပါသည်။သဘောတူညီချက် အသေးစိတ်ကို “သတိကြီးစွာ ထား၍ ဆန်းစစ်ရန်လိုအပ်သော်လည်း အမျိုးသား အကျိုးစီးပွားအတွက်ဆိုသည်ကို ယုံကြည်စွာ လက်ခံပါသည်” ဟု ဂျပန်ဝန်ကြီးချုပ် ရှီဂဲရူ အိရှိဘ ဗုဒ္ဓဟူးနေ့က သတင်းဌာနများသို့ ပြောကြားပါသည်။ အမေရိကန်၏ ဂျပန်မော်တော်ကားများအပေါ် ကောက်ခံမည့် အခွန်နှုန်းသည် နည်းပါးလိမ့်မည်ဖြစ် ပြီး  အခွန်နှုန်း ၂၅ ရာခိုင်နှုန်းမှ ၁၅ ရာခိုင်နှုန်းအတွင်း ဖြစ်လိမ့်မည်ဖြစ်ကြောင်း အိရှိဘက ပြည်တွင်း မီဒီယာများသို့ အတည်ပြုပြောကြားပါသည်။  ထရမ့်၏ မော်တော်ယာဉ်နှင့် အလူမီနီယံနှင့် သံမဏိ အပေါ် အခွန် ၅၀ရာခိုင်နှုန်း ကောက်ခံမည့်ကိစ္စသည် ဝါရှင်တန်နှင့် တိုကျိုအကြား လများစွာ ညှိနှိုင်း မှုတွင် အဓိက လိပ်ခဲတင်းတင်း ဖြစ်နေခဲ့ပါသည်။  ဩဂုတ်လ ၁ ရက်နေ့ နောက်ဆုံးထား၍ ထရမ့်၏ အခြေခံအခွန်နှုန်းထား ၁၀ ရာခိုင်နှုန်းရရှိရေး  ဝါရှင်တန်နှင့် တိုကျိုအကြား ညှိနှိုင်းရာ၌  သဘောတူညီမှုမရရှိလျှင် ပို့ကုန်များအပေါ် အခွန် ၂၅ ရာခိုင်နှုန်းကောက်ခံမည့်အရေးနှင့် ရင်ဆိုင်သွားရမည် ဖြစ်ပါသည်။ “အပြန်အလှန် ကောက်ခံမည့် အခွန်နှုန်းထား ၁၅ % (ယခုလအစောပိုင်း ၂၅ % မှ ကျဆင်းလာခြင်း) သည် ဂျပန်အတွက် သတင်းကောင်းတစ်ခုဖြစ်သော်လည်း၊ အခွန်နှုန်းထား အခန်း ၂၃၂ ပါ အရေးကြီး ကုန်စည်များဖြစ်ကြသည့် သံမဏိနှင့် တစ်ပိုင်းလျှပ်ကူးပစ္စည်းများအပေါ်တွင် ဂျပန်ကမည်သို့ ဆောင်ရွက်မည်ကို မေးခွန်းထုတ်စရာဖြစ်ကြောင်း” ဝါရှင်တန်ဒီစီရှိ Hudson Institute   မှ Japan Chair ဒုတိယညွှန်ကြားရေးမှူး William Chou က LinkedIn.e တွင် ရေးသားခဲ့ပါသည်။အမေရိကန်ဘဏ္ဍာရေးဝန်ကြီး Scott Bessent က ယင်းသဘောတူညီချက်ကို “သမိုင်းတင်မည့် သဘောတူညီချက်” ဖြစ်သည်ဟုဆိုကာ “ကာလကြာရှည် မိတ်ဖက်ဖြစ်ကြသည့် မိမိတို့သည် ကတိ ကဝတ်ကို အတည်ပြုပေးခြင်းအတွက် ဝမ်းမြောက်မိပါကြောင်း၊ အမေရိကန်သမ္မတထရမ့်၏ အောက်တွင် အမေရိကန်-ဂျပန် ပူးပေါင်းဆောင်ရွက်မှု စာမျက်နှာသစ် ဖွင့်လှစ်ကာ ရွှေခေတ်သို့ မိမိတို့ ဝင်ရောက် လာပြီဖြစ်သည်” ဟု လူမှုကွန်ယက် X တွင် ထုတ်ဖော်ပြောကြားခဲ့ပါသည်။ ထရမ့်၏ကြေညာချက်အပြီး ဗုဒ္ဓဟူးနေ့နံနက်ပိုင်းတွင် ဂျပန်၏ ကားစတော့ဈေးကွက်တွင် မာဇဒါ သည် ၁၇ ရာခိုင်နှုန်းကျော်၊ တိုယိုတာ၊ နစ်ဆန်းနှင့် ဟွန်ဒါတို့သည် ၈.