ဇန်နဝါရီ ၂၀ တွင် လက်မှတ်ရေးထိုးလိုက်သည့် အမေရိကန် သမ္မတဒေါ်နယ်ထရမ့်၏ စီမံအုပ်ချုပ်ရေးအမိန့်အရ အမေရိကန်ရှိ Google အသုံးပြုသူများအတွက် Google Map ပေါ်တွင် မက္ကဆီကိုပင်လယ်ကွေ့ (Gulf of Mexico) အမည်ကို အမေရိကပင်လယ်ကွေ့ (Gulf of America) အမည်သို့ ပြင်ဆင်ပြောင်းလဲတော့မည်ဖြစ်ကြောင်း Google က ဇန်နဝါရီ ၂၇ ရက်(တနင်္လာနေ့)တွင် ကြေညာလိုက်ပါသည်။
ဇန်နဝါရီလ ၃၁ ရက် (သောကြာနေ့)တွင် ဒုသမ္မတ ဆာရာ ဒူတာတေးကို စွပ်စွဲပြစ်တင်ရန် ဖိလစ်ပိုင် အောက်လွှတ်တော်ကို တောင်းဆိုသည့် ထောင်နှင့် ချီသော ဆန္ဒပြသူများက မနီလာမြို့ရှိ လမ်းမများပေါ် ချီတက်ဆန္ဒပြခဲ့ကြသည်။
အမေရိကန်သမ္မတ ဒေါ်နယ်ထရမ့်က ဘရာဇီးနိုင်ငံမှ တင်သွင်းသည့် ကုန်ပစ္စည်းများကို အခွန်နှုန်းထားတိုးမြှင့်ကောက်ခံမည်ဟု ပြောကြားလိုက်ခြင်းအပေါ် ဘရာဇီး သို့ တင်သွင်းလာသည့် အမေရိကန် ကုန်ပစ္စည်းများကို လည်း ပြန်လည်တုံ့ပြန်တိုးမြှင့်ကောက်ခံသွားမည်ဟုဘရာဇီးသမ္မတ လူးအစ် အင်နာစီယိုလူလာဒါ ဆေးလ်ဗာက ဇန်နဝါရီ ၃၀ ရက်(ကြာသပတေးနေ့)တွင် ပြောကြား လိုက်သည်။
BRICS အဖွဲ့ဝင်နိုင်ငံများသည် ငွေကြေးအသစ် ဖန်တီးခြင်း သို့မဟုတ် အမေရိကန်ဒေါ်လာအား အခြားငွေကြေး တစ်မျိုးမျိုးဖြင့် အစားထိုးရန် ကြိုးစားပါက သွင်းကုန်ခွန် ၁၀၀ % စည်းကြပ်မည်ဟု အမေရိကန်သမ္မတ ဒေါ်နယ် ထရမ့်က ထပ်မံကတိပြု ပြောကြားခဲ့သည်။