ရုရှားနိုင်ငံခြားရေးဝန်ကြီး ဆာဂေးလာဗရော့ဗ် က ကြာသပတေးနေ့ (ဧပြီ ၂၄) တွင် CBS News နှင့် ပြုလုပ်သော တွေ့ဆုံမေးမြန်းခန်း၌ ယူကရိန်းပဋိပက္ခ အဆုံးသတ်ရန် သဘောတူညီမှုတစ်ရပ် ရရှိရေး အတွက် မော်စကိုနှင့် ဝါရှင်တန်တို့သည် “မှန်ကန်သောလမ်းကြောင်း” ပေါ်တွင် ရှိနေကြောင်း ပြော ကြားခဲ့သည်။
အမေရိကန်နိုင်ငံခြားရေးဝန်ကြီး မာကိုရူဘီယို သည် NATO အဖွဲ့ဝင်နိုင်ငံများအား ၎င်းတို့၏ ကာကွယ်ရေးအသုံးစရိတ်များ တိုးမြှင့်ရန် ထပ်မံ တိုက်တွန်းလိုက်ပြီး လက်ရှိစစ်ရေးမဟာမိတ်အဖွဲ့၏ ဖွဲ့စည်းပုံကို “အမေရိကန်နှင့် တာဝန်မကျေသော အဆင့်နိမ့်မဟာမိတ်များ” ဟု ရှုတ်ချ ပြောဆိုခဲ့သည်။
တနင်္သာရီတိုင်းဒေသကြီး၊ ရေဖြူမြို့နယ်၊ တလိုင်းယာကျေးရွာအုပ်စု၊ ဒေါက်လောက်ကျေးရွာအနီး ထားဝယ်ရေနက်ဆိပ်ကမ်းသို့ သွားလာသည့် လမ်းပေါ်၌ ထားဝယ်မြစ်အား ဖြတ်သန်းဆောက်လုပ်ထားသည့် အရှည် ၅၀၀ ပေ၊ အနံ ၁၂ ပေရှိသံကူကွန်ကရစ် ဘေလီ တံတားအား ဧပြီ ၂၅ ရက်နေ့၊ နံနက် ၁၀ နာရီခန့်တွင် PDF အမည်ခံအကြမ်းဖက်သမားများက မီးရှို့ဖျက်ဆီးခဲ့မှုကြောင့် ၆ လက်မ ၃ လက်မရှိ သစ်သားဇလီဖားများနှင့်အပေါ်ပြင်ခင်းများ ပေ ၂၀၀ ခန့်မီးလောင်ပျက်စီးခဲ့ကြောင်းနှင့် မော်တော်ယာဉ်များ ဖြတ်သန်းသွားလာနိုင်မှုမရှိကြောင်း သိရှိရသည်။
ဂျီအွန်ဂျူခရိုင် အစိုးရရှေ့နေရုံး၏ ထုတ်ပြန်ချက်အရ သမ္မတဟောင်း မွန်းဂျေအင်း အား လာဘ်ပေးလာဘ်ယူမှုစွပ်စွဲချက်ဖြင့် ကြာသပတေးနေ့ (ဧပြီ ၂၄)တွင် တောင်ကိုရီးယား အစိုးရရှေ့နေများက စွဲချက်တင်ခဲ့ပြီး ၎င်းအား ထိုင်းလေကြောင်းလိုင်းတစ်ခုတွင် ၎င်း၏သားမက်ဖြစ်သူအား ခန့်အပ်မှုနှင့် ဆက်နွှယ်သည့်အမှုအတွက် တရားရင်ဆိုင်ရမည် ဖြစ်ပါသည်။ အသက် ၇၂ နှစ်ရှိ မွန်းကို လာဘ်ပေးလာဘ်ယူမှုဖြင့် စွဲချက်တင်ခံရပြီး ပါလီမန်အမတ်ဟောင်း လီဆန်ဂျစ်ကိုလည်း လာဘ်ပေးလာဘ်ယူမှုနှင့် ယုံကြည်မှုဖောက်ဖျက်မှုတို့ဖြင့် စွဲချက်တင်ထားကြောင်း ထုတ်ပြန်ချက်တွင် ဖော်ပြထားပါသည်။