ညအိပ်ပျော်ရန် အခက်အခဲရှိသူများ၌ နာတာရှည်ရောင်ရမ်းမှုပြဿနာရှိနေပါက စိတ်ကျဝေဒနာ ခံစားရနိုင်ခြေ မြင့်တက်နိုင်

saceditor

News Image

  • ညအိပ်ပျော်ရန် အခက်အခဲရှိသူများ၌ နာတာရှည်ရောင်ရမ်းမှုပြဿနာရှိနေပါက စိတ်ကျဝေဒနာ ခံစားရနိုင်ခြေ မြင့်တက်နိုင်

နယူးယောက်   ဇူလိုင် ၂၀

ညပိုင်းအိပ်ပျော်ရန် အခက်အခဲရှိသူများအနေဖြင့် နာတာရှည် ရောင်ရမ်းမှုပြဿနာရှိနေပါက စိတ်ကျဝေဒနာခံစားရနိုင်ခြေ ပုံမှန်ထက် မြင့်မားနေတတ်ကြောင်း ဇူလိုင် ၁၉ ရက် သတင်းများတွင် ဖော်ပြထားသည်။

ညပိုင်းအိပ်ပျော်ရန် အခက်အခဲရှိသူ သက်ကြီးပိုင်းများအနေဖြင့် ရောင်ရမ်းမှုပြဿနာရှိခဲ့ပါက စိတ်ကျရောဂါခံစားရနိုင်ခြေ ပုံမှန်ထက် သုံးဆမြင့်တက်လာနိုင်ကြောင်း ကယ်လီဖိုးနီးယား တက္ကသိုလ်(လော့စ်အိန်ဂျလိစ်)မှ အမေရိကန်သုတေသနပညာရှင်များက ပြောကြားသည်။

အမေရိကန် သုတေသနပညာရှင်များသည် ညဘက်အိပ်မပျော်နိုင်မှုပြဿနာရှိသူ ၅၃ ဦးပါဝင်သည့် အသက် ၆ဝ အထက် လူပေါင်း ၁၆၀ ကို လက်တွေ့စမ်းသပ်မှုများ ပြုလုပ်ခဲ့သည်။

လက်တွေ့စမ်းသပ်မှုတွင် ပါဝင်သော လူနာများကို ရေတို ကိုယ်တွင်းရောင်ရမ်းမှုဖြစ်စေတတ်သော Endoxin ခေါ် ဆေးဝါးတစ်မျိုး တိုက်ကျွေး၍ စောင့်ကြည့်ခဲ့သည်။

စမ်းသပ်မှုမှ ပေါ်ထွက်လာသည့် ရလဒ်များအရ ညပိုင်းအိပ်မရမှုပြဿနာရှိနေသူများ၌ ကိုယ်တွင်းရောင်ရမ်းမှုပြဿနာရှိခဲ့ပါက စိတ်ကျရောဂါဖြစ်နိုင်ခြေ ပုံမှန်ထက် သုံးဆမြင့်တက်လာသည်ကို တွေ့ရကြောင်း သုတေသနပညာရှင်များက ပြောကြားသည်။