၅ ရာခိုင်နှုန်းမှ ၁၂ ရာခိုင်နှုန်း အသီးသီး မြင့်တက်သွားခဲ့ပါသည်။ဂျပန်သည် ကမ္ဘာ့စတုတ္ထမြောက် စီးပွားရေး အင်အားကြီးနိုင်ငံဖြစ်ပြီး၊ အမေရိကန်နှင့် ပဉ္စမမြောက် ကုန်သွယ်မှုကြီးမားသည့် မိတ်ဖက်နိုင်ငံဖြစ်ပါသည်။ အမေရိကန် စာရင်းအင်းဗျူရို၏ အဆိုအရ ၂၀၂၄ ခုနှစ်အတွင်း အမေရိကန်နိုင်ငံသည် ဂျပန်နိုင်ငံမှကုန်စည် အမေရိကန်ဒေါ်လာ ၁၄၈.၂ ဘီလီယံ တင်သွင်းခဲ့ပြီး၊ ဂျပန်က အမေရိကန်နိုင်ငံမှ ကုန်စည် အမေရိကန်ဒေါ်လာ၇၉.၇ ဘီလီယံ ဝယ်ယူ ခဲ့ပါသည်။ (Al Jazeera သတင်းဌာနတွင် John Power ရေးသားသည့် “Trump announces ‘massive’ trade deal with Japan” အား ဦးခိုင်ထွဋ်လှ၊ နစက-၂ က ဆီလျော်အောင် ဘာသာပြန်ဆိုထားပါသည်။)
တရုတ်နှင့် ကုန်သွယ်ရေး ဆွေးနွေးပွဲမှာ ရုရှား၊ အီရန်ထံမှ ရေနံ ဝယ်ယူမှုများ ပါဝင်လာနိုင်သည်ဟု အမေရိကန် ဘဏ္ဍာရေး အကြီးအကဲက ပြောကြား
တရုတ်နှင့် ကုန်သွယ်ရေး ဆွေးနွေးပွဲမှာ ရုရှား၊ အီရန်ထံမှ ရေနံ ဝယ်ယူမှုများ ပါဝင်လာနိုင်သည်ဟု အမေရိကန် ဘဏ္ဍာရေး အကြီးအကဲက ပြောကြား
ထရမ့်အစိုးရအဖွဲ့သည် တရုတ်နိုင်ငံနှင့် ကုန်သွယ်ရေးသဘောတူညီချက်ကို အလျင်စလို ဖျက်သိမ်းမှု ပြုလုပ်ရန် မရှိသော်လည်း၊ နှစ်နိုင်ငံစလုံးသည် လာမည့်လ အခွန်စည်းကြပ်မှု သက်တမ်း မကုန်ဆုံးမီဆွေးနွေးမှုများ ပြုလုပ်နေသောကြောင့် ဆွေးနွေးပွဲများသည် “ကောင်းမွန်သည့် အခြေအနေ၌ ရှိနေပါသည်” ဟု အမေရိကန် ဘဏ္ဍာရေးဝန်ကြီး Scott Bessent က  တနင်္လာနေ့ (ဇူလိုင် ၂၁)က ပြောကြားလိုက်ပါကြောင်း ဇူလိုင် ၂၂ ရက်နေ့ ထုတ် South China Morning Post သတင်းတွင် ဖော်ပြပါရှိပါသည်။CNBC ၏ တွေ့ဆုံမေးမြန်းခန်းတစ်ခုတွင် Bessent က တရုတ်၏ ရုရှားနှင့် အီရန်တို့ထံမှ ရေနံဝယ်ယူနေခြင်းကို ထည့်သွင်းဆွေးနွေးသွားရန် ရည်ရွယ်ကြောင်း၊ “မိမိအနေဖြင့် ကုန်သွယ်မှုသည် အခြေအနေကောင်းတွင်ရှိပြီဟု ထင်ပါသည်” ဟု ပြောကြားခဲ့ပြီး ထရမ့် အစိုးရအနေဖြင့် ကုန်သွယ်ရေးသဘောတူညီချက် အရည်အသွေးထက်၊ သတ်မှတ်ချိန် အတွင်း ပြီးစီးရေးကို အလေးထား ပူပန်လျက်ရှိကြောင်း၊ “အခု မိမိအထင်တော့ အခြား အကြောင်းအရာ တွေကို စတင်ဆွေးနွေးနေကြပါပြီ” ဟု ၎င်းက ထပ်လောင်း ပြောကြားပါ သည်။ကမ္ဘာ့ကုန်သွယ်မှု