မန္တလေးမြို့ပေါ်ရှိ ရပ်ကွက်များအတွင်း ပြည်သူလူထု အထိတ်တလန့်ဖြစ်စေရန် ဖောက်ခွဲတိုက်ခိုက်မှုများ ကျူးလွန်ခြင်း၊ ဓားပြမှု၊ လုယက်မှုနှင့် ဒုစရိုက်မှုများ ကျူးလွန်ခြင်းတို့ မဖြစ်ပေါ်စေရေးအတွက် လုံခြုံရေးတပ်ဖွဲ့ဝင်များက လှည့်ကင်းဆောင်ရွက်ခြင်း၊ ပိတ်ဆို့စစ်ဆေးရှာဖွေခြင်း၊ ရှောင်တခင်ဧည့်စာရင်းစစ်ဆေးခြင်းများ ဆောင်ရွက်လျက်ရှိပြီး ဖြစ်ပွားခဲ့သည့် ပြစ်မှုများမှ တရားခံများအား ဖော်ထုတ်ဖမ်းဆီးရမိနိုင်ရေး နေ့၊ ညမပြတ် ကြိုးပမ်းဆောင်ရွက်လျက်ရှိသည်။

မွမ်ဘိုင်း၊ နိုင်ငံရေး

တရုတ်နိုင်ငံခြားရေးဝန်ကြီး  ဝမ်ယိသည် တရုတ်နှင့်အိန္ဒိယနိုင်ငံကြား ဆက်ဆံရေးတိုးတက်စေရန်အတွက်  အိန္ဒိယနိုင်ငံခြားရေးဝန်ကြီး ဗီခရမ်မစ်စရီနှင့် ပေကျင်းမြို့တော်၌ ဇန်နဝါရီလ၂၇ ရက်တွင် တွေ့ဆုံဆွေးနွေးသည်။

ပဲရစ်၊ အကြမ်းဖက်တန်ပြန်တိုက်ဖျက်မှု

IS စစ်သွေးကြွအဖွဲ့ဝင်များ    အပါအဝင် အကြမ်းဖက်သမား ၃၇ ဦးအား အရှေ့အာဖရိက ဒေသတစ်ဝန်းတွင် ဖမ်းဆီးနိုင်ခဲ့ကြောင်း အင်တာပိုအဖွဲ့က ဇန်နဝါရီလ ၂၇ ရက်တွင် ထုတ်ပြန်သည်။

အင်တာပိုအဖွဲ့သည်   စစ်သွေးကြွအဖွဲ့မှ အကြမ်းဖက်သမားများအား အာဖရိကဒေသလုံးဆိုင်ရာ ရဲတပ်ဖွဲ့နှင့်ပူးပေါင်း၍ ပြီးခဲ့သည့်နှစ် နိုဝင်ဘာလနှင့် ဒီဇင်ဘာလအတွင်း ပြုလုပ်ခဲ့သည့်အကြမ်းဖက်တိုက်ဖျက်ရေးစစ်ဆင်မှုများအတွင်းဖမ်းဆီးနိုင်ခဲ့ခြင်းဖြစ်သည်။

ကိတ်တောင်း၊ ခရီးသွားလာမှု

ဂျပန်အမျိုးသားတစ်ဦးသည် ကီလိုမီတာ ၆၀၀၀ကျော်သည့် အကွာအဝေးကို လန်ချားဆွဲပြီး ခြေကျင်ခရီးသွားခြင်းကို အောင်မြင်စွာအဆုံးသတ်နိုင်ခဲ့ကြောင်းသိရသည်။

အသက် ၃၄ နှစ်အရွယ်ရှိ ယူဂျီဂမ့်ဆူဇူကီးသည် ကင်ညာနိုင်ငံမှ တောင်အာဖရိကနိုင်ငံအထိ ကီလိုမီတာ ၆၀၀၀ ကျော်ကွာဝေးသည့် အကွာအဝေးကိုအောင်မြင်စွာလုပ်ဆောင်နိုင်ခဲ့ပြီး တောင်အာဖရိကနိုင်ငံရှိ ကိတ်တောင်းမြို့သို့ ဇန်နဝါရီလ ၂၆ ရက်တွင် ရောက်ရှိလာခြင်းဖြစ်သည်။