ရုရှားတပ်မတော် ဒုတိယဗိုလ်ချုပ်ကြီး Yaroslav Moskalik သည် မော်စကိုမြို့အနီး ဘာလာရှီခါမြို့ရှိ ၎င်း၏ အိမ်အနီးတွင် ဧပြီ ၂၅ ရက် နံနက်ပိုင်းက ကားဗုံးခွဲခံရသဖြင့် သေဆုံးသွားကြောင်း သိရပါသည်။

အခင်းဖြစ်ပွားမှုအပေါ် ရုရှားစုံစမ်းရေးကော်မတီ (SK) ၏ စစ်ဆေးမှုများအရ စစ်ဗိုလ်ချုပ် Yaroslav Moskalik ၏ နေအိမ်အနီး ရပ်ထားသော Volkswagen Golf ကားအောက်တွင် သံမဏိစများ (Shrapnel) ထည့်ထားသည့် လက်လုပ်မိုင်းထားရှိပြီး အဝေးထိန်းစနစ်ဖြင့် ၄င်းရောက်ရှိ လာချိန်တွင် ဖောက်ခွဲသတ်ဖြတ်ခဲ့သည်ဟု ယူဆထားပါသည်။ 

ယူကရိန်းသမ္မတဇီလန်စကီးက အမေရိကန်ပြည်ထောင်စုက ယူကရိန်းထံ ဒေါ်လာ ၁၀၄-၁၀၅ ဘီလီယံအထိ ကူညီထောက်ပံ့မှု ရရှိကြောင်း ဝန်ခံ ပြောကြားလိုက်ပြီး အများစုမှာ လက်နက်များဖြစ်ကြောင်း ထုတ်ဖော် ပြောကြားထားပါသည်။

၎င်းသည်ဖေဖော်ဝါရီလက အဆိုပါပမာဏထက်နည်းသည့် ဒေါ်လာ ၇၆ ဘီလီယံသာ ရသည်ဟု ပြောခဲ့ဖူးသည်။

နိုင်ငံတစ်ဝန်းမြို့နယ် (၁၆) မြို့နယ်မှ PDF အဖွဲ့ဝင် (၃၀) ကျော် လက်နက်ခဲယမ်းများနှင့်အတူ ဥပဒေဘောင်အတွင်း ဝင်ရောက်လာခဲ့ကြောင်း တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်အရ သိရသည်။

ပြစ်မှုကျူးလွန်ခြင်းမရှိသော PDF အဖွဲ့မှ ဥပဒေဘောင်အတွင်းသို့ ပြန်လည် ဝင်ရောက်လာသူများအား မိဘအုပ်ထိန်းသူများထံ ပြန်လည် လွှဲပြောင်းပေးအပ်ခြင်းကို ဧပြီလ ၂၅ ရက်တွင် အလယ်ပိုင်းတိုင်း စစ်ဌာနချုပ်၊ ရန်အောင်မြင်ခန်းမ၌ ပြုလုပ်ခဲ့ခြင်းဖြစ်ကြောင်း သိရသည်။

ပြီးခဲ့သည့် မတ်လ ၂၈ ရက်က လှုပ်ခတ်ခဲ့သော မန္တလေးငလျင်ကြီးအပြီးတွင် ရန်ကုန်မြို့ရှိ အထပ်မြင့်တိုက်ခန်းများ ဈေးကျနေကာ မြေကွက် အရောင်း ဖြစ်နေကြောင်း NP News အိမ်ခြံမြေအကျိုးဆောင်အချို့ထံ မေးမြန်းထားချက်များအရ ကနဦးသိရသည်။ “အရောင်းက မြေကွက်ကိုပဲ ပိုလိုက်တယ်။ တိုက်ခန်းအေးသွားတယ်။ အစ်မတို့တောင် တစ်လ တစ်ခန်းတောင် မနည်းရောင်းရတယ်။ မြေကွက်ကတော့ ဝယ်ကြတယ်။ မြောက်ဒဂုံတို့၊ မှော်ဘီတို့ အခြားနေရာတွေ မြေကြီးတွေကတော့ ရောင်းကြရတယ်ပြောတယ်။ အထပ်မြင့်ကတော့ ငလျင်ကြောင့်ကို ဈေးတွေသာ နည်းနည်း လျော့တာ။ လောလောဆယ်မှာကို တချို့တွေက‌ လျော့ရောင်းတယ်။ တချို့က လျော့မရောင်းဘူး။ အေးတာက ငလျင်ကြောင့်