ဆစ်ဒနီ၊ တီထွင်ဆန်းသစ်မှု
ဩစတြေးလျနိုင်ငံ တော်ဝင်မဲဘုန်းနည်းပညာတက္ကသိုလ် (RMIT)မှ အင်ဂျင်နီယာများက ရေပြတ်လပ်မှုအတွက်အသုံးဝင်မည့် စမတ်ရေမြှုပ်တစ်မျိုးကိုတီထွင်လိုက်ကြောင်း အဆိုပါတက္ကသိုလ်က မေလ ၈ ရက်တွင်ထုတ်ပြန်ကြေညာသည်။
အဆိုပါစမတ်ရေမြှုပ်သည် သာမန်ရေမြှုပ်ကဲ့သို့သောပစ္စည်းတစ်ခုဖြစ်ပြီး ၎င်း၏ လုပ်ဆောင်ချက်မှာ လေထုထဲမှရေကိုဖမ်းယူကာ နေရောင်ခြည်စွမ်းအင်ကိုအသုံးပြုခြင်းဖြင့် ရေကိုပြန်လည်ထုတ်ပေးခြင်း ဖြစ်သည်။
ဂျာမန်ဝန်ကြီးချုပ် Friedrich Merz၊ ပြင်သစ်သမ္မတ Emmanuel Macron နှင့် ဗြိတိန်ဝန်ကြီးချုပ် Keir Starmer တို့သည် ယူကရိန်းနိုင်ငံ ကိယက်ဗ် မြို့သို့ ထွက်ခွာသွားကြပြီဟု DPA သတင်းဌာနက ဆိုထား ပါသည်။
ထိုဥရောပခေါင်းဆောင်များသည် ပိုလန်ဝန်ကြီးချုပ် Donald Tusk နှင့်အတူ စနေနေ့ (မေ ၁၀) တွင် Volodymyr Zelensky နှင့် တွေ့ဆုံရန် စီစဉ်ထားကြောင်း ယင်းသတင်းဌာနက ဖော်ပြထားပါသည်။ ယူကရိန်း အား နောက်ထပ်ပံ့ပိုးကူညီမှုဆိုင်ရာ ကိစ္စရပ်များကို ဆွေးနွေးရန် မျှော်မှန်းထားကြ သည်ဟု သိရပါသည်။
ဘရာဇီးသမ္မတ Luiz Lula da Silva သည် ယခုရုရှားနိုင်ငံ ခရီးစဉ်ပြီးနောက် ယူကရိန်းအကျပ်အတည်းအား ငြိမ်းချမ်းစွာ ဖြေရှင်းနိုင်မည့် နည်းလမ်းများကို တရုတ်သမ္မတရှီကျင့်ဖျင်နှင့် ဆွေးနွေးရန် ပေကျင်းသို့ သွားရောက်မည်ဖြစ်ကြောင်း ပြောကြားလိုက်ပါသည်။
ပေကျင်းခရီးစဉ်နောက်ပိုင်းတွင် ဘရာဇီးခေါင်းဆောင်သည် ပြင်သစ် အာဏာပိုင်များနှင့်လည်း တွေ့ဆုံဆွေးနွေးရန် စီစဉ်ထားပါသည်။
အိန္ဒိယနှင့် ပါကစ္စတန်တို့သည် အပြည့်အဝ စစ်ရပ်စဲရန် သဘောတူညီမှု ရရှိသွားပြီဖြစ်ကြောင်း အမေရိကန်သမ္မတ ဒေါ်နယ်ထရမ့် က မေလ ၁၀ ရက်တွင် ကြေညာလိုက်ပါသည်။
ပါကစ္စတန်ဒုဝန်ကြီးချုပ်နှင့် နိုင်ငံခြားရေးဝန်ကြီး အစ်ရှာ့ဒါးက အိန္ဒိယနှင့် စစ်ရပ်စဲရေးသဘောတူညီမှု ရရှိကြောင်း အတည်ပြု ပြောကြားလိုက်ပါသည်။