စီးပွားရေး အင်အား အကြီးမားဆုံးနှစ်နိုင်ငံသည် ဧပြီနှင့်မေလများအတွင်း အကောက်အခွန်နှုန်းထား ဂဏန်းသုံးခုအထိ အပြန်အလှန် တိုးမြှင့်၍ ကုန်သွယ်မှု စစ်ဖြစ်ခဲ့ ပါသည်။ သို့ရာတွင် Bessent နှင့် တရုတ် ဒုတိယဝန်ကြီးချုပ် He Lifeng တို့အကြား ဂျီနီဗာနှင့် လန်ဒန်တို့၌ ဆွေးနွေးခဲ့အပြီး‌င့် တရုတ် ဒုတိယဝန်ကြီးချုပ် He Lifeng တို့၊ ဝါရှင်တန်အား အကြီးမားဆုံးသော ၊ သတ်မှတ်ချိန်ကို ဦးစားပေး ပူပန်ည့်လ အခွန်စည်းကြပ်မှု၊ ဝါရှင်တန်နှင့် ပေကျင်းတို့သည် ယာယီအားဖြင့် အနိမ့်ဆုံး အကောက်အခွန်နှုန်းထားဖြင့် ဩဂုတ်လလည်အထိကောက်ခံ၍  ဆွေးနွေးမှုများကို ဆက်လက် ပြုလုပ်လျက် ရှိကြပါသည်။ဇွန်လ အစောပိုင်းက အမေရိကန်သမ္မတ ဒေါ်နယ်ထရမ့်က တရုတ်ဝန်ကြီးချုပ် ရှီကျင့်ဖျင်ထံ ဖုန်းခေါ်ဆိုမှုပြုလုပ်၍ ပိုမိုကောင်းမွန်သော ဆက်ဆံရေးကို ထူထောင်ခဲ့ပါသည်။ ထို့အတူတရုတ်နိုင်ငံခြားရေးဝန်ကြီး မာကိုရူဘီယိုနှင့် တရုတ်နိုင်ငံခြားရေးဝန်ကြီး ဝမ်ယိတို့သည်လည်း ယခုလအတွင်း မျက်နှာချင်းဆိုင် တွေ့ဆုံခဲ့ကြပါသည်။သို့သော်လည်း Bessent ၏ နောက်ဆုံးမှတ်ချက်များအရ ဆွေးနွေးပွဲများ၏ အာရုံစိုက်မှုသည် အခွန်ကောက်ခံမှုမှ ပထဝီဝင်နိုင်ငံရေးအဖြစ်၊ မော်စကို၊ တီဟီရန်တို့နှင့် ပေကျင်း၏ ဆက်ဆံရေးအပေါ်သို့ ကူးပြောင်းနေကြောင်း အချက်ပြနေပါသည်။  “တရုတ်သည် အရေးယူ ပိတ်ဆို့မှုများ ပြုလုပ်ထားသည့် အီရန်နိုင်ငံနှင့် ရုရှားတို့ထံမှ ရေနံအမြောက်အများ ဝယ်ယူသူဖြစ်နေခြင်းသည် အလွန်ဆိုးဝါးသည့်အချက်ဖြစ်ပါသည်၊ မိမိတို့အနေဖြင့် အဆိုပါအချက်နှင့် စပ်လျဉ်းပြီး စတင်ဆွေးနွေးရမည်” ဟု ပြောကြားပါသည်။ဝါရှင်တန်အခြေစိုက် တရုတ်သံရုံးက ယင်းအပေါ် ချက်ချင်းတုန့်ပြန်မှုမရှိသေးပေ။ ကြာသပတေးနေ့ သတင်းစာရှင်းလင်းပွဲတွင် သံရုံး၏ ပြောရေးဆိုခွင့်ရှိသူ Liu Pengyu က မကြာသေးမီက  အမေရိကန်နှင့်တရုတ်ခေါင်းဆောင်တို့  တွေ့ဆုံမှုသည် အနာဂတ်တွင် အဆင့်မြင့် အရာရှိများ အကြား ဆွေးနွေးပွဲအတွက် အလားအလာဖြစ်ပါသည်။  “မိမိတို့သည်  တရုတ်နှင့် အမေရိကန်အကြား တည်ငြိမ်သာယာ၍ စဉ်ဆက်မပြတ်တိုးတက်နေစေရေး၊ သာတူညီမျှ စိတ်နှင့် အပြန်အလှန် လေးစားစိတ်ရှိသည့် စီးပွားရေးနှင့် ကုန်သွယ်ဆက်ဆံမှုဖြစ်ရန် ညှိနှိုင်းဆွေးနွေးရေးအတွက် ယန္တရားတစ်ခု