ရတနာပုံသတင်းစာ

Photo: Technology Networks

MM-News-Category
လူမှုရေးကဏ္ဍသတင်း
လူမှုရေး-ကျန်းမာရေး

ဆက်စပ်သတင်းများ

တိုက်ဖွိုက်ရောဂါ ဗက်တီးရီးယားများက ပဋိဇီဝဆေးဒဏ်ခံနိုင်သော မျိုးဗီဇပြောင်းလဲလာ
တိုက်ဖွိုက်ရောဂါ ဗက်တီးရီးယားများက ပဋိဇီဝဆေးဒဏ်ခံနိုင်သော မျိုးဗီဇပြောင်းလဲလာ
နယူးယောက် ဇူလိုင် ၂၀အူရောင်ငန်းဖျားရောဂါ(တိုက်ဖွိုက်)ဖြစ်ပွားစေသည့် Salmonella Enterica Serovar Typhi (S. Typhi) ခေါ် ဗက်တီးရီးယားများက အသုံးများသည့် ပဋိဇီဝဆေးဒဏ်ခံနိုင်ရည်ရှိသော ဗက်တီးရီးယားအဖြစ် ပြောင်းလဲလာကြောင်း သုတေသနပညာရှင်များ၏ အဆိုကို ကိုးကား၍ ဇူလိုင်၁၉ ရက်တွင်ဖော်ပြထားသည်။အမေရိကန်နိုင်ငံ စတန်းဖို့ဒ် တက္ကသိုလ်မှ သုတေသနပညာရှင်များသည် ဘင်္ဂလားဒေ့ရှ်၊ အိန္ဒိယ၊ နီပေါနှင့် ပါကစ္စတန်နိုင်ငံတို့မှ တိုက်ဖွိုက်လူနာများထံမှရယူထားသည့် S.Typhi ဗက်တီးရီးယား နမူနာ ၇၆၀ဝ ကျော်၏ မျိုးဗီဇများ ကို လေ့လာခဲ့ကြသည်။လေ့လာချက်မှပေါ်ထွက်လာသည့်ရလဒ်များအရ S.Typhi ဗက်တီးရီးယားများမှာ ပဋိဇီဝဆေးဒဏ်ခံနိုင်ရည်ရှိလာသော ဗက်တီးရီးယားများအဖြစ် မျိုးဗီဇပြောင်းလာသည် ကိုတွေ့ရကြောင်း သုတေသနပညာရှင်များကပြောကြားခဲ့သည်။ ထို့ပြင် S.Typhi ဗက်တီးရီးယား၏ ခေတ်သစ်ပဋိဇီဝဆေးများ လိုက်မမီနိုင်လောက်အောင် မြန်ဆန်နေကြောင်း သိပ္ပံပညာရှင်များက သတိပေးထားသည်။တိုက်ဖွိုက်ရောဂါကို တစ်ကမ္ဘာလုံး အတိုင်းအတာအရ လူပေါင်း ၁၁ သန်းထိ နှစ်စဉ်ခံစားနေရပြီး သေဆုံးမှုနှုန်းမှာလည်း နှစ်စဉ် ၁၀၀၀၀၀ ခန့်ထိရှိသည်။ သို့ရာတွင် S.Typhi ဗက်တီးရီးယားများ မျိုးဗီဇပြောင်းလဲလာမှုကြောင့် တိုက်ဖွိုက်ရောဂါကို ကုသရာတွင်အသုံးပြုနေသည့် ပဋိဇီဝဆေးများ ထိရောက်မှုမှာ ကျဆင်းသွားနိုင်ကြောင်း သုတေသနပညာရှင်များက ပြောကြားခဲ့ကြောင်း သိရသည်။ရတနာပုံသတင်းစာ
Mon, 21-Jul-2025
ညအိပ်ပျော်ရန် အခက်အခဲရှိသူများ၌ နာတာရှည်ရောင်ရမ်းမှုပြဿနာရှိနေပါက စိတ်ကျဝေဒနာ ခံစားရနိုင်ခြေ မြင့်တက်နိုင်
ညအိပ်ပျော်ရန် အခက်အခဲရှိသူများ၌ နာတာရှည်ရောင်ရမ်းမှုပြဿနာရှိနေပါက စိတ်ကျဝေဒနာ ခံစားရနိုင်ခြေ မြင့်တက်နိုင်
