ထရမ့်အစိုးရက ဟားဗတ်တက္ကသိုလ်မှ အပြည်ပြည်ဆိုင်ရာ ကျောင်းသားအသစ်များအတွက် ဗီဇာထုတ်ပေးမှုကို ဆိုင်းငံ့ရန် ကြေညာချက်ကို ဗုဒ္ဓဟူးနေ့ (ဇွန် ၄) က လက်မှတ်ရေးထိုးလိုက်ကြောင်း အိမ်ဖြူတော်က ကြေညာခဲ့သည်။ အဆိုပါဆုံးဖြတ်ချက်သည် အဆင့်အတန်းမြင့် တက္ကသိုလ် ဖြစ်သည့် ဟားဗတ်တက္ကသိုလ်သို့ နိုင်ငံခြားသားများ ဝင်ရောက်ခြင်းကို တားဆီးရန် အစိုးရ၏ ကြိုးပမ်းမှုများကို ပိုမိုထိရောက်စွာ မြှင့်တင်လိုက်ခြင်း ဖြစ်သည်။

အမေရိကန်သမ္မတ ဒေါ်နယ်ထရမ့်က ရုရှားနိုင်ငံအတွင်းရှိ လေတပ်စခန်းများကို ယူကရိန်းဘက်မှ ဒရုန်းတိုက်ခိုက်မှုများနှင့်ပတ်သက်၍ ဗလာဒီမာ ပူတင်နှင့် ဗုဒ္ဓဟူးနေ့ (ဇွန် ၄) က ဖုန်းစကားပြောဆိုခဲ့ကြောင်း ပြောကြား ခဲ့သည်။

US သံရုံးက Kyiv ရှိ အမေရိကန်နိုင်ငံသားများကို လေကြောင်းတိုက်ခိုက်မှုအတွက် သတိပေးချက်မြည်သံများကို သတိထားပြီး သင့်လျော်သည့် ခိုလှုံရာနေရာများတွင် ခိုလှုံရန် အကြံပြုထားပါသည်။ “ကြီးမားသည့် လေကြောင်းတိုက်ခိုက်မှုများ ဆက်လက်ဖြစ်ပွားနိုင်ခြေရှိနေသည်” ဟု ဗုဒ္ဓဟူးနေ့ (ဇွန် ၄) က ထုတ်ပြန်သည့် လုံခြုံရေး သတိချက်ပေးချက်၌ ဖော်ပြထားပါသည်။

ယူကရိန်းခေါင်းဆောင် ဗလာဒီမာ ဇီလန်စကီးက ရုရှား၏ နောက်ဆုံး ငြိမ်းချမ်းရေးအဆိုပြုချက်ကို လက်သင့်မခံနိုင်သော “ရာဇသံ” အဖြစ် ပယ်ချလိုက်ပြီး စဉ်းစားရန် ငြင်းဆန်လိုက်ပါသည်။