ရုရှားနိုင်ငံသို့ နိုင်ငံတော်အဆင့် အလည်အပတ်ခရီး ရောက်ရှိနေသော ပြည်ထောင်စုသမ္မတမြန်မာနိုင်ငံတော် နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ၎င်း၏ ခရီးစဉ်အတွင်း ရုရှား သမ္မတ ဗလာဒီမာပူတင်အား အဆင်ပြေသည့်အချိန်တွင် မြန်မာနိုင်ငံသို့ လာရောက်လည်ပတ်ရန် ဖိတ်ကြားခဲ့ကြောင်း TASS သတင်းဌာနက ဖော်ပြထား ပါသည်။
ပြည်ထောင်စုသမ္မတမြန်မာနိုင်ငံတော် နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်၏ ရုရှားနိုင်ငံသို့ သွားရောက်သည့် တရားဝင် ခရီးစဉ်တွင် နှစ်နိုင်ငံအကြား သဘောတူညီချက် ၁၀ ခု လက်မှတ်ရေးထိုးခဲ့ကြပါသည်။
လာမည့် မေ ၉ ရက်တွင် မော်စကို၌ ကျင်းပမည့် ဒုတိယကမ္ဘာစစ်တွင် အောင်နိုင်သည့်နေ့ (VE-Day) နှစ် (၈၀) ပြည့် အထိမ်းအမှတ်စစ်ရေးပြပွဲသို့ တက်ရောက်ရန် ပြည်ထောင်စုသမ္မတမြန်မာနိုင်ငံတော် ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်အား မိမိဖိတ်ကြားထားပါကြောင်း ရုရှား နိုင်ငံသမ္မတ ဗလာဒီမာပူတင်က အလည်အပတ်ရောက်ရှိလာသည့် မြန်မာ နိုင်ငံအကြီးအကဲနှင့် တွေ့ဆုံပြီးနောက် ပြောကြားလိုက်ပါသည်။
တရုတ်နိုင်ငံ၏ အဆင့်အမြင့်ဆုံး နိုင်ငံရေးဆိုင်ရာ အခမ်းအနားဖြစ်သည့် အမျိုးသားပြည်သူ့ကွန်ဂရက်ညီလာခံကို ပေကျင်းမြို့၌ စတင်ကျင်းပ လျက်ရှိပြီး ယခုနှစ်တွင် GDP တိုးတက်မှုနှုန်း ၅ ရာခိုင်နှုန်းခန့်ရရှိရန် မျှော်မှန်းထားကြောင်း တရုတ်အစိုးရက ဆိုပါသည်။
အဆိုပါရည်မှန်းချက်ကို ဝန်ကြီးချုပ် Li Qiang က ချမှတ်ခဲ့ခြင်းဖြစ်ပြီး ယခင်နှစ်မှ တိုးတက်မှုနှုန်းနှင့် တူညီကာ တရုတ်နိုင်ငံသည် ၂၀၂၄ ခုနှစ်၌ ၅ ရာခိုင်နှုန်းရည်မှန်းချက် ပြည့်မီစေရေး လုပ်ဆောင်နိုင်ခဲ့ပါသည်။