မြန်မာနိုင်ငံ၌ရှိသည့် စိုက်ပျိုးရေးနှင့်မွေးမြူရေးကို အခြေခံသည့်လုပ်ငန်း များတွင် လာရောက်ရင်းနှီးမြှုပ်နှံကြရန် ဘင်းမ်စတက် အဖွဲ့ဝင်နိုင်ငံ များကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ဖိတ်ခေါ်ခဲ့ပါသည်။

ဧပြီ ၄ ရက်နေ့ကပြုလုပ်သည့် (၆) ကြိမ်မြောက် ဘင်းမ်စတက်ထိပ်သီး အစည်းအဝေးသို့ တက်ရောက်ဆွေးနွေးစဥ် ယခုကဲ့သို့ ဖိတ်ခေါ်ခဲ့ခြင်း ဖြစ်သည်။

တနင်္လာနေ့ (ဧပြီ ၇) က အမေရိကန်စတော့ဈေးကွက် ဆိုးရွားစွာ ကျဆင်းခဲ့ပြီးနောက် အနည်းငယ်ပြန်တက်လာခဲ့ပါတယ်။ သမ္မတ Trump က တင်သွင်းကုန်အားလုံးကို အကောက်ခွန်တိုးမြှင့်ခြင်းအပြင် တရုတ် နိုင်ငံပေါ် ပိုမိုမြင့်မားသည့် အခွန်စည်းကြပ်မှုများ ချမှတ်ရန် ခြိမ်းခြောက် လိုက်ခြင်းကြောင့် ကုန်သွင်းရေးစစ်ပွဲ ရှည်လျားလာမည့် အရေးကို စီးပွားရေးဆိုင်ရာကျွမ်းကျင်သူများက စိုးရိမ်လျက်ရှိကြသည်။

အီရန်နိုင်ငံသည် ၎င်း၏စစ်တပ်အား အမြင့်ဆုံးအဆင့်တပ်လှန့်မှု ထုတ်ပြန် ထားပြီး အမေရိကန်စစ်စခန်းများတည်ရှိသည့် အိမ်နီးချင်းနိုင်ငံများအား အမေရိကန်၏ လေကြောင်းတိုက်ခိုက်မှုများကို အားပေးထောက်ပံ့ခြင်း မပြုရန် သတိပေးလိုက်ကြောင်း ရိုက်တာသတင်းဌာန၏ ဧပြီ ၆ ရက် ဖော်ပြချက်အရ သိရှိရသည်။