ယူကရိန်းတပ်များ လက်ထဲမှ Kursk ဒေသလွတ်မြောက်ရေး စစ်ဆင်ရေးကြီးမှာ လုံးဝပြီးဆုံးသွားပြီဖြစ်ကြောင်း ရုရှားတပ်မတော်ကာကွယ်ရေး ဦးစီးချုပ် ဂျီရာဆီမော့ဗ်၏ သတင်းပေးပို့မှုကို ရုရှားသမ္မတ ဗလာဒီမာ ပူတင် လက်ခံရရှိပြီးဖြစ်ကြောင်း ကရင်မလင်ပြောခွင့်ရ Dmitry Peskov က ပြောကြားလိုက်ပါသည်။
အိန္ဒိယနိုင်ငံ၊ ဂျမူးနှင့် ကက်ရှ်မီးယားတွင် အကြမ်းဖက် တိုက်ခိုက်ခံရပြီးနောက် အိန္ဒိယသို့ ရောက်ရှိနေသော ပါကစ္စတန်နိုင်ငံသားများ၏ ဗီဇာများကို ဖျက်သိမ်းရန် နယူးဒေလီက ဆုံးဖြတ်ပြီးနောက် အိန္ဒိယနိုင်ငံမှ ပါကစ္စတန်နိုင်ငံသားအားလုံးနီးပါးသည် နိုင်ငံမှ ထွက်ခွာသွားပြီဖြစ်ကြောင်း အိန္ဒိယပြည်ထဲရေးဝန်ကြီးဌာန၏ အချက်အလက်များကို ကိုးကား၍ The Hindu သတင်းစာက ဖော်ပြခဲ့ပါသည်။
ဂျကာတာ-ဘန်ဒေါင်း မြန်နှုန်းမြင့်ရထားသည် ၂၀၂၃ ခုနှစ်၊ အောက်တိုဘာ ၁၇ ရက်တွင် စတင်ပြေးဆွဲသည့်အချိန်မှစ၍ ၂၀၂၅ ခုနှစ်၊ ဧပြီ ၂၇ ရက် အထိ ခရီးသွားဦးရေ စုစုပေါင်း ၉ သန်း ပို့ဆောင်ပေးခဲ့ပြီးဖြစ်ကာ EMU ကျည်ဆန်ရထား ၂၆,၁၆၈ စင်း ပြေးဆွဲခဲ့ပြီး ဘေးကင်းလုံခြုံစွာ ပြေးဆွဲသည့် ခရီးစဉ် အကွာအဝေးသည် ကီလိုမီတာပေါင်း ၄.၁၁ သန်းကျော်ရှိကြောင်း သတင်းထောက်က ဧပြီ ၂၈ ရက်တွင် အင်ဒိုနီးရှား-တရုတ် မြန်နှုန်းမြင့် ရထား ကုမ္ပဏီလီမိတက် (KCIC) ထံမှ သိရှိရသည်။
စပိန်နှင့် ပေါ်တူဂီနိုင်ငံ၏ နေရာအများအပြားတွင် အကြီးစား လျှပ်စစ်မီး ပြတ်တောက်မှုများ ကြုံတွေ့ခဲ့ရပြီး၊ ယာဉ်အချက်ပြစနစ်များ ရပ်တန့်သွားခဲ့ကာ လေဆိပ်နှင့် ရထားဘူတာရုံများတွင် ကမောက်ကမ အခြေအနေ များ ဖြစ်ပေါ်ခဲ့သည်။
စပိန်နိုင်ငံ၏ ဓာတ်အားလိုင်း လည်ပတ်ရေးကုမ္ပဏီ Red Electrica က ပြန်လည်ပြုပြင်ရန် စွမ်းအင်ကုမ္ပဏီများနှင့် ပူးပေါင်းဆောင်ရွက်နေကြောင်း ထုတ်ပြန်ခဲ့သည်။