နယူးယောက်   ဇူလိုင် ၂၀ညပိုင်းအိပ်ပျော်ရန် အခက်အခဲရှိသူများအနေဖြင့် နာတာရှည် ရောင်ရမ်းမှုပြဿနာရှိနေပါက စိတ်ကျဝေဒနာခံစားရနိုင်ခြေ ပုံမှန်ထက် မြင့်မားနေတတ်ကြောင်း ဇူလိုင် ၁၉ ရက် သတင်းများတွင် ဖော်ပြထားသည်။ညပိုင်းအိပ်ပျော်ရန် အခက်အခဲရှိသူ သက်ကြီးပိုင်းများအနေဖြင့် ရောင်ရမ်းမှုပြဿနာရှိခဲ့ပါက စိတ်ကျရောဂါခံစားရနိုင်ခြေ ပုံမှန်ထက် သုံးဆမြင့်တက်လာနိုင်ကြောင်း ကယ်လီဖိုးနီးယား တက္ကသိုလ်(လော့စ်အိန်ဂျလိစ်)မှ အမေရိကန်သုတေသနပညာရှင်များက ပြောကြားသည်။အမေရိကန် သုတေသနပညာရှင်များသည် ညဘက်အိပ်မပျော်နိုင်မှုပြဿနာရှိသူ ၅၃ ဦးပါဝင်သည့် အသက် ၆ဝ အထက် လူပေါင်း ၁၆၀ ကို လက်တွေ့စမ်းသပ်မှုများ ပြုလုပ်ခဲ့သည်။လက်တွေ့စမ်းသပ်မှုတွင် ပါဝင်သော လူနာများကို ရေတို ကိုယ်တွင်းရောင်ရမ်းမှုဖြစ်စေတတ်သော Endoxin ခေါ် ဆေးဝါးတစ်မျိုး တိုက်ကျွေး၍ စောင့်ကြည့်ခဲ့သည်။စမ်းသပ်မှုမှ ပေါ်ထွက်လာသည့် ရလဒ်များအရ ညပိုင်းအိပ်မရမှုပြဿနာရှိနေသူများ၌ ကိုယ်တွင်းရောင်ရမ်းမှုပြဿနာရှိခဲ့ပါက စိတ်ကျရောဂါဖြစ်နိုင်ခြေ ပုံမှန်ထက် သုံးဆမြင့်တက်လာသည်ကို တွေ့ရကြောင်း သုတေသနပညာရှင်များက ပြောကြားသည်။ရတနာပုံသတင်းစာPhoto: Technology Networks
Mon, 21-Jul-2025
GLP-1 group drug users may be at increased risk of GEAD
GLP-1 အုပ်စုဝင်ဆေး သုံးစွဲသူများ၌ GEAD ရောဂါဖြစ်နိုင်ခြေ မြင့်မားလာနိုင်
အော့တဝါ ဇူလိုင် ၁၇ Ozempic ကဲ့သို့ GLP-1 အုပ်စုဝင်ဆေးများကို သုံးစွဲသူများ၌ အစာပြွန်လမ်းကြောင်း အက်စစ် မြန်ဆန်လာမှုပြဿနာနှင့် ရင်ဆိုင်ရနိုင်ခြေ မြင့်မားနေနိုင်ကြောင်း ဇူလိုင် ၁၆ ရက် သတင်းများအရ သိရသည်။အထူးသဖြင့် GLP- 1 ဆေးများ သုံးစွဲနေသူများမှာ ပုံစံ-၂ ဆီးချို ရောဂါလူနာများဖြစ်ကြပါက အစာပြွန်လမ်းကြောင်းတစ်လျှောက် အက်စစ်မြန်ဆန်မှုရောဂါ (GERD) ဖြစ်နိုင်ခြေ ပို၍မြင့်မားနေနိုင်ကြောင်း သိရသည်။ကနေဒါ သုတေသနပညာရှင်များသည် GLP -1ဆေးများသုံးစွဲနေသည့် ပုံစံ-၁ ဆီးချိုလူနာ ၂၄၇၀၀ နှင့် SGLT-1 အုပ်စုဝင်ဆေးများသုံးစွဲနေရသည့် ပုံစံ-၂ ဆီးချိုလူနာ ၈၉၀၀၀ ကျော်တို့ကို နှိုင်းယှဥ် လေ့လာခဲ့ကြသည်။လေ့လာချက်မှပေါ်ထွက်လာသည့် ရလဒ်များအရ GLP-1 သုံးစွဲသူလူနာများသည် SGLT -1 ဆေးသုံးစွဲသူ လူနာများထက် GERD ရောဂါဖြစ်နိုင်ခြေ ပို၍မြင့် မားနေတတ်ကြောင်း သိရသည်။မိမိတို့၏ လေ့လာတွေ့ရှိချက် အရ GLP- 1 ဆေးများသုံးစွဲနေသည့် ပုံစံ-၂ ဆီးချိုလူနာများ၌ GERD ရောဂါပေါ်လာနိုင်ခြေ ပုံမှန်ထက်၂၇ ရာခိုင်နှုန်း ပိုမြင့်မားနေတတ်သည်ကို တွေ့ရကြောင်း သုတေသန ပညာရှင်များက ပြောကြားသည်။Ref: Russia TodayTrs: KKOYDNB NewspaperPhoto -MDPI