ထူထောင်ရန်လိုပါကြောင်း” Liu က ပြောကြားပါသည်။၂၀၂၅ ဒုတိယသုံးလပတ်အတွင်း တရုတ်မှ အမေရိကန်သို့ ပို့ကုန်တန်ဖိုးသည် ယမန်နှစ် ကထက် ၂၄ ရာခိုင်နှုန်းလျော့ကျခဲ့ပါသည်။ ရုရှားနှင့် အီရန်တို့ထံမှ ရေနံနှင့် စွမ်းအင် ထွက်ကုန်များ အဓိက ဝယ်ယူနေသည့် တရုတ်နိုင်ငံကို အနောက်နိုင်ငံများက မော်စကိုနှင့် တီဟီရန်ထံမှ ယင်းသို့ ဝယ်ယူခြင်းဖြင့် နိုင်ငံတကာမှ ပိတ်ဆို့ကန့်သတ်မှုများ ပြုလုပ်ထားခြင်း အပေါ် ယင်းနိုင်ငံများက ခုသာခံသာရှိစေရန် ကူညီနေခြင်းဖြစ်သည်ဟု ပေကျင်းကို စွပ်စွဲ လျက်ရှိပါသည်။ တရုတ်နိုင်ငံသည် ရုရှားထံမှ စွမ်းအင်ဝယ်ယူတင်သွင်းနေပြီး၊ ယင်းသည် ရုရှား၏ အသက်သွေးကြောဖြစ်ကာ၊ ယူကရိန်းအပေါ် ကျူးကျော်သည်ဟုစွပ်စွဲချက်ဖြင့် ပိတ်ဆို့ ကန့်သတ် ထားကြခြင်းဖြစ်ပါသည်။ ရှန်ဟိုင်းရှိ Fudan University မှ နိုင်ငံတကာလေ့လာရေး ပရော်ဖက်ဆာ Xin Qiang က ပေကျင်းအနေဖြင့် အမေရိကန်က ကုန်သွယ်ရေး ဆွေးနွေးမှု တွင် အခြား အကောက်အခွန်ဆိုင်ရာ ကိစ္စများထက်၊ ယင်းကိစ္စကို “ထည့်သွင်း” ဆွေးနွေး ခြင်းကို မကြိုက်နှစ်သက်ကြောင်း “မိမိအနေဖြင့် ပေကျင်းသည် တရုတ်၏ ရုရှားနှင့် အီရန်တို့ထံမှ ရေနံဝယ်ယူ နေခြင်းအပေါ် အခြားတစ်နည်းဖြင့်ဆောင်ရွက်ရန် ဝါရှင်တန်ကို အကြံပြုလိမ့်မည်ဟု ထင်ကြောင်း” ပြောကြားပါသည်။တနင်္လာနေ့က “မည်သည့်နိုင်ငံမဆို အရေးယူပိတ်ဆို့ထားသည့် ရုရှားရေနံကို ဆက်လက် ဝယ်ယူနေလျှင် ဒုတိယအနေဖြင့် အခွန်အကောက် ၁၀၀ ရာခိုင်နှုန်း ကောက်ခံသွားမည်” ဟု Bessent က ပြောကြားပါသည်။ယခင်ရက်သတ္တပတ်က ထရမ့်က ရုရှားကို ရက် ၅၀ အတွင်း ယူကရိန်းနှင့် ငြိမ်းချမ်းရေး ဆွေးနွေးရန် သို့မဟုတ်ပါက ကြီးမားသည့် စီးပွားရေးပိတ်ဆို့မှုနှင့် ရင်ဆိုင်ရလိမ့်မည်ဟု ရာဇသံ ပေးခဲ့ပါသည်။ Ref: South China Morning Postဘာသာပြန်ဆိုသူ- ဦးခိုင်ထွဋ်လှ
တရုတ်နိုင်ငံသည် မလေးရှားနှင့် အင်ဒိုနီးရှားနိုင်ငံများကို အကြီးစား ရင်းနှီးမြှုပ်နှံမှုများဖြင့် ဆွဲဆောင်နေ
တရုတ်နိုင်ငံသည် မလေးရှားနှင့် အင်ဒိုနီးရှားနိုင်ငံများကို အကြီးစား ရင်းနှီးမြှုပ်နှံမှုများဖြင့် ဆွဲဆောင်နေ
