ယူကရိန်းပဋိပက္ခဖြေရှင်းရေးတွင် အဓိကအခန်းကဏ္ဍမှ ပါဝင်လျက်ရှိသည့် အမေရိကန်သမ္မတဒေါ်နယ်ထရမ့်၏ အရှေ့အလယ်ပိုင်းဒေသဆိုင်ရာ အထူးသံတမန် စတိဗ်ဝှစ်ကော့ဖ်သည် ရုရှားဝါဒဖြန့်ချိသူ တစ်ဦးဖြစ်ပြီး ရာထူးမှ ထုတ်ပယ်ခံရသင့်သည်ဟု ယူကရိန်းလွှတ်တော် အမတ်တစ်ဦးက ပြောကြားခဲ့ပါသည်။
ယူကရိန်းခေါင်းဆောင် ဗလာဒီမာဇီလန်စကီး က တပ်မတော်အတွင်း လူငယ်များ ပိုမိုပါဝင်လာစေရန် လိုအပ်ကြောင်း ထုတ်ဖော်ပြောကြားခဲ့သည်။ အချို့တပ်ဖွဲ့များတွင် လူအင်အား အရေးပေါ် လိုအပ်နေခြင်းကြောင့် ဖြစ်သည်။
တရုတ်နိုင်ငံမှ နည်းပညာကုမ္ပဏီ Dobot သည် CR-10 ဟုအမည်ရသည့် လူသားပုံစံ စက်ရုပ်အသစ်ကို ဒေါ်လာ ၂၇,၅၀၀ ဈေးနှုန်းဖြင့် မိတ်ဆက်ခဲ့သည်။ အဆိုပါစက်ရုပ်သည် နံနက်စာပြင်ဆင်ခြင်း၊ အိမ်မှုကိစ္စများလုပ်ဆောင်ခြင်းနှင့် အခြေခံဆေးဘက်ဆိုင်ရာ အကူအညီများ ပေးနိုင်စွမ်းရှိသည်။
တောင်ကိုရီးယားနိုင်ငံ၊ ဆိုးလ်မြို့တွင် ရုတ်တရက်မြေပြိုကျမှု ဖြစ်ပွားကာ ဆိုင်ကယ်စီးနင်းသူတစ်ဦး အသက်ဆုံးရှုံးခဲ့သည်။ အချင်း ၁၀ မီတာခန့်ရှိ ကြီးမားသော မြေပြိုကျမှုသည် မြို့လယ်ခေါင် လမ်းမ၏ လမ်းဆုံတစ်ခုတွင် ဖြစ်ပွားခဲ့ပြီး ဆိုင်ကယ်စီးသူသည် မြေပြိုကျမှုအတွင်းသို့ ကျရောက်ကာ အသက်ဆုံးရှုံးခဲ့သည်။