Fri, 18-Jul-2025
ကာကွယ်ဆေးများတွင်ပါဝင်သော အလူမီနီယံနှင့် ရေရှည်ကျန်းမာရေး ပြဿနာများကြား ဆက်စပ်မှုမရှိ
ကာကွယ်ဆေးများတွင်ပါဝင်သော အလူမီနီယံနှင့် ရေရှည်ကျန်းမာရေး ပြဿနာများကြား ဆက်စပ်မှုမရှိ
ကိုပင်ဟေဂင်   ဇူလိုင် ၁၇ကလေးဘဝ ကာကွယ်ဆေးများတွင် ပါဝင်သည့် အလူမီနီယံ သတ္တုဓာတ်နှင့် ရေရှည်ကျန်းမာရေးပြဿနာများကြားဆက်စပ်မှုမရှိကြောင်း သုတေသနပညာရှင်များ၏ အဆိုကိုကိုးကား၍ ဇူလိုင် ၁၆ ရက် သတင်းများတွင် ရေးသားတင်ပြထားသည်။ပိုမိုအားကောင်းသော ခုခံအားစနစ်တုံ့ပြန်မှုကို တည်ဆောက်ရာတွင် လူ့ကိုယ်ခန္ဓာကို ကူညီနိုင်ရေးအတွက် ကလေးများအတွက် ထုတ်လုပ်သည့် ရောဂါကာကွယ်ဆေးများ၌ အလူမီနီယံသတ္တုဓာတ်ကို ထည့်သွင်းလေ့ရှိသည်။သို့ရာတွင် ၎င်းကာကွယ်ဆေးများ၌ ပါဝင်သည့် အလူမီနီယံသတ္တုဓာတ်များသည် အော်တစ်ဇင်ရောဂါ၊ ပန်းနာရင်ကျပ်ရောဂါနှင့် ခုခံအားစနစ် ဖောက်ပြန်မှုရောဂါများကဲ့သို့ ရေရှည်ကျန်းမာရေးပြဿနာများနှင့် ဆက်စပ်နေနိုင်သည်ဟူသော အယူအဆများလည်း ပေါ်ထွက်လာခဲ့သည်။သို့ရာတွင် ဒိန်းမတ်သုတေသနပညာရှင်များ၏ လေ့လာတွေ့ရှိချက်အရ ကလေးဘဝထိုးနှံရသည့် ကာကွယ်ဆေးများတွင် ပါဝင်သည့် အလူမီနီယံ သတ္တုဓာတ်သည် အထက်ပါ ရေရှည်ကျန်းမာရေးပြဿနာများနှင့် ဆက်စပ်မှုမရှိကြောင်း သိရသည်။ဒိန်းမတ် သုတေသနပညာရှင်များသည် ၁၉၉၇ ခုနှစ်နှင့် ၂၀၁၈ ခုနှစ်ကြား မွေးဖွားခဲ့သော ကလေး ၁ ဒသမ ၂ သန်းကျော်တို့၏ အချက်အလက်များကို လေ့လာပြီးနောက် ၎င်းတို့၏ တွေ့ရှိချက်ကို တင်ပြခဲ့ကြခြင်းဖြစ်သည်။ရတနာပုံသတင်းစာ
Fri, 18-Jul-2025
Thai King’s Cup ၂၀၂၅ ပိုက်ကျော်ခြင်းပြိုင်ပွဲတွင် ဝင်ရောက်ယှဉ်ပြိုင်မည့် ကစားသမားများစာရင်း ထုတ်ပြန်
Thai King’s Cup ၂၀၂၅ ပိုက်ကျော်ခြင်းပြိုင်ပွဲတွင် ဝင်ရောက်ယှဉ်ပြိုင်မည့် ကစားသမားများစာရင်း ထုတ်ပြန်