အရှေ့တောင်အာရှနိုင်ငံများအသင်း (အာဆီယံ) အနေဖြင့် ကမ္ဘာ့အဓိကအာဏာရှိသူနိုင်ငံများကြား ရွေးချယ်မှုပြုရသည့်အခါ မလေးရှားနိုင်ငံသား ၇၁ ရာခိုင်နှုန်းက အမေရိကန်ထက် တရုတ်ကို ပိုနှစ်သက်ကြောင်း စင်ကာပူရှိ ISEAS-Yusof Ishak Institute မှ လွန်ခဲ့သည့်လထုတ်ဝေခဲ့သော “State of Southeast Asia 2025” စစ်တမ်းအရ သိရှိရသည်။မလေးရှား၏ ယခင် အပြည်ပြည်ဆိုင်ရာ ကုန်သွယ်ရေးနှင့် စက်မှုလုပ်ငန်း ဒုတိယဝန်ကြီး Ong Kian Ming က အမေရိကန်သမ္မတ Donald Trump ၏ ကုန်သွယ်မှုအတားအဆီးများကို ဘေးဖယ် ထားလျှင် မလေးရှားနိုင်ငံသားများသည် ကမ္ဘာ့အဓိကအာဏာရှိသူနိုင်ငံများကြား တရုတ်နှင့်နီးစပ်ရန် ထောက်ခံမှု အကြောင်းရင်းများထဲမှ တစ်ခုမှာ ဒေသတွင်း၌ တရုတ်၏ စီးပွားရေးအရအရေးပါမှု တိုးပွားလာခြင်းကြောင့်ဖြစ်သည်ဟု ပြောကြားခဲ့သည်။ထို့အပြင် ခရီးသွားလုပ်ငန်း ၊ ကဏ္ဍအသီးသီးရှိ နိုင်ငံခြားတိုက်ရိုက်ရင်းနှီးမြုပ်နှံမှု (FDI)နှင့် မလေးရှား တွင် စီးပွားရေးလုပ်ငန်းများ တည်ထောင်ရန် ရောက်ရှိလာသည့် တရုတ်နိုင်ငံသားများ ပိုမိုများပြား လာခြင်းတို့ကလည်း အဆိုပါအချက်ကို အထောက်အကူဖြစ်စေနိုင်သည်ဟု ၎င်းက ဖြည့်စွက် ပြောဆိုခဲ့သည်။မလေးရှား၏ အမျိုးသား ကားအမှတ်တံဆိပ်ဖြစ်သော Proton ၏ အသွင်ပြောင်းလဲမှုနှင့် မကြာမီ စတင်ဆောက်လုပ်တော့မည့် အရှေ့ဘက်ကမ်းရိုးတန်း ရထားလမ်း (ECRL) စီမံကိန်းနှစ်ခုလုံးတွင် ပေကျင်း၏ အဓိကပါဝင်မှုရှိခြင်းသည် မလေးရှားနိုင်ငံသားများ တရုတ်နှင့်ပူးပေါင်းဆောင်ရွက်ရန် အပြုသဘောဆောင်သည့် ခံယူချက်များရှိရခြင်း၏ ဥပမာနှစ်ခု ဖြစ်သည်။အင်ဒိုနီးရှားဘက်တွင် လွန်ခဲ့သည့်နှစ် မတ်လက ပြုလုပ်ခဲ့သော စစ်တမ်းတစ်ခုအရ အင်ဒိုနီးရှား နိုင်ငံသား ၇၃% ခန့်က တောင်တရုတ်ပင်လယ်ရှိ တရုတ်၏လုပ်ဆောင်မှုများကို ၎င်းတို့နိုင်ငံ၏ အချုပ်အခြာအာဏာအတွက် ခြိမ်းခြောက်မှုတစ်ရပ်အဖြစ် ရှုမြင်ကြောင်း ဖော်ပြခဲ့သည်။သို့သော် State of Southeast Asia 2025 စစ်တမ်းတွင် တရုတ်နှင့်နီးစပ်ရန် ထောက်ခံမှုသည် အင်ဒိုနီးရှား တွင် အမြင့်ဆုံး (၇၂%) ဖြစ်ခဲ့သည်။အင်ဒိုနီးရှားနိုင်ငံသားများက တရုတ်ကို စစ်ရေးပြိုင်ဘက်တစ်ဦး သို့မဟုတ် စိတ်ချရသော စီးပွားရေးမိတ်ဖက်တစ်ဦးအဖြစ် ရှုမြင်သည်ဖြစ်စေ၊ ၎င်းတို့နိုင်ငံသည် တရုတ် အစိုးရအတွက် နိုင်ငံရေးနှင့်ဘူမိရေးရာဗျူဟာအရ အလွန်အရေးပါသော နိုင်ငံတစ်ခုဖြစ်နေ သည်။Centre for China and Globalisation ၏ ဒုတိယဥက္ကဋ္ဌ Victor Gao က ပထမအကြောင်းရင်းမှာ အင်ဒိုနီးရှားသည် ကမ္ဘာ့အကြီးဆုံး မူဆလင်အများစုနေထိုင်သော နိုင်ငံဖြစ်ခြင်းကြောင့် ဖြစ်ကြောင်း ဖော်ပြခဲ့ပြီး ဒုတိယအကြောင်းရင်းမှာ ၎င်း၏ ဘူမိရေးရာအချက်အချာကျသော တည်နေရာဖြစ်ပြီး အရှေ့မှ အနောက်သို့ ကျွန်းပေါင်းများစွာဖြင့် ကျယ်ပြန့်စွာတည်ရှိခြင်းကြောင့်ဖြစ်သည်ဟုဆိုသည်။အင်ဒိုနီးရှားနိုင်ငံသည် ကြီးမားသော စီးပွားရေးအလားအလာ ရှိကြောင်း ၎င်းက ဖြည့်စွက်ပြောကြား ခဲ့ပြီး ၊ မြို့တော်ကို ဂျကာတာမှ အရှေ့ကာလီမန်တန်ရှိ နူဆန်တာရာသို့ ရွှေ့ပြောင်းရန် အစီအစဉ် ကိုလည်း ထောက်ပြခဲ့သည်။ “အဆိုပါအစီအစဉ်အတွက် လုပ်ဆောင်မှုများစွာ ပြုလုပ်ရမည်ဖြစ်ပြီး အင်ဂျင်နီယာနည်းပညာဆိုင်ရာ ထိုးဖောက်ကျော်လွှားမှုများ လိုအပ်မည်ဖြစ်သည် ၊ ထို့အပြင် မြောက်မြားစွာသော အရင်းအနှီးများလည်း ရင်းနှီးမြှုပ်နှံရမည်” ဟု ၎င်းက ရှင်းပြခဲ့သည်။အင်ဒိုနီးရှားနိုင်ငံသည် တရုတ်လူမျိုးများ အများဆုံးနေထိုင်ရာ နိုင်ငံလည်းဖြစ်ပြီး လူဦးရေ ၁၁ သန်း ကျော် ရှိသည်ဟု ၎င်းက ဆိုသည်။ ထို့ကြောင့် လူဦးရေအများစုမှာ အင်ဒိုနီးရှားနိုင်ငံသားများဖြစ် သည့်တိုင် တရုတ်၏ရှုထောင့်မှကြည့်လျှင်အင်ဒိုနီးရှားသည် အထူးခြားဆုံးနိုင်ငံတစ်ခု ဖြစ်နေသည်။ မလေးရှားနှင့် အင်ဒိုနီးရှားနိုင်ငံများသည် တရုတ်နိုင်ငံက စီးပွားရေးအခြေစိုက်စခန်းများ၊ ဆိပ်ကမ်း များ၊ နီကယ်သန့်စင်စက်ရုံများ၊ ကားစက်ရုံများ အစရှိသည့် စီမံကိန်းများဖြင့် စီးပွားရေးလွှမ်းမိုးမှု ပြုလုပ်နေသည့် အဓိကနိုင်ငံများဖြစ်သည်။တရုတ်နှင့် အမေရိကန်ကြား တင်းမာမှုများ ဆက်လက်ရှိနေစဉ် တရုတ်အစိုးရသည် ၎င်း၏ဈေးကွက် အား Global South (တောင်ကမ္ဘာခြမ်းနိုင်ငံများ) အပေါ်တွင် အာရုံစိုက်လျက်ရှိသည်။ အဆိုပါ ဒေသသည် ကမ္ဘာ့လူဦးရေ၏ ၈၅% ကို ကိုယ်စားပြုပြီး တရုတ်၏အိမ်နီးချင်း ဖြစ်သော အာဆီယံဒေသသည် Global South အတွင်း အကြီးဆုံးစီးပွားရေးဖြစ်ကာ၊ ၂၀၂၃ ခုနှစ်တွင် စုစုပေါင်း GDP အမေရိကန် ဒေါ်လာ ၃.၈ ထရီလီယံ (ကမ္ဘာ့ပဉ္စမမြောက် အကြီးဆုံး) ရှိခဲ့သည်။ကိုးကား- CNAဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက -၂https://www.channelnewsasia.com/cna-insider/china-global-south-mega-investments-malaysia-indonesia-asean-pivot
