ရုရှား၏ Mir ငွေပေးချေမှုကတ်သည် ပိတ်ဆို့ဒဏ်ခတ်မှုများရှိသော်လည်း နိုင်ငံတကာတွင် ပိုမိုလက်ခံအသုံးပြုလာ ကြောင်း ရုရှားဗဟိုဘဏ်ဥက္ကဋ္ဌ အယ်လ်ဗီရာ နာဘီအူလီနာ (Elvira Nabiullina) က ဒူးမာလွှတ်တော် (ပါလီမန် အောက်လွှတ်တော်) တွင် ပြောကြားခဲ့ပါသည်။

“ပိတ်ဆို့မှုဒဏ်များကြားမှာပင် မိမိတို့သည် ရုရှားခရီးသွားများ သွားလေ့ရှိသော မိတ်ဖက်နိုင်ငံများတွင် Mir ကတ်ကို တဖြည်းဖြည်း ချဲ့ထွင်လျက်ရှိပါသည်” ဟုရုရှားဗဟိုဘဏ်ဥက္ကဋ္ဌ မှ ဖြည့်စွက်ပြောကြားခဲ့ပါသည်။ 

အမေရိကန် ဒုတိယသမ္မတ ​ဂျေဒီဗန့်စ် က အီလွန်မက်သည် အစိုးရ စွမ်းဆောင်ရည်ဌာန (DOGE) ၏ ဦးဆောင်သူအဖြစ် တာဝန်ထမ်း ဆောင်မှု ပြီးဆုံးသွားပြီးနောက် သမ္မတ ထရမ့်နှင့် ၎င်းအတွက် “သူငယ်ချင်း နှင့် အကြံပေး” အဖြစ် ဆက်လက်ရှိနေမည်ဟု ထုတ်ဖော် ပြောကြားခဲ့သည်။ 

အီလွန်မက်၏ အထူးအစိုးရဝန်ထမ်းအဖြစ် တာဝန်ထမ်းဆောင်မှုသည် မေလနှောင်းပိုင်းတွင်ကုန်ဆုံးမည်ဖြစ်ပါသည်။ ထို့နောက် ဘီလျံနာ တစ်ဦး ဖြစ်သည့် ၎င်းအနေဖြင့် ၎င်း၏ကိုယ်ပိုင်စီးပွားရေး လုပ်ငန်းများဆီသို့ ပြန်လည်ဦးတည်မည်ဟု မျှော်လင့်ရသည်။ 

အမေရိကန်နှင့် အီရန်နိုင်ငံတို့ကြားတွင် နိုင်ငံရေးတင်းမာမှုများ ဆက်တိုက် ဖြစ်ဖော်နေသည့်အချိန်၌ အီရန်ငွေကြေး ရီယယ်က စံချိန်တင် ကျဆင်းမှုများဖြစ်နေပါသည်။ ဧပြီ ၅ ရက် က ပေါက်ဈေးဆိုရင် ကန် ၁ ဒေါ်လာကို ရီယယ် ၁,၀၄၃,၀၀၀ အထိဖြစ်ခဲ့ပါသည်။ 

ရုရှား၏ အရေးပေါ်အခြေအနေဝန်ကြီးဌာနသည် ပြင်းထန်သော ငလျင် ဒဏ်ကြောင့်ဖြစ်ပေါ်သည့် အကျိုးဆက်များကို ကိုင်တွယ်ဖြေရှင်းရန် ကယ်ဆယ်ရေးဝန်ထမ်းများနှင့် ဆရာဝန်များပါဝင်သည့် လေယာဉ် (၂) စီးကို မြန်မာနိုင်ငံသို့ စေလွှတ်လိုက်ပြီဖြစ်ပါသည်။

ရုရှားဖက်ဒရေးရှင်းသမ္မတ၏ ညွှန်ကြားချက်နှင့် အရေးပေါ် အခြေအနေ ဝန်ကြီးဌာန အကြီးအကဲ၏ တာဝန်ပေးချက်အရ ရုရှားကယ်ဆယ်ရေး အဖွဲ့သည် အထူးလေယာဉ် (၂) စီး ဖြင့် မော်စကိုမြို့အနီး Zhukovsky လေဆိပ်မှ မြန်မာနိုင်ငံသို့ ထွက်ခွာသွားပြီဖြစ်သည်" ဟု ဝန်ကြီးဌာန ကိုယ်စားလှယ်တစ်ဦးက ပြောကြားခဲ့ပါသည်။