ထိုင်းနိုင်ငံတွင် ကျင်းပပြုလုပ်မည့် (၃၈) ကြိမ်မြောက် Thai King’s Cup ၂၀၂၅ ပိုက်ကျော်ခြင်းပြိုင်ပွဲ၌ ဝင်ရောက်ယှဉ်ပြိုင်မည့် မြန်မာ့လက်ရွေးစင် ပိုက်ကျော်ခြင်းကစားသမား (၂၅)ဦး၏ စာရင်းကို ဇူလိုင် (၁၇)ရက်တွင် မြန်မာနိုင်ငံ ပိုက်ကျော်ခြင်းအဖွဲ့က အသိပေးထုတ်ပြန်ထားသည်။ပြိုင်ပွဲကို ဇူလိုင်လ (၂၂)ရက်မှ (၂၇) ရက်အထိ ကျင်းပသွားမည်ဖြစ်ပြီး အဆိုပါ ပြိုင်ပွဲ၌ လက်ရွေးစင်အမျိုးသားပိုက်ကျော်ခြင်း ကစားသမား (၁၂) ဦး၊ အမျိုးသမီး ကစားသမား (၁၃)ဦးကို ရွေးချယ်ထားကြောင်း သိရသည်။ပြိုင်ပွဲဝင် မြန်မာ့လက်ရွေးစင် အားကစားသမားများအတွက် စုစုပေါင်း ကျပ်(၇,၃၇၃,၀၀၀)တန်ဖိုးရှိ အားကစားဝတ်စုံများကို Glory Sport အားကစားဝတ်စုံ လုပ်ငန်းက Main Sponsor အဖြစ် ပံ့ပိုးကူညီပေးထားကြောင်းလည်း သိရသည်။မြန်မာ့လက်ရွေးစင် ပိုက်ကျော်ခြင်းအဖွဲ့သည် ပြီးခဲ့သည့် ဇွန်လ(၁)ရက်မှ (၄)ရက်အထိ ကျင်းပခဲ့သည့် China – A sean Cup 2025 ပြိုင်ပွဲ၌ ရွှေတံဆိပ်(၂)ခု ကြေးတံဆိပ် (၂) ခုတို့ကို ဆွတ်ခူးပေးထားခဲ့သေးသည်။Popular Myanmar
Fri, 18-Jul-2025
ဘရာဇီးလ်နိုင်ငံက မြန်မာနိုင်ငံသို့ လှူဒါန်းသည့် ဘီစီဂျီကာကွယ်ဆေး ငါးသိန်း Doses ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိ
ဘရာဇီးလ်နိုင်ငံက မြန်မာနိုင်ငံသို့ လှူဒါန်းသည့် ဘီစီဂျီကာကွယ်ဆေး ငါးသိန်း Doses ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိ
ရန်ကုန် ဇူလိုင် ၁၇ဘရာဇီးလ်နိုင်ငံ ဘရာဇီးလ်နိုင်ငံတကာပူးပေါင်းဆောင်ရွက်ရေးအေဂျင်စီ (Brazilian Cooperation Agency-ABC)မှ မြန်မာနိုင်ငံသို့ လူသားချင်းစာနာထောက်ထားမှုဆိုင်ရာ ပံ့ပိုးမှုတစ်ရပ်အနေဖြင့် ကျန်းမာရေးဝန်ကြီးဌာန ပြည်သူ့ကျန်းမာရေးဦးစီးဌာန၏ ကာကွယ်ဆေးထိုးနှံခြင်းလုပ်ငန်းများတွင် အသုံးပြုရန်အတွက် လှူဒါန်းသည့် အမေရိကန်ဒေါ်လာ ကိုးသောင်းခန့်တန်ဖိုးရှိ ဘီစီဂျီကာကွယ်ဆေး ငါးသိန်း Doses သည် ယမန်နေ့ညနေပိုင်းက MAI လေကြောင်းလိုင်းဖြင့် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိခဲ့သည်။အဆိုပါ ဘီစီဂျီကာကွယ်ဆေး (BCG vaccine) အားမွေးကင်းစ ကလေးငယ်များ မွေးဖွားပြီးသည်မှ ၂၄ နာရီအတွင်း ထိုးနှံပေးရန်လိုအပ်ပြီး မွေးဖွားပြီး ၂၄ နာရီအတွင်းမထိုးနှံနိုင်ပါက အသက်နှစ်လမတိုင်မီတွင်လည်းကောင်း၊ အသက်နှစ်လအရွယ်တွင် အခြားကာကွယ်ဆေးများနှင့် ပူးတွဲ၍လည်းကောင်းထိုးနှံခြင်းအားဖြင့် မြန်မာနိုင်ငံ၏ ပြင်းထန်တီဘီရောဂါကာကွယ်ရေးလုပ်ငန်းများ အောင်မြင်စွာဆောင်ရွက်ရန်အတွက် အထောက်အကူဖြစ်စေကြောင်း သိရသည်။MOI
Fri, 18-Jul-2025
© Copyright 2024 SAC All Rights Reserved.