ဗီယက်နမ်နိုင်ငံ၏ လျှပ်စစ်ကားထုတ်လုပ်ရေးလုပ်ငန်း , ဗီယက်နမ်နိုင်ငံ၏ လျှပ်စစ်ကားထုတ်လုပ်ရေးလုပ်ငန်း
ဗီယက်နမ်နိုင်ငံ၏ လျှပ်စစ်ကားထုတ်လုပ်ရေးလုပ်ငန်း
ဗီယက်နမ်နိုင်ငံသည် နိုင်ငံအတွင်းပြန်လည်ပြည့်ဖြိုးမြဲစွမ်းအင်သုံးစွဲရေးကို မြှင့်တင်သည့်အနေဖြင့် လျှပ်စစ်ကားထုတ်လုပ်ရေး အားပေးဆောင်ရွက်နေသည်ကိုတွေ့ရှိရသည်။ဗီယက်နမ်ပို့ဆောင်ရေး ဝန်ကြီးဌာနသည် ၂၀၃၀ ပြည့်နှစ်တွင် နိုင်ငံအတွင်းရှိ ကားများ၏ ၃၀ ရာခိုင်နှုန်းနှင့် ဆိုင်ကယ်များ၏ ၂၂ ရာခိုင်နှုန်းကို လျှပ်စစ်စနစ် ပြောင်းလဲအသုံးပြုနိုင်ရန် ရည်မှန်း ချက်ထားရှိဆောင်ရွက်နေသည်။ လျှပ်စစ်ကား အားသွင်းရုံဆိုင်ရာ အခြေခံအဆောက်အအုံများနှင့် သယ်ယူပို့ဆောင်ရေးဆိုင်ရာ အခြေခံအဆောက်အအုံများ ဖွံ့ဖြိုးတိုးတက်ရေးအတွက် ၂၀၅၀ ပြည့်နှစ်အထိ ရေရှည်ဆောင်ရွက်မည့် အစီအမံကို ပြန်လည်သုံးသပ်ခြင်းလုပ်ငန်းများ ဆောင်ရွက် နေသည်။ ဗီယက်နမ်နိုင်ငံသား ကားဝယ်ယူသူ ၃၀ ရာခိုင်နှုန်းကျော်သည် လျှပ်စစ်ကားဝယ်ယူရန် စိတ်အားထက်သန်ကြကြောင်း မကြာသေးမီက ဆောင်ရွက်သည့် လေ့လာမှုအရ သိရသည်။ ထိုသို့ လျှပ်စစ်ကားအသုံးပြုရန် စိတ်ဝင်စားမှုများပြားလာရခြင်းမှာ လျှပ်စစ်ကားများသည် ရာသီဥတု ပြောင်းလဲမှုကိုဖြစ်စေသည့် ဖန်လုံအိမ်ဓာတ်ငွေ့ ထုတ်လွှတ်မှုကို လျှော့ချနိုင်ခြင်းနှင့် ဖန်လုံအိမ် ဓာတ်ငွေ့ထုတ်လွှတ်မှုများပြားရာမှ ဖြစ်လာနိုင်သည့်ရောဂါများကို တားဆီးနိုင်ခြင်းကြောင့် ဖြစ်သည်ဟု ကျွမ်းကျင်သူများက ဆိုသည်။ လက်ရှိအချိန်တွင် နိုင်ငံအတွင်း လျှပ်စစ်ကားသုံးစွဲ သူများ၏ ၄၈ ရာခိုင်နှုန်းမှာ နေအိမ်တွင် လျှပ်စစ်ဓာတ်အားဖြည့်သွင်းနေကာ ၃၂ ရာခိုင်နှုန်းမှာ လမ်းများပေါ်ရှိ လျှပ်စစ်ကားအားသွင်းရုံများတွင် လျှပ်စစ်ဓာတ်အား ဖြည့်သွင်းနေကြသည်။ ယမန်နှစ် နိုဝင်ဘာလတွင် ထုတ်ပြန်ခဲ့သော "Vietnam: National Roadmap and Recommendations to the Electric Mobility Transition for the Action Plan" အစီရင်ခံစာတွင် လျှပ်စစ်ကားထုတ်လုပ်ရေးဆိုင်ရာ ထောက်ပံ့မှုကို မြှင့်တင်ရန် ဝယ်ယူသုံးစွဲသူများအား မက်လုံးပေးခြင်း၊ လျှပ်စစ်ကားအားသွင်းရုံဆိုင်ရာ အခြေခံ အဆောက်အအုံများ မြှင့်တင်ခြင်း၊ လျှပ်စစ်ဓာတ်အားလိုအပ်ချက် မြင့်တက်လာမှုအတွက် လျှပ်စစ်ဓာတ်အားပေးမှုကို မြှင့်တင်ဆောင်ရွက်ခြင်းနှင့် လျှပ်စစ်ကားထုတ်လုပ်ရေး လုပ်သားများ၏ စွမ်းရည်မြှင့်တင်ခြင်းတို့ကို အဓိကထားဆောင်ရွက်မည်ဖြစ်ကြောင်း ဖော်ပြခဲ့သည်။အပြည့်အစုံဖတ်ရှုရန်- https://www.mdn.gov.mm/my/biiyknmniungngne-lpcckaathuttluprelupngn 
တံတားဦးမြို့နယ်တွင် ဝါးထရံယက်လုပ်ရောင်းချသူများ နေ့စဉ်ဝင်ငွေရရှိပြီး မိသားစုစားဝတ်နေရေး အဆင်ပြေလျက်ရှိ
တံတားဦးမြို့နယ်တွင် ဝါးထရံယက်လုပ်ရောင်းချသူများ နေ့စဉ်ဝင်ငွေရရှိပြီး မိသားစုစားဝတ်နေရေး အဆင်ပြေလျက်ရှိ
တံတားဦးခရိုင်၊ တံတားဦးမြို့နယ်တွင် ဝါးထရံ တစ်ပိုင်တစ်နိုင် ယက်လုပ်ရောင်းချသူများ နေ့စဉ်ဝင်ရရှိပြီး မိသားစုစားဝတ်နေရေး အဆင်ပြေလျက်ရှိကြောင်း ဝါးထရံယက်လုပ်ရောင်းချသူများထံမှ သိရသည် ။ဝါးအမျိုးအစားမှာ အမျိုးမျိုးရှိပြီး  ထရံယက်လုပ်ရာတွင် တင်းဝါးအမျိုးအစားကိုသာ အဓိကသုံးစွဲကြကြောင်းနှင့် အနံ(၆)ပေ ၊ အလျား(၁၅)ပေ ၊ရိုးရိုးထရံတစ်ချပ်ယက်လုပ်မည်ဆိုပါက တင်းဝါး(၁၀)လုံး အသုံးပြုရကြောင်း၊ ကုန်ကျမှုအနေဖြင့် လုပ်အားခအပါအဝင် ငွေကျပ်(၄)သောင်း ကုန်ကျပြီး ပြန်လည်ရောင်းချပါက ငွေကျပ်(၇) သောင်း ကျော် ရရှိကြောင်း ၊ ပုံစံဒီဇိုင်းများ ၊ ဝါးအကြောများဖြင့် လုပ်ထားသော နှီးပူးဝါးထရံ အမျိုးအစားများ ယက်လုပ် ရောင်းချပါက ရောင်းဈေးပို၍ရရှိသဖြင့် ဝင်ငွေပို၍ရရှိကြောင်း ဝါးထရံယက်လုပ်ရောင်းချသူ ကူတိုးဆိပ်ကျေးရွား သရဖူဝါးရောင်းဝယ်ရေး လုပ်ငန်းပိုင် ဦးထွန်းထွန်းထံမှ သိရသည် ။ ဝါးထရံများ ယက်လုပ်ရာတွင် ရေရှည်ခိုင်ခန့်စေရန်အတွက် ဝါးများအားရေဝအောင်စိမ်ထားရကြောင်း၊ ရေမစိမ်သည့် ဝါးများဖြင့် ယက်လုပ်ပါက ဝါးပိုးများထိုးပြီး ရေရှည်ခိုင်ခန့်မှု မရှိကြောင်း၊ ဝါးထရံ ဝယ်ယူများ အနေဖြင့် ရေစိမ်ဝါးဖြင့်ယက်လုပ်သည့် ထရံများကို ပိုမိုကြိုက်နှစ်သက်ကြကြောင်းနှင့် ဝါးထရံ ယက်လုပ်မည် ဆိုပါက ရေစိမ်ဝါးရောင်းချသူများထံမှ အများဆုံးဝယ်ယူပြီး ထရံယက်လုပ်ရောင်းချကြောင်း သိရသည်။    ပေးပို့သူ- ဦးရဲတင့်(ပြန်/ဆက်) 
© Copyright 2024 SAC All Rights Reserved.