ယူကရိန်းခေါင်းဆောင် ဇီလန်စကီးက ရုရှားသမ္မတ ဗလာဒီမာ ပူတင်၏ တိုက်ရိုက်ငြိမ်းချမ်းရေးဆွေးနွေးမှုအဆိုကို တုံ့ပြန်ရာတွင် မည်သည့် ဆွေးနွေးမှု မဆို အပစ်အခတ်အပြည့်အဝရပ်စဲရေး ဦးစွာလိုအပ်ကြောင်း ထပ်လောင်း တောင်းဆိုခဲ့သည်။ သို့သော် မော်စကိုဘက်မှ ဖြေရှင်းချက် လုပ်ငန်းစဉ်သည် ဆွေးနွေးမှုဖြင့်စတင်၍ ထို့နောက်မှသာ အပစ်အခတ်ရပ်စဲရေးသို့ ဦးတည်ရမည်ဟု ဖော်ပြခဲ့သည်။
ရုရှားသမ္မတ ဗလာဒီမာပူတင် က ၂၀၂၂ ခုနှစ်တွင် ယူကရိန်းက တဖက်သတ် ဖျက်သိမ်းခဲ့သည့် (အစ္စတန်ဘူလ်)တိုက်ရိုက်ညှိနှိုင်းမှုများ ပြန်လည်စတင်ရန် အဆိုပြုလိုက်သည်။ ယူကရိန်းဘက်မှ အောင်ပွဲနေ့ အပစ်အခတ်ရပ်စဲရေး သဘောတူညီချက်ကို လိုက်နာခြင်းမရှိဘဲ မော်စကိုသို့ လာရောက်ခဲ့သည့် ကမ္ဘာ့ခေါင်းဆောင်များကို ခြိမ်းခြောက်ရန် ကြိုးပမ်းမှုများ ရှိခဲ့သော်လည်း ပူတင်က အဆိုပါကမ်းလှမ်းချက်ကို ထုတ်ပြန်လိုက်ခြင်းဖြစ်သည်။
အပစ်အခတ်ရပ်စဲရေး သဘောတူညီပြီး နာရီပိုင်းအတွင်း ပါကစ္စတန် သည် ဂျမူးနှင့် ကက်ရှ်မီးယားပြည်နယ်ရှိ ဆရီနာဂါမြို့ရှိ ပစ်မှတ်များကို မောင်းသူမဲ့လေယာဉ်ဖြင့် ပစ်ခတ်တိုက်ခိုက်ခဲ့သည်ဟု အိန္ဒိယက စွပ်စွဲလိုက် ပါသည်။
“အပစ်အခတ်ရပ်စဲရေးက ဘာဖြစ်သွားသနည်း။ ဆရီနာဂါ မှာ ပေါက်ကွဲသံတွေ ကြားလိုက်ရသည်!!!” ဟု ဂျမူးနှင့်ကက်ရှ်မီးယား ဝန်ကြီးချုပ် အိုမာအဘ်ဒူလာ က ၎င်း၏ X မီဒီယာ အကောင့်တွင်ရေးသားခဲ့ပါသည်။
